news

భారత్‌లో మౌలిక సదుపాయాల రంగంలో బిలియన్ డాలర్ల పెట్టుబడులకు అబుదాబీ ఇన్వెస్టుమెంట్ అథారిటీ (ఏడీఐఏ) సుముఖంగా ఉంది. ఇందులో అత్యధిక భాగం ఆంధ్రప్రదేశ్‌లో పెట్టుబడి పెట్టేందుకు ఏడీఐఏ సంసిద్ధత వ్యక్తం చేసింది. ముఖ్యమంత్రి చంద్రబాబు నాయుడు తన విదేశీ పర్యటనలో 6వ రోజు సోమవారం అబుదాబీలో పర్యటించారు. ఈ క్రమంలో ఆయన అబుదాబీ ఇన్వెస్టుమెంట్ అథారిటీ (ఏడీఐఏ) బోర్డు డైరెక్టర్స్ మెంబర్ ఖలీల్ ఫౌలాతి, కార్యనిర్వాహక వర్గం అత్యున్నత స్థాయి సభ్యులతో చర్చలు జరిపారు. భారత్‌లో పెట్టుబడులకు తాము సుముఖంగానే ఉన్నామని ఖలీల్ ఫౌలాతి వివరించారు. మౌలిక సదుపాయాల రంగంలో పనిచేయడానికి సిద్ధంగా ఉన్నట్లు తెలుపగా, ముఖ్యమంత్రి చంద్రబాబు స్పందిస్తూ ఆంధ్రప్రదేశ్‌కు ప్రాధాన్యతనివ్వాలని కోరారు. ఖలీల్ ఫౌలాతి అందుకు సానుకూలత వ్యక్తం చేశారు.

ముఖ్యమంత్రి చంద్రబాబు మాట్లాడుతూ యుఏఈ అభివృద్ధి చెందిన విధానాన్ని తామెంతో స్ఫూర్తిగా భావిస్తున్నామని ప్రశంసించారు. ఒకప్పుడు దుబాయ్ అంటే ఎడారి అనుకునేవాళ్లు, ఇప్పుడు అభివృద్ధి చెందుతున్న దేశాలకు దుబాయ్ ఒక ఒయాసిస్సులా కన్పిస్తోందని, ఆశాకిరణంగా మెరిసిపోతోందన్నారు. తాను గతంలో ఉమ్మడి ఆంధ్రప్రదేశ్ ముఖ్యమంత్రిగా బాధ్యతలు స్వీకరించినప్పుడు అక్కడ జీతాలు ఇవ్వలేని పరిస్థితి ఉండేది, అటువంటి సంక్లిష్ట సమయంలో సంస్కరణలతో సంక్షోభాన్ని అధిగమించినట్లు గుర్తు చేశారు. అదే విధంగా ఉమ్మడి రాష్ట్ర విభజన తర్వాత నవ్యాంధ్రప్రదేశ్‌కు ముఖ్యమంత్రిగా ప్రమాణ స్వీకారం చేశాక తనకు సంక్షోభం, సమస్యలు స్వాగతం పలికాయని, ఆ సంక్షోభాన్నే అవకాశంగా తీసుకుని ముళ్ల కిరీటంతోనే ముందడుగు వేశామని వివరించారు. తమ దార్శనిక విధానంలో ప్రాధాన్యతల వారీగా అభివృద్ధి కార్యక్రమాలను ప్రారంభించి అద్భుత ఫలితాలు సాధిస్తున్నట్లు ముఖ్యమంత్రి వివరించారు.

తన కృషి ఫలితంగా ప్రపంచంలోనే తొలిసారిగా 35 వేల ఎకరాల భూమిని సమీకరణ విధానంలో రైతులు రాజధానికి నిర్మాణానికి ఇచ్చారని అన్నారు. రూ.40 వేల కోట్ల విలువైన భూమిని సేకరించి రైతులను రాజధాని అమరావతి నిర్మాణంలో భాగస్వాములను చేశామని ముఖ్యమంత్రి వివరించారు. తమ రాష్ట్రంలో 15% వృద్ధి రేటును లక్ష్యంగా నిర్దేశించుకున్నామని, 15 సంవత్సరాల పాటు ఈ వృద్ధిని సుస్థిరంగా కొనసాగించాలని నిశ్చయించామని ముఖ్యమంత్రి చంద్రబాబు తెలిపారు. భారత్ జాతీయ సగటుకంటే రెట్టింపు కంటో తాము సాధించిన వృద్ధిరేటు రెట్టింపు అని, దేశంలో వ్యాపార, వాణిజ్య అనుకూలత కలిగిన రాష్ట్రాల్లో ఆంధ్రప్రదేశ్‌కు ప్రపంచ బ్యాంక్ నెంబర్ వన్ ర్యాంక్ ఇచ్చిన విషయాన్ని చంద్రబాబు తెలిపారు. రాజధాని నిర్మాణానికి బృహత్తర ప్రణాళికను సింగపూర్ రూపొందించి ఇచ్చిందని తెలిపారు. భారత్, ప్రత్యేకించి ఆంధ్రప్రదేశ్ సృజనాత్మకత కలిగిన మానవ వనరులతో కూడి ఉందని, తమ మానవ వనరుల సామర్ధ్యం ప్రపంచానికి తెలిసునని చెప్పారు. రాష్ట్రాభివృద్ధిపై తాము స్పష్టమైన దార్శనికతతో ఉన్నామని, తమకు ఉన్న సహజవనరులు, సుదీర్ఘ సముద్రతీరం, రోడ్డు, రైలు, అంతర్గత జల రవాణా మార్గాలు మరే రాష్ట్రానికి లేవని చంద్రబాబు తెలిపారు. ఆంధ్రప్రదేశ్‌లో ఖనిజ సంపద అపారంగా ఉందని, వ్యవసాయంలో ము అగ్రగామిగా ఉన్నామని చంద్రబాబు వివరించారు. అద్భుత జలవనరులు, మిగులు విద్యుత్తు, నవీన సాంకేతికతలో తాము అగ్రభాగాన ఉన్నామని చెప్పారు. బ్లోక్ చైన్, ఫిన్ టెక్, ఇ-ఆఫీసు, ఫైబర్ నెట్, ఆటోమేషన్, వర్చువల్ క్లాస్‌రూమ్స్, రియల్‌టైమ్ గవర్నెన్స్ తమ రాష్ట్రంలో అమలులో ఉన్నాయని ముఖ్యమంత్రి చంద్రబాబు వివరించారు.

జగన్ కు నెల రోజులు నుంచి పట్టుకున్న టెన్షన్ వదిలింది... నువ్వు ప్రతి శుక్రువారం కోర్ట్ కి రావాల్సిందే అంది సిబిఐ కోర్ట్... అక్రమంగా ఆస్తులు సంపాదించిన 11 కేసుల్లో ప్రధాన ముద్దాయి, A1 జగన్ మోహన్ రెడ్డికి శుక్రువారం మినహాయింపు కుదరదు అని సిబిఐ కోర్ట్ తేల్చి చెప్పింది... నవంబర్ 2 నుంచి, 6 నెలల పాటు, ముఖ్యమంత్రి అయ్యే లక్ష్యంతో పాదయాత్ర చేస్తున్నా అని, నేను ఫుల్ టైం పొలిటీషియన్ అని, నాకు ప్రతి శుక్రువారం కోర్ట్ కి వస్తే, ఫోకస్ దెబ్బతింటుంది అని, జగన్ కోర్ట్ లో చెప్పారు...

పాదయాత్ర ప్రారంభించిన తరువాత, మధ్యలో ప్రతి శుక్రువరం కోర్టుకు వచ్చి హాజరవడం కష్టమవుతుందని, వ్యక్తిగత హాజరు విషయంలో మినహాయింపు ఇవ్వాలని జగన్ సీబీఐ కోర్టులో వేసిన పిటిషన్‌ పై దాదాపు నెల రోజులు నుంచి ప్రతి వారం వాదనలు జరిగాయి. చివరకు, సిబిఐ కోర్ట్ తో, మిమ్మల్ని సంప్రదించకుండా పాదయాత్ర తేదీలు ప్రకటించటం తప్పు అని కూడా వేడుకున్నారు... అయినా కోర్ట్ కనికరించ లేదు. ఇవాళ దీనిపై కోర్టు నిర్ణయం వెలువడించింది.

అంతకు ముంచి సిబిఐ, అనూహ్యంగా ఈడీ కూడా జగన్ కు మినహాయిపు ఇవ్వద్దు అంటూ వాదనలు వినిపించింది... మొత్తం 11 తీవ్రమైన కేసుల్లో A1 అని, అందులో 3 కేసుల్లో విచారణ కీలక దశలో ఉన్నాయి అని, ఇలాంటి పరిస్థితుల్లో 6 నెలలు మినహాయిపు కుదరదు అని చెప్పింది. అంతే కాదు, హై కోర్ట్ ఈ కేసులని త్వరగా పూర్తి చెయ్యమంది అని, మినహాయిపు ఇస్తే డిలే అవుతుంది అని కోర్ట్ కి చెప్పింది. జగన్‌కు వ్యక్తిగత మినహాయింపు ఇవ్వద్దని సీబీఐ గట్టిగా వాదించింది. సీబీఐ కోర్ట్ కూడా, జగన్ కు సలహా ఇచ్చింది... ప్రతి శుక్రవారం కోర్టుకు హాజరై మిగిలిన రోజుల్లో పాదయాత్ర చేసుకోవచ్చుకదా అని జగన్ తరఫు న్యాయవాది అశోక్‌రెడ్డిని సీబీఐ కోర్టు ప్రశ్నించింది. న్యాయస్థానాల మీద ఉన్న గౌరవంతోనే కోర్టు విచారణకు హాజరవుతున్నానన్న విషయాన్ని ప్రజలకు తెలియజేయవచ్చుకదా అని కోర్టు సూచించింది... మొత్తానికి, అన్ని వాదనలు విన్న కోర్ట్, జగన్ కేసు తీవ్రత పరిగణలోకి తీసుకుని, మినహాయింపు ఇవ్వటం కుదరదు అని, ప్రతి శుక్రువారం కోర్ట్ కి రావాల్సిందే అని చెప్పింది..

సిబిఐ కోర్ట్ తీర్పుతో లోటస్ పాండ్ లో విషాద ఛాయలు లాంటివి అలుముకున్నాయి... అంతా నిశబ్ధం... సిబిఐ కోర్ట్ పర్మిషన్ ఇస్తుంది, ఇంకో ఆరు నెలలు కోర్ట్ కు వెళ్ళాల్సిన పని లేదు, దీన్ని మనం సెలెబ్రేట్ చేసుకోవాలి అంటూ, జగన్ నిన్న రాత్రే ముఖ్య నాయకులని రమ్మని పిలుపు ఇచ్చారు.. సాక్షి లో స్పెషల్ ప్రోగ్రామ్స్ కూడా ప్లాన్ చేశారు.. జగన్ కు బాహుబలి రేంజ్ ఎలివేషన్ ఇచ్చేలా, కధనాలు కూడా రెడీ అయ్యాయి.... కాని కధ అడ్డం తిరిగింది.... సెలెబ్రేట్ చేసుకుందాం అని మీటింగ్ ప్లాన్ చేసుకుంటే, చివరకు ఓదార్పు మీటింగ్ అయ్యింది... లోపల ఎలాంటి ఫీలింగ్ ఉన్నా, అందరూ జగన్ ని ఓదార్చారు...

ముందుగా అనుకునట్టు, వైసీపీ ఎల్పీ సమావేశం ఉంది... కాని, జగన్ కు మూడ్ బాగోలేకపోవటంతో ఆ సమావేశం రద్దు అయింది... దూర ప్రాంతాల నుంచి హైదరాబాద్ చేరుకున్న ఎమ్మల్యేలు, సమావేశం రద్దు అవటంతో, అసహనానికి లోనయ్యారు... ఎంతో దూరం నుంచి ఇక్కడ దాకా వస్తే, ఆయనకు మూడ్ బాగోపోతే రద్దు చెయ్యటం ఏంటి అని గొణుక్కుంటూ వెనుదిరిగారు... అయితే జగన్, కొంత మంది సన్నిహితులని లోటస్ పాండ్ లో ఉండమన్నారు... విజయసాయి రెడ్డి, చెవి రెడ్డి, పెద్ది రెడ్డి, శ్రీకాంత్ రెడ్డి తో ఓదార్పు మీటింగ్ చేశారు...

కోర్ట్ తీర్పు నేపధ్యంలో, ఏమి చెయ్యాలి ? 5 రోజులు పాదయత్ర చేసి, కోర్ట్ కి వచ్చి, మళ్ళీ పాదయాత్ర అంటే, అది అతి పెద్ద సెల్ఫ్ గోల్ అవుతుంది... ప్రతి శుక్రువారం మనం కామెడీ అయిపోతాం... పాదయాత్ర రద్దు చేసుకుని బస్సు యాత్ర చేద్దామా అని మిగతా నాయకులు అంటే, జగన్ మాట్లాడుతూ మాది మడం తిప్పే వంశం కాదు అని సమాధానం ఇచ్చారు.. ఇలాగే నంద్యాలలో, చనిపోయిన వ్యక్తి కుటుంబానికి ఏకగ్రీవం చెయ్యల్సింది పోయి, పోటీ పెట్టి బొక్క బోర్లా పడ్డాం అని ఇంకో నాయకుడు అంటే, జగన్ ఆ విషయం మరచిపోమని చెప్పనా అంటూ ఆగ్రహం వ్యక్తం చేశారు... మరో పక్క, నవంబర్ రెండవ వారం నుంచి అసెంబ్లీ సమావేశాలు ఉంటాయి అని, ఫిబ్రవరిలో బడ్జట్ సమావేశాలు ఉంటాయి అని, వాటికి జగన్ హాజరు కావాలా వద్దా ? హాజరు కాకుంటే, ఎవరు లీడ్ తీసుకోవాలి అని విషయం పై కూడా చర్చించారు... జగన్ మాట్లాడుతూ, చెవి రెడ్డి కాని, కొడాలి నాని కాని, రోజాకి కాని, అసెంబ్లీ లీడ్ చేసే అవకాశం ఇద్దాం అని చెప్తే, అక్కడ ఉన్న నాయకులు ఎన్ని సెల్ఫ్ గోల్స్ వేసుకుంటాం అని జగన్ మీద రివర్స్ అయ్యారు... చివరకు, అటు పాదయాత్ర పై కాని, ఇటు అసెంబ్లీ సమావేశాల పై కాని, క్లారిటీ రాకుండానే జగన్, ప్రశాంత్ కిషోర్ తో వీడియో కాన్ఫరెన్స్ ఉందని వెళ్ళిపోయారు...