news

మంగళగిరిలో ఉన్న తెలుగుదేశం పార్టీ రాష్ట్ర కార్యాలయం పై, రెండు రోజుల క్రితం ప్రణాళిక ప్రకారం అటాక్ జరిగిన సంగతి తెలిసిందే. పట్టాభి ప్రెస్ మీట్ లో సజ్జలని తిడితే, ఆ మాట తననే అన్నారని జగన్ మోహన్ రెడ్డి ఆపాదించుకుని మరీ, చేసిన హడావిడి అందరూ చూసారు. ఇక ఇక్కడ మరో గమ్మత్తు అయిన విషయం ఏమిటి అంటే, ఆ అటాక్ చేసింది మా వాళ్ళే అని సాక్షాత్తు ముఖ్యమంత్రి హోదాలో ఉన్న జగన్ మోహన్ రెడ్డి ప్రకటించుకోవటం,అందరినీ ఆశ్చర్య పరిచింది. కొంత మంది తమ ఆత్మీయులు, ప్రేమ ఉన్న వాళ్ళు, అభిమానులు బీపీ పెరిగి, టిడిపి ఆఫీస్ ల పై రాష్ట్ర వ్యాప్తంగా దా-డు-లు చేసారు అంటూ, సాక్షాత్తు జగన్ మోహన్ రెడ్డి చెప్పటం అందరినీ ఆశ్చర్య పరిచింది. ఇక డీజీపీ కూడా మొత్తం తప్పు అంతా పట్టాభిది అని తేల్చేసారు. ఆయన ఆ వ్యాఖ్యలు చేసినందుకే దా-డి చేసారు అట. ఇక పోలీసులు కూడా దా-డి జరిగిన పట్టాభినే అరెస్ట్ చేసారు. ఇలా జరుగుతున్న సంఘటనల పై టిడిపి స్పందిస్తూ, ఇది స్టేట్ స్పాన్సార్డ్ టెర్రరిజం అంటూ ప్రకటించి, దీక్షలు కూడా చేస్తుంది. చంద్రబాబు నాయుడు ఈ రోజు , రేపు కూడా దీక్ష చేస్తున్నారు. అయితే టిడిపి నేతలు ఆరోపణలు చేయటం లేదు, దానికి సంబంధించిన ఆధారాలు కూడా ఇస్తున్నారు.

టిడిపి ఆఫీస్ పై అటాక్ చేయటానికి వస్తున్నారు అంటూ, 15 నిమిషాల ముందే టిడిపి కార్యాలయానికి సమాచారం వచ్చింది. అప్పటికే కొంత మంది కార్లు వేసుకుని ఆఫీసు బయట ఉన్నారు. వెంటనే టిడిపి సిబ్బంది మంగళగిరి పోలీస్ స్టేషన్ కు ఫోన్ చేసారు. అయితే ఇది తమ పరిధి కాదని రూరల్ పోలీస్ లకు ఫోన్ చేయమన్నారు. అక్కడకు ఫోన్ చేస్తే, వెంటనే స్పందించకుండా, పోలీసులు సాగదీసిన తీరు అందరినీ ఆశ్చర్య పరిచింది. ఒక పార్టీ స్టేట్ ఆఫీస్ పై అటాక్ జరుగుతుంది అంటే, వెంటనే రాకుండా, మీ పేరు ఏంటి, మీ నాన్న పేరు ఏంటి, మీ వయసు ఎంత, మీ పోస్ట్ ఏంటి, మీరు ఎంత కాలం నుంచి పని చేస్తున్నారు, మీకు వైసిపీ వాళ్ళు వస్తున్నారని ఎవరు చెప్పారు, మీరు చూడకుండా ఎలా చెప్తున్నారు, ఇలా అనేక అనేక ప్రశ్నలు వేసి, సాగ దీసారు. ఈ ఆడియో క్లిప్ తెలుగుదేశం పార్టీ విడుదల చేసింది. ఫోన్ చేసిన వెంటనే పోలీసులు స్పందించి, పోలీసులు వచ్చి ఉంటే, ఇంత విధ్వంసం జరిగేది కాదని, ఎందుకు రాలేదో పోలీసులే చెప్పాలని అంటున్నారు. ఇది టిడిపి విడుదల చేసిన ఆడియో. https://twitter.com/JaiTDP/status/1451184676953985027

మన రాష్ట్రంలో అన్నీ రివర్స్ గానే జరుగుతాయి అనేది అందరికీ తెలిసిందే. అయితే మరీ గుడ్డిగా రివర్స్ లో వెళ్ళిపోతున్నారు. ఏమాత్రం సిగ్గు కూడా పడటం లేదు. ఏమి అయితే అది అవుతుంది అంటూ రెచ్చిపోతున్నారు. నిన్న టిడిపి కార్యాలయం పై జరిగిన విధ్వంసం అందరూ చూసారు. ఏకంగా ముఖ్యమంత్రి జగన్ మోహన్ రెడ్డి, తమ మీద ప్రేమ ఉన్న వారు బీపీ పెరిగి వెళ్లి కొట్టారని గర్వంగా నవ్వుతూ చెప్పారు కూడా. అయితే ఈ రోజు సాయంత్రం లోకేష్ మీద కేసు పెట్టారు. టీడీపీ కార్యాలయానికి వచ్చిన సీఐ నాయక్ పై దా-డి చేశారంటూ లోకేష్ ని ఏ1 గా పెట్టి కేసు నమోదు చేసారు. ఏ1గా లోకేష్, ఏ2గా అశోక్ బాబు, ఏ3గా ఆలపాటి రాజా, ఏ4గా తెనాలి శ్రావణ్ సహా ఇతరులను పెట్టారు. మరి లోకేష్ ని ఎప్పుడు అరెస్ట్ చేస్తారో తెలియదు కానీ, ఇక్కడే అసలు ట్విస్ట్ నెలకొంది. పొలేసులు ఎంత తొందర పాటు చర్యగా కేసు పెట్టారు అనేది ఈ చర్యతో అర్ధం అవుతుంది. ఎఫ్ఐఆర్ లో లోకేష్ 6.30 గంటలకు వచ్చినట్టు రాసారు. అయితే లోకేష్ ఆ సమయానికి లోకేష్ హైదరాబాద్ లో ఉన్నారు. లోకేష్ రాత్రి 8.30 గంటల ప్రాంతంలో పార్టీ ఆఫీస్ కు వచ్చారు. మరి ఇంత గుడ్డిగా ఎలా కేసు పెట్టారో ఎవరికీ అర్ధం కావటం లేదు. ఈ రోజు ప్రెస్ మీట్ లో కూడా, లోకేష్ ఇదే విషయం లేవనెత్తారు.

లోకేష్ మాట్లాడుతూ. "నేను మా నాన్నలా సాఫ్ట్ కాదు. మా నాన్న గారు ఒక చెంప పై కొడితే ఇంకో చెంప చూపిస్తారు. నన్ను కొట్టిన వాడి రెండు చెంపలు వాచిపోయేలా కొట్టే రకం నేను. ఒళ్ళు దగ్గర పెట్టుకోండి.. అధికారం ఉందని రెచ్చిపోతున్నారు. కొట్టిన ప్రతి దెబ్బకి బదులు ఇస్తాం. ఒకటికి పది. దా-డి చేసున్న వాళ్ళు ఎవరో తెలుసు. దా-డి వెనుక ఉన్న సూత్రదారులు ఎవరో తెలుసు. బీ కేర్ ఫుల్. అధికారం మారితే సరెండర్ అవుతాం అనుకుంటున్నారో ఏమో. వదిలిపెట్టే ప్రసక్తే లేదు. చేసిన ప్రతి పాపానికి శిక్ష అనుభవిస్తారు. శిక్ష కూడా మీరు ఊహించని రేంజ్ లో ఉంటుంది. దా-డి జరిగే ముందు మా నాయకులు పోలీసులకు ఫోన్ చేసినా సరిగా స్పందించలేదు. డీజీపీ ఆఫీసు ముందు నుంచే వైకాపా మూక వచ్చింది. దా-డి తర్వాత కూడా డీజీ ఆఫీసు ముందు నుంచే వెళ్లారు. తర్వాత వైకాపా కార్యాలయానికి వెళ్లారు. ఇవన్నీ డీజీపీకి కనిపించలేదా? వైకాపాకు పోరాడాలని ఉంటే టైం, ప్లేస్ చెబితే మేమే వస్తాం. చంద్రబాబు గారికి చాలా సహనం. ఏనాడూ మేం పరుషంగా మాట్లాడలేదు. టీడీపీ క్రమశిక్షణ కలిగిన పార్టీ. రాత్రి 8.30 గంటలకు నేను మా పార్టీ కార్యాలయానికి వచ్చాను. ఇక్కడ డీజీపీ పీఆర్వో వైకాపా మూకతో కలిసి దా-డికి పాల్పడ్డాడని చెప్పారు. ఇది స్టేట్ స్పాన్సర్డ్ టెర్రరిజం కాదా? అని లోకేష్ అన్నారు.

తెలుగుదేశం పార్టీ అధికార ప్రతినిధి కొమ్మారెడ్డి పట్టాభిని పోలీసులు అరెస్ట్ చేసారు. కొద్ది సేపటి క్రితం, పట్టాభి ఇంటి గేటు బద్దలు కొట్టి, పట్టాభిని అరెస్ట్ చేసినట్టు, ఆయన భార్య చెప్పారు. ఎందుకు అరెస్ట్ చేసారు, ఎక్కడ కేసు పెట్టారు అనే దాని పై ఏ సమాచారం లేకుండా, ఎక్కడికి తీసుకుని వెళ్తున్నారో కూడా చెప్పకుండా ఆయన్ను అరెస్ట్ చేసారని ఆయన భార్య చెప్పారు. మధ్యానం నుంచి కూడా పట్టాభి ని అరెస్ట్ చేయటానికి పోలీసులు పెద్ద ఎత్తున వచ్చారు. పట్టాభి ఇంటి దగ్గర నుంచి అందరినీ పంపించి వేసారు. పట్టాభి ఇంటి వద్దకు ఎవరినీ రానివ్వలేదు. సాయంత్రానికి అదనపు బలగాలు రప్పించారు. అంతే కాదు, కొద్ది సేపటి క్రితం మీడియాను కూడా పట్టాభి ఇంటి నుంచి పంపించి వేసి, ఆయన్ను అరెస్ట్ చేసినట్టు తెలుస్తుంది. అయితే అరెస్ట్ కు ముందే, పట్టాభి ఒక వీడియో విడుదల చేసారు. తన బాడీ పైన ఎలాంటి గాయాలు లేవని, ఒక చిన్న గీత తన మీద పడినా, డీజీపీ నే బాధ్యత వహించాల్సి ఉంటుందని అన్నారు.