news

దగా పడ్డ ఆంధ్రప్రదేశ్ రాష్ట్రం కోరుకునేది అభివృద్ధి... ఒకడు దెబ్బ కొట్టి రోడ్డున పడేసాడు... ఇంకొకడు వచ్చి, అదే దెబ్బ మీద మళ్ళీ కొట్టాడు... వీళ్ళ దెబ్బలు తట్టుకుని, నిలబడి పోరాడుతుంది, ముందుకు వెళ్తుంది ఆంధ్రప్రదేశ్... మా మీదే ఎదురు తిరుగుతారా, మీ పై ఆపరేషన్ గరుడ అంటూ వస్తున్నాం, మీ మనుషుల చేతే మిమ్మల్ని దెబ్బ కొడతాం... మీలో కులాల బలహీనతను ఆసరాగా తీసుకుని, మీ మధ్యే గొడవలు పెడతాం అంటూ, ఒక బ్యాచ్ తయారయ్యింది.. రాష్ట్రంలో అల్లకల్లోలం చేస్తాం... కులాల మధ్య గొడవలు పెట్టి, రాష్ట్రంలో అనిశ్చితి నెలకోల్పుతాం అంటూ రెచ్చిపోతున్న ఆపరేషన్ గరుడ బ్యాచ్ కి, నిన్న దాచేపల్లి సంఘటన ఒక చెంప పెట్టు...

9 ఏళ్ల బాలికపై అత్యాచారానికి పాల్పడిన సుబ్బయ్య వ్యవహారం ఏపీలో సంచలనంగా మారింది. అతను రెండు రోజుల పాటు పరారీలో ఉన్నాడు. మరో పక్క, ఇటు రెండు మతాల మధ్య గొడవగా మారే పరిస్థతి వచ్చింది.. ఒక వైపు ముస్లింలు ఆందోళన... ఇదే అదనుగా చూసుకుని, కొంత మంది అక్కడ గొడవలు రేపటానికి ప్రయత్నించారు.. కాని, అక్కడ ఉన్న ముస్లిం సోదరులు ఎక్కడా బ్యాలన్సు తప్ప లేదు.. మాకు న్యాయం జరగాలి, ఆ రేపిస్ట్ ను అరెస్ట్ చెయ్యాలి, శిక్ష వెయ్యాలి అని ఆందోళన చేసారు కాని, ఎక్కడా లైన్ దాటలేదు... ఆందోళన చేస్తూనే, పోలీసులకి సహకరించారు.. కొంత మంది, అన్ని విధాలుగా, అక్కడ ఉన్న వారిని రెచ్చగొట్టటానికి అన్ని విధాలుగా ప్రయత్నాలు చేసారు..

కొంత మంది, సుబ్బయ్య మా చేతుల్లో చావలేదు, సుబ్బయ్య కొడుకును కూడా ఉరితీయాలి అంటూ ఆందోళన చేసారు. సుబ్బయ్య తప్పుచేస్తే అతని కొడుకును ఉరితీయాలని చెప్పడం మరింత విచిత్రంగా ఉందని, పోలీసులు అలెర్ట్ అయ్యారు. అక్కడ ఉన్న కొంత మంది పెద్దలకు నచ్చ చెప్పి, పరిస్థితి అదుపులోకి తెచ్చారు. మరో వైపు, సుబ్బయ్య మృతదేహాన్ని తమకు అప్పగించాలని, నడిరోడ్డుపై సుబ్బయ్య మృతదేహాన్ని తగలబెట్టాలన, హోం మంత్రి కాన్వాయ్ అడ్డుకున్నారు... ఇక్కడ కూడా పోలీసులు వెనక్కు తగ్గారు. ఆందోళనకారులను ఏమి అనవద్దని హోం మంత్రి ఆదేశాలివ్వడంతో పోలీసులు వెనక్కు తగ్గారు. పోలీసులు, ప్రభుత్వం, ఉద్రిక్తతను తగ్గించారు. అక్కడ కొంత మంది, ఎంత రెచ్చగొట్టాలని ప్రయత్నం చేసినా, అక్కడ ప్రజలు ఎక్కడా విధ్వంసం చెయ్యలేదు.. కేవలం ఆ రేపిస్ట్ ను శిక్షించాలి అనే డిమాండ్ మాత్రమే చేసారు.. అదే ఇంకొక రాష్ట్రంలో అయితే, ఇలాంటి ఘటనలు రెండు మతాల మధ్య గొడవకు దారి తీసేది.. ఇది ఆంధ్రప్రదేశ్ ప్రజల విజ్ఞత.. ఇది ఆంధ్రప్రదేశ్ ప్రభుత్వం, లా అండ్ ఆర్డర్ కంట్రోల్ లోకి తెచ్చిన వైనం... ఆపరేషన్ గరుడ బ్యాచ్, ఇక రెలాక్స్ అవ్వండి.. కులాల మధ్య, మతాల మధ్య, ప్రాంతాల మధ్య గొడవలకు ఆంధ్రపదేశ్ ప్రజలు సిద్దంగా లేరు...

అత్యంత అమానుషంగా, ఒక చిన్న పిల్ల పై, పశువుగా ప్రవర్తించిన ఆ ఉన్మాదుడు చచ్చాడు.. ఈ సందర్భంలో, నిన్న దాచేపల్లి బాధితురాలి బంధువులు, చంద్రబాబుని వచ్చి కలిసారు... ఈ ఘటన జరిగిన వెంటనే, ఉన్నావో, కథువా ఘటనలు గుర్తొచ్చాయని, న్యాయం జరుగుతుందో లేదో అనుకున్నామని, కాని ప్రభుత్వం స్పందించిన తీరు చూస్తూ, నమ్మకం కలిగిందని చెప్పారు. ఘటన జరిగిన విషయం తెలుసుకుని, ఎమ్మల్యే యరపతనేని శ్రీనివాస్ గారు, సొంత వాహనంలో హాస్పిటల్ కు పంపించారని, తరువాత పోలీసుల దర్యాప్తు, మీరు చూపించిన చొరవ, రెండు రోజుల నుంచి చూసామని, అప్పుడు న్యాయం జరుగుతుంది అనే నమ్మకం మాకు కలిగిందని, చెప్పారు.. అనుకునట్టుగానే, న్యాయం జరిగిందని చెప్పారు.

ఈ ఘటన తమకు తెలియగానే ముందు కేసు పెట్టాలా? వద్దా? అనే విషయంపై ఆలోచించామని, చివరకు న్యాయం కోసం కేసు పెట్టామని తెలిపాడు. నిందితుడు రామసుబ్బయ్యకు భగవంతుడే మరణశిక్ష విధించాడని మైనర్‌ బాలిక సమీప బంధువులు అభిప్రాయపడ్డారు. తమతోపాటు ప్రజలంతా కోరుకున్నట్లుగానే సుబ్బయ్య కథ ముగిసిందని పేర్కొన్నారు. ఇది భగవంతుడు వేసిన శిక్షగా తాము భావిస్తున్నామని చెప్పారు. ‘‘ప్రభుత్వం రూ.5 లక్షలు సహాయం ప్రకటించింది. ఎమ్మెల్యే యరపతినేని రూ.2 లక్షలు సహాయం చేశారు. ఎమ్మెల్యే స్వయంగా వైద్యులతో మాట్లాడి మంచి వైద్యం అందేలా చూశారు. సొంత ఇల్లులేని బాధిత కుటుంబానికి ఇల్లు ఇప్పిస్తామని.. తానే భూమి పూజ చేస్తానని ఆయన హామీ ఇవ్వడం సంతోషకరం’’ అని బాలిక బంధువులు, అంజుమన్‌ కమిటీ కార్యదర్శి చిన్న గాలిషా అన్నారు.

అత్యాచార ఘటనలకు పాల్పడినవారికి ఫాస్ట్‌ ట్రాక్‌ కోర్టులు పెట్టి, గల్ఫ్‌లో మాదిరిగా ఉరితీయాలని దాచేపల్లి బాలిక చిన్నాన్న ముఖ్యమంత్రిని కోరారు. ఒంటరిగా ఉన్న బాలికను మీ అమ్మమ్మ ఇంటికి తీసుకెళతానని నమ్మించి సుబ్బయ్య తన ఇంటికి తీసుకెళ్లి అత్యాచారానికి ఒడిగట్టాడని పేర్కొన్నారు. కథువా, ఉన్నావ్‌ ఘటనల్లో బాధితులకు జరగని న్యాయం, తమకు జరిగిందని, ప్రభుత్వం వెంటనే స్పందించి తమకు అన్ని రకాలుగా సహాయ సహకారాలందించిందని ఆయన పేర్కొన్నారు. ఇది ఇలా ఉండగా, ఈ రోజు చంద్రబాబు, హాస్పిటల్ కు వెళ్లి ఆ బాలికను కలిసి, ధైర్యం చెప్పనున్నారు.

ఎస్సీ, ఎస్టీల జీవితాల్లో సూర్యుడిలా ఉదయించి ముఖ్యమంత్రి నారా చంద్రబాబు నాయుడు తమందరికి కొత్త వెలుగు ప్రసాదించారని ఐఐటీ-జేఈఈ ర్యాంకర్లు తమ అభిమానాన్ని వ్యక్తం చేశారు. ఎస్సీ, ఎస్టీల కోసం ఎన్నో పథకాలు, కార్యక్రమాలు అమలు చేస్తున్నారని, తాము ప్రతిభ చాటుకునేందుకు మీరిస్తున్న ప్రోత్సాహం మరువలేనిదని కృతజ్ఞతలు తెలిపారు. ఎస్సీ, ఎస్టీ రెసిడెన్షియల్ పాఠశాల విద్యార్ధులు శుక్రవారం సచివాలయంలో ముఖ్యమంత్రిని కలుసుకున్నారు. ప్రభుత్వ రెసిడెన్షియల్ పాఠశాలల్లో చదువుతూ ఐఐటీ-జేఈఈ మెయిన్స్, పదో తరగతి పరీక్షల్లో ప్రతిభ చాటిన విద్యార్ధులను ఈ సందర్భంగా ముఖ్యమంత్రి అభినందించారు. 

రెసిడెన్షియల్ పాఠశాలలకు చెందిన 216 మంది విద్యార్ధులు ఐఐటీ-జేఈఈ మెయిన్స్‌లో అర్హత సాధించడం తనకు గర్వకారణంగా వుందని ముఖ్యమంత్రి అన్నారు. ఐఐటీ-జేఈఈ మెయిన్స్‌లో జనరల్ కటాఫ్ కన్నా ఎక్కువ మార్కులు సాధించిన కె. శ్రీకాంత్, కె. అమృత, డి. లావణ్య, భూక్యా లలిత, టి. జీవిత, పి. కోటి, బి. అశోక్ కుమార్, నిరూప, రవికుమార్‌లను పేరుపేరునా భుజంతట్టి ముఖ్యమంత్రి అభినందించారు. 140 మంది విద్యార్ధులు పదో తరగతి పరీక్షల్లో పదికి పది జీపీఏ సాధించి మిగిలిన విద్యార్ధులకు స్ఫూర్తిదాయంగా నిలిచారని ప్రశంసించారు. ఈ ఏడాది ర్యాంకర్ల సంఖ్య వందల్లో వుంటే, వచ్చే ఏడాది ఈ సంఖ్య వేలల్లో వుండాలని ముఖ్యమంత్రి పిలుపునిచ్చారు.

పేద విద్యార్ధుల అందరికీ కార్పొరేట్ స్థాయి విద్యను, నాణ్యమైన విద్యను అందించడమే తమ ప్రభుత్వ లక్ష్యమని, చదువుకునే తెలివితేటలు-సామర్ధ్యం మీదని, ప్రోత్సహించే బాధ్యత తమదని అన్నారు. రాష్ట్రంలో మరిన్ని రెసిడెన్షియల్ పాఠశాలు ఏర్పాటు చేయాలని భావిస్తున్నట్టు చెప్పారు. ప్రతి పేద విద్యార్ధి రెసిడెన్షియల్ పాఠశాలల్లో విద్యను అభ్యసించడం ద్వారా నాణ్యమైన విద్య అందుకోవాలనేదే తన సంకల్పమని అన్నారు.

దేశంలో ఏ రాష్ట్రంలో లేనట్టుగా ఎస్సీ, ఎస్టీ విద్యార్ధులు విదేశాల్లో సైతం చదువుకునేందుకు ఒకొక్కరికి రూ. 15 లక్షలు వరకు ఆర్ధిక సాయం చేస్తున్నామని, దీనిని సద్వినియోగం చేసుకోవాలని చెప్పారు. పేద పిల్లలు చదువుకుంటే సమాజంలో ఆర్ధిక అసమానతలు వాటంతటవే తొలిగిపోతాయన్నారు. అవకాశాలు ఇస్తే ఎవరైనా రాణిస్తారనే విషయాన్ని మీరంతా మరోసారి నిరూపించారని విద్యార్ధులను ఉద్దేశించి ముఖ్యమంత్రి చెప్పారు. విద్యార్ధుల తల్లిదండ్రులు, ఉపాధ్యాయులకు కూడా తన అభినందనలను తెలిపారు. పిల్లలకు ఆస్తులు ఎంత ఇచ్చామనేది ముఖ్యం కాదని, ఎంత బాగా చదువు-సంస్కారం నేర్పామనేదే ప్రధానమని ముఖ్యమంత్రి అన్నారు. ఐఐటీ అంటే ఆంధ్రప్రదేశ్ అనేలా భవిష్యత్‌కు బాటలు వేస్తున్నట్టు చెప్పారు.