news

ఏపీ ప్రభుత్వంలో ఇంటిదొంగలను కనుక్కునేందుకు ప్రభుత్వం అన్వేషణ ప్రారంభించింది. ప్రభుత్వంలోనే ఉంటూ అక్కడి రహస్యాలను ప్రత్యర్ధులకు చేరవేస్తున్న వారిపై నిఘాపెట్టారు. కొంతమంది మంత్రులు మధ్య జరిగిన ఈ చర్చ ఆసక్తికరంగా మారింది. కొంతమంది ప్రత్యర్ధి శిబిరానికి అస్త్రాలను అందిస్తున్నారట. తద్వారా ప్రభుత్వానికి వెన్నుపోటు పొడుస్తున్నారట! ఇదీ కొందరిలో ఉన్న బలమైన అభిప్రాయం. ముఖ్యమంత్రి వద్ద ఎక్కువ మార్కులు కొట్టేసిన కొంతమంది అధికారులే కీలక సమాచారం బయటకు పొక్కడంలో సూత్రధారులుగా ఉన్నారట! దీనిపై ఏపీ మంత్రులే చెవులు కొరుక్కోవడం ప్రారంభించారు. ఉత్తరాంధ్రలోని కొన్ని ప్రాజెక్టులకు టెండర్లు పిలిచే సమయంలోనే ఆ టెండర్ల సమాచారం అంతా బయటకు పొక్కింది. అది కాస్తా ప్రత్యర్ధి శిబిరానికి చేరిందని పలువురు మంత్రులు చెబుతున్నారు. మరికొన్ని శాఖల్లోని కీలక సమాచారం కూడా గుట్టుచప్పుడు కాకుండా వైఎస్ఆర్ కాంగ్రెస్ పార్టీ నేతలకు చేరిపోతోందట! ఈ విధంగా సమాచారం ఎలా లీకవుతోందన్న అంశంపై ఇప్పుడు లోతుగా ఆరాతీస్తున్నారు.

ఉద్యోగుల పనితీరు బాగోకపోతే ముందుగానే వారికి పదవీ విరమణ కల్పించే విషయమై ఉత్తర్వులు వెలువడబోతున్నాయనీ, అధికారుల స్థాయిలో ఈ ఉత్తర్వులు సిద్ధమయ్యాయంటూ గతంలో ఓ సమాచారం బయటకు పొక్కింది. ఈ విషయంలో లీకువీరులు ఎవరో ప్రభుత్వం తెలుసుకుంది. అలాగే మరికొన్ని శాఖల నుంచి కూడా సమాచారాన్ని సేకరించి.. ప్రత్యర్థులకు తెలివిగా చేరవేస్తున్న వారు ఎవరో ప్రభుత్వ ఉన్నతాధికారులకు, ముఖ్యమంత్రికీ తెలిసిందట. ఈ విషయాన్ని కూడా కొందరు మంత్రులే చెబుతున్నారు. ఈ నేపథ్యంలోనే సెక్రటేరియట్‌లో, మరికొన్ని శాఖలలో అధికారుల కదలికలపై, వారు ఎవరెవరిని కలుస్తున్నారనే విషయమై నిఘా పెరిగింది.

ఢిల్లీలో ఉన్న కేంద్రమంత్రులు ఒకరిద్దరికి ఏపీలో ఉన్న ఇరువురు అధికారులు సమాచారం చేరవేస్తున్నారట. ఈ అంశాన్ని కూడా రాష్ట్రమంత్రులు ప్రస్తావిస్తున్నారు. ఇటువంటి అధికారులు ప్రభుత్వంలో కీలకంగా వ్యవహరించడం ఏమిటని నిలదీస్తున్నారు. అయితే ఈ విషయాన్ని ముఖ్యమంత్రితో చెప్పేందుకు ఎవరు సాహసించడంలేదు. కొన్ని శాఖలలో కిందిస్థాయి అధికారుల ద్వారా ఉన్నతాధికారులు ఈ సమాచారాన్ని రాబడుతున్నారనీ, రాష్ట్రంలో ప్రతిపక్షానికి, ఢిల్లీలో బీజేపీకి చెందిన కొంతమంది కీలక నేతలకు ఆ సమాచారాన్ని చేరవేస్తున్నారనీ ఓ మంత్రి చెప్పుకొచ్చారు. ఎన్నికల సంవత్సరంలో ఉద్యమాలు ఊపందుకుంటున్న తరుణంలో ప్రభుత్వం అప్రమత్తంగా ఉండాలనీ, ఇంటిదొంగలపై గట్టి నిఘా పెట్టాలనీ ఆ మంత్రులు విశ్లేషించారు. తగిన సమయంలో ఈ ఇంటిదొంగలపై ముఖ్యమంత్రికి నిర్మొహమాటంగా తమ వద్ద ఉన్న సమాచారాన్ని ఇస్తామని ఆ మంత్రులు చెప్పారు.

రేపు కృష్ణా జిల్లాలోకి దొంగల ముఠా ప్రవేశం... ప్రజలు జాగ్రత్తగా ఉండాలని ఆదేశాలు... ఇది చూసి పోలీసు వారి హెచ్చరిక అనుకునేరు... కాదండి, మన ప్రతిపక్ష నేత జగన్ ముఠా రేపు కృష్ణా జిల్లాలో అడుగుపెడుతుంది... అందుకే, తెలుగుదేశం పార్టీ ప్రజలను అలెర్ట్ చేస్తుంది.. శనివారం కృష్ణా జిల్లాలోకి దొంగల ముఠా ప్రవేశిస్తోందని ప్రజలు జాగ్రత్తగా ఉండాలంటూ మ్మెల్సీ బచ్చుల అర్జునుడు హెచ్చరించారు. పట్టిసీమను వ్యతిరేకించిన ప్రతిపక్ష నేత జగన్ డెల్టా రైతాంగానికి క్షమాపణ చెప్పి జిల్లాలో అడుగుపెట్టాలని అల్టిమేటం జారీ చేశారు.

పదవి కోసమే జగన్ ప్రజా సంకల్ప యాత్ర చేస్తున్నారని ఆరోపించారు. మైలవరం నుంచి దేనినేని ఉమ పారిపోతారని వైసీపీ నేతల అసత్య ప్రచారం చేస్తున్నారని, పెడన నుంచి పారిపోయిన జోగి రమేష్‌... మైలవరం నుంచి కూడా పారిపోక తప్పదని బచ్చుల అర్జునుడు జోస్యం చెప్పారు... మరో పక్క ఈ రోజు, జగన్ పాదయాత్రకు సెలవు.. శుక్రవారం కావటంతో, పాదయాత్రకు సెలవు ఇచ్చి కోర్ట్ కు వెళ్లారు... వాన్‌పిక్‌ కేసులో జగన్ దాఖలు చేసిన డిశ్చార్జ్‌ పిటిషన్‌పై... సుదీర్ఘంగా వాదనలు కొనసాగాయి. జగన్ తరపున న్యాయవాది నిరంజన్‌రెడ్డి వాదనలు వినిపించారు. ఈ కేసులో జగన్‌తో పాటుగా వైసీపీ నేత విజయ్‌సాయిరెడ్డి విచారణ ఎదుర్కొంటున్నారు. తదుపరి విచారణను కోర్టు వచ్చే శుక్రవారానికి వాయిదా వేసింది.

గుంటూరు జిల్లా తాడేపల్లి పట్టణంలో గురువారం పాదయాత్ర నిర్వహించారు. పట్టాభిరామయ్య కాలనీ సమీపంలో తాను బస చేసిన ప్రాంతం నుంచి ఉదయం 9 గంటలకు బయలుదేరిన ఆయన.. మహానాడు కరకట్ట మీదుగా సుందరయ్య నగర్‌ ముళ్లపూడి రాంప్‌, మణిపాల్‌ ఆసుపత్రి కూడలి వరకు నడిచారు. దారిపొడవునా వివిధ వర్గాల సమస్యలు వింటూ.. వినతి పత్రాలను తీసుకుంటూ ముందుకు సాగారు. మహానాడులో వైఎస్‌ విగ్రహాన్ని జగన్‌ ఆవిష్కరించారు. ఉదయం 11 గంటలకల్లా పాదయాత్ర ముగించారు. అనంతరం హైదరాబాద్‌ బయల్దేరారు. రేపు పాదయాత్ర, కృష్ణా జిల్లాలోకి రానుంది...

గాలి జనార్దన్ రెడ్డి... ఈ పేరు తెలియని తెలుగువారు ఉండరు... రాజశేఖర్ రెడ్డి ముఖ్యమంత్రిగా ఉన్న టైంలో, అక్రమ మైనింగ్ లో, ఒక పీకు పీకాడు... జగన్ సొంత కొడుకు అయితే, గాలి నా పెద్ద కొడుకు అంటూ అప్పట్లో రాజశేఖర్ రెడ్డి చెప్తూ ఉండే వారు... అలాగే, జగన్ లక్ష కోట్లు కొట్టేస్తే, పెద్ద కొడుకు గాలి జనార్ధన్ రెడ్డి కొట్టేసిన అక్రమ మైనింగ్ లెక్క అంతా ఇంతా కాదు.. చివరకు ఇద్దరు కొడుకులు జైలుకు వెళ్లి, ప్రస్తుతం బెయిల్ పై బయట తిరుగుతున్నాడు అనుకోండి... అయితే గాలి మళ్ళీ బీజేపీలోకి రావటం, త్వరలో జరిగే కర్ణాటక ఎన్నికల్లో, బీజేపీ తరుపున పోటీ చేస్తారు అనే వార్తలు రావటంతో దేశంలో పెద్ద ఎత్తున వ్యతిరేకత వచ్చింది... దీంతో బీజేపీ అసలకే మోసం వస్తుందని, గాలి జనార్ధన్ రెడ్డికి మాకు సంబంధం లేదు అని చెప్పింది...

కాని లోపాయికారికంగా ఒప్పందం చేసుకుంది... అందులో భాగంగా, గాలి జనార్దన్ రెడ్డి ప్రాణ స్నేహితుడు, శ్రీరాములుకు డిప్యూటీ సియం పదవి ఇస్తామని, కొన్ని జిల్లాల ఎన్నికలు ఖర్చు గాలి పెట్టుకోవాలని ఒప్పందం కుదిరింది... బళ్లారి మైనింగ్ కింగ్ గాలి జనార్దన్ రెడ్డి ప్రాణ స్నేహితుడు, బి. శ్రీరాములు. గతంలో బీజేపీకి రాజీనామా చేసిన శ్రీరాములు బీఎస్ఆర్ పార్టీని స్థాపించారు. కర్ణాటకలో దాదాపు అన్ని నియోజక వర్గాల నుంచి బీఎస్ఆర్ పార్టీ నుంచి అభ్యర్థులను శాసన సభ ఎన్నికల్లో పోటీ చేయించారు. తరువాత కాలంలో, గాలి జైలు నుంచి వచ్చిన తరువాత, మళ్ళీ బీజేపీలో చేరాడు...

ఈ నేపథ్యంలో శ్రీరాములుపై రాళ్ల దాడి చర్చనీయాంశమైంది. శ్రీరాములుకు చిత్రదుర్గ జిల్లాలోని మొల్కలమూర్‌ నియోజకవర్గ అభ్యర్థిగా బీజేపీ టికెట్‌ కేటాయించింది. ఆయనకు బీజేపీ అధిష్టానం టికెట్ ఇవ్వడంతో సిట్టింగ్‌ ఎమ్మెల్యే తిప్పేస్వామి వర్గీయుల ఆగ్రహం వ్యక్తం చేస్తున్నారు. శ్రీరాములకు టికెట్ కేటాయించినందుకు నిరసనగా ఆయన కాన్వాయ్‌పై తిప్పేస్వామి వర్గీయుల దాడి చేసినట్లు తెలుస్తోంది. అప్రమత్తమైన పోలీసులు తిప్పేస్వామి వర్గీయులను చెదరగొట్టారు... ఇవన్నీ చూస్తున్న విశ్లేషకులు, రేపు జగన్ పరిస్థితి కూడా ఇంతే అని చెప్తున్నారు... ఒప్పందంలో భాగంగా, బీజేపీ - వైసిపీ కలవాల్సిన పరిస్థితి... అప్పుడు జగన్ ను కూడా ఇలాగే వాడుకుని వదిలేస్తారు బీజేపీ పెద్దలు... జగన్ పై ఉన్న కేసులు, కొంత కాలం లేట్ చెయ్యవచ్చు కాని, శిక్ష నుంచి తప్పించటం కుదరదు అనే విషయం గుర్తు చేస్తున్నారు...