news

ఈ రోజు లోటస్ పాండ్ లో ఒక అపూర్వ కలయిక జరిగిన విషయం తెలిసిందే.. ప్రతిపక్ష నేత జగన్, తిరుమల పై ఆరోపణలు చేస్తున్న రమణ దీక్షితులు భేటీ పై సీఎం చంద్రబాబు స్పందించారు. ‘‘ఇప్పుడే టీవీలలో చెప్తున్నారు తమ్ముళ్ళు, జగన్‌ను రమణదీక్షితులు కలిశారట.. మరో కుట్రకు పథకం పన్నుతున్నారు. టీటీడీని కేంద్రం ఆధీనంలోకి తీసుకోవాలని చూసింది. చివరికి దేవుడి పేరుతో రాజకీయాలు చేస్తున్నారు. తిరుమల పవిత్రతను ఎవరు దెబ్బతీసినా సహించం’’ అని చంద్రబాబు హెచ్చరించారు. చిత్తూరు పర్యటనలో ఉన్న సీఎంకు ఈ భేటీ విషయాన్ని ఆ పార్టీ నేతలు చేరవేశారు. అయితే భేటీని నిర్ధారించిన తర్వాత తనకు చెప్పాలని టీడీపీ శ్రేణులను ఆయన ఆదేశించారు.

మరో పక్క ఐటి మంత్రి లోకేష్ కూడా స్పందించారు.. ట్విట్టర్ లో ఇలా పోస్ట్ చేసారు "Been saying this since long & now it’s in the open. Ramana Deekshithulu called on Jagan on instructions from BJP. Shame on them for their unholy nexus. Don’t ever play games with Lord Venkateswara Swamy. He will teach you guys a lesson that you will not forget! #OperationGaruda"

మరోవైపు జగన్, దీక్షితులు భేటీపై టీడీపీ నేతలు విరుచుకుపడుతున్నారు. అన్యమతస్థుడైన జగన్‌ను రమణ దీక్షితులు కలవాల్సిన అవసరం ఏంటని టీడీపీ నేత ముళ్లపూడి రేణుక ప్రశ్నించారు. జగన్‌, రమణదీక్షితుల డైరెక్షన్‌లోనే విజయసాయిరెడ్డి ఆరోపణలు చేస్తున్నారని, బీజేపీ డ్రామాలో నటులు జగన్‌, రమణదీక్షితులు అంటూ ముళ్లపూడి రేణుక దుయ్యబట్టారు. జగన్‌ను రమణదీక్షితులు కలవడంతో కుట్ర బయటపడిందని టీడీపీ నేత బుద్దా వెంకన్న ఆరోపించారు. ఒకరోజు కాకపోతే మరొకరోజు చంద్రబాబు అపాయింట్‌మెంట్‌ ఇస్తారని, బీజేపీ ఎంపీ జీవీఎల్‌ నరసింహారావు.. హాస్యనటుడు బ్రహ్మానందంలా తయారయ్యారని ఎద్దేవాచేశారు. వీళ్లందరి వేషాలు హనుమంతుడి ముందు కుప్పిగంతులేనని బుద్దా వెంకన్న వ్యాఖ్యానించారు.

అందరూ ముసుగులు తీసేస్తున్నారు... మొన్న పవన్ కళ్యాణ్, ఈ రోజు రమణ దీక్షితులు... అందరూ బీజేపీ పెద్దలు ఆధ్వర్యంలో ఆపరేషన్ గరుడ ఫుల్ స్వింగ్ లో ఉంది. చంద్రబాబుని దెబ్బ తియ్యాలి అనే ఉద్దేశంతో అందరు ఏకం అవుతున్నారు.. బీజేపీ, జగన్, పవన్, ఐవైఆర్, ఉండవల్లి, ముద్రగడ, మోత్కుపల్లి, రమణ దీక్షితులు, ఇలా అందరూ ఒకే బాటలో, చంద్రబాబుని ఇబ్బంది పెట్టాలి, రాష్ట్రము నాశనం అవ్వాలి అనే ఒకే ఒక టార్గెట్ తో ముందుకు వెళ్తున్నారు.. ఈ రోజు, ఇక ముసుగులు తొలగించి మరీ, అందరూ ఏకం అవుతున్నారు. లోటస్ పాండ్ కి వెళ్లి మరీ, రమణ దీక్షితులు, జగన్ ని కలిసారు.. దాదాపు అరగంట పైగా ఇద్దరూ చర్చలు జరిపారు.. రేపు శుక్రవారం కావటంతో జగన్ హైదరాబాద్ వెళ్లారు..

నెల రోజుల నుంచి కోర్ట్ కి సెలవలు.. రేపటి నుంచి కోర్ట్ తెరుస్తున్నారు. అందుకే రేపు శుక్రవారం కావటంతో, జగన్ కోర్ట్ కి వెళ్ళటానికి, హైదరాబాద్ వెళ్లారు.. ఈ నేపధ్యంలో, రమణ దీక్షితులు, 4:15 నుంచి 4:30 గంటల వరకు జగన్ తో భేటీ అయ్యారు. జగన్ స్వయంగా బయటకు వచ్చి, ఆయన్ను దింపి వెళ్లారు. అమిత్ షా తిరుపతి వచ్చి వెళ్లి దగ్గర నుంచి, రమణ దీక్షితులు తీవ్రమైన ఆరోపణలు చేస్తున్న విషయం తెలిసిందే. అత్యంత విలువైన గులాబీ వజ్రాన్ని ఎవరు దేశం దాటించారని ఆరోపించారు. టీటీడీలో ఎప్పటినుంచో పాతుకుపోయిన సిబ్బంది వల్ల అర్చకులంటే చులకున భావన ఏర్పడిందని ఆయన ఆందోళన వ్యక్తం చేశారు. తిరుమలలో అర్చకుల మాటకు విలువ లేదని, ఈ విషయాన్ని పై అధికారుల దృష్టికి తీసుకెళ్లినా పట్టించుకోలేదని దుయ్యబట్టారు.

అయితే రమణదీక్షితులు మొదలు పెట్టిన దాడిని సమర్థవంతంగా తిప్పికొట్టాలని ఎట్టకేలకు టీటీడీ నిర్ణయించింది. అయితే ఇటు రమణదీక్షితులు సైతం తగ్గకుండా టీటీడీపై దాడి కొనసాగిస్తున్నారు. వ్యూహాత్మకంగానే ఆయన దేశంలోని ప్రధాన నగరాల్లో మీడియా సమావేశాలు పెడుతున్నారు. తిరుమలలో అడుగు పెట్టకుండానే ఆయన సాగిస్తున్న దాడిపై తగిన చారిత్రక ఆధారాలతోనూ, న్యాయపరంగానూ ప్రతిదాడి చేయాలని టీటీడీ కూడా సిద్ధమవుతోంది. మొత్తం మీద ఈ వ్యవహారం ఇప్పట్లో సద్దుమణిగేట్లుగా లేదు. ఢీ అంటే ఢీ అనే విధంగానే కొనసాగుతోంది. రమణ దీక్షితులు, జగన్ కలియిక, బీజేపీ సూచనల మేరకు జరిగినట్టు తెలుస్తుంది. ప్రతి రోజు మీడియాలో కనిపిస్తున్న ఒక బీజేపీ నేత, ఈ భేటీ దగ్గర ఉండి చేసినట్టు తెలుస్తుంది.

వైఎస్ రాజశేఖర్ రెడ్డి హాయంలో, జగన్ ఒక్కడే కాదు, జగన్ కు మించిన ఆర్ధిక నేరగాడు గాలి జనార్ధన్ రెడ్డి. ఓబులాపురం మైనింగ్ పేరుతో, ఎలా సహజ సంపద దోచుకుని, లక్షల కోట్లు కొల్లగొట్టాడో చూసాం... ఇలాంటి వాడిని, బీజేపీ వారు కాపాడాలనే ప్రయత్నం చేస్తున్నారు. ‘గోవా సరిహద్దుల్లో ఇనుప ఖనిజం తవ్వకాలన్నీ సక్రమంగానే జరిగాయి. ఎక్కడా గీత దాటలేదు’ అంటూ గాలి జనార్దన రెడ్డికి క్లీన్ చిట్ ఇచ్చింది సిబిఐ. దీంతో ఆంధ్రప్రదేశ్ ప్రభుత్వం అలెర్ట్ అయ్యింది. ఏపీ-కర్ణాటక సరిహద్దుల్లో జరిగిన గనుల అక్రమాలపైనా ఇదే జరిగే ప్రమాదముందని రాష్ట్ర ప్రభుత్వం అనుమానిస్తోంది. సరిహద్దులను తేల్చే సర్వే పనులను కర్ణాటకతో కలిసి పకడ్బందీగా నిర్వహించాలని నిర్ణయించుకుంది. గాలి జనార్ధన్ రెడ్డి లాంటి వాడికి శిక్ష పడి తీరాల్సిందే అనే నిశ్చయంతో ప్రభుత్వం ఉంది.

గోవా తరహాలోనే ఏపీ, కర్ణాటక సరిహద్దు తగాదాను ముగించేందుకు తెరవెనుక రాజకీయ ప్రయత్నాలు జరుగుతున్నట్లు ఏపీ భావిస్తోంది. గతంలో గోవాలోనూ సర్వే జనరల్‌ ఆఫ్‌ ఇండియా నివేదికలతోనే గాలి మైనింగ్‌ అంతా సక్రమంగా సాగిపోయిందంటూ ఆ కేసులు వీగిపోయాయని... ఏపీ వి షయంలో అలా జరగొద్దని గట్టిగా నిర్ణయించుకుంది. ఈ నేపథ్యంలో ఏపీ, కర్ణాటక సరిహద్దు అటవీ ప్రాంతంలో జరిగే సంయుక్త సర్వేకు ఏపీ నుంచి ఉన్నతాధికారులు వెళ్లాల్సిందేనని ఆదేశించింది. అటవీ శాఖలో ముఖ్య సంరక్షణాధికారి కేడర్‌ అధికారులు ముగ్గురితో కూడిన కమిటీని నియమించి వెంటనే అటవీ సర్వేకు పంపించాలని సోమవారం అత్యవసర మెమో జారీ చేసింది.

అలాగే... జిల్లా నుంచి ఓ ప్రత్యేక స్పెషల్‌గ్రేడ్‌ డిప్యూటీ కలెక్టర్‌ స్థాయి అధికారిని సర్వేకు పంపించాలని అనంతపురం కలెక్టర్‌ను ఆదేశించింది. ‘ఈ బృందం రోజువారీగా జిల్లా కలెక్టర్‌తో భేటీ అవుతూ ఎప్పటికప్పుడు సర్వే పురోగతిపై సమీక్షించాలి. సర్వేకు అవసరమైన గ్రౌండ్‌ కంట్రోల్‌ పాయింట్స్‌, సర్వే విధానం ఖరారైన తర్వాతే ఏపీ తరఫున అభిప్రాయాలు, విధానాలను సర్వే జనరల్‌ ఆఫ్‌ ఇండియా కు నివేదించాలి’ అని సర్కారు దిశా నిర్దేశం చేసింది. గాలి జనార్ధన్ రెడ్డి లాంటి వాడిని లోపల వెయ్యాలని, సహజ సంపద కొల్లగొట్టి బయట తిరుగుతూ ఉన్న ఇలాంటి వాడిని, బీజేపీ వెనకేసుకు రావటం చూస్తుంటే, ఆశ్చరంగా ఉందని ప్రభుత్వం భావిస్తుంది. అందుకే అన్నీ పక్కాగా ఉంటే, ఎవరూ తప్పించుకోవటం కుదరదని, అప్పుడు చట్ట ప్రకారం కోర్ట్ లు తీర్పు ఇచ్చి తీరుతాయని, ప్రభుత్వం భావిస్తుంది.