news

అమరావతి రాజధాని ప్రాంతంలో హిందుస్థాన్‌ కార్పొరే షన్‌ లిమిటెడ్‌ (హెచ్‌సీఎల్‌) కంపెనీ వచ్చిన సంగతి తెలిసిందే... గన్నవరం దగ్గర కేసరపల్లిలో ఎల్‌అండ్‌టీ హై టెక్‌ సిటీ పక్కన 28.72 ఎకరాలను హెచ్‌సీఎల్‌కు ఇవ్వటానికి అధికారికంగా ఒప్పందం కుదిరింది.... రాజాధనిలో ఈ మొట్టమొదటి భారీ ఐటీ ప్రాంగణం ఏర్పాటుకు పనులు ప్రారంభమయ్యాయి... రాజధాని పరిధిలో ఇప్పటికే 37కు పైగా ఐటీ సంస్థలు ఏర్పాటైనప్పటికీ అవన్నీ 500లోపు ఉద్యోగులు ఉన్న కంపెనీలే. తొలిసారి వేల మంది ఉద్యోగులకు ఉపాధిని కల్పించే పెద్ద ఐటీ ప్రాంగణం గన్నవరం విమానాశ్రయం ఎదురుగా దుర్గాపురంలో కేటాయించిన స్థలంలో రూపుదిద్దుకుంటోంది.

రెండు దశల్లో 28 ఎకరాలలో ఏర్పాటు చేస్తున్న ఈ ప్రాంగణం దక్షిణ భారతదేశంలోనే అత్యంత కీలకమైనదిగా మారనుంది... రాజధాని పరిధిలో ఇప్పటికే 37కు పైగా ఐటీ సంస్థలు ఏర్పాటైనప్పటికీ అవన్నీ 500లోపు ఉద్యోగులు ఉన్న కంపెనీలే. తొలిసారి వేల మంది ఉద్యోగులకు ఉపాధిని కల్పించే పెద్ద ఐటీ ప్రాంగణం గన్నవరం విమానాశ్రయం ఎదురుగా దుర్గాపురంలో కేటాయించిన స్థలంలో రూపుదిద్దుకుంటోంది. రెండు దశల్లో 28 ఎకరాలలో ఏర్పాటు చేస్తున్న ఈ ప్రాంగణం దక్షిణ భారతదేశంలోనే అత్యంత కీలకమైనదిగా మారనుంది.

కళంకారీ నేత, కొండపల్లి బొమ్మలను ప్రతిబింబించేలా అమరావతి బౌద్ధ శిల్ప నిర్మాణ శైలిలో ఈ నూతన భవంతుల్ని నిర్మించనున్నారు. గన్నవరం విమానాశ్రయం సమీపంలో నిర్మించనున్న ఈ భవనాలను విమానాలు దిగే సమయంలో ఆకాశంలో నుంచి చూస్తే ఈ నిర్మాణాలు అద్భుతంగా కనిపిస్తాయి... ఇది ఇలా ఉండగా, మేథాటవర్స్‌లో రెండు లక్షల చదరపు అడుగులు ఉండగా 70వేల వరకూ ఇంకా ఖాళీ ఉంది... దీనిలో త్వరలో హెచ్‌సీఎల్‌ స్టేట్‌స్ట్రీట్‌ సంస్థ తమ సంస్థను నెలకొల్పబోతోంది. ఈ సంస్థలో వెయ్యి మంది వరకూ ఉపాధి దొరకనుంది. ఈ సంస్థ ఏర్పాటు చేస్తే మేధాటవర్స్‌ పూర్తిగా నిండిపోతుంది.

50వేల మందికి ఇప్పటి వరకు చంద్రబాబు ఎలా సాయం చేసారో చూసారా... దేశంలో ఏ ముఖ్యమంత్రికి లేని రికార్డు ఇది.... ఇలాంటి రికార్డులు జాతీయ మీడియాకు కనిపించవు... చంద్రబాబుని జాతీయ స్థాయిలో జరుగుతున్న కుట్రలో భాగంగా, గత కొన్ని రోజులుగా జాతీయ స్థాయిలో జరుగుతున్న ప్రచారం చూస్తున్నాం... అయితే, ఇప్పుడు మీరు చూడబోయేది చంద్రబాబులోని మరో కోణం.... ఎప్పుడూ అభివృద్ధి, టెక్నాలజీ అనే మూడ్ లో ఉన్న చంద్రబాబు, కష్టం అని వచ్చిన పేదవారిని ఎలా ఆదుకున్నారో చూడండి.. ఇది వరకు ముఖ్యమంత్రిగా ఉన్న రోజుల్లో, సియం రిలీఫ్ ఫండ్ నుంచి, పెద్దగా నిధులు ఇచ్చే వారు కాదు... అప్పట్లో ఆయన వర్కింగ్ స్టైల్ వేరు.... కాని, ఇప్పటి చంద్రబాబు వర్కింగ్ స్టైల్ వేరు...

కష్టం అని ఎవరు వచ్చినా, దాంట్లో నిజా నిజాలు తెలుసుకుని, ఎంత సహయమ కావాలి అంటే అంత చేస్తున్నారు... అంతే కాదు టీవీల్లో వచ్చే వార్తలు కూడా చూసి, వారికి సహాయం చేస్తున్నారు.... కొన్ని నెలల క్రితం లివర్‌ సమస్యతో బాధపడుతున్న జ్ఞానసాయి అనే అమ్మాయి మెర్సీ కిల్లింగ్‌కు అనుమతి ఇవ్వాలని వారి తల్లిదండ్రులు దరఖాస్తు చేస్తుకున్నారు. మీడియా ద్వారా ఈ విషయం తెలుసుకున్న సీఎం... వారిని పిలిచి రూ.23లక్షల సాయం అందించి చెన్నై ఆస్పత్రిలో శస్త్రచికిత్స చేయించారు. అంతటితో ఆగలేదు... ‘లివర్‌ మార్పిడి అయ్యాక కూడా ఆ అమ్మాయికి ఖర్చులుంటాయేమో! వైద్య పరీక్షలు, మందులకు అవసరం అవుతాయేమో! మరో 3 లక్షలు మంజూరు చేయండి’ అని ఆదేశించి, నిధులు విడుదల చేయించారు.

విభజన తర్వాత ఆర్థిక ఇబ్బందులు ఉన్నప్పటికీ... మానవీయ స్పందనలో మాత్రం ఎక్కడా వెనక్కి తగ్గడంలేదు. ఎవరైనా వైద్యానికి ఆర్థిక సాయం కోసం వచ్చినప్పుడు వారి పరిస్థితిని ఆరా తీసి, అవసరాన్ని బట్టి ఎంత మొత్తం అన్నది రాస్తున్నారు. రాష్ట్ర విభజన తర్వాత మూడేళ్లలో సుమారు 50వేల మందికి సీఎం సహాయనిధి నుంచి ఆర్థికసాయం అందించారు. వైద్య అవసరాలను బట్టి రూ.20వేల నుంచి రూ.20లక్షల పైవరకు సాయం మంజూరు చేశారు. ఇప్పటికి రూ.370కోట్లను అందించారు. గత ప్రభుత్వ హయాంలో 2009నుంచి 2012వరకు నాలుగేళ్లలో సుమారు 26వేల మందికి సీఎం సహాయ నిధి నుంచి రూ.127కోట్లు సహాయం అందింది. అదికూడా... సమైక్యాంధ్రలోని 23 జిల్లాలకు కలిపి. కానీ, ఈ మూడేళ్లలో 13జిల్లాల ఏపీకే 50వేల మందికి రూ.370కోట్ల సాయం చేశారు. గతంతో పోలిస్తే ఇది ఐదారు రెట్ల కంటే ఎక్కువ అని ప్రభుత్వ వర్గాలు పేర్కొంటున్నాయి.

గతంలో సీఎం సహాయనిధి నుంచి ఆర్థిక సాయం కావాలంటే ప్రజాప్రతినిధుల సిఫారసు తప్పనసరి. చంద్రబాబు ఈ విషయంలోనూ సంస్కరణలకు తెరతీశారు. ప్రజాప్రతినిధుల లేఖలు లేకున్నా, చివరకు తాను సంతకం చేయకున్నా సాయం అందేలా ఏర్పాట్లు చేశారు. వెలగపూడిలోని సీఎం క్యాంప్‌ కార్యాలయంలో కింది అంతస్థులో సీఎం సహాయనిధి విభాగాన్ని ఏర్పాటు చేశారు. ఏ రోజైనా ఇక్కడకు వచ్చి సామాన్యులు తమ దరఖాస్తులు ఇచ్చుకోవచ్చు. తమ బాధలు చెప్పుకోవచ్చు. వాటిని ఆన్‌లైన్‌లోనే ఆమోదించి ఆర్థికసాయం మంజూరు చేస్తున్నారు. తెల్లరేషన్‌కార్డు ఉన్నవారు ఎలాగూ ఎన్టీఆర్‌ వైద్యసేవ పరిధిలోకి వస్తారు. ఆ పథకం కింద కార్పొరేట్‌ ఆసుపత్రుల్లో చికిత్స అందుతోంది. అయితే తెల్లరేషన్‌కార్డులు లేనివారు, ఒకవేళ ఆ రేషన్‌కార్డు ఉన్నా ఎన్టీఆర్‌ వైద్యసేవ పరిధిలోకి రాని జబ్బులకు సీఎం సహాయ నిధికోసం దరఖాస్తు చేసుకోవచ్చు. తెల్లరేషన్‌కార్డు లేకున్నా పేదలమే అని చెప్పేందుకు ఆదాయ ధ్రువీకరణ పత్రం అవసరం. ఇందులోను కొంత ఉదారంగానే సీఎం వ్యవహరిస్తున్నారు. వైద్య ఖర్చు అనేది కుటుంబాల ఆర్థిక పరిస్థితులను తలకిందులు చేస్తుందని, అలాంటి సమయంలో ఆదుకోవడం ప్రభుత్వ కర్తవ్యమని అధికారులకు ఎప్పటికప్పుడు సూచిస్తున్నారు.

మనం ఒక వీడియో ఇంటర్నెట్ లో చూస్తున్నాం... ఆక్సిడెంట్ లు అవ్వకుండా, రోలర్ సేఫ్టీ బ్యారియర్లతో ప్రమాదాలు ఎలా నివారించవచ్చో చూసాం... ఇలాంటివి మన రాష్ట్రంలో కూడా ఉంటే బాగుండు అనుకున్నాం... అయితే, ఇప్పుడు ఇవి మన రాష్ట్రంలో కూడా వస్తున్నాయి... తిరుపతి- తిరుమల ఘాట్ రోడ్డులో జరుగుతున్న ప్రమాదాలను రోలర్ సేఫ్టీ బ్యారియర్లతో చెక్ పెట్టే చర్యలపై రాష్ట్ర ప్రభుత్వం దృష్టి సారించింది. పశ్చిమ ఆస్ట్రేలియా సాంకేతిక సహకారంతో ఘాట్ రోడ్డులో ప్రమాదాలను నివారించాలని నిర్ణయించింది. ఈ మేరకు ఇటీవల అవగాహన ఒప్పందం కూడా చేసుకుంది.

తిరుపతి నుంచి తిరుమలకు చేరుకునేందుకు రెండు ఘాట్ రోడ్లు ఉన్నాయి. ఒక ఘాట్ రోడ్డు 24 కిలోమీ టర్లు, మరో ఘాట్ రోడ్డు 17 కిలోమీటర్ల మేర ఉన్నాయి. ఈ ఘాట్ రోడ్డులో అతివేగం, డ్రైవింగ్ నైపుణ్యం సరిగా లేకపోవడం, కాలం చెల్లిన వాహనాల వినియోగం వంటి కారణాలతో నెలకు 5 నుంచి 10 వరకూ ప్రమాదాలు జరుగు తున్నాయి. గత ఏడాది 106 ప్రమా దాలు జరిగాయి... ఘాట్ రోడ్డులో ప్రమాదాలు ప్రభుత్వానికి ఆందోళన కలిగిస్తున్నాయి. ఎన్ని నియంత్రణ చర్యలు తీసుకున్నప్పటికీ, ప్రమాదాలు జరుగుతుండటంతో ఇతర దేశాల్లోని సాంకేతిక పరిజ్ఞానాన్ని వినియోగించుకోవడం పై ప్రభుత్వం దృష్టి సారించింది. ఈ మేరకు పశ్చిమ ఆస్ట్రేలియాతో ఒప్పందం కుదుర్చుకుంది. ఇందులో భాగంగా రోలర్ సేఫ్టీ బ్యారియర్లను ప్రమాదకరమైన బ్లాక్ స్పాట్ల వద్ద ఏర్పాటు చేస్తారు. వేగంగా వస్తున్న వాహనం ఈ బ్యారియర్లను ఢీకొంటే పెనుప్రమాదం తప్పే వీలుంటుంది.

ఈ వ్యవస్థలో భాగంగా ఏర్పాటు చేసే రోలర్లు వాహనం ఢీకొనటం ద్వారా వచ్చే షాక్ను తట్టుకుని, దాన్ని రొటేషనల్ ఎనర్జీగా మారుస్తాయి. దీనివల్ల ఢీకొన్న వాహనం తిరిగి రోడ్డు పైనే ఆగిపోతుంది. దీనివల్ల భారీ ప్రమాదం తప్పుతుంది. ఈ విధానాన్ని రహదార్లలోని డివైడర్ల వద్ద, ట్రాఫిక్ ఐలాండ్స్ వద్ద కూడా అమలు చేయడం వల్ల ప్రమాదాలను గణనీయంగా నివారించవచ్చని భావిస్తున్నారు. విదేశాల్లో విజయవంతంగా అమలవుతున్న ఈ విధానాన్ని తొలిసారిగా తిరుమల ఘాట్ రోడ్లో అమలు చేయనున్నారు. ఇందుకు కావాల్సిన సాంకేతిక సహకారం పశ్చిమ ఆస్ట్రేలియా అందచేస్తుంది. నిధులు రాష్ట్రం సమకూరుస్తుంది. మరికొద్ది రోజుల్లో దీనిపై మరింత స్పష్టత రానుంది.