news

మాజీ మంత్రి, జగన్ మోహన్ రెడ్డి చిన్నాన్న వైఎస్‌ వివేకానందరెడ్డి కేసులో సిబిఐ అధికారుల విచారణ దాదపుగా 100వ రోజుకి చేరుకుంది. ఇప్పటి వరకు సిబిఐ అధికారులు, బిగ్ షాట్స్ వరకు అరెస్ట్ ల వరకు వెళ్ళలేదు. ఇప్పటికే ఒకే ఒక అరెస్ట్ జరిగింది. సునీల్ యాదవ్ అనే వ్యక్తిని అరెస్ట్ చేసారు. అయితే ఇప్పుడు సిబిఐ అధికారులు మరొక అరెస్ట్ చేసారు. పులివెందులలో గజ్జల ఉమాశంకర్‌రెడ్డి అనే వ్యక్తిని సిబిఐ అధికారులు అరెస్ట్ చేసారు. అంతే కాదు వెంటనే ఆయన్ను పులివెందుల కోర్టులో కూడా హాజరు పరిచారు. కోర్టు గజ్జల ఉమాశంకర్‌రెడ్డికి 14 రోజుల రిమాండ్ విధించింది. అయితే ఈ గజ్జల ఉమాశంకర్‌రెడ్డి అనే వ్యక్తి, కడప జిల్లా సింహాద్రిపురం మండలం సుంకేసులకు చెందిన వ్యక్తి. వివేక కేసులో ఇతను కీలక వ్యక్తిగా సిబిఐ భావించి అరెస్ట్ చేసింది. ఇతన్ని అరెస్ట్ చేయటానికి ముందు, సిబిఐ ఇతని గురించి సమాచారం సేకరించింది. ముఖ్యంగా ఇప్పటికే సిబిఐ అధికారులు సునీల్ యాదవ్ అనే వ్యక్తిని అరెస్ట్ చేసి, అతన్ని పది రోజుల పాటు కష్టడీలోకి తీసుకుని విచారణ చేసారు. కస్టడీకి తీసుకున్న సమయంలోనే సిబిఐ అధికారులు అతని నుంచి కీలక సమాచారం రాబట్టినట్టు చెప్తున్నారు. సునీల్ యాదవ్ విచారణ తరువాత, రంగయ్య, దస్తగిరిలకు సంబంధించిన స్తేమేంట్ ని కూడా రికార్డ్ చేపించారు.

అయితే సునీల్ యదావ్ ఇచ్చిన సమాచారంతోనే, ఉమాశంకర్‌రెడ్డిని సిబిఐ విచారణ చేసింది. ఉమాశంకర్‌రెడ్డిని చాలా సేపు విచారణ చేసిన అనంతరం, అతన్ని నిన్న సాయంత్రం అరెస్ట్ చేసారు. వెంటనే పులివెందుల కోర్టులో హాజరు పరిచారు. రిమాండ్ విధించటంతో, కడప జైలుకు తరలించారు. ఇది ఇలా ఉంటే ఉమాశంకర్‌రెడ్డి పాత్ర పై, సునీల్ తో పాటు, దస్తగిరి కూడా కీలక సమాచారం ఇచ్చినట్టు తెలుస్తుంది. మీడియాలో వస్తున్న సమాచారం ప్రకారం, సునీల్ యాదవ్, ఉమాశంకర్‌రెడ్డి కలిసి వివేక ఇంట్లో కుక్కని అంతకు ముందే కారుతో గుద్ది చం-పా-రు. ఆ తరువాత వివేక హ-త్య జరిగిన రోజు సునీల్ యాదవ్, ఉమాశంకర్‌రెడ్డి కలిసి బైక్ మీద వచ్చారు, పని ముగిసిన తరువాత, ఉమాశంకర్‌రెడ్డి గొ-డ్డ-లి తీసుకుని బైక్ పై వెళ్ళిపోయినట్టు సిబిఐ గుర్తించింది. దీంతో ఇప్పుడు ఆ బైక్ తో పాటుగా, గొ-డ్డ-లి-ని కూడా సిబిఐ స్వాధీన పరుచుకునే ప్రక్రియలో ఉందని తెలుస్తుంది. ఇప్పటికే ఉమాశంకర్‌రెడ్డికి సంబంధించి, ఫోరెన్సిక్‌ నివేదికలను కూడా సిబిఐ తెప్పించుకుంది. చేసిన వారు దొరుకుతున్నారు కాబట్టి, ఇప్పుడు చేపించిన వారి వరకు సిబిఐ వెళ్తుందా, లేదా అనేది చూడాలి.

ఆంధ్రప్రదేశ్ ప్రభుత్వం నూతన ప్రధాన కార్యదర్శిగా ఐఏఎస్ అధికారి సమీర్ శర్మను నియమిస్తూ ఈ రోజు రాష్ట్ర ప్రభుత్వం నియమించింది. ఈ నెల 30వ తేదీతో, ప్రస్తుత చీఫ్ సెక్రటరీ ఆదిత్యనాద్ దాస్ పదవీ విరమణ చేస్తున్నారు, ఆయన పదవీ కాలం ఇప్పటికే ముగిసినా, కేంద్రం నుంచి అనుమతి తెచ్చుకుంది, మూడు నెలల పొడిగింపుని రాష్ట్ర ప్రభుత్వం పొందింది. అయితే ఆయనకు మరో మూడు నెలలు పొడగింపు ఇచ్చే అవకాసం ఉన్నా కూడా, ప్రభుత్వం ఆయనకు పొడిగింపు ఇచ్చేందుకు విముఖత చూపినట్టు తెలిసింది. దీంతో ఆయన ఈ నెల 30వ తేదీతో పదవీ విరమణ చేయనున్నారు. ఇటీవలే ఢిల్లీ నుంచి డెప్యుటేషన్ పై సమీర్ శర్మ , ఢిల్లీ నుంచి ఏపి సర్వీస్ లకు వచ్చారు. ప్రస్తుతం ఆయన ప్రణాళికా విభాగం స్పెషల్ చీఫ్ సెక్రటరీగా ఉన్నారు. దీంతో ఆయన్ను వచ్చే నెల ఒకటో తేదీ నుంచి, నూతన ప్రధాన కార్యదర్శిగా నియమిస్తూ రాష్ట్ర ప్రభుత్వం కొద్ది సేపటి క్రితం ఉత్తర్వులు జారీ చేసింది. జీవో నెంబర్ 1480ని ప్రభుత్వ ప్రినిసిపల్ సెక్రటరీ ముత్యాల రాజు విడుదల చేసారు. అయితే సమీర్ శర్మ కూడా ఈ ఏడాది నవంబర్ లోనే పదవీ విరమణ చేయబోతున్నారు. అయితే ఆయనకు కూడా కేంద్రం నుంచి అనుమతి తీసుకుని, మూడు నెలల వరకు పదవి పొడిగించే అవకాసం ఉంది.

లెక్క ప్రకారం చూస్తే, సమీర్ శర్మ కూడా కేవలం రెండు నెలల మాత్రమే ఆయన పదవీ బాధ్యతులు చేపట్టే అవకాసం ఉంది. ఆ తరువాత ప్రభుత్వం ఇష్టం మేరకు, మూడు నెలల వరకు పదవి పొడిగించే అవకాసం ఉన్నట్టు చెప్తున్నారు. సమీర్ శర్మ, ప్రస్తుతం చీఫ్ సెక్రటరీగా ఉన్న ఆదిత్యనాథ్‌ దాస్‌ కంటే రెండేళ్ళు సీనియర్. సమీర్ శర్మ 1985 బ్యాచ్‌కు చెందిన వారు. అయితే సమీర్ శర్మ మొన్నటి వరకు కేంద్ర సర్వీస్ లలో ఉండే వారు. కేంద్రంలోని ఇండియన్‌ ఇన్‌స్టిట్యూట్‌ ఆఫ్‌ కార్పొరేట్‌ ఎఫైర్స్‌ డైరెక్టర్‌ జనరల్‌గా పని చేసారు. అంత మంచి పదవిలో ఉన్న సమీర్ శర్మ, అకస్మాత్తుగా డిప్యుటేషన్ పై ఏపి రావటం, ఇప్పుడు కేవలం రెండు నెలల కాలానికి చీఫ్ సెక్రటరీ అవ్వటం పై, రాష్ట్ర ఐఏఎస్ క్యాడర్ లో చర్చ జరుగుతుంది. కేంద్ర సంస్థకు డైరెక్టర్‌ జనరల్‌ పదవిలో ఉండి, రాష్ట్రానికి చీఫ్ సెక్రటరీ చేయటం పై, చర్చ జరుగుతుంది. ఏది ఏమైనా కొత్త చీఫ్ సెక్రటరీకి ప్రస్తుతం అనేక సమస్యలు స్వాగతం పలుకున్తున్నాయి. ముఖ్యంగా అప్పుల విషయంలో ఆయనకు సవాల్ అనే చెప్పాలి.

జగన్ మోహన్ రెడ్డి అక్రమ ఆస్తుల కేసులో, జగన్ ఏ1 అయితే, విజయసాయి రెడ్డి ఏ2గా ఉన్న సంగతి తెలిసిందే. దాదాపుగా 12 సిబిఐ కేసుల్లో, 5 ఈడీ కేసుల్లో జగన్, విజయసాయి రెడ్డి ఏ1, ఏ2లు గా ఉన్నారు. అయితే 2012లో మొదలైన ఈ కేసు, ఇప్పటికీ సాగుతూనే ఉండటం పై అనేక విమర్శలు కూడా వచ్చాయి. ముఖ్యంగా సిబిఐ వ్యవహరిస్తున్న తీరు పై అనేక అనుమానాలు కూడా వ్యక్తం అయ్యాయి. దీనికి తోడు సాంకేతిక అంశాలు పట్టుకుని, ఈ కేసుని విచారణకు రాకుండా వీళ్ళు చేస్తున్న ప్రయత్నాలు అన్నీ ఇన్నీ కావు. ప్రతి కేసులో చాలా మంది నిందితులు ఉండటం, ఒక్కో కేసులో ఒక్కొక్కరు డిశ్చార్జ్ పిటీషన్ లు వేయటం, అవి సిబిఐ కోర్టులో ఒకసారి, హైకోర్టులో ఒకసారి, సుప్రీం కోర్ట్ లో ఒకసారి, ఇలా కొట్టేసుకుంటూ పోతూ ఉండటంతో, చివరకు అసలు ఈ కేసులు ఎప్పుడు విచారణకు వస్తాయో లేదో కూడా తెలిసే పరిస్థితి లేదు. ఈ మొత్తం నేపధ్యంలో, మరోసారి కోర్టులో ఇదే సీన్ నడిచింది. అయితే సిబిఐ లా కాకుండా, ఎన్ఫోర్స్మెంట్ డైరెక్టరేట్ అధికారులు మాత్రం గట్టిగా బదులు ఇచ్చారు. ఈ అక్రమ ఆస్తుల కేసులో విజయసాయి రెడ్డి రెండో ముద్దాయిగా ఉన్నారని, చెప్పిందే చెప్తూ, విజయసాయి రెడ్డి, వాయిదాల మీద వాయిదాలు తీసుకుంటూ, కావాలని జాప్యం చేస్తున్నారని ఈడీ కోర్టుకు తెలిపింది.

కోర్టు సమయాన్ని కూడా వెస్ట్ చేస్తున్నారు అంటూ, ఎన్ఫోర్స్మెంట్ అధికారులు కోర్టుకు తెలుపుతూ, అభ్యంతరం తెలిపారు. గత మూడు వాయిదాలుగా ఇదే విదింగా, ఇవే చెప్తూ, కోర్టు సమయాన్ని వృద్ధా చేస్తున్నారు అంటూ కోర్టు ముందు వాదనలు వినిపించారు. నాంపల్లి కోర్టులో కేసు విచారణకు రాగా, ముందుగా ఈడీ కేసులు విచారణ చేపట్టవద్దు అంటూ కోర్టుని కోరారు విజయసాయి న్యాయవాదులు. ఈ విషయం పై తాము సుప్రీం కోర్టు వద్దకు వెళ్లామని, సుప్రీం కోర్టు ఆదేశాలు ఇచ్చే వరకు తమ అభ్యర్ధనను పరిగణలోకి తీసుకోవాలని కోరారు. అయితే విజయసాయి రెడ్డి న్యాయవాదుల తీరు పై, ఈడీ అధికారులు తీవ్ర అభ్యంతరం వ్యక్తం చేస్తూ, గత మూడు వాయిదాల నుంచి ఇలాగే చెప్తూ కాలక్షేపం చేసారని, వీటిని అనుమతించవద్దని, ఈడీ అభియోగాల పై ఇక విచారణ మొదలు పెట్టాలి అంటూ కోర్టుని కోరారు. ఇరువురి వాదనలు విన్న కోర్టు, ఈ నెల 20వ తేదీకి వాయిదా వేసింది. మొత్తానికి ఈడీ నుంచి వచ్చిన ఊహించని రియాక్షన్ తో విజయసాయి రెడ్డి షాక్ అయ్యారు.