news

కేంద్ర హోం శాఖా మంత్రి అమిత్ షా తో, ఎంపీ రఘురామకృష్ణం రాజు ఈ రోజు భేటీ అవ్వటం ఢిల్లీలోనే కాక, రాష్ట్రంలో కూడా చర్చనీయంసం అయ్యింది. అమిత్ షా కార్యాలయానికి వెళ్ళిన రఘురామరాజు, సుమారుగా 20 నిమిషాల పాటు, ఆయనతో చర్చించారు. ఈ భేటీ సందర్భంగా, రఘురామకృష్ణం రాజు ఆరోగ్య పరిస్థితిని అమిత్ షా అడిగి తెలుసుకున్నారు. అలాగే రఘురామకృష్ణం రాజు అరెస్ట్ సమయంలో జరిగిన విషయాలను కూడా రఘురామకృష్ణం రాజు, అమిత్ షా కు వివరించారు. గతంలోనే రఘురామకృష్ణం రాజు కుటుంబ సభ్యులు, రఘురామ ఆరెస్ట్ సమయంలో, ఢిల్లీ వెళ్లి అమిత్ షాని కలిసిన విషయం తెలిసిందే. తదనంతర పరిణామాలు, సుప్రీం కోర్టులో కేసు తరువాత, రఘురామరాజు బెయిల్ పై బయటకు వచ్చారు. బెయిల్ పై బయటకు వచ్చిన తరువాత, రఘురామకృష్ణం రాజు , కేంద్రం హోం మంత్రిని కలవటానికి ప్రయత్నం చేసినా, అమిత్ షా బిజీ షడ్యుల్ లో కుదరలేదని తెలుస్తుంది. అయితే ఈ రోజు రఘురామకృష్ణం రాజు, అమిత్ షాని కలిసారు. ఆరోగ్య పరిస్థితి, అరెస్ట్ చేసిన తీరుతో పాటుగా, ఏపిలో రాజకీయ పరిస్థితులు పై కూడా, రఘురామరాజుని, అమిత్ షా అడిగి తెలుసుకున్నట్టు తెలుస్తుంది. ఏపిలో రాజకీయ పరిస్థితితులు పై ఎక్కువ సేపు చర్చించినట్టు తెలుస్తుంది.

దీంతో పాటుగా, ప్రస్తుతం పార్లమెంట్ జరుగుతున్న తీరు పై కూడా ఇరువురి మధ్య వచ్చినట్టు తెలుస్తుంది. అయితే ఈ సందర్భంగా అమిత్ షా దృష్టికి రఘురామరాజు మరో విషయం కూడా తీసుకుని వెళ్లారు. వైసీపీ నేతలు తనను అనర్హుడిగా ప్రకటించాలని, స్పీకర్ కు ఫిర్యాదు చేయటం, అసలు ఎందుకు వాళ్ళు ఆ అనర్హత పిటీషన్ వేసారు, దాని వెనుక ఉన్న ఉద్దేశాలు కూడా, అమిత్ షాతో చర్చించినట్టు వార్తలు వచ్చాయి. అలాగే రాష్ట్రంలో సిఐడి పోలీసులు వ్యవహరిస్తున్నారు తీరు, ఏపి పోలీసులు వ్యవహారం పై కూడా రఘురామరాజు, అమిత్ షా దృష్టికి తెచ్చినట్టు తెలుస్తుంది. మొత్తానికి తన అరెస్ట్ నుంచి విడుదల వరకు, అలాగే తన ఫోన్ సంభాషణలు బహిర్గతం అవ్వటం పై కూడా, అమిత్ షా దృష్టికి తెచ్చారు. ఇవన్నీ విన్న అమిత్ షా, పార్లమెంట్ సమావేశాల తరువాత, అన్ని అంశాల పై, మళ్ళీ కలుద్దాం అంటూ, రఘురామకృష్ణం రాజుకు చెప్పినట్టు తెలుస్తుంది.

పోలవరం నిర్వాసితులు ఎదుర్కుంటున్న సమస్యల పై జాతీయ ఎస్సీ కమిషన్ తీవ్రంగా స్పందించింది. పోలవరం ప్రాజెక్ట్ ఉండే పశ్చిమ గోదావరి జిల్లాలోని కూనవరం, వీఆర్‍పురం మండలాల్లోని వివిధ గ్రామాల్లో ఉన్న షడ్యుల్ తెగల వారిని, అక్కడ ఉండే నిర్వాసితులు అందరినీ కూడా, బలవంతంగా, రాష్ట్ర ప్రభుత్వం ఖాళీ చేయించిందని, వారికీ ఎటువంటి పరిహారం ఇవ్వకపోవటంతో పాటుగా, పునరావాసం కూడా కల్పించకుండా, ఉన్న పలాన, వారు నివాసం ఉంటున్న ప్రదేశాల నుంచి ప్రభుత్వం ఖాళీ చేయించిందని, ఈ విషయంలో షడ్యుల్ తెగల వారికి పూర్తి అన్యాయం జరిగిందని, మాజీ ఎమ్మెల్యే సీతంశెట్టి వెంకటేశ్వర్లు, జాతీయ ఎస్సీ కమిషన్ కు ఫిర్యాదు చేసిన నేపధ్యంలో, జాతీయ ఎస్సీ కమిషన్ ఈ ఫిర్యాదుకు స్పందించింది. రాష్ట్ర ప్రభుత్వ చీఫ్ సెక్రటరీకి, అలాగే తూర్పు గోదావారి జిల్లా కలెక్టర్ కు, అలాగే కేంద్ర జలశక్తి కార్యదర్శికి కూడా నోటీసులు జారీ చేసింది. ఈ నోటీసులు పై 15 రోజుల్లోగా స్పందించాలని ఆదేశించింది. 15 రోజుల్లోకు తమకు పూర్తి నివేదిక ఇవ్వాలని, 15 రోజుల్లో తమకు నివేదిక ఇవ్వక పొతే మాత్రం, వ్యకిగతంగా అందరూ నేషనల్ ఎస్సీ కమిషన్ ముందు హాజరు కావాల్సి ఉంటుందని, హెచ్చరించింది. ఆ నోటీసులో ఈ విషయం స్పష్టంగా తెలిపారు.

ఇక కూనవరం, వీఆర్‍పురం మండలాల్లో కూడా అనేక గ్రామాల్లో, పోలవరం ముంపు ప్రాంతాల్లో అనేక మంది ఎస్సీలు ఉన్నారని, వీరందరికీ కూడా రాష్ట్ర ప్రభుత్వం అంతకు ముందు, పరిహారంతో, పాటుగా పూర్తి సౌకర్యాలు ఉన్న పునరావాస కేంద్రాలు నిర్మించి, అక్కడకు తరలిస్తాం అని చెప్పి పేర్కొందని, కానీ అప్పుడు ఇచ్చిన హమీకు విరుద్ధంగా, ఇప్పటి ప్రభుత్వం అక్కడ ఉన్న నిర్వాసితులను బలవంతంగా ఖాళీ చేయించి, ఉన్న ప్రదేశం నుంచి వెళ్లి, ఎత్తైన ప్రదేశాలకు వెళ్ళాలని వారిని ఆదేశించటం, అక్కడకు కనీసం ఆహరం నీరు కూడా ఇవ్వకుండా, వారిని ఇబ్బందులకు గురి చేస్తున్నారని, దీని వల్ల ఎస్సీలు తీవ్ర ఇబ్బందులు ఎదుర్కుంటున్నారని, మాజీ ఎమ్మెల్యే సీతంశెట్టి వెంకటేశ్వర్లు, ఎస్సీ కమిషన్ కు రాసిన ఫిర్యాదులో పేర్కొన్నారు. ఈ అంశాలు అన్నీ పరిశీలించిన ఎస్సీ కమిషన్, నిన్న సాయంత్రం, అధికారులు ముగ్గురికీ కూడా నోటీసులు జారీ చేయటమే కాకుండా, పూర్తి స్థాయి వివరణను ఎస్సీ కమిషన్ కు ఇవ్వాలని కోరింది. అయితే నిన్న జగన్ మోహన్ రెడ్డి పోలవరం వెళ్ళిన తరువాతే, ఈ నోటీసులు రావటం కొసమెరుపు.

నర్సాపురం ఎంపీ రఘురామరాజు మరోసారి తనదైన శైలిలో పంచ్ లు వేసారు. ఇలా చెప్పాలి అంటే కూడా భయం వేస్తుంది. ఎందుకుంటే రఘురామరాజు ప్రెస్ మీట్ అయిన తరువాత, విలేఖరులు మీ పంచ్ బాగుంది అంటూ కామెంట్లు చేసారని, ఇది కూడా రాజద్రోహం కిందకు వస్తుంది అంటూ ప్రభుత్వం సుప్రీం కోర్టులో అఫిడవిట్ ఇచ్చిన తరువాత, ఇలా కూడా చెప్పటం తప్పు ఏమో అనే విధంగా మీడియా ఆలోచన చేసే పరిస్థితి వచ్చింది. ఇక విషయానికి వస్తే, ఈ రోజు సాక్షి పేపర్ లో, రఘురామరాజు, లోకేష్, చంద్రబాబు మధ్య వాట్స్ అప్ సంభాషణ జరిగిందని, అందులో రఘురామరాజు , చంద్రబాబుకి జగన్ బెయిల్ రద్దు పిటీషన్ పంపించారని, చంద్రబాబు దాన్ని చూసారని, అలాగే లోకేష్ తో కూడా అనేక విషయాల పై రఘురామరాజు మాట్లాడారని, ఇదంతా జగన్ మోహన్ రెడ్డి ప్రభుత్వం పై, అందరూ కలిసి కుట్ర పన్నుతున్నారని, అందుకే రాజద్రోహం కేసు పెట్టారు అంటూ సాక్షిలో రాసుకొచ్చారు. రఘురామ రాజు ఫోన్ సీజ్ చేసి, తరువాత సిఐడి ఆ ఫోన్ లో ఉన్న మెసేజ్ లు అన్నీ చూడగా, ఇవి బయట పడినట్టు సాక్షిలో రాసుకొచ్చారు. అయితే అది చదివిన ఎవరికైనా ఇందులో రాజద్రోహం ఏమి ఉందో అర్ధం కావటం లేదు. జగన్ మీద కేసులు ఉన్నది నిజం, ఆయన బెయిల్ మీద బయట ఉన్నది నిజం, ఆ బెయిల్ రద్దు చేయమని, వివిధ కారణాలతో రఘురామరాజు పిటీషన్ వేసారు.

అది చంద్రబాబుతో మాట్లాడి వేసరా, లోకేష్ చెప్తే వేసారా అనేది కోర్టుకు అనవసరం, అందులో ఎంత వరకు వాస్తవం ఉంది అనేది కోర్టు చుస్తుంది. అయితే బెయిల్ రద్దు పిటీషన్ వేయటమే రాజద్రోహం అనే విధంగా సాక్షి వండి వార్చింది. ఈ కధనం పై రఘురామరాజు స్పందించారు. అవును నేను చంద్రబాబుతో వాట్స్ అప్ చాట్ చేసింది నిజమే అనుకుందాం, అందులో తప్పు ఏముంది అని ప్రశ్నించారు ?తన ఫోన్ కోడ్ ను బ్రేక్ చేసి మరీ, వాట్స్ అప్ మెసేజ్ లు కల్పించి మరీ తాయారు చేస్తున్నారని అన్నారు.జగన్ బెయిల్ రద్దు చేయమని పిటీషన్ వేసి, దానికి సంబంధించిన సమాచారం వేల మందితో పంచుకున్నా అని, అందులో చంద్రబాబు కూడా ఉన్నది నిజమే అనుకున్నా, అది రాజద్రోహం ఎందుకు అవుతుందని ప్రశ్నించారు. సిఐడి విచారణ చేసే అంశాలు సాక్షిలో ఎలా వస్తున్నాయని ప్రశ్నించారు. నా ఫోన్ లో నేను ఎవరికో మెసేజ్ లు పెట్టుకుంటే, మీకు వచ్చిన నొప్పి ఏంటి, నువ్వు ఎవరు అడగటానికి అని ప్రశ్నించారు. ఈ వాట్స్ అప్ చాటింగ్ ఆరోపణలతో నన్ను మీరు ఏమి చేయలేరని, అయితే పెగాసెస్ తో ప్రతిపక్ష నాయకుల ఫోన్లు పై నిఘా పెట్టారని తనకు తెలిసింది అంటూ బాంబు పేల్చారు. మరి ఇది నిజమో కాదో ప్రభుత్వమా ఎలా స్పందిస్తుందో చూడాలి.