news

ఎవరినైనా జగన్ వాడుకుని వదిలేస్తాడు.. డీజీపీ గౌతం సవాంగ్ బదిలీతో అందరి మదిలో ఉన్న అంశం ఇప్పుడు ఇదే. ప్రతిపక్షం ఈ అంశాన్ని ప్రజల్లోకి బాగా తీసుకుని వెళ్ళటంతో, ఇప్పుడు దిద్దుబాటు చర్యలను ప్రారంభించింది రాష్ట్ర ప్రభుత్వం. డీజీపీగా బదిలీ వేటు పడిన గౌతం సవాంగ్ కు ఏపీపీఎస్సీ చైర్మన్ పదవి ఇవ్వాలని, రాష్ట్ర ప్రభుత్వం భావిస్తుంది. నిన్నటి నుంచి ప్రభుత్వం ఈ అంశం పై లీకులు ఇస్తూ వచ్చింది. అయితే ఈ లీకులు నేపధ్యంలో, గౌతం సవాంగ్ ఏపీపీఎస్సీ చైర్మెన్ గా నియామకం అవ్వాలి అంటే, ఆయన ప్రస్తుతం ఉన్న ఐపిఎస్ కి రాజీనామా చేయాల్సి ఉంటుంది. ఏపీపీఎస్సీ చైర్మెన్ అనేది రాజ్యాంగబద్ద పదవి కావటంతో, దాంట్లో ఉండే వ్యక్తికి ఆరేళ్ళ సర్వీస్ అయినా ఉండాలి, లేదా 62 ఏళ్ళ వయసు వచ్చే వరకు, ఏది ముందు అయితే, అప్పటి వరకు ఆ పదవిలో ఉండవచ్చు. అయితే గౌతం సవాంగ్ కు, ఆ లెక్కన చూసుకుంటే, ఇప్పటికీ గౌతం సవాంగ్ కు 17 నెలల సర్వీస్ ఉంది. తరువాత వచ్చే రెండేళ్ళ పదవి కోసం, ఇప్పటి నుంచే, రిటైర్మెంట్ తీసుకుని వేరే చోటకు వెళ్ళాల్సిన అవసరం ఏముంది అనే ఆలోచనలో సవాంగ్ ఉన్నారు. పైగా అప్పటికి ప్రభుత్వం కూడా మారిపోతుంది. జగన్ మళ్ళీ వచ్చే సూచనలు కనిపించటం లేదు. అందుకే గౌతం సవాంగ్ ఆలోచనలో పడ్డారు.

ప్రభుత్వం ఈ ప్రతిపాదనను తన పైకి రుద్దుతున్నా, గౌతం మాత్రం ఇష్టపడటం లేదు. దీంతో ప్రభుత్వం, గౌతం సవాంగ్ పై ఒత్తిడి తీసుకుని వస్తుంది. కొంత మంది అధికారుల ద్వారా రాయబారం పంపి, ఆయన పైన ఒత్తిడి తీసుకుని వస్తుంది. ఎలాగైనా ఈ పదవి తీసుకోవాలని, లేకపోతే తమ పరువు పోతుందని ప్రభుత్వం భావిస్తుంది. గత మూడేళ్ళుగా ఆయనకు అడ్డమైన పనులు చెప్పి, ఎక్కడో తేడా రావటంతో, ఇలా అగౌరవంగా పంపించారు అనే అభిప్రాయం ప్రజల్లో బలంగా వెళ్ళింది. మరీ ముఖ్యంగా ఐఏఎస్, ఐపిఎస్ లలో కూడా ఇదే అభిప్రాయం వ్యక్తం అవుతుంది. ఈ అభిప్రాయం బలంగా నాటుకుపొతే తమకు ఇబ్బంది అని భావించి, ఎలాగైనా డ్యామేజ్ కంట్రోల్ చేయాలని, ఇందు కోసం ఏపీపీఎస్సీ పదవి ఇవ్వాలని ప్రభుత్వం భావిస్తుంది. అయితే గౌతం సవాంగ్ మాత్రం, ఈ ప్రతిపాదనకు ఒప్పుకోవటం లేదు. అయితే ఇప్పటికీ డీజీపీ సవాంగ్ డీజీపీగా రిలీవ్ అవ్వలేదు. ఈ విషయం పై ఏదో ఒక నిర్ణయానికి వచ్చిన తరువాతే, ఆయన డీజీపీ పదవి నుంచి దిగే అవకాసం ఉంది.

ఈ రోజు బెంజ్ సర్కిల్ రెండో ఫ్లై ఓవర్ ఓపెనింగ్ తో పాటుగా, ఇతర కార్యక్రమాల శంకుస్థాపనకు కేంద్ర మంత్రి నితిన్ గడ్కరీ, విజయవాడ వచ్చారు. ఈ సందర్భంగా ఏర్పాటు చేసిన సభలో నితిన్ గడ్కరీ వ్యాఖ్యలతో ఒక్కసారిగా వైసీపీ శ్రేణులు షాక్ అయ్యారు. ఆయన ఒక పక్కన పోగుడుతూనే, మరో పక్క సుతిమెత్తగా అంటించిన చురకలతో, వైసీపీ శ్రేణులు గందరగోళంలో పడ్డాయి. అసలు ఆయన అన్నది తమనేనా, తమ అధినేతనేనా అనే కన్ఫ్యూషన్ లో వైసీపీ శ్రేణులు ఉన్నాయి. గడ్కరీ మాట్లాడుతూ "నాయకుడికి బలమైన రాజకీయ ఆకాంక్ష ఉన్నప్పుడే మౌలిక సదుపాయాల అభివృద్ధి జరుగుతుంది. అభివృద్ధికి బలమైన రాజకీయ ఆకాంక్ష చాలా చాలా ముఖ్యం. మీరు కళ్లు దానం చేయొచ్చు... కానీ ముందు చూపును (విజన్) దానం చేయలేరు. నాయకులకు ముందు చూపు లేకపోవడం.... మన దేశం యొక్క అతి పెద్ద సమస్య. ముందుచూపు తో కూడిన విధానాలు, పారదర్శకత, నిర్ణీత సమయంలో ప్రాజెక్టులు పూర్తి చేయటం, నాణ్యమైన విధానం.... అన్నిటికి మించి.... అవినీతి రహిత పాలన..... ఇవి... ఈరోజు మన దేశానికి కావలసినవి. ఇవి మన ఆర్థిక వ్యవస్థను పటిష్ట పరుస్తాయి. భారత దేశ ఆర్థిక అభివృద్ధి లో... ఆంధ్రప్రదేశ్ ది కీలక పాత్ర... ధ్రప్రదేశ్ రికార్డులు పరిశీలిస్తే ఆ విషయం తెలుస్తుంది."

"మంచి మౌలిక సదుపాయాల అభివృద్ధి ద్వారా ఆంధ్రప్రదేశ్ లో వర్తక, వాణిజ్యాలను గణనీయంగా అభివృద్ధి చేయొచ్చు..... ముఖ్యంగా రేవు పట్టణాల అభివృద్ధి ద్వారా. నేను గతంలో ఇక్కడికి వచ్చిన ప్రతిసారి.... పోలవరం గురించి వినేవాడిని. కొంతమంది .... సంక్షోభం నుంచి అవకాశాలను సృష్టించుకుంటారు. మరికొంతమంది.... అవకాశాల్లో నుంచి సమస్యలు సృష్టిస్తుంటారు" ఇది ఈరోజు విజయవాడలో..... జగన్మోహన్ రెడ్డి సమక్షంలో..... కేంద్ర మంత్రి నితిన్ గడ్కారీ ఉపన్యాసం. ఈ ఉపన్యాసంటి నితిన్ గడ్ఖరీ ఎవరి గురించి చెప్పారు, ఎందుకు చెప్పారో అర్ధం కాక, బుర్రలు బద్దలుకొట్టుకుంటున్నారు వైసీపీ శ్రేణులు. మరీ ముఖ్యంగా చంద్రబాబు ఎప్పుడూ వాడే ఊత పదం, సంక్షోభం నుంచి అవకాశాలను సృష్టించుకుంటాను అనే మాటను, ఇక్కడ ఉపయోగించిన గడ్కరీ, కొంత మంది మాత్రం అవకాశాల్లో నుంచి సమస్యలు సృష్టిస్తుంటారు అంటూ చేసిన వ్యాఖ్యలు రాజకీయ పరిజ్ఞానం ఉన్న ఎవరికైనా, ఆయన ఎవరిని ఉద్దేశించి వ్యాఖ్యలు చేసారో అర్ధం అవుతుంది.

ఆంధ్రప్రదేశ్ రాష్ట్రంలో పరిస్థితి ఎలా ఉందో, ఎంత ఘోరంగా ఉందో చెప్పే సంఘటన ఇది. సామాన్య ప్రజలకే దిక్కు లేక, అధికారులకు కూడా హక్కులు లేక, బ్రతుకుతున్న ఆంధ్రప్రదేశ్ లో, ఇప్పుడు ఏకంగా ప్రతిపక్ష నాయకుడు, ఈ రాష్ట్రానికి 14 ఏళ్ళు ముఖ్యమంత్రిగా పని చేసిన నారా చంద్రబాబు నాయుడుకు ఇప్పుడు రక్షణ లేకుండా పోయింది. మొన్నటి వరకు చంద్రబాబు ఇంటి మీదకు వెళ్లారు, చంద్రబాబు పార్టీ ఆఫీస్ మీదకు వెళ్లారు, ఇలా రకరకాలుగా చేసిన వాళ్ళు, ఇప్పుడు ఏకంగా చంద్రబాబు స్థలం కూడా కబ్జా చేయాలని చూడటం పెద్ద షాక్ అనే చెప్పాలి. నారావారి పల్లె అనేది చంద్రబాబు సొంత ఊరు అనేదికి అందరికీ తెలిసిందే. చంద్రబాబుకు నారావారి పల్లెలో కొంత భూమి ఉంది. ఆయన ప్రతి సారి తన ఆస్తుల జాబితాలో ఇది కూడా చెప్తూ వచ్చేవారు. అయితే ఇప్పుడు నారావారి పల్లెలో ఉన్న భూమిని కబ్జా చేసే ప్రయత్నం చేసారు అనే వార్తలు రాష్ట్రంలో సెన్సేషన్ అయ్యాయి. చంద్రబాబుకు నారా వారి పల్లెలో ఉన్న భూమిని కబ్జా చేసే ప్రయత్నం చేస్తున్నారు. సర్వే నెంబర్ 222/5లో చంద్రబాబు పేరిట ఉన్న 38 సెంట్ల భూమని కబ్జా చేసే ప్రయత్నం చేసారు డుండగులు. చంద్రబాబు స్థలంలో, రాతి కూసాలను కబ్జాదారులు నాటేసి, స్థలం మొత్తం లాగేసే ప్రయత్నం హ్సుస్తున్నారు.

1989లో 87 సెంట్ల రిజిస్టర్ భూమిని, చంద్రబాబు తండ్రి ఖర్జూరనాయుడు కొనుగోలు చేసారు. అయితే తరువాత ఆ భూమి చంద్రబాబు పేరిట వచ్చింది. ఆ భూమిలో కొంత భాగాన్ని, ప్రజల అవసరాల కోసం అని చెప్పి, చంద్రబాబు ఆస్పత్రి, కల్యాణ మండపానికి ఇచ్చారు. అయితే చంద్రబాబు మంచి పని కోసం, ఇచ్చిన భూమి పైన, కొంత మంది కబ్జా దారుల కన్ను పడింది. ఏకంగా చంద్రబాబు భూమికే టెండర్ పెట్టారు. చంద్రబాబు ఇచ్చిన 38 సెంట్ల భూమిలో ఏకంగా ఫెన్సింగ్ ఏర్పాటు చేస్తున్నారు. దీంతో ఒక్కసారిగా అక్కడి వారు షాక్ తిన్నారు. ఏకంగా చంద్రబాబు కు చెందిన భూమినే కబ్జా చేస్తూ ఉండటంతో, వెంటనే సమాచారాన్ని చంద్రబాబుకు అందించారు. దీని పైన ముందు పోలీసులకు ఫిర్యాదు చేయాలని చంద్రబాబు చెప్పినట్టు సమాచారం. అయితే ఇది ఒక పక్క ఉంటే, అసలు రాష్ట్రంలో పరిస్థితి ఎలా ఉంది అని చెప్పటానికి, ఇది ఒక ఉదాహరణ. చంద్రబాబుకే రక్షణ లేకపోతే, ఇక సామాన్య ప్రజల పరిస్థితి ఏమిటి అనేది ఇప్పుడు అందరి ప్రశ్న.