news

కేంద్రం చేస్తున్న వివక్షను దాటుకుని, నెమ్మదిగా ఎదుగుతుంది ఆంధ్రప్రదేశ్. ఉన్న వనరులతో, చంద్రబాబు నాయకత్వంలో ముందడుగు వేస్తుంది. ఇందులో ముఖ్యంగా ఆక్వా రంగంలో, ఆంధ్రప్రదేశ్ దేశంలోనే నెంబర్ వన్ గా ఉంది. అయితే, ఇప్పుడు బీజేపీ కన్ను ఈ రంగం పై పడింది. మనలను ఇబ్బంది పెట్టటానికి, మన నుంచి ఉత్పత్తి అయ్యే చేపలను నిషేదిస్తూ కొన్ని బీజేపీ పాలిత రాష్ట్రాలు నిర్ణయం తీసుకున్నాయి. రాష్ట్రంలో పండే చేపల్లో ఫార్మాలిన్ ఉంటుంది అనే సాకు చూపించి, బిజెపి పాలిత రాష్ట్రాలు మన రాష్ట్రం నుండి కొనుగోళ్ళు ఆపేశాయి. దీంతో ఇది ఒక పెద్దగా అధికారులు భావిస్తున్నారు. మన ఆదాయం పై దెబ్బ పడుతుందని, మిగతా రాష్ట్రాలు కూడా ఈ ప్రచారం నిజమే అనుకునే ప్రమాదం ఉందని, అధికారులు అంటున్నారు.

ఈ పరిణామాల పై ముఖ్యమంత్రి చంద్రబాబు వెంటనే స్పందించారు. ఈశాన్య రాష్ట్రాల అయిన, అసోం, నాగాలాండ్‌, మేఘాలయ ముఖ్యమంత్రులకు ఏపీ సీఎం చంద్రబాబు లేఖ రాశారు. చేపల నిల్వ కోసం ఫార్మాలిన్ కెమికల్ కలుపుతున్నారంటూ కావాలనే దుష్ప్రచారం చేస్తున్నారని తెలిపారు. ఏపీలో చేపల నాణ్యతను పరిశీలించి ఫిష్‌ క్వాలిటీ టెస్ట్‌ సర్టిఫికెట్‌ ఇస్తామన్నారు. అసోంలో ఏపీ నుంచి వచ్చిన చేపలను అధికారుల సమక్షంలో పరీక్షించగా కేన్సర్ కారకమైన ఫార్మాలిన్ లేదని తేలిందని లేఖలో చంద్రబాబు పేర్కొన్నారు. మీరు తీసుకున్న నిర్ణయం ఒకసారి పునఃసమీక్షించుకోవాలని ఆ రాష్ట్ర ముఖ్యమంత్రులను కోరారు.

బిజెపి పాలిత రాష్ట్రాలకు తప్ప ఈ ఫార్మాలిన్ మరే రాష్ట్రానికి కనపడలేదు. బీహార్, వెస్ట్ బెంగాల్ లాంటి రాష్ట్రాలు ఎప్పటిలాగే కొనుగోలు చేస్తున్నాయి. అంతే కాదు మన రాష్ట్రం నుండి ఎగుమతి అవుతున్న సౌత్ ఆసియన్ కంట్రీస్, కొత్తగా కొంటున్న కొరియా , యూరోపియన్ కంట్రీస్, జపాన్.... వీటిలో ఏ దేశానికి కూడా ఈ ఫార్మాలిన్ కనపడలేదు. కేవలం బిజెపి పాలిత రాష్ట్రాలకే కనపడింది. ఇది కేవలం చంద్రబాబు మీద కోపంతో, తమ పార్టీని ఎదిరించాడని , అందుకే ఆంద్రప్రదేశ్ ని ఆర్ధికంగా దెబ్బతీయాలని చూస్తున్న కమలనాధుల నాటకం, రాజకీయ విభేదాలున్నా, సైద్దాంతిక వైరుధ్యాలున్నా ఎప్పుడు , ఏ పార్టీ ఇలా ప్రవర్తించింది లేదు. ఇంత దారుణంగా, బహిరంగంగా, నిర్లజ్జగా అధికార దుర్వినియోగం చేస్తున్న పార్టీ బిజెపినే. ముఖ్యమంత్రి వివరణతో అయినా, వారు నిర్ణయం మార్చుకుంటారేమో చూస్తున్నాం.

ఎమ్మెల్యేలు బొల్లినేని రామారావు, పెందుర్తి వెంకటేశ్‌పై ఏపీ ముఖ్యమంత్రి చంద్రబాబు ఆగ్రహం వ్యక్తంచేశారు. తిరుపతి విమానాశ్రయంలో అధికారుల పట్ల దురుసుగా రామారావు వ్యవహరించగా.. తన నియోజకవర్గంలో ఎమ్మెల్యే పెందుర్తి వెంకటేశ్‌ అధికారులకు వ్యతిరేకంగా నిరసన చేపట్టారు. అధికారుల తీరు పట్ల ఎమ్మెల్యేలు ఇష్టానుసారంగా వ్యవహరించడం సరికాదని సీఎం హితవు పలికారు. ఎమ్మెల్యేల చర్యలు పార్టీ ప్రతిష్ఠ పెంచేలా ఉండాలి తప్ప అధికారంలో ఉన్నామని ఇష్టానుసారం వ్యవహరించి పార్టీ ప్రతిష్ఠ దిగజారిస్తే ఉపేక్షించబోనని ముఖ్యమంత్రి హెచ్చరించారు. ఎదుటివారికి గౌరవం ఇస్తేనే తమ గౌరవం పెరుగుతుందని ఆలోచించాలని ఆయన సూచించారు. మరోవైపు, తాను నిన్న చేసిన వ్యాఖ్యలకు గాను ఎమ్మెల్యే బొల్లినేని రామారావు క్షమాపణ చెప్పారు.

రేణిగుంట ఎయిర్ పోర్టులో చిత్తూరు జాయింట్ కలెక్టర్ గిరీషా, రేణిగుంట తహసీల్దారు నర్సింహులుపై తీవ్ర ఆగ్రహాన్ని వ్యక్తం చేస్తూ, అనుచిత వ్యాఖ్యలు చేసిన తెలుగుదేశం ఎమ్మెల్యే బొల్లినేని రామారావు ఆపై జరిగిన దానికి చింతిస్తున్నట్టు తెలిపారు. కర్ణాటక ముఖ్యమంత్రి కుమారస్వామి, ఆయన తండ్రి దేవెగౌడ తిరుమల వెంకన్న దర్శనానికి వచ్చిన సందర్భంగా ఈ ఘటన జరిగింది. ఎమ్మెల్యే బొల్లినేని వారికి స్వాగతం చెప్పేందుకు రాగా, కొందరు సెక్యూరిటీ సిబ్బంది అడ్డుకున్నట్టు తెలుస్తోంది.

ప్రొటోకాల్ పాటించడం లేదని ఆరోపించిన ఆయన, తనను పక్కన బెట్టారని మండిపడుతూ, తీవ్ర ఆగ్రహాన్ని వ్యక్తం చేశారు. సర్దిచెప్పేందుకు ప్రయత్నించిన అధికారులపైనా చిందులేశారు. తహసీల్దారుపై తిట్లపురాణానికి దిగిన ఆయన, సీఎం చంద్రబాబుకు చెప్పి, మీ కథ తేలుస్తానని హెచ్చరించారు. జరిగిన ఘటనతో అక్కడున్న వారంతా అవాక్కయ్యారు. బొల్లినేని వైఖరిపై ఆగ్రహాన్ని వ్యక్తం చేసిన రెవెన్యూ ఉద్యోగులు ఆయన క్షమాపణ చెప్పాల్సిందేనని పట్టుబట్టడంతో, బొల్లినేని జరిగిన దానికి చింతిస్తున్నట్టు తెలిపారు. దీంతో వివాదాన్ని ఇంతటితో వదిలేద్దామని తహసీల్దారు నరసింహులు తోటి ఉద్యోగులకు సర్దిచెప్పారు.

రానున్న ఎన్నికల కోసం ఇప్పటి నుంచే అఖిల భారత కాంగ్రెస్‌ వ్యూహాత్మక అడుగులేస్తోంది. మోడి వ్యతిరేక ఓటు చీలిపోకుండా పథకాలు సిద్ధం చేస్తోంది. మోడి ప్రభుత్వ ప తనం, తిరిగి బీజేపీని అధికారానికి దూరంగా ఉంచడమనే రెండు అంశాలే లక్ష్యంగా 2019 సార్వత్రిక ఎన్నికల్ని ఎదుర్కోవాలని ఆ పార్టీ భావి స్తోంది. ఇందు కోసం అవసరమైన త్యాగాలకు కూడా కాంగ్రెస్‌ సిద్దపడింది. ఇటీవల జరిగిన కాంగ్రెస్‌ వర్కింగ్‌ కమిటీ సమావేశంలో ఆ పార్టీ అధ్యక్షుడు రాహుల్‌గాంధీ వచ్చే ఎన్నికల్లో బీజేపీ పతనమే తన లక్ష్యం తప్ప తనకధికారం కాదంటూ తేల్చిచెప్పేశారు. యూపీఏను గద్దెమీద కూర్చోబెట్టడమే తన ముందున్న ఏకైక కర్తవ్యంగా పేర్కొన్నారు. అవసరమైతే తాను ప్రధాని పదవికి దూరంగా ఉంటానని తేల్చి చెప్పేశారు. దేశంలో మరో సమర్ధుడు ముందుకొస్తే ప్రధాని పీఠం ఇచ్చేందుకు తనకెలాంటి అభ్యంతరం లేదని స్పష్టం చేసేశారు.

దీంతో రానున్న ఎన్నికల నాటికి జాతీయ స్థాయిలో మూడో ప్రత్యా మ్నాయం ఏర్పాటయ్యే అవకాశాలు కొరవడ్డాయి. పాలక ఎన్‌డీఏ, ప్రతిపక్ష యూపీఏల మధ్యే మరోసారి ఎన్నికల యుద్ధం జరగనుంది. దేశంలో బీజేపీని వ్యతిరేకిస్తున్న ఎన్‌డీయేతర పక్షాలన్నీ ఇప్పుడు కాంగ్రెస్‌ పిలుపునకు స్పందించాలని భావిస్తున్నాయి. ఆయా రాష్ట్రాల ప్రజలతో పాటు పార్టీ కార్యకర్తల నుంచి కూడా నాయకులపై ఈ మేరకు ఒత్తిళ్ళు మొదలయ్యాయి. రాష్ట్రాల్లో అధికారంపై తమకు మమకారం లేదని కాంగ్రెస్‌ నిరూపించుకుంది. ఇందుకు తాజాగా జరిగిన కర్ణాటక ఉదంతమే ఉదాహరణ. తమకంటే తక్కువ సీట్లున్నా ప్రాంతీయ పార్టీలకు రాష్ట్రాధికారాన్ని అప్పగించి ముఖ్య మంత్రి పీఠంపై కూర్చోబెట్టేందుకు తమకు అభ్యంతరం లేదన్న రాహుల్‌ ఆలోచనలకు కర్ణాటకలో కార్యరూపం లభించింది.

పశ్చిమబెంగాల్‌ ముఖ్యమంత్రి మమతాబెనర్జీ దీర్ఘకాలం కాంగ్రెస్‌ రాజకీయాల్లో ఆరితేరారు. ఆ తర్వాత కేంద్రంలో కూడా మంత్రిగా పని చేశారు. రెండోదఫా ముఖ్యమంత్రిగా ఉన్నారు. ఆమెకు ఆ రాష్ట్రంలో విపరీతమైన అనుచరగణముంది. ఈశాన్య రాష్ట్రంలో కూడా ఆ పార్టీకి బలం పెరిగింది. తమ అధినేతను కేంద్రంలో కీలక పదవిలో చూసుకోవాలన్న తపన ఆ పార్టీ కార్యకర్తల్లో దీర్ఘకాలంగా కనిపిస్తోంది. ఇప్పుడు వారంతా మమతపై ఒత్తిళ్ళు పెంచారు. రాష్ట్ర రాజకీయాల మాట అటుంచి కేంద్ర రాజకీయాల్లోకి ప్రవేశించాల్సిందిగా పట్టుబడుతున్నారు. యూపీఏలో చేరి ప్రధాని అభ్యర్థిత్వానికి ప్రయత్నించాల్సిందిగా విజ్ఞప్తులు చేస్తున్నారు. దీర్ఘకాలం ముఖ్యమంత్రిగా, కేంద్రమంత్రిగా పని చేసిన బీఎస్‌పీ అధినేత్రి మాయావతి కూడా ఇప్పుడు ఈ దిశగా పావులు కదుపుతున్నారు. ఆమెకు కూడా దీర్ఘకాలంగా ప్రధాని పీఠంపై ఆశ ఉంది. ఆ పార్టీకి ఉత్తర్‌ప్రదేశ్‌తో పాటు బీహార్‌, మధ్యప్రదేశ్‌, మహారాష్ట్రల్లోనూ గణనీయ సంఖ్యలోనే బలముంది. దీంతో యూపీఏలో భాగస్వామిగా చేరి జాతీయ ఎన్నికల అనంతరం ప్రధాని పదవికి పోటీ పడాలంటూ ఆమెపై ఒత్తిళ్ళు వస్తున్నాయి.