news

రాష్ట్ర గవర్నర్ నరసింహన్ న మార్చాలంటూ కేంద్ర హోం మంత్రి రాజనాథ్ సింగ్ కు బీజేపీ రాప్త అధ్యక్షుడు కంభంపాటి హరిబాబు లేఖ రాయడం ఆ పార్టీలో ఇప్పుడు చర్చనీయాంశంగా మారింది. ఏ రోజు కూడా పార్టీ పటిష్టతకు కానీ, కార్యకర్తల సంక్షేమానికి కానీ సమయం వెచ్చించని హరిబాబు ఉన్నట్టుండి గవర్నర్ అంశాన్ని తెరపైకి తేవడంలోని ఆంతర్యమేమిటని ఆ పార్టీలోని కొంత మంది నేతలు జీర్ణించుకోలేక పోతున్నారు. ముఖ్యంగా వీరంతా రాష్ట్ర ప్రభుత్వనికి, మరీ ముఖ్యంగా చంద్రబాబుకి వ్యతిరేకులు... కేంద్ర ప్రభుత్వ ఆదేశాల మేరకు పనిచేసే గవర్నర్ అంశంలో హరిబాబు వ్యవహరించిన తీరు పై వీరు మండిపడుతున్నారు...

రాష్ట్ర ప్రయోజనాల విషయంలో గవర్నర్ ఎలా వ్యవహిరుస్తున్నారో అందరికీ తెలుసు... ఆయన వైఖరిని తప్పపడుతూ హరిబాబు కేంద్ర హోంమంత్రికి ఇటీవల లేఖ రాశారు. రాష్ట్ర విభజన తర్వాత అమరావతి కేంద్రంగా పాలన సాగుతున్నప్పటికీ గవర్నర్ హైదరాబాద్లో ఉంటూ పాలన సాగిస్తున్నారనేది ఆయన లేవనెత్తిన ప్రధాన అంశాల్లో ఒకటి. అంతకు ముందే నాలా చట్టం వెనక్కి పంపడం పై బీజేపీ పక్షనేత పి.విషుకుమార్రాజు కూడా గవర్నర్ వ్యవహార శైలిని తప్పపట్టారు.

రాష్ట్ర పాలనాపరమైన వ్యవహారాల్లో ఇబ్బందులు నెలకొంటే ప్రభుత్వపరంగా ముఖ్యమంత్రి చూసుకుంటారని, మీకు ఎందుకు అంత ఆనందం అని బీజేపీ లోని కొంత మంది నేతలు, ఈ ఇద్దరు నేతల పై ఫైర్ అవుతున్నారు. ఇప్పడు గవర్నర్ మార్ప ఆవశ్యకత పై హరిబాబు వ్యాఖ్యలు చేయడం సమంజసంగా లేదనేది వీరి వాదన. తెలంగాణా కాంగ్రెస్ నేతలు గవర్నర్ నరసింహన్ వ్యవహారశైలి పై బహిరంగంగానే వ్యాఖ్యలు చేయడాన్ని వీరు గుర్తు చేస్తున్నారు. ఇలాంటి సమయంలో తమ ప్రభుత్వానికి వ్యతిరేకత రాకుండా చూడాల్సిన నేతలే ఇందుకు విరుద్దంగా వ్యవహరించడమేమిటని వారు ప్రశ్నిస్తున్నారు.

ఆంధ్రప్రదేశ్ ముఖ్యమంత్రి చంద్రబాబు సొంత పార్టీ ఎమ్మల్యేల పై ఫైర్ అయ్యారు... అమరావతిలో శనివారం జరిగిన ప్రభుత్వం-పార్టీ సమన్వయ కమిటీ సమావేశంలో చంద్రబాబు ఈ వ్యాఖ్యలు చేసారు... సంక్రాంతి పండుగకు కోడి పందేల్లో కొన్ని చోట్ల స్వయంగా అధికార పార్టీ ఎమ్మల్యేల ఆధ్వర్యంలో జరగటం పై ముఖ్యమంత్రి తీవ్ర ఆగ్రహం వ్యక్తం చేసారు... ఎమ్మల్యేలుగా మీకు వాటితో పని ఏంటి ? కోడి పందాలు వెయ్యటం మీ పనా ? మీరే ఇలాంటి పనులు చేసి ఏమి సందేశం ఇస్తున్నారు ? పార్టీ ప్రతిష్ఠను ఏం చేద్దామనుకుంటున్నారు?’ అంటూ మండిపడ్డారు...

‘‘గతంలో ఎక్కడో తోటల్లో, పాకల్లో కోడి పందేలు జరిగేవి. ఇప్పుడు ప్రతిచోటా జాతర మాదిరి చేశారు. ఎమ్మెల్యేలు దగ్గరుండి ఆడించారు. పైగా టీవీల ముందుకొచ్చి మేమే పెట్టించామని ఘనంగా ప్రకటనలు చేశారు. ఆ పందేలు ఏమిటి? వాటి దగ్గర బల్లలేమిటి? ఈ సంప్రదాయం లేని జిల్లాలకు కూడా పాకిస్తున్నారు. ప్రభుత్వం, పార్టీ ప్రతిష్ఠ ఏం కావాలి? ప్రభుత్వమే వీటిని ఆడిస్తోందని చెడ్డపేరు తేవాలనుకుంటున్నారా? అంటూ మండి పడ్డారు...

నేను ఒక పక్క కష్టాలలో ఉన్న రాష్ట్రాన్ని, జాగ్రత్తగా, ఎలాంటి మచ్చ లేకుండా, ప్రజల్లో ప్రతిష్ఠ పెంచుకుంటూ, పోజిటివ్ వైబ్రేషన్స్ తెస్తూ, మచ్చ పడకుండా పని చేస్తుంటే, కొంత మంది చర్యల వల్ల నష్టం వస్తుంది అని, చేసిన మంచి పని మీద ఎఫెక్ట్ పడుతుంది అని అన్నారు... ప్రభుత్వాలు నిర్వహించే కార్యక్రమాలని ప్రజలు పెద్దగా పట్టించుకోరు అని, అలాంటిది మొన్న జరిగిన జన్మభూమి కార్యక్రమంలో ప్రజల భాగస్వామ్యం చుస్తే ఎంతో సంతోషం వేస్తుంది అని, ప్రజల్లో మనకి ఉన్న ఆదరణ అది, దానిని పాడు చేద్దామని అనుకుంటున్నారా’’ అని చంద్రబాబు సీరియస్ అయ్యారు... ఈ సందర్భంలో ఒక్క ఎమ్మెల్యేలు కూడా, ఎదురు మాట్లాడలేదు... చంద్రబాబు సీరియస్ గా ఉన్నారని తెలుసుకుని, మౌనంగా ఉండి పోయారు...

పోయిన ఏడాది అమరావతిలో జరిగిన జాతీయ మహిళా పార్ల మెంట్ సదస్సులో ముఖ్యమంత్రి చంద్రబాబు నాయుడు ప్రకటించిన విధంగా "అమ్మకు వందనం' కార్యక్రమాన్ని రేపు (జనవరి 22) రాష్ట్ర ప్రభుత్వం జరపనుంది... అమ్మను గౌరవించిన వారే మన కుటుంబ వ్యవస్థ శాంతి సౌభాగ్యాలతో వర్ధిల్లుతుందనడంలో ఎలాంటి సందేహం లేదు... కుటుంబ వ్యవస్థకు పునాది అయిన అమ్మను ప్రతి ఒక్కరూ గౌరవించాలని పిల్లలకు చిన్నతనంలోనే బోధించాలని రాష్ట్ర ప్రభుత్వం సంకల్పించింది. నే టితరానికి ముఖ్యంగా పాఠశాల విద్యారులను ఉద్దేశించిన కార్యక్రమం 'అమ్మకు వందనం..

పాఠశాలలకు తల్లిని గౌరవంగా తీసుకువచ్చి ఆమె కాళ్లు కడిగించడం అంటే బిడ్డలకు తల్లిని గౌరవించే సంస్కతిని బోధించడమే ఈ కార్యక్రమ విశేషం. చదువుల తల్లి సరస్వతీదేవి పుట్టిన రోజు వసంత పంచమిని పరస్కరించుకుని ప్రభుత్వ పాఠశాలల్లో అమ్మకు వందనం అనే కార్యక్రమాన్ని ఈ నెల 22న ప్రారంభిస్తున్నారు. విద్యార్దుల తల్లిదండ్రులను ఆ రోజున పాఠశాలలకు ఆహ్వానించి విద్యార్ధులకు ఆశీర్వాదం అందజేసే విధంగా ఈ కార్యక్రమాన్ని నిర్వహిస్తారు. జిరాష్ట్రంలోని 5వేల ఉన్నత పాఠశాలల్లోల్లో ఈ కార్యక్రమాన్ని అమలు చేయనున్నారు. ఇందుకు గాను ఒక్కో పాఠశాలకు రూ.2500 చొప్పున ప్రభుత్వం విడుదల చేసింది.

సంక్రాంతి సెలవలు అనంతరం పాఠశాలలు ఈ నెల 22న పునఃప్రారంభమవుతున్నాయి. అదే రోజు వసంత పంచమిని పురస్కరించుకుని ప్రభుత్వ పాఠశాలల్లో అమ్మకు వందనం కార్యక్రమాన్ని నిర్వహిస్తున్నారు. ప్రభుత్వ జడ్పీ, మున్సిపల్ పాఠశాలలు మోడల్ స్కూల్స్లో ఈ విద్యా సంవత్సరం నుంచి ఈ కార్యక్రమాన్ని నిర్వహించాలని ప్రభుత్వం నిర్ణయించింది. దీనికి సంబంధించి ఇప్పటికే అన్ని స్కూల్స్ కి నిధులను ప్రభుత్వం విడుదల చేశారు. అలాగే ఈ కార్యక్రమం కోసం ప్రత్యేక ప్రతిజ్ఞను రూపొందించారు. వివధ పాఠశాలలకు చెందిన దాదాపు 15 లక్షల మంది విద్యార్థులు, ఈ కార్యక్రమంలో పాలుపంచుకునేలా ఏర్పాట్ల చేస్తున్నారు.