news

తిరుమల తిరుపతి దేవస్థానంలో కొంత మంది నేర చరిత్ర ఉన్న వాళ్ళను సభ్యులుగా నియమించటం పై, హైకోర్టులో దాఖలు అయిన పిటీషన్ పై ఈ రోజు హైకోర్టులో విచారణ జరిగింది. ఈ సందర్భంగా హైకోర్టు తీవ్ర ఆగ్రహం వ్యక్తం చేసింది. తిరుపతికు చెందిన బీజేపీ నేత భాను ప్రకాష్ రెడ్డి, హైకోర్టులో పిటీషన్ దాఖలు చేసారు. టిటిడి పాలక మండలిలోని 18 మంది సభ్యులలో, అనేక మంది నేర చరిత్ర కలిగిన వారు ఉన్నారని, వీరిని వెంటనే బోర్డు పాలక మండలి నుంచి తొలగించాలని చెప్పి భాను ప్రకాష్ రెడ్డి వేస్తున్న పిటీషన్ ప్రతి సారీ వాయిదా పడుతూ వస్తుంది. ఈ రోజు కూడా అలాగే జరుగుతూ రావటంతో, పిటీషనర్ తారు న్యాయవాది, అశ్వనీ కుమార్ తీవ్ర అభ్యంతరం వ్యక్తం చేసారు. ఈ రోజు కూడా కేసు విచారణకు రావటంతో, వాయిదా వేయటంతో, ఇలా వాయిదా వేయటం కుదరదు అని, ఇది మంచిది కూడా కాదని, ఆయన ధర్మాసనం ముందు అభ్యంతరం వ్యక్తం చేసారు. దీంతో వెంటనే ధర్మాసనం, ఈ కేసు వివరాలు ఏంటి అని చెప్పి ప్రశ్నించింది. దీంతో టిటిడి పాలకమండలిలోని నేర చరిత్ర కలిగిన వారిని నియమించారని, దీన్ని సవాల్ చేస్తూ తాము హైకోర్టులో కేసు వేశామని, గతంలో ప్రత్యేక ఆహ్వానితులను ఇదే కేసులో తొలగించారని కూడా ఆయన కోర్టు దృష్టికి తెచ్చారు.

దీంతో విషయం మొత్తం అర్ధం అవ్వటంతో, ధర్మాసనం ఒక్కసారిగా ప్రభుత్వం పై, టిటిడి న్యాయవాదుల పై తీవ్ర ఆగ్రహం వ్యక్తం చేసింది. ఇటీవిల టిటిడికి సంబంధించిన ఒక బిల్డింగ్ ను, తిరుపతి కలక్టరేట్ కు ఉపయోగించుకుంటాం అంటే, ఇది విధాన పరమైన నిర్ణయం కాబట్టి కోర్టు సమర్ధించింది అని, ప్రభుత్వ విధాన పరమైన నిర్ణయాలు సక్రమంగా ఉంటే, ఎప్పుడూ కూడా హైకోర్టు జోక్యం చేసుకోదని చెప్పింది. కానీ, ఈ రోజు టిటిడి పాలకమండలిలో, దేవుడు దగ్గర, నేర చరిత్ర ఉన్న వారిని ఎలా నియమిస్తారని చెప్పి, హైకోర్టు ధర్మాసనం నిలదీసింది. ఎప్పుడూ కూడా నేర చరిత్ర ఉన్న వారిని సభ్యులుగా ఉన్న వారిని నియమించటం ఏమిటి అని ప్రశ్నించటంతో పాటు, మీరు ఇష్టం వచ్చినట్టు ఇలా చేస్తున్నారని హైకోర్టు వ్యాఖ్యానించింది. ఓపెన్ కోర్టులో ఇలా మాట్లాడాల్సి వస్తుందని కోర్టు పేర్కొంది. మొత్తం సభ్యుల విషయంలో కాకపోయినా, కొంత మంది నేర చరిత్ర ఉన్న వారి విషయంలో, హైకోర్టు సీరియస్ గా ఉందని, వారిని మీరు తొలగించాల్సి ఉంటుందని హైకోర్టు చెప్తూ, ఇక ఈ కేసు పై ఎలాంటి తాత్సారం ఉండదు అని, వచ్చే నెల 19న తుది విచారణ జరిపి, ఆర్డర్స్ కూడా ఇస్తామని, వాదనలకు రెడీ అవ్వాలని హైకోర్టు ఆదేశించింది.

ఆంధ్రప్రదేశ్ లో ఆన్లైన్ టికెట్ల అమ్మకాలకు సంబంధించి, జస్ట్ టికెట్స్ అనే సంస్థతో పాటుగా, దుబాయ్ కి చెందిన మరో సంస్థ, ఈ రెండు సంస్థలు కూడా టెండర్లు వేసాయి. ఈ రెండిట్లో జస్ట్ టికెట్స్ టెండర్ దాదాపుగా ఖరారు అయినట్టు వార్తలు వస్తున్నాయి. టెండర్లు ఖరారు చేసినప్పటికీ ప్రభుత్వం ఈ జస్ట్ టికెట్స్ మధ్య ఒప్పందం ఇంకా కుదరలేదు. త్వరలోనే ఇది జరిగే అవకాసం ఉంది. ఏప్రిల్ ఒకటో తేదీ నుంచి ఆన్లైన్ అంటూ ప్రభుత్వం చెప్తున్నట్టు ఇప్పుడే ఇది జరిగే అవకాశం లేదు. ఎందుకంటే, ఇందులో సాంకేతిక పరమైన ఇబ్బందులు ఎదురు అవుతున్నాయి. ముఖ్యంగా ఎక్కడైతే షో పడలేదో, ఆ పడని షోకి డబ్బులు రిటర్న్ చేయటం దగ్గర ఎలా అనే విషయం పై చర్చలు జరుగుతున్నాయి. అయితే జస్ట్ టికెట్స్, అల్లు కుటుంబానికి సంబంధించింది. అల్లు అరవింద్ కుటుంబంతో పాటు, మరో సంస్థ కూడా ఇందులో భాగస్వాములుగా ఉన్నారు. ఈ రెండు సంస్థలు కూడా కలిపి, ఈ జస్ట్ టికెట్స్ అనే సంస్థను ఏర్పాటు చేసారు. ఇప్పటికే జస్ట్ టికెట్స్ అనే ఆన్లైన్ వెబ్ సైట్, అటు తెలంగాణా, ఇటు ఆంధ్రప్రదేశ్ లో ఫీల్డ్ లో ఉంది. జస్ట్ టికెట్స్ తో పాటుగా, బుక్ మై షో, ఇప్పటికే ఆన్లైన్ లో పలు ధియేటర్లతో ఒప్పందం కుదుర్చుకుని, ఆన్లైన్ టికెట్ల జారీ చేస్తున్నాయి.

అయితే ఏప్రిల్ ఒకటి నుంచి ఏపి ప్రభుత్వమే నేరుగా ఆన్లైన్ లో సినిమా టికెట్లు అమ్ముతుంది అంటూ చెప్పుకొచ్చారు. ఏప్రిల్ ఒకటి నుంచి, మొదలు అయ్యే ఈ ప్రక్రియలో, జస్ట్ టికెట్స్ సంస్థకు ప్రభుత్వానికి మధ్య ఒప్పందం కుదిరిందని, జస్ట్ టికెట్స్ ఆన్లైన్ టికెట్లు జారీ చేస్తుందని చెప్తున్నా కూడా, ఒకటో తేదీ నుంచి సాంకేతిక పరమైన ఇబ్బందులు కారణంగా, ఒకటో తేదీ నుంచి ఇది సాధ్యం కాదని చెప్తున్నారు. మరో ముఖ్యమైన అంశం, అర్ధరాత్రి 12 గంటలు తరువాత, ధియేటర్లకు ఆ రోజు వచ్చిన డబ్బులు ట్రాన్స్ఫర్ చేస్తామని ప్రభుత్వం చెప్తున్న ఈ సందర్భంలో, సెకండ్ షో రద్దు అయితే, ఆ డబ్బులు రిటర్న్ చేయటం, అప్పటి వరకు వచ్చిన మూడు షోల డబ్బులు మాత్రమే ఇవ్వటం, ఇక్కడే సాంకేతిక ఇబ్బందులు వస్తున్నాయి అని అంటున్నారు. అల్లు అరవింద్ కుటుంబం ఈ టెండర్ దాదపుగా దక్కించుకోవటం వెనుక, జగన్ తో సన్నిహితింగా ఉండే చిరంజీవి హస్తం కూడా ఏమైనా ఉందా అనే ప్రచారం జరుగుతున్నా, ఇదంతా టెండర్ల ప్రక్రియ ద్వారానే జరిగిందని ప్రభుత్వం చెప్తుంది.

ఈ రోజు ఆంధ్రప్రదేశ్ హైకోర్టు సంచలనాత్మకమైన తీర్పు ఇచ్చింది. రాష్ట్ర హైకోర్టు ఆదేశాలు ఉల్లంఘించినందుకు, ఎనిమిది మంది ఐఏఎస్‍లకు జైలు శిక్ష విధిస్తూ రాష్ట్ర హైకోర్టు తీర్పు చెప్పింది. ఇందులో ప్రధానంగా, గ్రామ సచివాలయ భవనాలను, ప్రభుత్వ ప్రదేశాల్లో నిర్మించటం పై హైకోర్టు ఆగ్రహం వ్యక్తం చేయటమే కాకుండా, వాటిని వెంటనే తొలగించాలని ఆదేశాలు జారీ చేసింది. ఈ ఆదేశాలు నేపధ్యంలో, ఆదేశాలు పాటించలేదని హైకోర్టు దృష్టికి రావటంతో, హైకోర్టు కోర్టు ధిక్కరణ కేసు నమోదు చేసింది. ఈ కోర్టు ధిక్కరణ కేసు నమోదు చేసిన అనంతరం, వీటిని వెంటనే తొలగించాలని హైకోర్ట్ ఆదేశించింది. అయితే హైకోర్టు ఆదేశించినా కూడా వెంటనే తగిన చర్యలు తీసుకోక పోవటంతో, హైకోర్టు కోర్టు ధిక్కరణ కేసు పై చర్యలు తీసుకోవాలని కోరింది. అయితే ఈ విచారణలో ఇరు పక్షాలు, అంటే అటు పిటీషనర్లు, ఇటు ఐఏఎస్ ల వాదనలు విన్న తరువాత, రాష్ట్ర హైకోర్టు తీర్పు చెప్పింది. ఈ తీర్పులో, సంచలన ఆదేశాలు హైకోర్టు జారీ చేసింది. 8 మంది ఐఏఎస్‍లకు జైలు శిక్ష శిక్ష విధించింది. అయితే ఈ జైలు శిక్ష విధించిన వెంటనే, ఈ అధికారులు అందరూ, రాష్ట్ర హైకోర్టు భేషరతుగా క్షమాపణలు చెప్పారు. తాము పొరపాటు చేసాం అని, భవిష్యత్తులో ఇలాంటి తప్పులు చేయం అని చెప్పారు.

హైకోర్టుని వేడుకోవటంతో, ఆ క్షమాపణలు అంగీకరించిన హైకోర్టు, జైలు శిక్ష కాకుండా, వీరు అందరూ కూడా, 12 నెలల పాటు, ప్రతి నెలలో ఒక రోజు, ఎస్సీ ఎస్టీ బీసీకి చెందిన సంక్షేమ హాస్టల్‍కు వెళ్లి , ఒక రోజు మొత్తం అక్కడ సేవ చేసి, అక్కడ ఉన్న పిల్లలతో గడిపి, ఒక రోజు అక్కడ భోజనం మొత్తం కూడా, వాళ్ళ సొంత ఖర్చులతో భరించేలా చూడాలని, రాష్ట్ర హైకోర్టు ఆదేశించింది. దీంతో హైకోర్టు ఆదేశాలను ఐఏఎస్ లు అంగీకరించారు. దీంతో హైకోర్టు ఆ శిక్షను ఖరారు చేసింది. ఇందులో ప్రధానంగా సీనియర్ ఐఏఏ ఆఫీసర్ లు ఉన్నారు. సీనియర్ ఐఏఎస్ జె.శ్యామలరావు, ప్లానింగ్ సెక్రటరీ విజయ్‍కుమార్‍, గోపాలకృష్ణ ద్వివేది, గిరిజా శంకర్, రాజశేఖర్, చినవీరభద్రుడు, శ్రీలక్ష్మి, ఎంఎం నాయక్‍, వీరి అందరికీ కూడా హైకోర్టు శిక్ష విధించింది. ఎప్పుడైనా సరే హైకోర్టు ఇచ్చిన ఆదేశాలు పాటించి తీరాలని, హైకోర్టు తీర్పుని అధికారులు పట్టించుకోక పోవటం, బాధితులు ఇబ్బందులు పడటంతోనే, ఇలాంటి తీర్పు ఇవ్వాల్సి వచ్చిందని హైకోర్టు పేర్కొంది.