news

ఆంధ్రప్రదేశ్ రాష్ట్రంలో పెగాసిస్ సాఫ్త్వర్ రగడ ఇంకా కొనసాగుతూనే ఉంది. గత పది రోజులుగా తెలుగుదేశం పార్టీ జంగారెడ్డిగూడెం కల్తీ సారా మరణాల పైన చేస్తున్న పోరాటం ప్రజల్లోకి వెళ్ళటంతో, అది డైవెర్ట్ చేయటానికి, ప్రశాంత్ కిషోర్ తో కలిసి, వైసీపీ పెగాసిస్ అంశాన్ని తెర పైకి తెచ్చింది. చంద్రబాబు నాయుడు పెగాసిస్ వాడారు అంటూ, మమతా చెప్పింది అంటూ, కొన్ని పత్రికల్లో వార్తలు వచ్చాయి. అసలు మమతా చెప్పినట్టు ఎక్కడా రికార్డు అయితే లేద కానీ, కొన్ని అనుకూల పత్రికల్లో వార్తలు అయితే వచ్చాయి. దీంతో ఇది పట్టుకుని వైసీపీ రచ్చ రచ్చ చేసి, జంగారెడ్డి గూడెం మరణాలు పక్కదోవ పట్టించాలని ప్లాన్ చేసింది. అయితే అది వర్క్ అవుట్ కాలేదు. ఈ క్రమంలోనే, అప్పటి ఇంటలిజెన్స్ డీజీ ఏబి వెంకటేశ్వర రావు పైన కూడా, వైసీపీ నేతలు ఆరోపణలు చేసారు. దీంతో ఆయన మీడియా సమావేశం పెట్టి, అందరినీ కలిపి వాయించి పడేసి, మొత్తం విషయం పైన క్లారిటీ ఇచ్చారు. అలాగే తన పైన వ్యక్తిగత ఆరోపణలు చేసిన వారి పైన ఫైర్ అయిన ఏబి వెంకటేశ్వర వారు, వారి పైన పరువు నష్టం దావా వేస్తున్నట్టు చెప్పారు. ఇది ఇలా జరుగుతూ ఉండగానే, ఇప్పుడు మళ్ళీ తాజాగా వైసీపీ ఎమ్మెల్యే గుడివాడ అమర్నాథ్ చేసిన వ్యాఖ్యలతో, మళ్ళీ ఏబివీ లైన్ లోకి వచ్చారు.

నిన్న వైసీపీ ఎమ్మెల్యే గుడివాడ అమర్నాథ్ మాట్లాడుతూ, పెగాసిస్ అంశం పైన ఏబి వెంకటేశ్వర రావు మాట్లాడుతున్న మాటలు విచిత్రంగా ఉన్నాయని, ఆయనది ఇండియన్ పోలీస్ సర్వీస్ కాదని, ఇజ్రాయిల్ పెగాసిస్ సర్విస్ అంటూ యద్దావా చేసారు. అంతే కాకుండా తమ ప్రభుత్వం కూడా నిఘా పరికరాలు వాడుతుందని, నిబంధనలకు లోబడి ఇది వాడుతున్నాం అని నోరు జారారు. తరువాత మళ్ళీ వచ్చి, తన మాటలు వక్రీకరించారని చెప్పుకొచ్చారు. అయితే ఎమ్మెల్యే గుడివాడ అమర్నాథ్ చేసిన వ్యాఖ్యల పైన ఏబి వెంకటేశ్వర రావు సీరియస్ గా రియాక్ట్ అయ్యారు. ఎమ్మెల్యే గుడివాడ అమర్నాథ్ కు ఆధారాలు ఉంటే అవన్నీ ప్రభుత్వానికి ఇచ్చి, తన పై విచారణ చేయించుకోవచ్చాని అన్నారు. ఎమ్మెల్యే గుడివాడ అమర్నాథ్ ఆరోపణలకు ఆధారాలు ఏమి లేవని, చిన్న పిల్లలకు కూడా అర్ధం అవుతుందని అనంరు. ఎమ్మెల్యే గుడివాడ అమర్నాథ్ చేసిన వ్యాఖ్యల పై పరువు నష్టం దావా వేస్తున్నానని అన్నారు. ఇప్పటికే సాక్షి, అంబటి, విజయసాయి రెడ్డి పై పరువు నష్టం దావా వేస్తున్నట్టు చెప్పిన సంగతి తెలిసిందే.

ఈ మధ్య కాలంలో జగన్ మోహన్ రెడ్డి ప్రభుత్వం చేస్తున్న, చిత్ర విచిత్ర విన్యాసాలు అందరూ చూస్తున్నారు. ఊరికే డబ్బా కొట్టుకోవటం కోసం, ఇష్టం వచ్చినట్టు పదవులు ఇస్తున్నారు. లేని పదవులు సృష్టించి మరీ ఇస్తున్నారు. పార్టీ వారికి పదవులు ఇచ్చాం అని చెప్పుకోవటానికి తప్ప, ఆ పదవుల్లో ఉన్న వారు చేసేది ఏమి ఉండదు. నిధులు ఉండవు, చివరకు వారు కూర్చోవటానికి ఆఫీస్ కూడా ఉండదు. ఇంత దారుణంగా అక్కడ పరిస్థితి ఉంటుంది. ఇదే క్రమంలో, పదవులు పిచ్చ పట్టుకున్న వైసీపీ ప్రభుత్వం, నిబంధనలు ప్రకారం, అధికారులకు ఇవ్వాల్సిన పదవులని కూడా, సొంత పార్టీ వాళ్లకి ఇచ్చుకుంది. అసలు తమకు రూల్స్ తో పని లేదు, మా ఇష్టం అనే విధంగా వ్యహరించింది వైసీపీ. ఈ క్రమంలోనే, ఈ విషయం తెలుసుకున్న కేంద్రం, అధికారులకు పదవులు ఇవ్వకుండా, సొంత పార్టీ వారికి ఇచ్చుకోవటం పై, షాక్ అయ్యి, రాష్ట్ర ప్రభుత్వాన్ని వాయించి పడేసింది. దీంతో కేంద్రం దెబ్బతో, జగన్ దిగి రావాల్సిన పరిస్థితి ఏర్పడింది. కేంద్రం చీవాట్లతో, వారితో రాజీనామా చేయించారు. ఇక వివరాల్లోకి వెళ్తే, గత ఏడాది అక్టోబర్ నెలలో జగన్ మోహన్ రెడ్డి,కొంత మంది పార్టీ వారికి, స్మార్ట్‌ సిటీ ఛైర్మన్లుగా నియమిస్తూ, ఉత్తర్వులు జారీ చేసి, నానా హంగామా చేసి, మేమే పదవులు ఇస్తున్నాం అని హడావిడి చేసారు.

తీరా చూస్తే, కేవలం అయుదు నెలల్లోనే వారు ఇప్పుడు రాజీనామా చేసి ఇంట్లో కూర్చోవాల్సి వచ్చింది. విశాఖపట్నం, కాకినాడ, తిరుపతి స్మార్ట్ సిటీ చైర్మెన్లుగా, జి.వెంకటేశ్వరరావు, రాజాబాబు, ఎస్‌.పద్మజను అనే వైసీపీ పార్టీ వ్యక్తులను రాష్ట్ర ప్రభుత్వం నియమించింది. అయితే, స్మార్ట్ సిటీ మార్గదర్శకాలకు విరుద్ధంగా, కేంద్ర పట్టణాభివృద్ధి మంత్రిత్వశాఖ జారీ చేసిన నిబంధలనలకు విరుద్ధంగా, చైర్మెన్లను రాష్ట్ర ప్రభుత్వం నియమించింది. నిబంధనలు ప్రకారం, ఛైర్మన్లుగా డివిజనల్‌ కమిషనరు, కలెక్టరు, మునిసిపల్‌ కమిషనరు, పట్టణాభివృద్ధి సంస్థ సీఈవోలలో ఎవరో ఒకరిని మాత్రమే, నియమించాల్సి ఉండగా, జగన్ మోహన్ రెడ్డి మాత్రం పార్టీ వారిని నియమించారు. దీంతో కేంద్రం రంగంలోకి దిగింది. దీన్ని తీవ్రంగా పరిగణించి, కేంద్రం రాష్ట్ర ప్రభుత్వానికి లేఖ రాసి, వాటిని వెంటనే రద్దు చేయాలని వార్నింగ్ ఇచ్చింది. కేంద్రం వార్నింగ్ తో, జగన్ మోహన్ రెడ్డి దిగి వచ్చారు. పార్టీ వ్యక్తులను ఆ పదవుల నుంచి రాజీనామా చేపించారు. కేంద్రం దెబ్బకు దిగి రాక తప్పలేదు.

వైఎస్ఆర్ కాంగ్రెస పార్టీ ఎంపీ రఘురామకృష్ణం రాజు పేరు చెప్తే చాలు, వైసీపీ పార్టీకి హడల్. చంద్రబాబు కంటే ఎక్కువగా, రఘురామరాజు అంటేనే వైసీపీ భయపడుతూ ఉంటుంది. జగన్ మోహన్ రెడ్డి వ్యక్తిగత విషయాలు అనేకం ఆయన చెప్తూ, జగన్ గాలి తీసేస్తూ ఉంటారు. అంతే కాదు, ప్రతి రోజు రాజాధాని రచ్చబండ పేరుతో, ప్రభుత్వం చేస్తున్న దారుణాలు అన్నీ ప్రజలకు వివరిస్తూ ఉంటారు. ఆయన వాగ్ధాటి, చెప్పే విధానం, వెటకారంతో ప్రజలు ఆయన చెప్పే దానికి కనెక్ట్ అవుతూ ఉంటారు. ఎన్ని ఒత్తిడులు తెచ్చినా రఘురామరాజు లొంగక పోవటంతో, చివరకు ఆయన పై రాజద్రోహం కేసు కూడా నమోదు చేసి, దారుణంగా అరెస్ట్ చేపించి, లోపల వేసారు. అంతేన, ఏకంగా సిఐడి ఆఫీస్ లో కొట్టించారు కూడా. ఒక ఎంపీని పోలీసులు కొట్టటం పై, అందరూ షాక్ కు గురయ్యారు. ఇక రఘురామరాజు సైలెంట్ అయిపోతారు అనుకుంటే, ఆయన మరింత వైలేంట్ గా తయారు అయ్యారు. దీంతో వైసీపీ పార్టీకి పిచ్చి పీక్స్ కు వెళ్తూ వచ్చింది. తాజాగా రఘురామకృష్ణం రాజు, మద్యం పైన ఆరోపణలు చేసారు. రాష్ట్రంలో కల్తీ సారా మద్యం, జే-బ్రాండ్స్ పైన అనేక ఆరోపణలు వచ్చాయి. జంగారెడ్డిగూడెంలో ప్రజలు పిట్టల్లా రాలిపోయారు. ఈ నేపధ్యంలోనే రఘురామరాజు కొన్ని ఆరోపణలు చేసారు.

ఏపిలో జే-బ్రాండ్స్ పై, ఆరోపణలు చేస్తూ, అవి తాగితే ప్రజాల ఆరోగ్యం పై తీవ్ర ప్రభావితం చూపుతాయాని చెప్తూ, ఆయన హైదరాబాద్ లోని ఒక ప్రముఖ ల్యాబ్ లో, ఏపి జే-బ్రాండ్స్ ని టెస్టింగ్ చేపించారు. ఆ రిపోర్ట్ లు బయట పెట్టిన రఘురామరాజు, ఇవి తాగితే నెమ్మదిగా ప్రజలు ఎలా చనిపోతారో చెప్పారు. అయితే అప్పట్లోనే రాష్ట్ర ప్రభుత్వం, ఈ అంశం పై రఘురామరాజుకి నోటీసులు జారీ చేసింది. అయితే మళ్ళీ ఇదే అంశం పై, చెన్నై లోని మరో ల్యాబ్ కు కూడా రఘురామరాజు పంపిస్తున్నారని చెప్పటంతో, ఈ సారి రాష్ట్ర ప్రభుత్వం, రఘురామరాజు పై పరువు నష్టం దావా వేస్తామని చెప్పింది. మద్యానికి కూడా పరువు ఏంటో వారికే తెలవాలి. రఘురామరాజు లొంగక పోవటంతో, ఆయన చేసే ప్రతి ఆరోపణ పైనా, ఆయా డిపార్టుమెంటుల చేత పరువు నష్టం దావాలు వేయించి, రఘురామరాజుని ఇబ్బందులు పెట్టాలని ప్రభుత్వం వ్యూహంగా మారింది. మరి ఈ వ్యూహం అయినా, ఫలిస్తుందో లేదో, రఘురామరాజు కంట్రోల్ లో ఉంటారో లేదో చూడాలి మరి.