news

భారత దేశ ప్రధమ పౌరుడు రామ్‌నాథ్ కోవింద్ అమరావతిలో టెక్నాలజీ చూసి ఫిదా అయిపోయారు... ముఖ్యమంత్రి ఇచ్చిన ప్రెజెంటేషన్ తో, రాష్ట్రపతి ఆశ్చర్యపోయారు... రియల్ టైమ్ గవర్నెన్స్ సెంటర్ లో ఇన్ని అద్భుతాలు చేస్తున్నారు... కొత్త రాష్ట్రం, పక్క రాష్ట్రాలతో పోటీ పడి ముందంజులో ఉంది.. మీకు ఎవరూ పోటీ కాదు... ఐ యాం ప్రౌడ్ అఫ్ యు అంటూ ముఖ్యమంత్రిని అభినందించారు... ఆంధ్రప్రదేశ్ లోనే కాదు, ఇలాంటిది దేశం మొత్తం ఉండాలి... మీరు అన్ని రాష్ట్రాలకి ఈ విషయం గురించి చెప్పండి... వారు కూడా ఇది ఇంప్లెమెంత్ అయ్యేలా చెయ్యండి... ఢిల్లీ వచ్చి ప్రధాని మోడీకి కూడా ఈ ప్రెజెంటేషన్ ఇవ్వండి, ఇది ఒక అద్భుతం అంటూ కొనియాడారు... మరి ప్రధాని మోడీ, రాష్ట్రపతి మాటలు వింటే ఎలా రియాక్ట్ అవుతారో...

అంతకు ముందు రియల్ టైమ్ గవర్నెన్స్ సెంటర్ కు వచ్చిన రాష్ట్రపతికి, ముఖ్యమంత్రి చంద్రబాబు, ఈ సెంటర్ ద్వారా ఏమి చేస్తాం అనేది ప్రెజెంటేషన్ ఇచ్చారు... నవ్యాంధ్ర రాజధాని అమరావతిలో ఆసియా ఖండంలోనే పెద్ద రియల్ టైమ్ కమాండ్ కంట్రోల్ సెంటర్ పని విధానాన్ని దాని ప్రత్యేకతలను రాష్ట్రపతికి చంద్రబాబు వివరించారు. అంతేకాకుండా ఆసియాలోనే అతిపెద్ద 66 అడుగుల పొడవైన వీడియో వాల్ పై సెంటర్ సాంకేతిక నైపుణ్యతను ప్రదర్శించారు. రాష్ట్ర ప్రభుత్వం ప్రత్యేకతల్లో ఒకటైన పీపుల్స్ హబ్ ను కూడా రాష్ట్రపతి వీక్షించారు. పోలవరం పనులు లైవ్ చూసారు...

ప్రజా సాధికార సర్వే ద్వారా రాష్ట పౌరుల వివరాలను ఆధార్ తో అనుసంధానం చేసి రూపొందించిన డేటాను చంద్రబాబు చూపించారు. మొత్తం 4.80 కోట్ల మంది ప్రజల డేటాను రాష్ట్రపతి దృషికి తీసుకువచ్చారు. ప్రభుత్వం వివిధ వర్గాలకు ప్రజలకు అందిస్తున్న పథకాలు, సంక్షేమ కార్యక్రమాల వివరాలను వివరించారు. దీంతో పాటు ల్యాండ్ హబ్ కాంప్రహెన్సివ్ ఫైనానియల్ మేనేజ్మెంట్ సిస్టమ్(సీఎఫ్ఎమ్ఎస్), ఈ-ఆఫీస్, ఈ-అటెండెన్స్ తదితర అంశాలపై పవర్ పాయింట్ ప్రజెంటేషన్ ఇచ్చారు. ప్రజల నుంచి వచ్చే ఫిర్యాదులను ప్రభుత్వం నేరుగా తీసుకునే పరిష్కార వేదిక పనితీరు వాటి పరిష్కారం పై రాష్ట్రపతికి ప్రత్యక్షప్రసారం ద్వారా చూపించారు. అంతే కాకుండా పత్రికలు, సోషల్, ఎలక్ట్రానిక్ మీడియాలో ప్రజా సమస్యల కథనాలను సుమోటోగా స్వీకరిస్తున్న విధానాన్ని సైతం వివరించారు. ప్రభుత్వం అమలు చేస్తున్న కార్యక్రమాలను ఈ ప్రగతిలో పొందుపరుస్తున్న విధానాన్ని రాష్ట్రపతికి తెలియజేసారు. ఈ సందర్భంగా ఇటీవల ఆధునీకరించిన 2.0 వెర్షన్ కోర్ డ్యాష్ బోర్డును రాష్ట్రపతి ప్రారంభించారు.

గుజరాత్‌ ముఖ్యమంత్రి విజయ్‌ రూపానీ ప్రమాణ స్వీకారం గుజరాత్ రాష్ట్ర రాజధాని గాంధీనగర్‌లో జరిగింది. ఈ కార్యక్రమానికి ప్రధానమంత్రి నరేంద్ర మోదీ, భారతీయ జనతా పార్టీఅధ్యక్షుడు అమిత్‌ షా, బీజేపీ పాలిత రాష్ట్రాల ముఖ్యమంత్రులు హాజరయ్యారు. మిత్ర పక్షాలు నుంచి మాత్రం బీహార్‌ ముఖ్యమంత్రి నితీశ్‌ కుమార్‌ మాత్రమే హాజరయ్యారు. ఎన్డీఏలో భాగస్వామ్యమైన తెలుగుదేశం పార్టీ అధ్యక్షుడు, ఆంధ్రప్రదేశ్ ముఖ్యమంత్రికి పిలుపు వచ్చినా చంద్రబాబు వెళ్ళలేదు... బదులుగా, ఆర్థిక, శాసన వ్యవహారాల శాఖ మంత్రి యనమల రామకృష్ణుడు రాష్ట్ర ప్రభుత్వం తరుపున ప్రాతినిధ్యం వహించారు..

చంద్రబాబు అంతకు ముందు ఉత్తరప్రదేశ్ ముఖ్యమంత్రి యోగి ఆదిత్యనాథ్, అస్సాం ముఖ్యమంత్రి సోనోవాల్, మహారాష్ట్ర ముఖ్యమంత్రి దేవేంద్ర ఫడ్నవిస్ ప్రమాణ స్వీకారం వేడుకలకు హాజరయ్యారు. రాష్ట్రపతి రామ్ నాథ్ కోవిండ్, వైస్ ప్రెసిడెంట్ ఎం. వెంకయ్యనాయుడు తదితరులు ప్రమాణస్వీకారం వేడుకలకూ హాజరయ్యారు. ఈ సారి చంద్రబాబు, గుజరాత్‌ ముఖ్యమంత్రి ప్రమాణ స్వీకారం వేడుకులకు హాజరు కాకపోవటం చర్చనీయాంశం అయ్యింది. నేషనల్ మీడియా కూడా దీని పై కధనాలు ప్రచురించింది. ముఖ్యంగా మిత్ర పక్షాలు నుంచి మాత్రం బీహార్‌ ముఖ్యమంత్రి నితీశ్‌ కుమార్‌ మాత్రమే హాజరు అవ్వటంతో నేషనల్ మీడియా ఫోకస్ కూడా దీని మీద పడింది.

నిజానికి చంద్రబాబు గుజరాత్‌ ముఖ్యమంత్రి ప్రమాణ స్వీకారం వేడుకులకు హాజరు కాకుండా, ప్రధాని నరేంద్ర మోడీకి తన అసంతృప్తి ఈ విధంగా చూపించారు అనే వాదన వినపడుతుంది. అందుకే మిత్ర పక్షం కనుక, ఆర్థిక, శాసన వ్యవహారాల శాఖ మంత్రి యనమల రామకృష్ణుడుని తన బదులుగా పంపించి, తన అసంతృప్తి తెలియచేసారు. పోలవరం విషయంలో కేంద్రం పెడుతున్న ఇబ్బందులు, చంద్రబాబుకి చికాకు తెప్పిస్తున్నాయి. పోలవరం విషయంలో ఎవరు అడ్డు పడినా ఎంత వరకు అయినా వెళ్తాను అంటున్న చంద్రబాబు, కేంద్రం పెడుతున్న ఇబ్బందుల పై, ఈ విధంగా తన అసంతృప్తి తెలియచేసారు. మరి మిత్ర పక్షంగా ఉన్న బీజేపీ తన విలువైన మిత్రుడి అసంతృప్తిని పోగొడుతుందో లేదో చూడాలి...

ఇవాళ రాజధాని అమరావతిలో మరో భారీ సదస్సు జరగుతున్న విషయం తెలిసిందే. గుంటూరులోని, ఆచార్య నాగార్జున విశ్వవిద్యాయంలో నాలుగు రోజుల పాటు జరిగే భారత ఆర్థిక సంఘం (ఇండియన్ ఎకనామిక్ అసోసియేషన్) శతాబ్ది ఉత్సవాలను, రాష్ట్రపతి రామ్‌నాథ్‌ కోవింద్‌ ప్రారంభించారు. అయితే, నాగార్జున యూనివర్సిటీ అంటే చాలా మందికి యాంటీ సెంటిమెంట్‌! నేతలు ఎవరికైన మన దేశంలో యాంటీ సెంటిమెంట్‌ ఎక్కువే. ఫలానా చోటకు వెళితే పదవులు పోతాయని తెలిస్తే.. ఆ ప్రాంతాన్ని కన్నెత్తి కూడా చూడరు. తెలుగు రాష్ట్రాల్లో ఈ యాంటీ సెంటిమెంట్‌ ఫోబియా ఎక్కువే.

నాగార్జున యూనివర్సిటీకి గొప్ప పేరుంది. కానీ, ఈ వర్సిటీలో జరిగే అధికారిక కార్యక్రమాల్లో పాల్గొనేందుకు అధికారులు, నేతలు భయపడతారు. ఒక్కసారి వర్సిటీకి వెళ్లి వస్తే పదవీ గండం ఉంటుందన్నది వారి భయానికి కారణం. గతంలో వైఎస్‌ సీఎంగా ఉన్నప్పుడు ఒకసారి వర్సిటీలో జరిగే కార్యక్రమంలో పాల్గొనడానికి గేటుదాకా వచ్చి వెనక్కి వెళ్లిపోయారు. అక్కడకు వెళ్తే పదవీ గండం అని స్థానిక నేతలు చెప్పటంతో వైఎస్ వెనక్కుతగ్గారు. అలాగే కొంత మంది ఉన్నతాధికారులు కూడా వర్సిటీకి వెళ్ళాలి అంటే భయపడతారు. అందుకే అంత పెద్ద యూనివర్సిటీ ఉన్నా, అక్కడ ఏ అధికారిక కార్యక్రమం పెట్టరు.

కాని వీరికి విభిన్నంగా ప్రవర్తించారు ముఖ్యమంత్రి చంద్రబాబు నాయుడు. ఆచార్య నాగార్జున యూనివర్సిటీకి వెళితే పదవి పోతుందనే ప్రచారం ఉంది. కానీ, ఆయన అక్కడికి వెళ్లారు. భారీ నేషనల్ సదస్సు నిర్వహిస్తున్నారు. మనం చేసే పని ముఖ్యం, మన రాష్ట్రానికి పేరు రావటం ముఖ్యం, మన అమరావతి అందరి నోట నానటం ముఖ్యం, ఇక్కడే సదస్సు నిర్విహించండి, రాష్ట్రపతితో పాటు, దేశ విదేశీ ప్రముఖులు వస్తారు అంటూ, యాంటీ సెంటిమెంట్‌ బ్రేక్ చేసి మరీ, ఇక్కడ సదస్సు నిర్వించారు చంద్రబాబు. ఇది పదవి కోసం సెంటిమెంట్ ఫాలో అయ్యేవారికి, పనే ముఖ్యం అనుకునే చంద్రబాబుకి తేడా... ఇంకా ఎవరన్నా సెంటిమెంట్ అంటే చెప్పండి, హేతువాది "బాబు గోగినేని" దగ్గరకు తీసుకువెళ్ళి జ్ఞానోదయం చేపిద్దాం.