news

చిత్తూరు జిల్లా, శ్రీసిటీ పారిశ్రామిక పార్కులోని ఆల్‌స్టామ్‌ ఇండస్ట్రీలో తయారైన మెట్రో రైలు బోగీలను, ఆస్ట్రేలియాలోని సిడ్నీకి సరఫరా చేశారు. ఆల్‌స్టామ్‌ తమ మొదటి మెట్రోపాలిస్ రైలును, రౌస్ హిల్ డిపోకి సరఫరా చేసినట్టు సిడ్నీ మెట్రో ప్రకటించింది.

6 కోచ్ లు ఉన్న రైలును ఆల్‌స్టామ్‌, చిత్తూరు జిల్లా, శ్రీ సిటీ లో నిర్మించింది. 2014 సెప్టెంబరులో, సిడ్నీ మెట్రో 280 మిలియన్ యూరోల ఒప్పందం కుదుర్చుకుంది.

Alstom’s Urbalis 400 communications-based train control (CBTC) సిగ్నలింగ్ వ్యవస్థ ద్వారా, ఆటోమేటిక్ రైలు ప్రొటెక్షన్ & ఆటోమేటిక్ రైలు ఆపరేషన్ (ATP/ATO)విధానాల ద్వారా, ఈ రైలు ఆటోమేటిక్ గా ఆపరేట్ అవుతుంది.

ఆల్‌స్టామ్‌ వివరించిన దాని ప్రకారం, మూడు డబల్ డోర్స్, లగేజ్ పెట్టుకోవటానికి రెండు వరసలు ఉంటాయి. ఈ ఎయిర్ కండిషన్డ్ రైలుకి, 38 సిసి కెమెరాలు, అత్యవసర ఇంటర్కాంమ్ వ్యవస్థ, రెండు ప్రయాణీకుల సమాచార ప్రదర్శన వ్యవస్థలు, 6 లైవ్ ఎలక్ట్రానిక్ రూట్-మ్యాప్లు ఉంటాయి.

బొగీలను అత్యాధునికంగా రూపొందించిన ఆల్‌స్టామ్‌ యాజమాన్యాన్ని, చక్కని మౌళిక వసతులతో పరిశ్రమలకు ప్రోత్సాహమిస్తున్న శ్రీసిటీ యాజమాన్యాన్ని సిడ్నీ మెట్రో అభినందించింది. వందకు పైగా విదేశీ పరిశ్రమలతో అభివృద్ది చెందుతున్న శ్రీసిటీ మేకిన్‌ ఇండియా ఉద్యమానికి దేశానికే ఆదర్శంగా, స్ఫూర్తిగా నిలుస్తుంది.

ఈ ఫోటో చూసి బెజవాడ కృష్ణా నడి ఒడ్డో... లేక రాజమండ్రి గోదావరి ఒడ్డో అనుకునేరు... అది నెల్లూరులోని స్వర్ణాల చెరువు... ఇది వరకు ఒక తీరూ దారీ లేని ఈ చెరువు గట్టు, ఇప్పుడు నెల్లూరు వాసులకి సేద తీరటానికి ఒక మంచి ప్రదేశం... కాలక్షేపానికి సినిమా థియేటర్‌లు మాత్రమే ఉన్న నెల్లూరులో, ప్రత్యామ్నాయంగా కుటుంబ సభ్యులతో కలిసి సాయంత్రం పూట ఆహ్లాదంగా గడపటానికి స్వర్ణాల చెరువు ఒక మంచి ప్లేస్...

అక్టోబర్ ఒకటి నుంచి ఐదవ తేది వరకు, రొట్టెల పండుగ కూడా జరగనుండటంతో ఇప్పుడు స్వర్ణాల చెరువు మరింత కళకళ లాడుతుంది... ఘాట్‌లను శుభ్రం చేశారు. మొక్కలను నాటి.. మిరిమిట్లు కొలిపే లైట్లను అమర్చారు... రోజువారీ పనుల్లో సతమతం అవుతున్న నగరజీవికి ఇక్కడ కాసేపు సేద తీరితే ఒకింత వూరట లభిస్తుంది. స్వర్ణాల చెరువు మరింతగా అభివృద్ధి చెయ్యటానికి, ప్రభుత్వం ప్రణాలికలు రచిస్తుంది.

రొట్టెల పండుగ సందర్భంగా ఈ ఏడాది 14 లక్షల మందికి పైగా భక్తులు వస్తారని ప్రభుత్వం అంచనా వేస్తుంది. అలాగే బారాషాహీద్ దర్గా దగ్గర రూ.20 కోట్లతో అభివృద్ధి పనులు చేపట్టారు.

ఆకాశాన రివ్వున ఎగిరే యుద్ద విమానాలనే ఇంతవరకూ చూశాం. అందులో ఏయే భాగాలుంటాయి ? అవి ఎలా పని చేస్తాయి? క్లిష్ట పరిస్థితుల్లో అవి నిర్వర్తించే పాత్ర పమిటి ? శత్రు స్థావరాలపై దాడులెలా చేస్తాయన్నదాని పై పమాత్రం అవగాహన ఉండదు. విశాఖ ఆర్కే బీచ్లో టీయూ-42 యుద్ధ విమాన ప్రదర్శన ద్వారా ఆ పరిజ్ఞానం తెలుసుకునే అవకాశం ఏర్పడుతోంది.

సాగర తీరంలో కొలువైన టీయూ -42 యుద్ధ విమానం డిసెంబర్ 7వ తారీఖున రాష్ట్రపతి రామ్ నాద్ కోవింద్ ప్రారంభించనున్నారు. ఇప్పటికే విమాన విడిభాగాల అమరిక, రంగులు వేయడం, కాంక్రీటు పనులు పూర్తయ్యాయి. విమానం లోపలికి ప్రవేశించే మార్గం కూడా ఏర్పాటైంది. లోపల విద్యుత్తు కాంతుల పనులు కొలిక్కి వచ్చాయి. మిగిలిన హంగులను యుద్దప్రాతిపదికన ఏర్పాటు చేస్తున్నారు. గ్రానైట్ ఫ్లూరింగ్ పనులు జరుగుతున్నాయి. విద్యుత్ దీప కాంతులతో రన్ వే, చుట్టు పక్కల పచ్చదనం ఏర్పాట్లు చురుగ్గా జరుతున్నాయి.

టీయూ 142 యుద్ధ విమానాన్ని సాధారణ విమానం మాదిరిగా సందర్శించేందుకు వీలుపడదు. దీన్ని పూర్తిగా సందర్మించాలన్నా సంపూర్ణంగా తెలుసుకోవాలన్నా లోనికి ప్రవేశించి వీక్షించాలి. విమానంలోనికి వెళ్లడానికి అవసరమైన దారి ఇప్పటి వరకు లేదు. ప్రవేశించడానికి, తిరిగి బయటకు రావడానికి కూడా రెండు మార్గాలు అవసరమయ్యాయి. ఇంజినీర్లు విమానం కాక్పిట్ వద్ద ప్రధాన ప్రవేశ ద్వారం ఏర్పాటు చేశారు. మరో మార్గాన్ని విమానం వెనుక భాగంలోని రెక్క దిగువన ఏర్పాటు చేయనున్నారు.