news

ఇప్పటికే కేంద్ర మంత్రి పదవుల నుంచి వైదొలగిన తెలుగుదేశం పార్టీ, త్వరలోనే ఎన్డీఏ నుంచి కూడా బయటకు వచ్చేయటానికి సమాయత్తమవుతోంది. కేంద్ర మంత్రుల రాజీనామాను మొదటి అస్త్రంగా పరిగణించిన తెలుగుదేశం కేంద్రంపై మరింత ఒత్తిడి తేవాలని సంకల్పించింది. దశల వారీగా కేంద్రంపై ఒత్తిడి పెంచాలని నిర్ణయించిన తెలుగుదేశం పార్టీకి తాజాగా కేంద్రం వ్యవహరించిన తీరు ఆగ్రహాన్ని తెప్పిస్తుంది. ప్రత్యేకించి ప్రధాన ప్రతిపక్ష నేత వైఎస్ జగన్మోహన్ రెడ్డికి చెందిన జప్తు చేసిన రూ.34 కోట్లను ఈడీ ద్వారా తిరిగి ఇప్పించడాన్ని, ఏ విధంగా అర్ధం చేసుకోవాలంటూ తెలుగుదేశం ప్రశ్నిస్తుంది... అదే విధంగా, విజయసాయి రెడ్డి, మాకు మోడీ మీద పూర్తి విశ్వాసం ఉంది అని చెప్పి, మళ్ళీ అవిశ్వాసం అని డ్రామాలు ఆడటం కూడా గమనిస్తుంది.

అన్యాయంగా విభజనకు గురైన ఆంధ్ర ప్రదేశ్ కు అన్ని విధాల ఆదుకోవడంతో పాటు కేంద్రం నుంచి విభజన చట్టం, హామీల అమలు కాకపోవడంపై మెట్టు దిగే వీలులేదని టీడీపీ సంకేతాలు ఇచ్చింది. అయితే ఒక వైపు కేంద్రమంత్రులు రాజీనామాలు చేయడం, మరో వైపు ఎంపీలు పార్లమెంటు వేదికగా పోరాటం చేస్తున్న నేపధ్యంలో తాజాగా జప్తు చేసిన ఈడీ ఆస్తులను తిరిగి ఇవ్వడం వెనుక పెద్ద మతలబు ఉందనే దిశగా ఈ రోజు జరిగిన భేటీలో లోతుగా చర్చించినట్లు సమాచారంచంద్రబాబు అభిప్రాయ పడుతున్నారు. పార్లమెంటులో కేవలం నలుగురు సభ్యుల మద్దతు ఉన్న వైఎస్సార్ సీపీ కేంద్రం పై అవిశ్వాస తీర్మానం ప్రవేశపెట్టడం హాస్యాస్పదంగా ఉందనే దిశగా కూడా చర్చ జరిగింది.

అయితే అవిశ్వాస తీర్మానం ప్రవేశ పెట్టడానికి కనీసం 50 మంది సభ్యుల మద్దతు ఉండాలని పేర్కొన్న నేతలు వైఎస్సార్ సీపీని ముద్దాయిల పార్టీ అని, అలాంటి పార్టీని తెలుగుదేశం కాదు కదా, ఇతర పార్టీల మద్దతు కూడా లభించబోదనే అభిప్రాయం వ్యక్తమైంది. కేసుల మాఫీ కోసం వైఎస్సార్ సీపీ కుప్పిగంతులు వేస్తోందని, ఢిల్లీ చుట్టూ, ప్రధాని చుట్టూ ప్రదక్షిణలు చేస్తున్నదని దుయ్యబట్టిన ముఖ్యమంత్రి, ఇతర నేతలు ప్రజా క్షేత్రంలోనే ఎత్తుగడలను తిప్పి కొట్టాలని నిర్ణయించారు. యధావిధిగానే పార్లమెంటు వేదికగా ఆందోళన కార్యక్రమాలు కొనసాగించాలని జాతీయ రాజకీయాలను నిశితంగా పరిశీలించి, బీజేపీ - వైసిపీ డ్రామాలు చూసి, మరో అస్త్రాన్ని ప్రయోగించాలనే నిర్ణయానికి నేతలు వచ్చారు.

చట్ట బద్దంగా ఇచ్చిన హామీలు విభజన అంశాల పై సుప్రీం కోర్టుకు వెళ్ళాలనే దిశగా కూడా కసరత్తు చేశారని సమాచారం. తొలుత సుప్రీంకోర్టులో కేసు వేసిన తరువాతే కేంద్రం స్పందనను బేరీజు వేయాలని చర్చించారు. ఆంధ్రప్రదేశ్ కు హక్కుగా రావాల్సిన విభజన చట్టంలోని హామీల పై, ఇన్నాళ్ళు ఓర్పుగా చూసాం అని, ఇక ఉపేక్షించేది లేదని, చంద్రబాబు చెప్తూనే ఉన్నారు... అయితే, ఇప్పుడు కోర్ట్ కి వెళ్తే, అవి వెంటనే విచారణకు వస్తాయా ? ఇప్పుడు కేంద్రం ఏమన్నా చెయ్యాలనుకున్నా, కేసు తేలేదాకా వీలు ఉంటుందా అనే అంశాల పై కూడా, లోతుగా చర్చిస్తున్నారు... రాష్ట్రానికి మంచి జరుగుతుంది అనుకుంటే, ఎంతటి నిర్ణయం అయినా తీసుకుంటానికి రెడీ అని చంద్రబాబు చెప్తున్నారు... ఎన్డీయేతో రెండు దశాబ్దాలకు పైగా కొనసాగిన బంధాన్ని కూడా సమీక్షించి, సమీప భవిష్యత్తులో అనుసరించనున్న వ్యూహంపై కూడా చంద్రబాబు ఆలోచిస్తున్నారు..

నిన్న ఢిల్లీలో, రాష్ట్ర విభజన చట్టంలోని 13వ షెడ్యూల్‌లో పేర్కొన్న హామీల అమలు పురోగతిని సమీక్షించేందుకు కేంద్ర హోంశాఖ కార్యదర్శి రాజీవ్ గాబాతో ఏపీ, తెలంగాణ రాష్ట్రాల అధికారులు సమావేశమయ్యారు. ఏపీ నుంచి ప్రభుత్వ ప్రధాన కార్యదర్శి దినేశ్ కుమార్, రాష్ట్ర ప్రణాళికా సంఘం ఉపాధ్యక్షుడు కుటుంబరావు, ప్రత్యేక ప్రధాన కార్యదర్శి ఆదిత్యనాథ్ దాస్, ఏపీ భవన్ రెసిడెంట్ కమిషనర్ ప్రవీణ్ ప్రకాశ్ తదితరులు ఈ భేటీలో పాల్గొన్నారు. ఈ సమావేశంలో ఏపీ అధికారులు రైల్వే జోన్ గురించి ప్రస్తావించగా రాజీవ్ గాబా మాట్లాడుతూ ప్రత్యేక రైల్వే జోన్ వల్ల ఏపీకి ప్రత్యేకంగా ఒరిగేది ఏమీ ఉండబోదన్నారు.

దీంతో అక్కడ మన ఆంధ్రప్రదేశ్ అధికారులు గట్టిగా గొడవ చెయ్యటంతో, మేమైతే ఇది కుదరదు అని చెప్తున్నామని అధికారులు చెప్పారు.. కేంద్రం ముందుకు వెళ్ళాలి అనుకుంటే, ఈ విషయంలో రాజకీయ నిర్ణయం అవసరమని, నెల రోజుల్లో కేంద్ర హోంమంత్రితో సమావేశం ఏర్పాటు చేసి సీఎం చంద్రబాబును కూడా పిలుద్దామని అన్నారు... దీంతో రాష్ట్ర అధికారులు తీవ్ర నిరాశతో, విషయన్ని ముఖ్యమంత్రికి చెప్పారు... రైల్వే జోన్ కూడా ఇక ఇవ్వరు అనే అభిప్రాయం కలుగుతుందని, అధికారులుగా ఇక మేము ఏమి చెయ్యలేని స్థితి ఉందని, కేంద్ర అధికారులు తెగేసి ఇది లాభం కాదని చెప్తున్నారని చెప్పారు...

దీంతో రాజకీయంగా దీన్ని ఎలా ముందుకు తీసుకువెళ్ళాలి అనేది అలోచించి, ముందుగా కేంద్ర రైల్వే శాఖ మంత్రి పీయూష్ గోయల్‌ ని కలవాలని తెలుగుదేశం పార్టీకి చెందిన పార్లమెంటు సభ్యులను చంద్రబాబు ఆదేశించారు... దీంతో ఈ రోజు సాయంత్రం, నాలుగు గంటలకు ఎంపీలు, కేంద్ర రైల్వే శాఖ మంత్రి పీయూష్ గోయల్‌తో భేటీ కానున్నారు... ఈ సందర్బంగా విశాఖ కేంద్రంగా రైల్వేజోన్‌ ఇవ్వాల్సిందే అని గట్టిగా చెప్పనున్నారు... దీంతో ఈ రోజుతో, రైల్వే జోన్ కేంద్రం ఆమోదిస్తుందో లేదో, తేలిపోనుంది... పీయూష్ గోయల్‌ కి చంద్రబాబుకి ఎంతో సాన్నిహిత్యం ఉంది... చాలా సందర్భాల్లో పీయూష్ గోయల్‌, నేను చంద్రబాబుకి వీరభిమానని అని చెప్పుకున్నారు కూడా... అయితే, ఈ విషయంలో మోడీ డైరెక్ట్ ప్రమేయం ఉండటంతో, ఏమి చెయ్యలేని పరిస్థితి...

ఏపీఎస్ఆర్టీసీకి అత్యాధునిక బస్సులను రాష్ట్ర ప్రభుత్వం సమకూర్చింది. వీటిని సోమవారం అధికారికంగా ప్రారంభించారు. 2018 సంవత్సరంలో ఆర్టీసీ యాజమాన్యం అత్యాధునిక వసతులున్న 19 అమరావతి ఏసీ బస్సులను కొనాలని నిర్ణయించి, ఆమేరకు కొనుగోలుకు చర్యలు కూడా తీసుకున్నది. ఒక్కో బస్సు ఖరీదు రూ. 1,15,50,000 ఉంది. అధిక వ్యయంతో కూడుకున్న ఈ బస్సుల్లో ప్రస్తుతం ఏసీ అమరావతి బస్సులు బస్ భవనకు చేరుకున్నాయి. ఈ కొత్త బస్సులు కొన్ని ప్రత్యేకతను కలిగి ఉన్నాయి. ఆటోమేటిక్ గేర్, హై హార్స్ పవర్ -380, అధునాతన సౌకర్యవంతమైన పాసింజర్ సీట్లో కలిగి ఉన్నాయి.

ఒక్కో బస్సులో ఆధునిక పద్దతిలో 47 సీట్లు ఏర్పాటు చేశారు. బస్ పొడవు వచ్చేసి 13.8 మీటర్లు ఉంది. ఇందులో రెండు టీవీలు, 3 సీసీ కెమెరాలు కూడా ఉండడం గమనార్హం. ప్రతి సీటుకు మొబైల్ ఫోన్ ఛార్జ్ చేసుకునే సదుపాయాన్ని కూడా కలిగించారు. వోల్వో కంపెనీ ద్వారా వీటిని కొనుగోలు చేశారు. రాష్ట్ర రవాణా శాఖా మంత్రి అచ్చెన్నాయుడు సోమవారం ఈ బస్సులను ప్రారంభించారు. కాగా ఇప్పటికే సంస్థలో మొత్తం 263 ఏసీ బస్సులున్నాయి. ఇందులో అమరావతి బస్సులు 45, గరుడ 60, గరుడ ఫస్ట్ 21, ఇంధ్ర 100, మెట్రో లగ్జరీ 30, వెన్నెల 7 ఏసీ బస్సులు తిరుగుతున్నాయి. 2017లో 25 గరుడ బస్సులను కరోన సంస్థ నుంచి కొనుగోలు చేశారు. ఈసందర్భంగా ప్రతి బస్సుకు రూ. 66 లక్షలు వ్యయం చేశారు. ఏపీఎస్ఆర్టీసీలో మొత్తం 11,781 బస్సులున్నాయి. వాటిలో 2,722 బస్సులు అద్దె ప్రాతిపదికన నడుస్తున్నాయి. అంటే ఆర్టీసీ ఆధ్వర్యంలో నికరంగా ఉన్న బస్సులు 9,050 మాత్రమే.

49 శాతం బస్సులు గ్రామీణ ప్రాంతాల్లోను, 11 శాతం సిటీ బస్సులు విజయవాడ, విశాఖపట్నం, తిరుపతి వంటి నగరాల్లో తిప్పుతున్నారు. స్పెషల్ టైపు బస్సులు సూపర్ లగ్జరీవి 1340, అల్ట్రా డీలక్స్ 618, ఎక్స్ప్రెస్ 2026, ఏపీ 263 బస్సులు వివిధ రూట్లలో తిరుగుతున్నాయి. రాష్ట్ర ప్రజల అవసరాలకు అనుగుణగా బస్సులు నడుపుతూ ప్రతి రోజు 43లక్షల కిలో మీటర్లు తిప్పుతున్నారు. రోడ్డు ఉన్న ప్రతి గ్రామానికి బస్సులు నడుతున్నారు. గిరిజన కొండ ప్రాంతాలలోని పాడేరులో సైతం ఆర్టీసీ డిపో ఉన్నది. సమిష్టి కృషి, ప్రజల ఆదరణ, ప్రభుత్వ సహకారం వల్ల గత ఏడాది 66.88 శాతం ఉన్న ఆక్యుపెన్సీ 73.29 శాతానికి పెరిగింది. తద్వారా గత ఏడాది (జనవరి 2017 వరకు ఉన్న రూ. 736.84 కోట్ల నష్టాలను ప్రస్తుతం రూ. 403.75 కోట్లకు తగ్గించుకోగలిగారు. అంటే దాదాపు రూ. 333.09 కోట్ల నష్టాలను అధిగమించగలగడం గమనార్హం.