news

లేనిది ఉన్నట్టు, ఫోటోలు, వీడియోలు మార్ఫింగ్ చేసి, ప్రజలను అదే నిజం అని నమ్మించే లోటస్ పాండ్ పైడ్ ఆర్టిస్ట్ ల గురించి చెప్పనవసరం లేదు.. వీరికి తోడుగా, 250 కోట్లు ఇచ్చి తెచ్చుకున్న బీహార్ గ్యాంగ్ కూడా లోకల్ జఫ్ఫా గాళ్ళకి తోడైంది... సిగ్గు ఎగ్గు లేకుండా, మన మన రాష్ట్ర పరువు తియ్యటానికి, ఈ బీహార్ గ్యాంగ్ చేత, లోటస్ పాండ్ జగత్(న్) కంత్రీ వేషాలు వేస్తున్నాడు... వేషాలు అయితే వేస్తున్నాడు కాని, ఎప్పటి లాగే, సెల్ఫ్ గోల్ వేస్తూ, దొరికిపోయాడు... దొంగ పనులు, దొంగ వీడియో లో సృష్టించడం వీరి పని... ఇలా తయారు చేసి సోషల్ మీడియాలో వదలటం, అదే నిజం అని నమ్మించే ప్రయత్నం చేస్తూ ఉంటారు.. ఇలాంటి ఎన్నో సంఘటనలు, గత నాలుగేళ్ళుగా చూస్తూనే ఉన్నాం... ప్రతి సందర్భంలో, ఇలాంటి ఫేక్ ప్రచారం చేస్తూ, చంద్రబాబుని టార్గెట్ గా చెయ్యటమే పనిగా పెట్టుకున్నారు... ఇలాంటే ఘటనే మరొకటి నిన్న జరిగింది...

జగన్‌ పాదయాత్ర విజయవాడలోకి ప్రవేశించగానే ఓ నకిలీ వీడియో సోషల్ మీడియాలో హల్‌చల్‌ చేసింది. బైక్‌పై వెళ్తున్న ముగ్గురు యువకులను పోలీసులు లాఠీలతో కొడుతున్నట్టు ఆ వీడియోలో కనిపిస్తోంది... అంతే ముందూ వెనకా చూడకుండా పైడ్ బ్యాచ్, సంఘవిద్రోహ సఖ్తులు సోషల్‌ మీడియాలో షేరింగ్‌లు మొదలుపెట్టాయి... ‘పాదయాత్రలో జగనన్నను కలవడానికి వస్తున్న అభిమానులపై ఖాకీల దాడి.. అందరికీ షేర్‌ చేయండి’ అని కామెంట్‌ చేస్తూ.. ఫేస్‌బుక్‌, వాట్సాప్ ల్లో షేర్‌ చేశారు... లోకేష్ ఇలా చేపిస్తున్నాడు అంటూ, ఆ వీడియోకి కామెంట్ జత చేసి, తప్పుడు ప్రచారం చేసారు... ఒక పక్క, వీడియోలో హిందీ మాటలు వినిపిస్తున్నా, ఇక్కడే జరిగింది అని నమ్మించే ప్రయత్నం చేసారు...

‘వైఎస్‌ జగన్‌ ది లీడర్‌’ పేరుతో ఫేస్‌బుక్‌ పేజీని నడుపుతున్న ముగ్గురు యువకులు ఈ వీడియో పలువురికి పంపారు. జగన్‌ పాదయాత్ర సాగుతున్నంత సేపూ ఇది నగరమంతా హల్‌చల్‌ చేసింది. అయితే ఇది భారత్‌బంద్‌ సందర్భంగా ఉత్తరప్రదేశ్‌లో జరిగిన ఘటనకు సంబంధించిన వీడియో అని పోలీసులు గుర్తించారు. నకిలీ వీడియోను షేర్‌చేసి, పోలీసులపై బురదజల్లిన ఫేస్‌బుక్‌ పేజీ నిర్వాహకుడు కొల్లపల్లి శ్యామ్‌తోపాటు మరో ఇద్దరిపై ఐపీసీ 469, 471, 120(బి), 153 సెక్షన్ల కింద కేసులు నమోదు చేశారు. ఎవరెవరి సెల్‌ఫోన్ల నుంచి ఈ వీడియో షేర్‌ అయిందన్న అంశాలను పరిశీలించి, వారిపైనా చర్యలు తీసుకుంటామని పోలీసులు స్పష్టం చేశారు.

ఏప్రిల్ 20న, ఆంధ్రప్రదేశ్ ముఖ్యమంత్రి చంద్రబాబు నాయుడు, 68వ ఏట అడుగుపెట్టబోతున్నారు... అయితే, ప్రస్తుతం రాష్ట్రం ఉన్న పరిస్థుతుల్లో, పుట్టిన రోజు వేడుకులకు దూరంగా ఉండాలని నిర్ణయించారు... అదే సమయంలో, ఢిల్లీ మోసాన్ని, దేశం మొత్తానికి తెలియచేసి, అందరూ మనకు మద్దతు పలికే విధంగా, ఆ రోజు చంద్రబాబు నిరాహార దీక్ష చెయ్యనున్నారు... మోడీ అరాచకాలకు నిరసనగా, ఈ నెల 20న, నిరాహారదీక్ష చేసే సంచలన నిర్ణయం తీసుకున్నారు చంద్రబాబు... సహజంగా, ముఖ్యమంత్రి, ప్రధాని పై నిరసన తెలుపుతూ, దీక్ష చెయ్యటం చాలా అరుదు... ఢిల్లీ ముఖ్యమంత్రి ఇలా నిరసన దీక్ష చేసారు...

ఆంధ్రప్రదేశ్‌ హక్కుల సాధనలో రాజీపడబోమని స్పష్టంచేశారు. విభజన హామీల సాధన కోసం ఈ నెల 20న ఒక్క రోజు నిరాహార దీక్ష చేస్తానని వెల్లడించారు. ‘నమ్మక ద్రోహం, కుట్రల నుంచి రాష్ట్రాన్ని కాపాడుకుందాం’ అనే నినాదంతో ఈ నెల 30న తిరుపతిలో భారీ బహిరంగ సభ ఏర్పాటు చేయనున్నట్టు తెలిపారు. అంబేడ్కర్‌ జయంతి వేడుకల సందర్భంగా గుంటూరు జిల్లాలోని తుల్లూరు మండలం శాఖమూరులో రూ.100 కోట్లతో 20 ఎకరాల్లో నిర్మించబోయే అంబేడ్కర్‌ స్మృతివనం ఆకృతిని ముఖ్యమంత్రి ఆవిష్కరించారు. ఈ సందర్భంగా రాష్ట్రానికి జరిగిన అన్యాయంపై ఆయన మాట్లాడారు.

‘‘రాష్ట్రానికి కేంద్రం తీరని ద్రోహం చేసింది. ఏపీకి ఇచ్చిన హామీలు నెరవేర్చలేదు. ఈనెల 20న నా పుట్టినరోజు..సాయంత్రం వరకు దీక్ష చేస్తా. ఈనెల 30న తిరుపతిలో బహిరంగ సభ నిర్వహిస్తాం. రాష్ట్రానికి జరిగిన అన్యాయంపై ప్రతి ఇంట్లో చర్చ జరగాలి. కేంద్రం లాలూచీ, ముసుగు రాజకీయాలు చేస్తోంది. నన్ను విమర్శించే అర్హత బీజేపీ, వైసీపీకి లేదు. కొత్తగా వచ్చిన ఓ పార్టీ కూడా మాపై విమర్శలు చేస్తోంది. రాష్ట్రాన్ని ఇబ్బందిపెట్టాలనే బంద్‌కు పిలుపునిచ్చారు. అభివృద్ధికి విఘాతం కలగకుండా శాంతియుతంగా నిరసనలు చేద్దాం. కేంద్రంపై రాజీలేని పోరాటానికి ప్రజలు సహకరించాలి. రాజకీయాల్లో మోదీ నాకంటే జూనియర్. 1995లోనే నేను సీఎం అయ్యా..2002లో మోదీ సీఎం అయ్యారు. 25 మంది ఎంపీలున్న రాష్ట్రాన్ని బీజేపీ కాదనుకుంటోంది. 25 ఎంపీ సీట్లలో గెలిపిస్తే ఢిల్లీని శాసించేది మనమే’’ అని చంద్రబాబు ఉద్ఘాటించారు.

బెంజిసర్కిల్‌ ఫ్లై ఓవర్‌ పనులు యుద్ధ ప్రాతిపదికన జరుగుతున్నాయి... ఒక వైపు ఇప్పటికే మొదలైన పనులు, మరో ఏడె నిమిది నెలల్లోనే అందుబాటులోకి తీసుకు వచ్చేందుకు కృషి చేస్తున్నారు... ప్రస్తుతం ఆరు నెలలుగా పనులు జరుగుతున్నాయి. మరో తొమ్మిది నెలలు ఉంది. కానీ, ఏడు నెలల్లోనే అంటే ఆగస్టు, సెప్టెంబర్‌ నాటికి ఫ్లైఓవర్‌ను అప్పగిస్తామని కాంట్రాక్టు సంస్థ ఎన్‌హెచ్‌ అధికారులకు చెబుతోంది. అయితే, రెండో వైపు పై ప్రతిష్ఠంభన కొనసాగుతోంది. ఇప్పటి వరకు టెండర్లను పిలవలేదు. రెండో పార్టు పైవంతెనకు సంబంధించిన అంచనాలను పూర్తి చేసి సమగ్ర ప్రాజెక్టు నివేదికను (డీపీఆర్‌) ఆర్థిక అనుమతుల కోసం ఆశాఖకు పంపినట్లు తెలిసింది. ప్రాజెక్టు సమగ్ర నివేదిక (డీపీఆర్‌) కేంద్రానికి సమర్పించి రెండునెలలు కావస్తున్నా ఇప్పటివరకు ఆమోదంగానీ, టెండర్లుగానీ పిలవలేదు. జాప్యం జరిగితే అంచనా వ్యయం మరింత పెరిగే ప్రమాదం కూడా ఉంది.

ఇప్పటికే రూ.25 కోట్లమేర వ్యయం పెరిగింది. జాప్యం జరిగితే అంచనా వ్యయం మరింత పెరిగే ప్రమాదం కూడా ఉంది. బెంజిసర్కిల్‌ ఫ్లై ఓవర్‌ రెండో వరస ప్రతిపాదన ఇంకా స్టాండింగ్‌ ఫైనాన్స్‌ కమిటీ (ఎస్‌ఎఫ్‌సీ) వద్దే ఉంది. ఎస్‌ఎఫ్‌సీ ఆమోదంతోనే టెండర్లకు అవకాశం ఉంటుంది. డీపీఆర్‌ ఆమోదంలో జాప్యం వల్లే సమస్య తలెత్తుతోంది. 16 నెంబర్‌ జాతీయ రహదారిపై బెంజిసర్కిల్‌ ఫ్లై ఓవర్‌ను ఐకానిక్‌లా రూపొందించాలన్న ఉద్దేశ్యంతో గ్రీన్‌బెల్ట్‌ల స్థానంలో రెండు వరసల్లో నిర్మించాలని రాష్ట్ర ప్రభుత్వం నిర్ణయించింది. ఈమేరకు డిజైన్లను రూపొందించి కేంద్రం అనుమతులు తీసుకుంది. ఇంతవరకు బాగానే ఉంది. రాష్ట్ర ప్రభుత్వం ఈ నిర్ణయం తీసుకోకముందే ఫ్లైఓవర్‌ నిర్మాణానికి జాతీయ రహదారుల సంస్థ టెండర్లు పిలిచింది. రెండువరసల విధానంలో నిర్మించాలని నిర్ణయించిన నేపథ్యంలో, రెండో వరసకు ప్రత్యేకంగా టెండర్లు చేపట్టాలని నిర్ణయించారు.

దీంతో మొదటి వరస పనులను కాంట్రాక్టు సంస్థ దిలీప్‌ బిల్డ్‌కాన్‌ చేపట్టింది. ఈ ఏడాది నవంబర్‌ నాటికి మొదటివరస పనులను పూర్తిచేయాల్సి ఉంది. ఆ దిశగా పనులు జరుగుతున్నాయి. నెలలోగా రెండో వరస పనులు కూడా ప్రారంభించాల్సిన తరుణంలో.. డీపీఆర్‌లో జాప్యం జరిగింది. మొదటి వరసను రూ.85 కోట్ల వ్యయంతో నిర్మించగా.. రెండో వరసకు డీపీఆర్‌ రూపొందిస్తే రూ.110కోట్ల వ్యయం అయింది. ఈ కొద్ది సమయానికే రూ.25 కోట్లు పెరిగింది. మొదటి వరసను మరో ఎనిమిది నెలల్లో కాంట్రాక్టు సంస్థ పూర్తిచేయాల్సి ఉంది. ఇంకా రెండోవరస పట్టాలెక్కకపోతే మున్ముందు మరింత సమస్య ఎదుర్కొనే అవకాశం ఉంది. ఇప్పటికే బెంజిసర్కిల్‌ వద్ద ట్రాఫిక్‌ ఇబ్బందులు పెరిగాయి. కేంద్రం, ఇప్పుడప్పుడే రెండో వరుసకు, అనుమతులు ఇచ్చే పరిస్థిది కనిపించటం లేదు... ఇది కూడా దుర్గగుడి ఫ్లై ఓవర్ లాగా, అటు రాష్ట్రానికి ఇవ్వక, కేంద్రం డబ్బులు ఇవ్వక, చంద్రబాబు పై నెపం నెట్టే ప్రయత్నం చేస్తుందని ప్రభుత్వ వర్గాలు భావిస్తున్నాయి...