news

రౌడీ పార్టీగా పేరు ఉండి, ఐఏఎస్, ఐపీఎస్ అధికారులను తీవ్ర పదజాలంతో తిడుతూ, మీ అంతు చూస్తూ, మిమ్మల్ని జైలుకి తీసుకుపోతా అంటున్నాడు A1.... A2 అయితే, కొంత మంది అధికారులు పేర్లు చెప్పి మరీ, వీరు మా హిట్ లిస్టు లో ఉన్నారు, మా A1 సియం అయిపోతున్నాడు, సియం అవ్వగానే, వీరి సంగతి చూస్తాం అంటున్నాడు.. తిరుపతిలో ఉండే ఒక స్మగ్లర్ ఏమో, ఉరికించి ఉరికించి కొడతాం అంటాడు.. ఇప్పుడు లిస్టు లో మంగళగిరి ఎమ్మల్యే చేరాడు... ఈయన విమర్శలు చేసింది, అత్యంత నీతి వంతమైన ఆఫీసర్ గా పేరు ఉన్న, ఏసీబీ డైరెక్టర్‌ ఆర్పీ ఠాకూర్ పై... బినామీ ఆస్తుల కేసులో వైసీపీ ఎమ్మెల్యే ఆళ్ల రామకృష్ణారెడ్డిని ఏసీబీ ముందు హాజరవ్వమన్నందుకు, ఈయన పై విమర్శలు చేసాడు ఆళ్ళ.. విమర్శలు చేసి, జగన్ పరువు నిలబెట్టాడు..

ఆళ్ల రామకృష్ణారెడ్డి తీరుపై ఆంధ్రప్రదేశ్ పోలీసు అధికారుల సంఘం మండిపడింది. ప్రజాప్రతినిధిగా ఉన్న వ్యక్తి పోలీసులపై అనుచిత వ్యాఖ్యలు చేయడం సిగ్గుచేటు అన్నారు. బుధవారం ఏపీ పోలీసు అధికారుల సంఘం అధ్యక్షుడు జె. శ్రీనివాస్, గౌరవాధ్యక్షుడు గంగాధర్, ప్రధాన కార్యదర్శి సుబ్రమణ్యం మీడియాతో మాట్లాడారు. ఈ సందర్బంగా వారు మాట్లాడుతూ.. పోలీసులపై ఆర్కే అనుచిత వ్యాఖ్యలు చేయడాన్ని ఖండించారు. ఆర్పీ ఠాకూర్ ఏసీబీ డైరెక్టర్‌గా బాధ్యతలు స్వీకరించాక అవినీతిపరుల పట్ల ఎలా వ్యవహరిస్తున్నారో కనిపించడం లేదా? అన్ని ప్రశ్నించారు. ఆర్పీ ఠాకూర్‌కు ఎమ్మెల్యే రామకృష్ణారెడ్డి క్షమాపణ చెప్పాలని డిమాండ్ చేశారు.

రాజకీయాలతో పోలీసులను టార్గెట్ చేయడం బాధాకరమన్నారు. ఐపీఎస్‌కు ఎలా సెలక్ట్‌ అవుతారో కూడా తెలియని రామకృష్ణారెడ్డి.. ఎమ్మెల్యేగా ఉండటం బాధాకరమని వ్యాఖ్యానించారు. ఎంతో సామర్థ్యం ఉంటేనే సివిల్‌ సర్వీస్‌కు ఎంపిక అవుతారని గుర్తుచేశారు. దర్యాప్తులో భాగంగా పోలీసులకు ఆయన సహకరించాలన్నారు. పలు కారణాలతో రెండు సార్లు విచారణకు గైర్హాజరైన ఆళ్ల సోమవారం ఉదయం ఏసీబీ ఎదుట హాజరైన సంగతి తెలిసిందే. ఏసీబీకి పట్టుబడ్డ గుంటూరు డీఎస్పీ దుర్గాప్రసాద్‌కి చెందిన అక్రమాస్తుల్లో ఆళ్ల రామకృష్ణారెడ్డి కుటుంబసభ్యుల పేర్లను ఏబీసీ గుర్తించింది. దీనిపై విచారణకు రావాల్సిందిగా ఏసీబీ ఆళ్లకు నోటీసులు జారీ చేసింది. కాగా రెండు సార్లు తన తరపున న్యాయవాదులను పంపిన ఎమ్మెల్యే మూడో సారి స్వయంగా ఏసీబీ ముందు హాజరయ్యారు.

వైసిపీ ఎంపీల రాజీడ్రామాలు బలే రక్తి కట్టించాయి... అలా రక్తి కట్టించాడు మన ప్రతి పక్ష నేత... ఆయన చేత అలా చేపించాడు బీజేపీ అధ్యక్షుడు అమిత్ షా... ఎప్పుడో మూడు నెలలు క్రిందట రాజీనామా చేస్తే, ఒక పద్ధతి ప్రకారం డ్రామా నడిపించారు... నిజానికి వైసీపీ ఎంపీలు పార్లమెంటు సమావేశాల చివరి రోజే అంటే ఏప్రిల్ 6న రాజీనామా లేఖలను స్పీకర్ ఫార్మెట్‌లో సుమిత్రామహాజన్‌కు ఇచ్చారు. వ్యక్తిగతంగా కలిసి లేఖలు ఇచ్చి రాజీనామాలు ఆమోదించాల్సిందిగా కోరారు. కానీ ఆమె పెండింగ్‌లో పెట్టారు. ఆగష్టులో మళ్లీ పార్లమెంటు సమావేశాలు ప్రారంభమయ్యే వరకు నిర్ణయం తీసుకోరని అందరూ భావించారు.

ఈలోపే కర్ణాటక ఎంపీలు యడ్యూరప్ప, శ్రీరాములు రాజీనామాలు చేయడంతో అప్పటికప్పుడు ఆమోదింపజేశారు. దీంతో బీజేపీ, వైసీపీ కలిసే రాజీనామా నాటకాలు ఆడుతున్నాయన్న విమర్శలు ప్రారంభమయ్యాయి. ఇవి అంతకంతకూ పెరుగుతుండటంతో చెక్‌పెట్టేందుకు సుమిత్రామహాజన్ హఠాత్తుగా ఎంపీలను పిలిచి మరీ మాట్లాడారు. 29న వారి రాజీనామాలను ఆమోదిస్తారని అందరూ అనుకున్నారు. కానీ స్పీకర్ తన నిర్ణయాన్ని వాయిదా వేశారు. ఈ రోజు లోక్‌సభ స్పీకర్ సుమిత్రామహాజన్‌తో ఎంపీలు మేకపాటి రాజమోహన్‌రెడ్డి, వై.వీ సుబ్బారెడ్డి, మిథున్‌రెడ్డి, వరప్రసాద్ సమావేశమయ్యారు. తమ రాజీనామాలను వెంటనే ఆమోదించాల్సిందింగా స్పీకర్‌ను కోరారు...

అయితే, వీరి గుట్టు ఇలా బయట పడింది... రిప్రజెంటేషన్ అఫ్ పీపుల్స్ ఆక్ట్ 1951, సెక్షన్ 151-A ప్రకారం, ఏడాది లోపు ఎన్నికలు ఉంటే, ఉప ఎన్నికలు రావు.. ఒక్క రోజు గ్యాప్ తో, జగన్ ఇలా దొరికిపోయాడు.. మన ఎంపీ లు ప్రమాణ స్వీకారం చేసింది జూన్ 5 2014 న. జూన్ 5 2018 లోపు రాజీనామా చేస్తే వాటిని స్పీకర్ ఆమోదిస్తే, ఉప ఎన్నిక నిర్వహించాలి. అదే రాజీనామాలు జూన్ 5 తరువాత ఆమోదిస్తే జనరల్ ఎలక్షన్స్ కి సంవత్సరమే ఉంటది కాబట్టి ఎన్నికలు నిర్వహించరు. మేము చేసాము అనిపించు కోవచ్చు , ఎన్నికలకు వెళ్లాల్సిన అవసరము లేదు. అందుకే వైసీపీ ఎంపీ ల రాజీనామాలని ఇన్ని రోజులు నడిపించారు బిజెపి వారు. ఎంతయినా ఇద్దరు ఒక్కటే కదా.. ఇవన్నీ ప్రజలకు తెలియదు, మనం డ్రామా ఆడచ్చు అని, ఇద్దరూ కలిసి అద్భుతమైన డ్రామాకి తెర దింపారు. ఫైనల్ ట్విస్ట్ ఏంటి అంటే, మూడు నెలలు క్రితం రాజీనామా చేసిన, జీతాలు మాత్రం చక్కగా తీసుకున్నారు.. ఈ నెల కూడా జీతం పడింది...

నాలుగేళ్ళు చంద్రబాబు శభాష్ అంటూ, గత మార్చ్ నుంచి ఉన్నట్టు ఉండి, చంద్రబాబు పై విరుచుకు పడుతున్నారు జనసేన అధినేత పవన్ కళ్యాణ్. ఇప్పటి వరకు జగన్ మోహన్ రెడ్డి కూడా మాట్లాడని విధంగా, పరుష పదజాలంలో చంద్రబాబుని తిడుతున్నారు. ఒక పక్క చంద్రబాబు బీజేపీతో పోరాడుతుంటే, చంద్రబాబుని బలహీనపరుస్తూ, నేషనల్ మీడియాకు ఎక్కి మరీ చంద్రబాబుని తిడుతున్నాడు పవన్ కళ్యాణ్. చంద్రబాబుకు ఇంగితం లేదు అన్నారు... చంద్రబాబు ఇసుక కరా కరా తింటున్నారు అన్నారు... మేము రోడ్లు వేసాం అని లోకేష్ అంటుంటే, ఏ ఇది నీ తాత గాడి సొమ్ము ఏమన్నా తెచ్చి పెడుతున్నావా ? మీ నాన్న నువ్వు కలిసి, కంకరు, సిమెంట్ కలుపుతున్నారా అనే దిగజారుడు, చౌకబారు ఆరోపణలు చేస్తున్నాడు పవన్... ఇక పవన్ సినిమా అభిమానులు అయితే, సోషల్ మీడియాలో చంద్రబాబుని, లోకేష్ ని ఎలా తిడుతున్నారో చెప్పే పని లేదు..

ఈ సందర్భంలో ఒక అనుకోని సంఘటన జరిగింది. విశాఖలో పవన్ కు స్వాగతం పలికేందుకు బ్యానర్లు ఏర్పాటు చేస్తూ ఇద్దరు యువకులు దుర్మరణం చెందారు. పవన్‌కల్యాణ్ పర్యటన సందర్భంగా ఫ్లెక్సీలు కడుతుండగా విద్యుత్ తీగలు తగిలి ఇద్దరు యువకులు మృతిచెందారు. తోళెం నాగరాజు (28), భీమవరపు శివ (31) అనే ఇద్దరు యువకులు సాయిమహల్ జంక్షన్ దగ్గర స్వాగత ఫ్లెక్సీలు కట్టేందుకు ఏర్పాట్లు చేశారు. ఫ్లెక్సీలను రహదారి పక్కన కడుతుండగా పక్కనే ఉన్న విద్యుత్ తీగలు తగలడంతో వారు షాక్‌కు గురై మృతి చెందారు. చేతికి అందివచ్చిన కుమారులు ఇలా అర్ధంతరంగా తనువు చాలించడంతో ఆ తల్లిదండ్రులు బోరున విలపిస్తున్నారు.

ఈ సందర్భంలో ఆంధ్రప్రదేశ్ ప్రభుత్వం, వారిని ఆదుకోవటానికి ముందుకు వచ్చింది. చంద్రన్న భీమా ద్వారా వారికి సహయం చేసారు. పాయకరావుపేట ఎం.ఎల్.ఏ అనిత, ఆ కుటుంబాలని పరామర్శించి, చంద్రన్న భీమా ను పంపిణీ చేసి వారికి అన్ని విధాలుగా ఆదుకుంటామని హామీ ఇచ్చారు. ఇక్కడ చంద్రబాబు ప్రభుత్వం పార్టీలు చూడలేదు. వారు ఆంధ్రప్రదేశ్ ప్రభుత్వ పౌరులుగా ఈ పధకానికి అర్హులు. ప్రభుత్వం వారిని ఆదుకుంది. ఇది ఎందుకు చెప్పాల్సి వచ్చింది అంటే, విజయనగరంలో పవన్ కళ్యాణ్ గారు మాట్లాడుతూ, చంద్రన్న భీమ పధకం పేరు గొప్ప....ఊరు దిబ్బ అని ఎగతాళి చేసారు. ఇప్పుడు ఆ పేరు గొప్ప....ఊరు దిబ్బ పధకమే, రెండు కుటుంబాలకు ఆసరా అయ్యింది. ఎంతో మంది అభాగ్యులను చంద్రన్న భీమా ఆదుకుంటుంటే, పవన్ కళ్యాణ్ ఎదో మాట్లాడాలి కాబట్టి విమర్శించి చేతులు దులుపుకోవటం కాదు.. ఇప్పటికైనా వాస్తవాలు తెలుసుకోండి... విమర్శలు హేతుబద్ధంగా ఉంటే, అందరికీ ఉపయోగం ఉంటుంది...