news

నరసాపురం ఎంపి రఘురామ కృష్ణం రాజు ఈ రోజు విచారణకు రావలిసిందిగా ఏపి సిఐడి హైదరాబాద్ లో ఆయనకు నోటీసులు జారీ చేసిన సంగతి తెలిసిందే. గతంలో రాజద్రోహం కేసుకి సంబంధించి ఆయనను గతంలో అరెస్ట్ చేయడం, థర్డ్ డిగ్రీ ప్రయోగించడం, దానిపై మిలిటరీ హాస్పటల్ లో ట్రీట్మెంట్, తరువాత సుప్రీం కోర్టులో ఈ కేసుకి సంభందించి తదుపరి చర్యలు ఏమి తీసుకోవద్దని సుప్రీం కోర్టు ఆదేశాలు జారి చేయటం, ఇవన్నీ తెలిసిందే. అయితే ఈ FIR ను స్క్వాష్ చేయాలనీ కూడా రఘురామరాజు పిటీషన్ కూడా దాఖలు చేసారు. దీని పై కూడా విచారణ పెండింగ్ లో ఉంది. ఈ నేపద్యంలో ఈ కేసు పై విచారణకు ఈ రోజు రావలిసిందిగా ఆదేశాలు జారి చేస్తూ నోటీసులు ఇచ్చింది సిఐడి. అయితే ఈ రోజు విచారణకు హాజరు కావాల్సి ఉండగా, నోటీసులపై రఘురామ కృష్ణం రాజు సిఐడి కి లేఖ రాసారు. తాను ఢిల్లీకి అత్యవసర పని పై వెళ్ళాల్సి వచిందని అక్కడకు వెళ్ళిన తరువాత అనారోగ్య కారణాల వల్ల డాక్టర్ ను సంప్రదించాల్సిన పరిస్తితి వచ్చిందని ఆయన పెర్కొన్నారు. అదే విధంగా నోటీసుల్లో ఏదైతే సెక్షన్లు పేర్కొన్నారో ఆ FIR పై ఇప్పటికే ఆంధ్రప్రదేశ్ హైకోర్టులో ఛాలెంజ్ చేసామని, ఆ కేసు ఇప్పుడు విచారణలో ఉందని తెలిపారు రఘురామరాజు.

కోర్టులో ఉండగా, దీనికి సంబంధించి ఇప్పుడు నోటీసులు ఇవ్వడం, ఆ పిటీషన్ విచారణలో ఉండగా ,ఇప్పుడు నోటీసులు ఇవ్వడం కోర్ట్ పరిధిలోని అంశం కిందకు వస్తుందని అని కూడా పేర్కొన్నారు. అందుకని ఈ కేసు విచారణకు హాజరు అయ్యేందుకు తనకు 4 వారాలు సమయం కావాలని కూడా AP CID దర్యాప్తు అధికారికి రాసిన లేఖలో పేర్కొన్నారు. ఈ లేఖ కాపీని CID ADG కూడా ఆయన పంపారు. కొద్ది సేపటి క్రితం ఈ లేఖ CID కార్యాలయానికి పంపినట్టు ఇందులో పేర్కొన్నారు. ఇదే విషయం పై రఘురామరాజు మీడియా సమావేశం పెట్టి కూడా వివరించారు. అయితే దీని పైన సిఐది ఎలా రియాక్ట్ అవుతుందో చూడాలి. సిఐడి అధికారులు, రఘురామరాజు లేఖను ఒప్పుకుంటారా లేదా అనేది చూడాల్సి ఉంది. లేకపోతే ఏదైనా రూల్ చూపించి, ఢిల్లీకి వెళ్లి మరీ, ఆయన్ను అరెస్ట్ చేసి, మళ్ళీ గుంటూరు తీసుకుని వస్తారా అనేది చూడాల్సి ఉంది. దీని పైన సిఐడి ఎలా స్పందిస్తుంది, దానికి రఘురామరాజు ఎలా రియాక్ట్ అవుతారో చూడాలి మరి.

మన ఆంధ్ర రాష్ట్రంలో ఉద్యోగస్తులకు సంక్రాంతి పండగకు కూడా ఎదురు చూపులే మిగిలాయి. కనీసం 10 శాతం మందికి కూడా జీతాలు అందలేదని ఆందోళన చెందుతున్నారు. ఇటు చూస్తే పెన్షనర్ల లకు కూడా 50 శాతం మందికి కూడా పెన్షన్ అందలేదని వాపోతున్నారు. కొత్త సంవత్సరం రోజున ఇవ్వక పోయినా కాని, కనీసం పెద్ద పండగ అయిన సంక్రాంతి కి అయిన ఇస్తారని అని ఎదురు చూసిన వారికి నిరాశే మిగిలింది. ఇది వరకు RBI నుంచి వారానికి వెయ్యి కోట్ల నుంచి రెండు వేల కోట్ల వరకు అప్పు పుట్టేది , కాని గత రెండు వారల నుంచి మన ప్రభుత్వానికి అప్పే పుట్టడం లేదు. కొత్త అప్పులు చేయడానికి కేంద్రం నుంచి ఇంకా పర్మిషన్ రాలేదట. అయితే ఈ అప్పుల కోసం ఆర్థిక శాఖా మంత్రి బుగ్గన ,ఫైనాన్స్ సెక్రటరీ రావత్‌లు, కేంద్ర ఆర్థిక శాఖ అధికారుల చుట్టూ తిరుగుతున్నా వీరికి మాత్రం అప్పు సాంక్షన్ అవ్వటం లేదు. దీనితో పెన్షనర్లకు, ఉద్యోగులకు జీతాలు ఆగిపోయాయి. RBI ఇచ్చే అప్పే మన రాష్ట్రానికి కీలకంగా ఉండటంతో ప్రభుత్వం డబ్బులు లేక సతమతమవుతుంది. అయితే ఈ నెల 10 ప్రారంభిచాల్సి ఉన్న EBC నేస్తం పధకం కూడా మొదలే పెట్టలేదు. దాని గురించి ప్రభుత్వం దగ్గర నుంచి ఊసే లేదు. ఆర్భాటంగా ప్రకటను అయితే చేసారు.

ముందేమో ఈ పధకానికి 650 కోట్లు ఖర్చు అవుతుందని ఊదర కొట్టిన ప్రభుత్వం ఇప్పుడు దాని గురించే మాట్లాడటం లేదు. దీని గురించి నంద్యాలలో ఏర్పాటు చేసిన మీటింగులో కూడా జగన్ ఈ పదకాన్ని ప్రారంభిస్తారని ,ఇదే విషయాని తమ మీడియాలో కూడా రాయించారు. అయితే ఇప్పుడు డబ్బులు లేక పోవటంతో, ఈ పధకం కూడా వాయిదా పడింది. ఇప్పటికే జనవరికి రావాల్సిన అమ్మఒడి పధకాన్ని ఏవో కారణాలు చెప్పి జూన్ కు వాయిదా వేసారు. అమ్మ ఒడి లాంటి కీలకమైన పధకమే వాయిదా వేసారు అంటే, పరిస్థితి అర్ధం చేసుకోవచ్చు. అయితే ప్రభుత్వ వర్గాలు మాత్రం, సెలవులు ఉండటం వల్ల, జీతాలు ఆలస్యం అయ్యాయని, ఈ రోజు నుంచి జీతాలు పడతాయని చెప్తున్నారు. ఇక హడావిడి చేసిన ఉద్యోగ సంఘాల నేతలు మాత్రం సైలెంట్ అయిపోయారు. పీఆర్సీ విషయంలో, చాలా బాగా ఇచ్చారని సంతోషం వ్యక్తం చేసిన ఉద్యోగ సంఘాల నేతలు, ఇప్పటి వరకు జీతాలు రాకపోతే మాత్రం, సైలెంట్ గా ఉండి పోవటంలో ఆశ్చర్యం ఏమి ఉందిలే.

ఆంధ్రప్రదేశ్ రాష్ట్రంలో వింత వింత పరిస్థితులు చూస్తూ ఉంటాం. అందులో ఒకటి ఏకంగా రైతు పైనే చెప్పు తీసుకుని కొడతాను అంటూ, అధికార పార్టీ ఎమ్మెల్యే చెప్పటం. సంక్రాంతి పండగ ముందు వినుకొండలో, ధాన్యం కొనుగులు విషయం పైన, రైతు నరేంద్ర, ఎమ్మెల్యే బొల్లా బ్రహ్మనాయుడిని ప్రశ్నించారు. అయితే అది కాస్త వివాదానికి దారి తీసింది. దీంతో ఎమ్మెల్యే చెప్పు తీసుకుని రైతుని కొడతాను అనే వరకు వెళ్ళింది. దీంతో రైతు కూడా నువ్వు కొడితే నేను కొడతాను అంటూ ఎదురు తిరిగారు. అయితే ఈ విషయం పెద్దది అయి, చివరకు మీడియాలో కూడా వచ్చింది. ఎమ్మెల్యే బొల్లా రైతు పైన కేసు పెట్టించారు. ఏకంగా రైతుపైన హ-త్యా-య-త్నం కేసు పెట్టించి, లోపల వేయించారు. అయితే ఈ అంశం పెద్దది అయ్యింది. ప్రతిపక్షాలు ఈ అంశం పై ప్రభుత్వాన్ని ప్రశ్నించాయి. రైతు న్యాయం చేయమని అడిగితే, అతని పైన అక్రమ కేసులు పెడతారా అని ఆందోళన చేసారు. అలాగే అక్కడ వైసీపీలో ఉన్న మరో వర్గం అయిన ఎంపీ శ్రీ కృష్ణదేవరాయ వర్గం కూడా, ఆ అంశం పై ఆందోళన చేసారు. చివరకు విషయం పెద్దది కావటంతో, ప్రభుత్వం కూడా స్పందించింది. రైతు అంశం కావటంతో, రైతుల నుంచి వ్యతిరేకత వస్తుందని భావించిన ప్రభుత్వం, ఈ విషయం పై విచారణకు ఆదేశించింది.

అయితే విచారణలో వినుకొండ రూరల్ సీఐ అశోక్ కుమార్ తప్పుడు కేసు పెట్టారని తేలింది. దీంతో వినుకొండ రూరల్ సీఐ అశోక్ కుమార్ ని ప్రభుత్వం సస్పెండ్ చేసింది. దీంతో ఈ వివాదం ముగిసిపోయిందని అందరూ అనుకున్నారు. ఇక్కడ వింత ఏమిటి అంటే, రైతు మాత్రం జైల్లోనే ఉన్నాడు, తప్పుడు కేసు పెట్టిన సిఐ మాత్రం సస్పెండ్ అయ్యాడు. అయితే వినుకొండ ఎమ్మెల్యే జగన్ దగ్గరకు వెళ్లి సిఐ సస్పెన్షన్ ఎత్తి వేయాలని కోరారు. రైతు, మిమ్మల్ని తిట్టాడని, అందుకే అతని పై ఇలా చేయాల్సి వచ్చిందని సమర్ధించారు. దీంతో జగన్ కూడా కరిగిపోయారు. వెంటనే డీజీపీక్కి ఫోన్ చేసారు. సిఐ సస్పెన్షన్ ఎత్తివేయాలని కోరారు. దీంతో వెంటనే సిఐ సస్పెన్షన్ ఎత్తి వేసారు. దీంతో ఇప్పుడు ఈ అంశం ఎమ్మెల్యే బొల్లా vs ఎంపీ శ్రీ కృష్ణదేవరాయగా మారింది. మొత్తానికి మళ్ళీ రైతుదే తప్పు అని తేల్చారు. ఇక్కడ మరోసారి ఎంపీ శ్రీ కృష్ణదేవరాయను సైడ్ చేసేసారు. వైఎస్ఆర్ కాంగ్రెస్ పాలనలో, రోజుల వ్యవధిలో రైతు పైన అక్రమ కేసు పెట్టిన సిఐ సస్పెన్షన్ ఎత్తివేసారు.