news

ఆంధ్రప్రదేశ్ ప్రభుత్వ అధికారులు, కోర్టుల ఆగ్రహానికి గురవుతూనే ఉన్నారు. ఆ లిస్టు రోజు రోజుకీ పెరిగిపోతుంది. అయినా అధికారుల్లో ఎలాంటి మార్పు రావటం లేదనే సంకేతాలే వస్తున్నాయి. ఎందుకో ఏమో కానీ, ఈ మధ్య వారానికి రెండు మూడు ఘటనలు ఇలాంటి సంఘటనలే జరుగుతున్నాయి. ఇప్పటికే రాష్ట్ర ప్రభుత్వ పెద్దలు, కోర్టులను లెక్క చేయటం లేదనే ప్రచారం బలంగా ఉంది. ఇప్పుడు అధికారులు కూడా అదే తీరుగా కనిపిస్తున్నారు. కోర్టు చెప్పిన పనులు చేయకుండా, కోర్టు ఆగ్రహానికి గురి అవుతున్నారు. డీజీపీ, చీఫ్ సెక్రటరీ లాంటి పెద్ద పెద్ద అధికారులు ఇప్పటికే అనేక సార్లు హైకోర్టు ఆగ్రహానికి గురయ్యారు. స్వయంగా కోర్టుకు కూడా వెళ్ళవలసిన పరిస్థితి వచ్చింది. ఇప్పుడు తాజాగా మరోసారి హైకోర్టు ఆగ్రహం వ్యక్తం చేసింది. 22వ తేదీన హైకోర్టు ఇచ్చిన ఒక తీర్పు, పంచాయతీరాజ్‌ ముఖ్య కార్యదర్శి గోపాలకృష్ణ ద్వివేది షాక్ ఇచ్చింది. ఆయనతో పాటుగా, బీసీ సంక్షేమశాఖ ప్రత్యేక సీఎస్‌ జి.అనంతరాముకి కూడా హైకోర్టు షాక్ ఇచ్చింది. ఇద్దరికీ నాన్ బెయిలబుల్‌ వారెంట్‌ జారీ చేసింది హైకోర్టు. వారి ఇద్దరినీ అరెస్ట్ చేసి, కోర్టు ముందు వారిని ప్రవేశపెట్టాలని, గుంటూరు ఎస్పీని హైకోర్టు ఆదేశించింది. హైకోర్టు ఇచ్చిన ఈ ఆదేశాలతో ఒక్కసారిగా, పరిపాలన విభాగంలో అలజడి రేగింది.

సీనియర్ అధికారులు కావటంతో, ఒక్కసారిగా అలజడి రేగింది. ఈ ఆదేశాలు ఇచ్చిన హైకోర్టు, కేసు విచారణను ఆగస్ట్ 5వ తేదీకి వాయిదా వేసింది. ఈ కేసు వివరాల్లోకి వెళ్తే, రిటైర్డ్ అసిస్టంట్ ఇంజనీర్ ఎం.శంకరాచార్యులు, ఆయనకు రావాల్సిన రిటైర్మెంట్ బెనిఫిట్స్ పై, కోర్టుకు వెళ్ళగా, ఆయనకు రావాల్సినవి అన్నీ తక్షణమే విడుదల చేయాలి అంటూ హైకోర్టు ఆదేశాలు జరీ చేసింది. అయితే ఆ ఆదేశాలు అమలు కాకపోవటంతో, ఆయన మళ్ళీ హైకోర్టులో కోర్టు ధిక్కరణ పిటీషన్ వేసారు. ఈ కేసు విచారణ జరిపిన న్యాయస్థానం, హైకోర్టు ముందు హాజరు కావాలి అంటూ, గోపాలకృష్ణ ద్వివేదికి ఆదేశాలు జారీ చేసింది. అయితే గురువారం జరిగిన ఈ విచారణకు గోపాలకృష్ణ ద్వివేది హాజరు కాలేదు. తమ క్లైంట్ విధి నిర్వహణలో భాగంగా ఢిల్లీ వెళ్ళారని, కోర్టుకు తెలిపి, హాజారునుంచి మినహాయింపు అడిగారు న్యాయవాది. అయితే మీరు అడిగిన మినహాయింపు, ఫైల్ లో లేదని, అయినా విచారణ మినహాయింపు అభ్యర్ధన వేరే అనుబంధ పిటీషన్ వేయటం ఏమిటి అని ప్రశ్నించారు. దీంతో ఆగ్రహం చెందిన హైకోర్ట్, వారిని తమ ముందు ప్రవేశ పెట్టాలని ఆదేశాలు జారీ చేసింది.

అమరావతిలో అరచాకలు కొనసాగుతూనే ఉన్నాయి. అయితే ఎప్పటిలా ప్రభుత్వం కాకుండా, ఈ సారి కొంత మంది దుండగులు ముసుగులో వచ్చి ఈ అరాచకం చేసారు. పది రోజులు క్రితం, అమరావతి రాజధానిని కలిపే ఐకానిక్ బ్రిడ్జికు సంబంధించి, మొదలు పెట్టిన పనులను, ధ్వంసం చేసిన సంగతి తెలిసిందే. ధ్వంసం చేయటానికే వారం రోజులు పట్టింది అంటే, అంత గట్టిగా అక్కడ నిర్మాణ పనులు జరిగాయి. అయితే ఇది ఇలా ఉంటే, నిన్న రాత్రి మరోసారి అమరావతిలో అరాచకం జరిగింది. అమరావతి రాజధాని శంకుస్థాపన జరిగిన ఉద్దండరాయినిపాలెంలో ఈ అరాచకం చోటు చేసుకుంది. గత చంద్రబాబు ప్రభుత్వం, ముందుగా మౌళిక వసతులు కోసం అని చెప్పి, దాదాపుగా అన్ని ఇంటర్నల్ రోడ్డులు పూర్తి చేసింది. ఇదే క్రమంలో ఉద్దండరాయినిపాలెంలో ఎన్ 10 రహదారి నిర్మాణం కూడా జరిగింది. 165 మీటర్ల వెడల్పుతో ఈ రోడ్డు నిర్మాణం జరిగింది. అయితే నిన్న అర్ధరాత్రి కొంత మంది దుండగులు, జేసీబీలు వేసుకొచ్చి ఆ రోడ్డును తవ్వటం మొదలు పెట్టారు. అయితే ఇది గమనించిన ఉద్దండరాయినిపాలెం రైతులు, ఘటన జరిగిన ప్రాంతానికి పరుగులు పెట్టారు. వెంటనే సమాచారం గ్రామం మొత్తం పాకటంతో, అందరూ అక్కడకు వెళ్ళారు. అయితే వీళ్ళ రాకతో, జేసీబీతో పాటుగా, అక్కడ ఉన్న టిప్పర్ కూడా అక్కడ నుంచి జారుకున్నారు.

అయితే ఈ రోజు ఉదయం రాజధాని రైతులు పెద్ద ఎత్తున అక్కడకు చేరుకున్నారు. ఆ ప్రాంతాన్ని పరిశీలించిన రైతులు తీవ్ర ఆగ్రహం వ్యక్తం చేసారు. ఆ దుండగులు ఎవరో పోలీసులు పట్టుకోవాలని అన్నారు. అధికార పార్టీ వారే ఈ అరాచకం చేసారని, ప్రభుత్వ సపోర్ట్ లేకుండా, ఇంత ధైర్యంగా రోడ్డును తవ్వేసే సహసహం ఎవరూ చేయరని, దీని వెనుక కచ్చితంగా ప్రభుత్వ హస్తం ఉంది అంటూ ఆరోపిస్తున్నారు. అమరావతిని నాశనం చేస్తున్నారని, ఒక పక్క రాష్ట్రంలో రోడ్డులు అన్నీ నాశనం అయి ఉంటే, ఇక్కడ బాగున్న రోడ్డు కూడా తవ్వటం ఏమిటి అంటూ ఆగ్రహం వ్యక్తం చేస్తున్నారు. ఈ ఘటన పై పోలీసులు కేసు నమోదు చేసి, అసలు ఈ ఘటన ఎవరు చేసారు, ఎందుకు చేసారు అనే విషయం ప్రజలు చెప్పాలని అంటున్నారు. ప్రభుత్వానికి వ్యతిరేకంగా రైతులు అక్కడ నిరసన తెలిపారు. అమరావతి పై కక్ష కట్టారని, ఇష్టం వచ్చినట్టు చేస్తున్నారని, అమరావతి నాశనమే అజెండాగా పెట్టుకుని, రైతులును క్షోభ పెడుతున్నారని వాపోయారు.

పెద్ద రాజకీయ కుటుంబం నుంచి వచ్చిన మహిళ, తన తండ్రిని చం-పి, రెండేళ్లు.. న్యాయం ఇంకెప్పుడూ అని సమాజాన్ని ప్రశ్నిస్తోందని, ఆమె సాదాసీదా మహిళ కాదని, దివంగత వై.ఎస్. వి-వే-కానందరెడ్డి కుమార్తెని, ఆమె ఏ రాజకీయ కుటుంబం నుంచైతే వచ్చారో, అదే కుటుంబం నుంచి వచ్చిన వ్యక్తి కూడా, ఇప్పుడు రెండున్నరేళ్లుగా రాష్ట్రానికి ముఖ్యమంత్రిగా ఉన్నారని టీడీపీ జాతీయప్రధాన కార్యదర్శి, పొలిట్ బ్యూరోసభ్యులు వర్ల రామయ్య తెలిపారు. ఆదివారం ఆయన మంగళగిరిలోని పార్టీ జాతీయ కార్యాలయంలో విలే కరులతో మాట్లాడారు. ఆ వివరాలు ఆయన మాటల్లోనే మీకోసం...! వివేకా కేసు విచారణ సీబీఐ చేపట్టి కూడా దాదాపు రెండేళ్లయింది. ఈ మధ్యనే కేసు విచారణలో సీబీఐ వేగం పెంచింది. సుధాసింగ్ అనే డీఐజీ స్థాయి మహిళా అధికారి వివేకా హత్య కేసు దర్యాప్తును వేగవంతం చేశారు. దర్యాప్తులో భాగంగా ప్రధాన సాక్షి వాంగ్మూలాన్ని జమ్మలమడుగులో న్యాయమూర్తి ముందు రికార్డు చేయించారు. ప్రధాన సాక్షి అయిన రంగయ్య స్టేట్ మెంట్ ను సీఆర్పీసీ సెక్షన్ 164 కింద మేజిస్ట్రేట్ రికార్డు చేశారు. ముఖ్యమంత్రికి సుపారీ విషయం తెలిసన వెంటనే ప్రెస్ మీట్ ఏర్పాటు చేసి, ఎవరా ఇద్దరు ప్రముఖులు.. వెంటనే పట్టుకోండని చెప్పాల్సిన బాధ్యతలేదా? వెంటనే డీజీపీని పిలిచి, ఎవరా ఇద్దరు...ఏమా సుపారీ కథో తేల్చమని చెప్పాల్సిన బాధ్యత ముఖ్యమంత్రికి లేదా? రూ.8కోట్ల సుపారీ ఇచ్చారంటే ... ఆ హ-త్య వెనుక ఎంత పెద్ద వ్యవహారం దాగి ఉంటుంది? రంగయ్య వాంగ్మూలం రికార్డు చేశాక, ముఖ్యమంత్రి గానీ, డీజీపీ గానీ స్పందిస్తారని నేను ఈ రెండు రోజులు ఎదురు చూశాను. కానీ వారిద్దరూ స్తబ్దుగా, నిమ్మకునీరెత్తినట్లు కూర్చు న్నారు. ఎవరైతే ప్రధానసాక్షి ఉన్నాడో.. అతని వాంగ్మూలం ఎప్పుడైతే రికార్డు చేయించారో.. ఆ వెంటనే సీబీఐ బృందంలో మార్పులొచ్చేశాయి. సీబీఐకి నేతృత్వం వహిస్తున్న సుధాసింగ్ అనే మహిళా అధికారిని కేసు బాధ్యతల నుంచి తప్పించి, బదిలీ చేయించారు. ఎవరు ఆమెను బదిలీ చేయించారు? ఒకప్రధాన సాక్షి వాంగ్మూలం రికార్డు చేయించాక, ఇక మిగిలింది అరెస్ట్ లే. అటువంటి కీలక సమయంలో దర్యాప్తు అధికారి సుధాసింగ్ ను బదిలీ చేయించడం ద్వారా కేసు విచారణను నీరుగార్చడానికి ప్రయత్నించారని స్పష్టమవుతోంది. డీఐజీ స్థాయి అధికారి అయిన సుధాసింగ్ స్థానంలో ఎస్పీ స్థాయి అధికారిని నియమించడం ద్వారా కేసు ప్రాధాన్యతను తగ్గించారు.

ఇద్దరు ప్రముఖులు రూ.8కోట్ల సుపారీ ఇచ్చినట్టా లేదా? అసలు ఆ ఇద్దరు ప్రముఖులు ఎవరు? కేసులో కీలక నిందితులను అరెస్ట్ చేస్తారా ...చేయరా? ఇలాంటి అనేక ప్రశ్నలకు సమాధానం ఏమవుతుందనే సందేహం ప్రతిఒక్కరీ మెదళ్లను తొలుస్తున్నది. అందుకు కారణం సుధాసింగ్ ను బదిలీ చేయడమే. సీబీఐ కూడా రాజకీయ కబంధ హస్తాల్లో చిక్కుకున్నదని అంటుంటే తాను విన్నాను. ఆ మాటలకు వాస్తవం చేకూరుస్తూ, వరుసగా జరిగిన సంఘటనలే నిదర్శనాలుగా కనిపిస్తున్నాయి. డీఐజీ స్థాయి అధికారిని బదిలీ చేసి, ఎస్పీ స్థాయి అధికారికి విచారణ బాధ్యతలు అప్పిగిస్తే, కేసు విచారణ సక్రమంగా జరుగుతుందా? ఈ మూడు రోజుల్లో దర్యాప్తులో చీమ కూడా చిటుక్కుమనలేదు. ఈ వ్యవహారంపై స్పందించాల్సింది ముఖ్యమంత్రి జగన్మోహన్ రెడ్డే. తన బాబాయి కేసు విచారణలో ఇంత జాప్యం జరుగుతుంటే ముఖ్యమంత్రికి ఏమీపట్టదా? చంద్రబాబు, నారాలోకేశ్, సతీశ్ రెడ్డి, మరి కొందరు కుట్రలు చేసి వివేకాను చం-పిం-చా-ర-ని కూడా వ్యాఖ్యానించారు. అదంతా అయ్యాక జగన్మోహన్ రెడ్డి స్వయంగా రంగంలోకి దిగి, వివేకా కేసుని విచారిస్తున్న సిట్ పై తనకు నమ్మకం లేదని, సీబీఐ దర్యాప్తు నకు ఆదేశించాలని కోరాడు. మరిప్పుడు దోషులను శిక్షించాలనే ఆలోచన ముఖ్యమంత్రి హోదాలో ఉన్న జగన్మోహన్ రెడ్డికి అక్కరలేదా?