news

జగన్ మోహన్ రెడ్డికి చెందిన సాక్షి మీడియాకి, నాంపల్లి సిబిఐ కేసులో షాక్ తగిలింది. తీర్పులు ముందే చెప్పేస్తూ, అత్యుత్సాహం ప్రదర్శించటంతో సాక్షి మీడియాకు షాక్ తగిలింది. ఇక విషయానికి వస్తే, జగన్ మోహన్ రెడ్డి బెయిల్ రద్దు చేస్తూ వేసిన పిటీషన్ పై, ఆగష్టు 25వ తేదీన సిబిఐ కోర్టు తీర్పు చెప్తాం అని చెప్పింది. దీంతో ఆంధ్రప్రదేశ్ రాష్ట్రం మొత్తం, ఆ తీర్పు ఏమి వస్తుందా అనే టెన్షన్ తో ఉదయం నుంచి టీవీలకు అతుక్కు పోయి కూర్చున్నారు. జగన్ బెయిల్ రద్దు అయ్యే అవకాశాలు ఎక్కువగా ఉన్నాయి అంటూ, పెద్ద ఎత్తున ప్రచారం జరిగింది. దీంతో ప్రజలు కూడా టెన్షన్ తో టీవీల ముందు కూర్చున్నారు. అయితే వెంటనే సాక్షి టీవీ చేసిన ట్వీట్ తో అందరూ షాక్ అయ్యారు. జగన్ బెయిల్ రద్దు చేస్తూ రఘురామకృష్ణం రాజు వేసిన పిటీషన్ ను కోర్టు కొట్టివేసింది అంటూ, సాక్షి ట్వీట్ చేసింది. కొద్ది నిమిషాల్లోనే అది వైరల్ అయ్యింది. అయితే ఎంత సేపటికి మిగతా టీవీ చానల్స్ లో మాత్రం ఆ వార్త రావాటం లేదు. పైగా విజయసాయి రెడ్డి పిటీషన్ పైనే విచారణ జరుగుతుంది అంటూ వార్తలు వచ్చాయి. చివరకు మరి కొద్ది సేపటికి ఆ ట్వీట్ ని సాక్షి డిలీట్ చేసింది. అంతే కాదు, ఇంకో ట్వీట్ చేసి, పొరపాటున జరిగిన విషయంగా చెప్తూ, ట్వీట్ చేసింది. అప్పుడు కానీ సాక్షి తప్పుడు ట్వీట్ చేసింది అనే విషయం అర్ధం కాలేదు.

అయితే ఈ విషయం పై రఘురామరాజు సీరియస్ అయ్యారు. అసలు కోర్టులో జడ్జిమెంట్ రాకుండా, మీరు ఎలా ముందే చెప్తారు అంటూ అనుమానం వ్యక్తం చేసారు. దీని వెనుక కుట్ర ఉందని అన్నారు. దీని పై కేసు వేస్తున్నట్టు చెప్పారు. చెపినట్టుగానే, సాక్షి మీడియా పై రఘురామకృష్ణం రాజు సిబిఐ కోర్టులో, కోర్టు దిక్కరాణ పిటీషన్ దాఖలు చేసారు. ఈ పిటీషన్ పై ఈ రోజు నాంపల్లి సిబిఐ కోర్టు విచారణ చేసింది. ఒక పక్క కేసు ఇంకా కోర్టు పరిధిలో పెండింగ్ లో ఉండగానే, పిటీషన్ కొట్టి వేసారు అంటూ, సాక్షి మీడియాలో కధనం వచ్చిందని, కోర్టు ధిక్కరణ కింద చర్యలు తీసుకోవాలని కోరారు. దీంతో కోర్టు సాక్షి ఎడిటర్ మురళి, సీఈఓ వినయ్ మహేశ్వరికి నోటీసులు జారీ చేసింది. అయితే ఈ రోజు విచారణకు రాగా, కౌంటర్ దాఖలు చేయటానికి 15 రోజులు టైం అడిగారు. కోర్టు మాత్రం అదేమీ కుదరదు అని, సోమవారం లోగా కౌంటర్ దాఖలు చేయాలి అంటూ షాక్ ఇచ్చింది. దీంతో తదుపరి విచారణను సోమవారానికి వాయిదా వేసింది.

టిడిపి జాతీయ ప్రధాన కార్యదర్శి నారా లోకేష్ ని ఎట్టకేలకు పోలీసులు అదుపులోకి తీసుకుని, నోటీసులు ఇచ్చారు. ఉదయం నుంచి ఈ విషయంలో హైడ్రామా నడిచింది. ఉదయం గన్నవరం ఎయిర్ పోర్ట్ కు లోకేష్ చేరుకున్న దగ్గర నుంచి, మొత్తం ప్లాన్ ప్రకారం పోలీసులు నడిపించారు. ముందుగా లోకేష్ తాను 9 గంటలకు గన్నవరం వస్తానని చెప్పారు, తరువాత 11.45 నిమిషాలకు షడ్యుల్ మారింది. దీంతో పోలీసులు కూడా వ్యూహం మార్చారు. అయితే ముందుగా లోకేష్ ని ఎయిర్ పోర్ట్ లోనే నిర్బందించి, తరువాత ఫ్లైట్ లో హైదరాబాద్ పంపించి వేయాలని ప్లాన్ చేసారు. అయితే రాత్రి తొమ్మిది గంటల వరకు మరే ఫ్లైట్ కూడా హైదరాబాద్ కు లేకపోవటంతో, పోలీసులు వ్యూహం మార్చారు. లోకేష్ ని అరెస్ట్ చేస్తారని ఒకసారి, లోకేష్ ని అదుపులోకి తీసుకుని, సాయంత్రం వరకు స్టేషన్ లో ఉంచుతారని ఒకసారి, అలాగే లోకేష్ ని పార్టీ ఆఫీస్ కు తీసుకు వెళ్తారని ఒకసారి, లోకేష్ ని ఉండవల్లిలోని ఇంటికి తీసుకుని వెళ్తారని ఒకసారి, ఇలా రకరకాల కారణాలు చెప్పారు. ముందుగా లోకేష్ ఎయిర్ పోర్ట్ లోకి రాగానే, ఆయన పక్కన ఉన్న నేతలను అదుపులోకి తీసుకున్నారు. తరువాత లోకేష్ ని సొంత వెహికల్ లో ఎక్కించారు. ఆ వెహికల్ ని పోలీసులు కంట్రోల్ లోకి తీసుకున్, తాము చెప్పినట్టు రావాలని కోరారు.

దీంతో లోకేష్ ని ముందుగా గుడివాడ వైపు ఉన్న నందివాడ పోలీస్ స్టేషన్ కు తీసుకుని వెళ్తారని అందరూ భావించారు. అయితే మళ్ళీ కాన్వాయ్ ని విజయవాడ వైపు మళ్ళించారు. ఎక్కడికి తీసుకుని వెళ్తున్నారో చెప్పలేదు. దీంతో లోకేష్ కూడా సమయం కోసం ఎదురు చూసారు. కృష్ణలంక వద్దకు రాగానే తన వాహనాన్ని ఆపించి, ఎక్కడికి తీసుకుని వెళ్తున్నారని నిలదీశారు. తాము ఉండవల్లి తీసుకుని వెళ్తున్నామని చెప్పటంతో, లోకేష్ ఆగ్రహించారు. తాను నరసరావుపేట వెళ్ళాల్సిందే అని చెప్పారు. పోలీసులు ఎందుకు ఆపుతున్నారు, నన్ను ఏ సెక్షన్ కింద నిర్బందించారో చెప్పాలని కోరగా, చివరకు లోకేష్ ఒత్తిడికి తలొగ్గి, 41 ఏ నోటీస్ ఇచ్చారు. అయితే ఆ నోటీస్ లో ఏముందా అని చూస్తే, మీరు హైవే పై బండి ఆపి, ట్రాఫిక్ కు అంతరాయం కలిగించారు అని ఉంది. దీంతో అందరూ ఆశ్చర్య పోయారు. ఒక పక్క ఉదయం నుంచి ఏదో ఉ-గ్ర-వా-దిని పట్టుకున్నట్టు పట్టుకుని, చివరకు నోటీస్ ఇలా ఇవ్వటం పట్ల ఆశ్చర్యం వ్యక్తం చేసారు.

ఈ రోజు నారా లోకేష్ పర్యటన మొత్తం ట్విస్ట్ ల మీద ట్విస్ట్ ల మధ్య సాగింది. చివరకు ఆయనకు నోటీస్ ఇచ్చి, ఇంటి దగ్గరకు తీసుకుని వెళ్లారు. అయితే ఈ రోజు జరిగిన పరిణామాల పై లోకేష్ ప్రెస్ మీట్ పెడదామని అనుకున్నారు. ఈ రోజు నాలుగు గంటలకు ప్రెస్ ని పిలిచారు. నాలుగు గంటలకు ప్రెస్ రావాలని, మీడియా సమావేశం ఉంటుందని, లోకేష్ మాట్లాడతారు అంటూ, లోకేష్ ఆఫీస్ నుంచి మీడియాకు కబురు వచ్చింది. దీంతో మీడియా మొత్తం, ఉండవల్లి బయలు దేరింది. కరకట్ట వద్దకు వచ్చిన మీడియా షాక్ కు గురయ్యింది. అక్కడ మీడియా వారికి పర్మిషన్ లేదు అంటూ, పోలీసులు బ్యారికేడ్ లు పెట్టారు. మీడియా ప్రతినిధులకు అనుమతులు లేవు అంటూ చెప్పటంతో, మీడియా కూడా షాక్ అయ్యింది. దీంతో ఏమి చేయాలో అర్ధం కాక, మీడియా ప్రతినిధులు వెనుదిరిగారు. ఈ విషయం తెలిసిన లోకేష్, మీడియా సమావేశాన్ని 5 గంటలకు వాయిదా వేసారు. మీడియా వారు అయుదు గంటలకు రావాలి అంటూ కబురు పంపించారు. ఇప్పుడే కొద్ది సేపటి క్రితమే మీడియా సమావేశం ప్రారంభం అయ్యింది. అయితే ఏకంగా మీడియాను ఆపటం పై, అందరూ షాక్ అయ్యారు. అసలు లోకేష్ ని ఎందుకు ఆపుతున్నారో తెలియదని అందరూ అనుకుంటున్న సమయంలో, ఇప్పుడు మీడియాను కూడా అడ్డుకున్నారు.

ఏమైనా వాస్తవాలు బయట పడతాయని, ఇలా చేస్తున్నారా అనే అభిప్రాయం వ్యక్తం అవుతుంది. ప్రభుత్వం ఎందుకు భయపడుతుందో అర్ధం కావటం లేదని టిడిపి అంటుంది. లోకేష్ వెళ్తాను అంటే అతన్ని ఆపేసారని, ఇప్పుడు మీడియాను కూడా రానివ్వక పోవటం ఏమిటి అంటూ, టిడిపి కూడా ఆశ్చర్యం వ్యక్తం చేస్తుంది. అసలు ఇది ప్రజాస్వామ్యమేనా అంటూ టిడిపి ప్రశ్నిస్తుంది. గతంలో జగన కి కూడా ఇలాగే చేసి ఉంటే, ఆయన పాదయాత్ర చేసే వారా అని టిడిపి ప్రశ్నిస్తుంది. ఆడ పిల్లలకు అండగా ఉండటానికి వెళ్తుంటే కూడా ఇలా నిర్బంధాలు చేస్తుంటే, ఎవరికి చెప్పుకోవాలి అంటూ, టిడిపి నేతలు వ్యాఖ్యానిస్తున్నారు. మొత్తానికి ఈ రోజు లోకేష్ పర్యటనతో, ప్రభుత్వ డొల్లతనం మరోసారి బయట పడింది. లోకేష్ పర్యటనను అడ్డుకుని, చివరకు ఆయన ట్రాఫిక్ ఆపారు అంటూ, ఆయనకు నోటీస్ ఇచ్చి, పోలీస్ బందోబస్తుతో, ఆయన్ను తీసుకుని వెళ్లి, ఇంటిలో పెట్టి వచ్చారు. ఇప్పుడు మీడియాని కూడా అడ్డుకున్నారు.