news

శివరామకృష్ణన్ కమిటీ... అప్పట్లో రాష్ట్ర విభాజన జరిగినప్పుడు, కేంద్రంలో ఉన్న కాంగ్రెస్ ప్రభుత్వం, రాజధాని ఎంపిక కోసం వేసిన కమిటి ఇది... అప్పట్లో జగన్, సోనియా బెయిల్ ఒప్పందం మేరకు, దొనకొండని రాజధాని చెయ్యాలి అని నిర్ణయించారు అనే ఆరోపణలు ఉన్నాయి.... ఎందుకంటే జగన్ ముఠా అంతా దొనకొండలో భూములు కొనుక్కొని రెడీగా ఉంది... అయితే తరువాత అందరికీ అనువైన ప్రాంతంగా, రాష్ట్రంలో మధ్యలో ఉన్న అమరావతిని చంద్రబాబు ఎంపిక చేశారు... అంతే కాదు వరల్డ్ క్లాస్ రాజధాని కట్టి ప్రపంచానికి చూపించాలి అనే కసితో, రివర్ ఫ్రంట్ కాపిటల్ కడుతున్నారు... అయితే, జగన్ పార్టీ నేతలు మాత్రం, శివరామకృష్ణన్ కమిటీ దొనకొండలో పెట్టమన్నా చంద్రబాబు పెట్టలేదు అంటూ, నిత్యం అమరావతి మీద విష ప్రచారం చేస్తూ వస్తున్నారు...

ఈ క్రమంలో, శివరామకృష్ణన్ కమిటీ సభ్యులు డాక్టర్ జగన్ షా, అమరావతి రాజధానిని చేసి చంద్రబాబు చరిత్ర సృష్టించారని, అమరావతి నిజంగా అమోద్యయోగం అని అన్నారు... అంతే కాదు 33 వేల ఎకరాలను ల్యాండ్ పూలింగ్ చేసి, ఎక్కడా అసంతృప్తి లేకుండా చేసి చంద్రబాబు దేశ చరిత్రలో నిలిచిపోతారని, ఇలాంటి ల్యాండ్ పూలింగ్ అన్ని రాష్ట్రాలు ఫాలో అవ్వాలి అని అన్నారు... విజయవాడలో ఒక కార్యక్రమంలో పాల్గునటానికి వచ్చిన ఆయన ఈ వ్యాఖలు చేశారు... అప్పటి కాంగ్రెస్ ప్రభుత్వం మాకు ఎక్కువ ప్రభుత్వ భూములు ఉన్న చోటు వెతకమంది అని చెప్పారు...

అందుకే మేము దొనకొండని సూచించాం అన్నారు... భూ సేకరణ అనేది అసలు వద్దు అని, పైసా కూడా కర్చు పెట్టద్దు అని, ఎక్కడ భూములు ఉంటే అక్కడ రాజధాని పెట్టేయ్యమని మాకు పై నుంచి ఆదేశాలు వచ్చాయని చెప్పారు... మేము అందుకే దొనకొండలో కాపిటల్ పెట్టమని సూచించినట్టు చెప్పారు... అయితే, చంద్రబాబు మీద నమ్మకంతో రైతులు ముందుకు రావటం, అమరావతి రాజధాని అవ్వటం మంచిది అని అన్నారు... అభివృద్ధి వికేంద్రికరణ చంద్రబాబు బాగా చెయ్యాలి అని, హైదరాబాద్ లో చేసిన తప్పు చెయ్యకూడదు అని డాక్టర్ జగన్ షా అన్నారు...

చంద్రన్న భీమా పధకం అసంఘటిత కార్మికులకు ఒక వరంగా మారిన సంగతి తెలిసిందే... సామాన్య కూలి పనులు చేసుకునే కూలీలు ప్రమాదవసాత్తు మరణించినా, శాశ్వత వైకల్యం పొందినా, వారికి చంద్రన్న భీమా పధకం ద్వారా, మరణిస్తే 5 లక్షలు, పూర్తి వైకల్యానికి 5 లక్షలు, పాక్షిక వైకల్యానికి 2 లక్షల వరకు ఇస్తున్నారు... అలాగే సహజ మరణానికి కూడా 50 సంవత్సరాల లోపు వారికి 2 లక్షలు, 50 సంవత్సరాలు దాటిన వారికి 30 వేలు ఇస్తున్నారు... దీనికి ప్రతి సంవత్సరం కేవలం 15 రూపాయలు కడితే చాలు... అయితే, ఇప్పుడు ఈ చంద్రన్న భీమా అసంఘటిత కార్మికులకు మాత్రమే కాకుండా, ప్రజలందరికీ వర్తించేలా నిర్ణయం తీసుకునే అవకాశాలు కనిపిస్తున్నాయి...

శాసనమండలిలో శుక్రవారం ప్రారంభమైన శీతాకాల సమావేశాల్లో అసంఘటిత కార్మికుల, వారి కుటుంబాల భవిష్యత్తుకు భరోసా కల్పిస్తూ చంద్రబాబు ప్రభుత్వం అమలు చేస్తున్న ప్రధాన మంత్రి చంద్రన్న బీమా పథకానికి మండలి సభ్యుల నుంచి ప్రశంసలు వెల్లువెత్తారు. ప్రధాన మంత్రి చంద్రన్న భీమా పథకంపై చర్చల్లో రాష్ట్ర కార్మికశాఖ మంత్రి పితాని సత్యనారాయణతో పాటు పదకొండు మంది ఎమ్మెల్సీలు తమ అభిప్రాయాలను వెల్లిబుచ్చారు. ఒక వైపు చంద్రన్న భీమా పథకం నిరుపేదల పాలిట వరంగా మారిందని మండలి సభ్యులు ప్రశంసిస్తూనే మరో వైపు ఈ పథకాన్ని కేవలం అసంఘటిత కార్మికులకే పరిమితం చేయకుండా నవ్యాంధ్రప్రదేశ్ లో పుట్టే ప్రతి ఒక్కరికి అమలు చేసేలా చిన్న చిన్న మార్పులు చెయ్యాలి అని సూచించారు. తొలుత చంద్రన్న పథకం ముఖ్య ఉద్దేశ్యాలను, లక్ష్యాలను, సాధించిన విజయాలను వివరించిన కార్మిక మంత్రి పితాని, చర్చల్లో భాగంగా మండలి సభ్యులు వెలిబుచ్చిన సూచనలను తప్పక పరిగణలోకి తీసుకొని ముఖ్యమంత్రి చంద్రబాబుతో చర్చించి, త్వరలో అందరికీ వర్తింపు అయ్యేలా ప్రధాన మంత్రి చంద్రన్న భీమా పథకాన్ని రూపొందిస్తామని హామి ఇవ్వడం జరిగింది.

2016-17 ఏడాదిలో 2.10 కోట్ల మంది చంద్రన్న బీమా పథకంలో చేరారని, ఈ ఏడాది ఇప్పటి వరకు మరో 36 లక్షల మంది పెరిగి 2.46 కోట్ల మంది ఈ పథకంలో సభ్యులుగా చేరారన్నారు. ఈ పథకం ద్వారా 18 నుంచి 50 సంవత్సరాల వయసు గల బీమాదారుడు సహజ మరణం పొందితే మరణించిన 5 వేలు, మట్టి ఖర్చుకు, పెద్ద ఖర్మ రోజు రూ.25 వేలను అతని కుటుంబ సభ్యులకు ఇస్తారన్నారు. అలాగే ఆకస్మిక ప్రమాదాలకు గురై మరణించిన బీమా దారుడి కుటుంబానికి 30 వేలతో పాటు, 5 లక్షల నగదును ఇవ్వడం జరుగుతుందన్నారు. అలాగే మరణించిన వారి కుటుంబంలో ఇద్దరు విద్యార్ధుల చదువులకు ఒక్కోక్కరికి రూ.1.200 చొప్పన స్కాలర్షిప్స్ అందజేయడం జరుగుతుందన్నారు. ఈ విధంగా ఇప్పటి వరకు రాష్ట్రంలో ప్రమాదవశాత్తు మరణించిన 6,030 మందిచంద్రన్న భీమా దారుల కుటుంబాలకు క్లెయిమ్ లు అందచేయ్యటం జరిగింది అని మంత్రి చెప్పారు. అలాగే 12,85,000 వేల మంది విద్యార్ధులకు స్కాలర్షిప్స్ ఇస్తున్నామన్నారు.

ముఖ్యమంత్రి చంద్రబాబునాయుడు మైక్రోసాఫ్ అధినేత బిల్ గేట్స్ ల అనుబంధం కొనసాగుతుంది... 1997లో భారత పర్యటన సందర్భంగా ఇండియాకు వచ్చిన బిల్ గేట్స్ ను అతి కష్టం మీద కలుసుకున్న చంద్రబాబు తనదైన శైలిలో మైత్రి బంధాన్ని కొనసాగిస్తున్నారు. ఈ నేపథ్యంలోనే బిల్ గేట్స్ నవంబర్ 17న ఆంధ్రప్రదేశ్ సందర్శన ప్రాధాన్యత సంతరించుకుంది. రాష్ట్ర విభజన అనంతరం బిల్ గేట్స్ ఏపీని సందర్శించాలని అభిలషించడం బాబు మార్క్ సమర్థతకు నిదర్శనంగా మారింది. గతంతో పోలిస్తే బిల్ గేట్స్ పర్యటన ఐటి కాకుండా, వ్యవసాయ రంగానికి ప్రాధాన్యత ఇవ్వనుంది. 1997లో మొట్టమొదటిసారిగా బిల్ గేట్స్ ను కలుసుకున్న చంద్రబాబునాయుడు తాజాగా 2015 జనవరిలో దావోస్ లో జరిగిన ప్రపంచ ఆర్ధిక సదస్సులో కూడా రాష్ట్ర విభజన అనంతరం కలుసుకున్నారు. ఇటీవల బిల్ గేట్స్ తో భేటి సందర్భంగా విశాఖపట్నంలో మైక్రోసాఫ్ట్ యూనిట్ను ప్రారంభించాలని కోరారు.

రాష్ట్ర విభజన అనంతరం ఆంధ్రప్రదేశ్లో వ్యవసాయ రంగానికి కూడా ప్రాధాన్యత పెరిగిందని, ఆ క్రమంలోనే ఈ రంగానికి సపోర్ట్ గా నిలవాలని కోరారు. సీఎం చంద్రబాబునాయుడుకు, బిల్ గేట్స్ కు మధ్య ఉన్న సాన్నిహిత్యం వల్ల రాష్ట్రానికి వరాలజల్లు అనివార్యమే అనే ప్రచారం జరుగుతోంది. నవ్యాంధ్ర రాష్ట్ర నిర్మాణంలో బిల్ గేట్స్ పర్యటన మైలురాయిగా నిలిచిపోతుందనే అభిప్రాయంతో రాష్ట్ర ప్రభుత్వం ఉంది. అసాధ్యాన్ని సుసాధ్యం చేయడంలో పరిణితి ప్రదర్శిస్తోన్న ముఖ్యమంత్రి చంద్రబాబు నాయుడు బిల్ గేట్స్ తో గత రెండు సంవత్సరాలుగా టచ్లో ఉంటూ రాష్ట్ర అభివృద్ధికి దోహదపడుతున్నారు.

సాధారణంగా రాజకీయ నాయకులతో భేటీ కావడం ప్రపంచ శ్రేణి ఐటీ ఐకాన్ ఐన బిల్ గేట్స్ కు ఇష్టం వుండదు. 1997లో చంద్రబాబునాయుడు ఆంధ్రప్రదేశ్ ముఖ్యమంత్రిగా ఉన్నారు. ఆ సమయంలో బిల్ గేట్స్ తో భేటీకి భారత అంబాసిడర్ ద్వారా చంద్రబాబునాయుడు ప్రయత్నించారు. ఐతే వ్యక్తిగతంగా నేతలతో భేటీకి బిల్ గేట్స్ అయిష్టతను వ్యక్తం చేశారంటూ సమాధానం వచ్చింది. అయినప్పటికీ తనదైన శైలిలో పట్టు వదలకుండా ఇతరత్రా మార్గాల ద్వారా కేవలం పది నిమిషాల కోసం చంద్రబాబు నాయుడు ఇంటర్వ్యూ సంపాదించారు. బిల్ గేట్స్ మెచ్చేలా అద్భుతమైన ప్రజెంటేషన్ చంద్రబాబునాయుడు ఇచ్చారు. బాబు తీరు ఐటీ దిగ్గజాన్ని కట్టిపడేసింది. ఫలితంగా పదినిమిషాల ఇంటర్వ్యూ కాస్త 45 నిమిషాల పాటు కొనసాగింది. చంద్రబాబునాయుడు చెప్పినదంతా శ్రద్ధగా ఆలకించిన బిల్ గేట్స్ అసలు తన నుంచి ఏమి ఆశిస్తున్నారని సూటిగా అడిగారు... తాను వ్యక్తిగతంగా ఏమీ ఆశించడం లేదని కేవలం మైక్రోసాఫ్ డెవలప్ మెంట్ సెంటర్ హైదరాబాద్లో ప్రారంభించాలని మాత్రమే తాను గట్టిగా కోరుకుంటున్నట్ను చంద్రబాబునాయుడు బదులిచ్చారు. తమ కంపెనీని అమెరికా బయట విస్తరించిన పక్షంలో హైదరాబాద్లో నూరుశాతం మైక్రోసాఫ్ యూనిట్ ను ప్రారంభిస్తామని హామీ ఇవ్వడం జరిగింది. ఈ పరిణామాల క్రమంలో అనేక సంవత్సరాల తరువాత ఆంధ్రప్రదేశ్ రాప్ర పర్యటనకు వచ్చే విధంగా బిల్ గేట్స్ ను ఒప్పించడంలో సీఎం చంద్రబాబు సక్సెస్ అయ్యారు.