news

నవ్యాంధ్ర ప్రయాణం మొదలు కాక ముందు రాష్ట్రంలోని ఎయిర్ పోర్ట్ ల సంగతి ఎలా ఉండేదో అందరికీ తెలిసిందే. అమరావతి రాజధాని అవ్వటం, పరిపాలన మొదట్లో విజయవాడ నుంచి, తరువాత వెలగపూడి నుంచి మొదలు కావటంతో గన్నవరం ఎయిర్ పోర్ట్ చాలా కీలకంగా మారింది. దీంతో అప్పట్లో కేంద్ర పౌరవిమానయానశాఖ మంత్రిగా ఉన్న మన రాష్ట్ర బిడ్డ అశోక్‌గజపతిరాజు అన్ని విధాలుగా సహకరించారు. విమానాశ్రయంలోని పాత టెర్మినల్‌ భవనాన్ని రూ.2.50 కోట్లు వెచ్చించి రెండు నెలల్లోనే అంతర్జాతీయ ప్రయాణికుల రాకపోకలకు అనువుగా తీర్చిదిద్దారు. కస్టమ్స్‌, ఇమ్మిగ్రేషన్‌ విభాగాల ఏర్పాటుకు అవసరమైన అనుమతులను జారీ చేశారు. గన్నవరం విమానాశ్రయానికి అంతర్జాతీయ హోదా కల్పించారు. మరో పక్క రన్‌వే విస్తరణ పనులు జరుగుతున్నాయి. ఈ నేపధ్యంలో అంతర్జాతీయ హోదా ప్రకటన వెలువడిన మూడు, నాలుగు నెలల్లో అంతర్జాతీయ విమానాలు గన్నవరం నుంచి ప్రారంభం కాబోతున్నాయి అని అందరు అనుకున్నారు.

తరువాత ఎన్డీఏ నుంచి తెలుగుదేశం బయటకు రావటం, కేంద్ర మంత్రి పదవికి అశోక్‌గజపతిరాజు రాజీనామా చెయ్యటంతో, ఇక కష్టాలు మొదలయ్యాయి. మన గోడు వినే వారే లేకుండా పోయారు. అంతర్జాతీయ విమాన సర్వీస్ ల కోసం, కస్టమ్స్‌, ఇమ్మిగ్రేషన్‌ విభాగాలు సిద్ధం చేసారు కడు. టెర్మినల్‌ భవనంలో భద్రతకు అవసరమైన సీసీ కెమెరాలు, ఆర్చ్‌వే మెటల్‌ డిటెక్టర్లు, మూడంచెల భద్రతా వ్యవస్థలను సిద్ధం చేశారు. ఇమ్మిగ్రేషన్‌ సేవలు అందించేందుకు రాష్ట్ర పోలీసు విభాగానికి చెందిన సిబ్బందికి శిక్షణ అందించారు... ఇలా అన్నింటినీ విమానాశ్రయంలో సిద్ధం చేశారు. అయితే, కేంద్రం నుంచి మాత్రం ఎలాంటి సహకారం రావటం లేదు.

గన్నవరం నుంచి విదేశీ విమానాలు నడిపేందుకు కేంద్రం చొరవ తగ్గడంతో ప్రజల విజ్ఞప్తి పై రాష్ట్ర ప్రభుత్వం అనేక ప్రయత్నాలు చేస్తున్నా అవి కేంద్రం పట్టించుకోవటం లేదు. కనీసం సింగపూర్‌, దుబాయ్‌ లాంటి దేశాలకైనా విమాన సర్వీసులను వారానికి ఒకటి రెండు నడపాలంటూ రాష్ట్ర ప్రభుత్వం కేంద్రాన్ని వేడుకుంటున్నా, ఏవేవో నిబంధనలు చెప్తున్నారు. దుబాయ్ కు ఎయిర్ ఇండియా విమానం వస్తుంది అని చెప్పారు, ద్వైపాక్షిక ఒప్పందాలలో నిబంధనలు కుదరటం లేదు అంటూ దాన్ని ఒప్పుకోలేదు. సింగపూర్‌కు చెందిన సిల్క్‌ ఎయిర్‌వేస్‌ మొదట ముందుకొచ్చినా కేంద్ర పౌరవిమానయానశాఖ నిబంధనలు అవరోధమయ్యాయి. దీంతో రాష్ట్ర ప్రభుత్వం, వయబిలిటీ గ్యాప్‌ ఫండ్‌ మేము ఇస్తాం, కనీసం చార్టర్డ్‌ విమానాన్ని, సింగపూర్‌-విజయవాడ మధ్య నడపమంటున్నా, కేంద్రం నిబంధనలు చూపించి, కుదరదు అని చెప్తుంది. ఇలా అశోక్‌గజపతిరాజు రాజీనామా చేసిన దగ్గర నుంచి, అన్నీ ఇబ్బందులే ఎదురవుతున్నాయి.

ఏపి అంటే ఆంధ్రప్రదేశ్ మాత్రమే కాదు, ఏ అంటే అమరావతి, పి అంటే పోలవరం కూడా.. అలాంటి ఈ రెండు ప్రాజెక్ట్ లు పూర్తి చెయ్యటానికి ముఖ్యమంత్రి చంద్రబాబు తీవ్రంగా శ్రమిస్తుంటే, మిగిలిన వారు ఇబ్బంది పెడుతున్నారు..... పోలవరం విషయంలో, కేంద్రం ఇబ్బంది పెట్టిన సంగతి చూశాం... అమరావతి విషయంలో, కొంత మంది అదృశ్య శక్తులు ఆపటానికి చూస్తున్నారు... అమరావతిని అడ్డుకోవటమే ధ్యేయంగా రాష్ట్రంలో ఉన్న కొంత మంది, రాజధాని నిర్మాణం కోసం లోన్ ఇస్తున్న ప్రపంచ బ్యాంకుకి, లోన్ ఇవ్వద్దు అంటూ, లేఖలు రాసిన సంగతి తెలిసిందే. ప్రపంచ బ్యాంకు అధికారులకు, వరుస పెట్టి ఫిర్యాదులు వెళ్తున్నాయి. ఎవరు చెప్తున్నారో, ఏమి చేస్తున్నారో తెలియదు. మొత్తానికి ప్రపంచ బ్యాంకు నిబంధనలు వీరికి ఇలా ఉపయోగపడుతుంటే, రాష్ట్రానికి శాపంగా మారాయి. ఈ ఫిర్యాదుల ఫై, ఆరుసార్లు ప్రపంచ బ్యాంకు బృందానికి చెందిన పదిహేను మంది అధికారులు అమరావతి వచ్చి రిపోర్ట్ రెడీ సెహ్సారు.

రెండు నెలల క్రితం కూడా ఈ ఫిర్యాదుల పై, ప్రపంచ బ్యాంకు బృందం అమరావతి వచ్చింది. ఫిర్యాదు చేసిన వారిని పిలిపించి మాట్లాడి వారికున్న అభ్యంతరాలను రాతపూర్వకంగా సేకరించింది. అయితే ఊరు, పేరు లేనివారు కొంతమంది ఫిర్యాదు చేయడం, మరికొంతమంది తప్పుడు పేర్లతో ఫిర్యాదులు చేయడంతో వారి కోసం ప్రపంచ బ్యాంకు అధికారులు ప్రయత్నించినప్పటికీ అందుబాటులోకి రాలేదు. ఇదే విషయం, మొన్న చంద్రబాబు సింగపూర్ వెళ్లినప్పుడు ప్రపంచబ్యాంక్ ఉపాధ్యక్షుడి, సియంతో చెప్పారు. రుణం మంజూరు సమయంలో ప్రపంచ బ్యాంకుకు కొన్ని నిర్దేశిత ప్రమాణాలు ఉంటాయని, వచ్చిన ప్రతి ఫిర్యాదును పరిశీలిస్తామని చెప్పారు. ఆ విధంగా రాజధాని భూములపై వచ్చిన పిర్యాదులను పరిశీలిస్తే.. అవన్నీ పూర్తిగా అవాస్తవం అని తేలిందని వివరించారు. రుణం మంజూరు సమయంలో ప్రపంచ బ్యాంకు ఇన్స్ ఫెక్షన్ ప్యానల్ ఫిర్యాదులన్నింటినీ కూడా ఇప్పటికే క్లియర్ చేసిందని, అప్రైజల్ రిపోర్టు కూడా సిద్దంగా ఉందని, ఆయన చంద్రబాబుకు వివరించారు.

అప్రైజల్ రిపోర్టును ఒక్కసారి ప్రపంచ బ్యాంకు పరిగణలోకి తీసుకుని సెప్టెంబర్ కల్లా 4వేల 576కోట్లు (715మిలియన్ల యూ.యస్. డాలర్లు) మంజూరు చేస్తామని ఆయన హామీ ఇచ్చారు. ప్రపంచ బ్యాంకు ఉపాధ్యక్షుడు చెప్పిన ఈ విషయాలను చంద్రబాబు ఉన్నతాధికారులకు వివరించడంతో వారంతా ఆశ్చర్యపోయారు. ప్రపంచ బ్యాంకు రుణం మంజూరు చేస్తుందని తెలుసుకున్న కొంతమంది ఈ ఫిర్యాదులను ఉద్దేశపూర్వకంగా ఎక్కువుగా పంపుతున్నారని, గత నెల రోజుల్లోనే ఎక్కువ ఫిర్యాదులు వెళ్లాయని కూడా సీఎం వివరించారు. అయితే ప్రపంచ బ్యాంకు వాస్తవంగా ఉన్న ఫిర్యాదులను మాత్రమే పరిగణలోకి తీసుకుని ఎటువంటి ఆధారాలు, ప్రామాణికత లేకుండా చేస్తున్న ఫిర్యాదులను పక్కన పెట్టేయడం ప్రారంభించిందని, సెప్టెంబర్ నాటికి రుణం మంజూరు అవుతుందని సీఎం ఆశాభావం వ్యక్తం చేశారు.

వైఎస్సార్ కాంగ్రెస్ పార్టీకి కేంద్ర ప్రభుత్వం షాక్ ఇచ్చింది. పార్లమెంట్ సమావేశాల నేపథ్యంలో నిర్వహించిన అఖిలపక్ష సమావేశానికి పార్టీ మారిన ఎంపీ బుట్టా రేణుకను వైఎస్సార్ కాంగ్రెస్ డిప్యూటీ ఫ్లోర్ లీడర్ గా పరిగణిస్తూ కేంద్రం ఆహ్వానించింది. పార్టీ మారిన ముగ్గురు ఎంపీలను కూడా వైకాపా ఎంపీలుగా లోకసభ గుర్తించింది. వైసీపీ తరఫున ఎంపీగా గెలుపొందిన బుట్టా రేణుక ఆ తర్వాత జగన్ టార్చర్ భరించలేక టీడీపీలో చేరారు. కానీ పార్లమెంట్‌ అధికారిక జాబితా ప్రకారం ఇప్పటికీ ఆమె వైసీపీ సభ్యురాలే. ఇదే విషయం మరోసారి రుజువైంది. రేపటి నుంచి పార్లమెంట్‌ వర్షాకాల సమావేశాలు జరగనున్న నేపథ్యంలో ఇవాళ అన్ని పార్టీల ఫ్లోర్‌ లీడర్లతో లోక్‌సభ స్పీకర్‌ సమావేశం ఏర్పాటు చేశారు.

ఈ సమావేశాలకు రావాల్సిందిగా వైసీపీ ఫ్లోర్‌ లీడర్‌ హోదాలో రేణుకకు ఆహ్వానం అందింది. కేంద్ర మంత్రి అనంత కుమార్ నేతృత్వంలో అఖిలపక్ష సమావేశం జరగనుంది. ఈ సమాచారం అందడంతో వైసీపీ ఆగ్రహం వ్యక్తం చేసింది. పార్టీ ఫిరాయించిన ఆమెను అనర్హురాలిగా ప్రకటించాలని రెండేళ్లుగా కోరుతున్నా స్పీకర్‌ స్పందించకపోవడంతోనే ఈ దుస్థితి నెలకొందని పేర్కొంది. తాజా పరిస్థితిని మాజీ ఎంపీలు జగన్ కి వివరించారు. ఈ విషయాన్ని మరోసారి స్పీకర్ ని కలిసి ఫిర్యాదు చెయ్యాలని జగన్ సూచించారు. సాయంత్రం లోపు పార్లమెంట్ సెక్రటరీని కలిసి, ఈ విషయం పై చర్చించనున్నారు వైసిపీ ఎంపీలు.

ఇటీవల వైకాపా ఎంపీలు. వైఎస్ అవినాష్ రెడ్డి, పెద్దిరెడ్డి మిథున్ రెడ్డి, వైవి సుబ్బారెడ్డి, వరప్రసాద్, మేకపాటి రాజమోహన్ రెడ్డి రాజీనామా చేసారు. వారు రాజీనామా చెయ్యటంతో, పార్లమెంట్ వర్గాలు ఇలా చేసారు. ఇప్పుడు బుట్టా రేణుకను వైసీపీ డిప్యూటీ ఫ్లోర్ లీడర్ గా గుర్తింస్తూ ఆహ్వానించడంపై వైపీపీ నేతలు తీవ్ర అభ్యంతరం వ్యక్తం చేశారు. అయితే బుట్టా రేణుక మాత్రం, నేను జగన్ విధానాలు నచ్చక, ఎప్పుడో అతనకి దూరం జరిగాను అని, పార్లమెంట్ వర్గాలు ఇలా ఎందుకు చేసారో తెలియదు అని, నేను ఈ సమావేశానికి వెళ్ళను అని చెప్పినట్టు సమాచారం. బీజేపీ - వైసిపీ కుమ్మక్కు అయ్యాయి అని గత కొన్ని రోజులుగా వార్తలు వస్తున్న నేపధ్యంలో, ఇరు వర్గాలు ఈ మచ్చ తొలగించుకునే ప్రయత్నం చేస్తున్నాయి. అందులో భగంగా, ఇలా చేసి ఉంటారని, తెలుగుదేశం నేతలు అంటున్నారు.