news

సుప్రీం కోర్టు చీఫ్ జస్టిస్ ఎన్వీ రమణ తనదైన శైలిలో, ముందుకు వెళ్తున్నారు. న్యాయ శాఖ పై తన మార్క్ చూపించాలనే ఉద్దేశంతో, కొన్ని కీలక నిర్ణయాలు ఈ మధ్య కాలంలో తీసుకుని, ప్రజల మన్ననలు పొందారు. చివరకు అవసరం అయితే కేంద్ర ప్రభుత్వానికి కూడా చురకలు అంటిస్తూ, తనదైన మార్క్ చూపిస్తున్నారు. ఈ సందర్భంగా జస్టిస్ ఎన్వీ రమణ చేసిన పని, ఇప్పుడు తెలంగాణా రాష్ట్రానికి మంచి బెనిఫిట్ అయ్యింది. తెలంగాణా రాష్ట్రం విషయంలో సంచలన నిర్ణయం తీసుకున్నారు జస్టిస్ ఎన్వీ రమణ. ఆయన నిర్ణయం పై తెలంగాణా వ్యాప్తంగా హర్షం వ్యక్తం చేస్తున్నారు. తెలంగాణా హైకోర్టులో ఉన్న జడ్జీల సంఖ్యను అమాంతం పెంచేశారు. తెలంగాణా హైకోర్టులో ఇప్పటి వరకు కేవలం 24 మంది న్యాయమూర్తులు ఉండగా, ఇప్పుడు ఆ సంఖ్యను ఏకంగా 42కి పెంచుతూ జస్టిస్ ఎన్వీ రమణ కీలక నిర్ణయం తీసుకున్నారు. జడ్జిల సంఖ్య పెంచాలి అంటూ గత కొన్నేళ్లుగా అక్కడ డిమాండ్ ఉంది. ఆంధ్రప్రదేశ్ హైకోర్టు విభజన జరిగిన సమయం నుంచి, తెలంగాణా హైకోర్టుకు జడ్జిల సమస్య వేధిస్తూనే ఉంది. తెలంగాణా రాష్ట్ర ప్రభుత్వం, అక్కడ హైకోర్టు, కేంద్రం, సుప్రీం కోర్టు మధ్య అనేక సార్లు ఈ విషయంలో చర్చ జరిగినా, ఇది ముందుకు వెళ్ళలేదు.

జస్టిస్ ఎన్వీ రమణ , సుప్రీం కోర్టు చీఫ్ జస్టిస్ అయిన తరువాత, సత్వరం న్యాయం గురించి స్పందిస్తూ, జడ్జిల కొరత పై మాట్లాడుతూ, తెలంగాణా హైకోర్టు గురించి ప్రత్యేకంగా ప్రస్తావించారు. అక్కడ జడ్జిల కొరత వల్ల, అనేక కేసులు పెండింగ్ లో ఉన్నాయని, సత్వరం న్యాయం జరగటం లేదని ఆయన చెప్పారు. దేశంలో అన్ని హైకోర్టుల్లో ఉన్న ఈ సమస్య పై దృష్టి పెట్టాలని అన్నారు. చెప్పినట్టుగానే, జస్టిస్ ఎన్వీ రమణ తెలంగాణా హైకోర్టు విషయంలో, జడ్జిల నియామకం ఫైల్ ను ముందుకు నడిపారు. కేంద్రం నుంచి కూడా పాజిటివ్ స్పందన రావటంతో, జడ్జిల సంఖ్యను పెంచుతూ, జస్టిస్ ఎన్వీ రమణ నిర్ణయం తీసుకుంటూ సంతకం పెట్టారు. ఇదే విషయం తెలంగాణా హైకోర్టు చీఫ్ జస్టిస్ కు తెలియ చేసారు. ఇక కేంద్ర న్యాయ శాఖ నుంచి ఉత్తర్వులు అందటమే తరువాయి. ఈ పెంపుతో, ఆంధ్రప్రదేశ్ కంటే, తెలంగాణాకు 5 గురు న్యాయమూర్తులు అధికంగా ఉన్నారు. ఆంధ్రప్రదేశ్ రాష్ట్రానికి 37 ఉండగా, తెలంగాణా రాష్ట్రానికి 42 మంది ఉన్నారు.

మాజీ మంత్రి అమర్నాథ్ రెడ్డి మీడియా సమావేశం పెట్టి, మంత్రి గౌతం రెడ్డి పై విరుచుకు పడ్డారు. ఆయన మాటల్లోనే "రెండేళ్ల వైసీపీ పాలనలో ఏఏ కంపెనీలు రాష్ట్రానికి వచ్చాయి? ఎన్ని వేల కోట్ల పెట్టుబడులు తెచ్చారో మంత్రి గౌతంరెడ్డి సమగ్ర వివరాలు అందించాలి. టీడీపీ హయాంలో చంద్రబాబు నాయుడు గారు దావోస్ వంటి ప్రతిష్టాత్మక సదస్సులకు వెళ్లి, సీఐఐ సమావేశాలు ఏర్పాటు చేసి పెట్టుబడి దారులను ఆకర్షించి రాష్ట్రానికి తీసుకొచ్చారు. రాష్ట్ర విభజన తర్వాత ఏపీకి ఆదాయం లేకుండా పోయింది. రాజధాని లేని రాష్ట్రానికి ఆదాయం రావాలంటే పరిశ్రమల స్థాపన ఎంతో అవసరమని చంద్రబాబు భావించారు. కియా, అశోక్ లేల్యాండ్ , హీరో మోటార్స్, ఇసుజు, అపోలో టైర్స్, మోహన్ స్పిన్ టెక్స్, వాల్ మెట్ ఇంజనీరింగ్ కంపెనీ, మాడ్యూ సిరామిక్స్ కంపెనీ, యునైటెడ్ ఇండస్ట్రీస్ ఆటోమోటివ్ ప్లాస్టిక్ ప్రైవేటు లిమిటెడ్ , హ్యూందయ్ ట్రాన్సిస్ ఇండియా ప్రైవేటు లిమిటెడ్, కేఎస్ హెచ్ ఆటోమోటివ్ ప్రైవేట్ లిమిటెడ్, సియోన్ ఇ-హ్వ ఆటోమోటివ్ ప్రైవేట్ లిమిటెడ్ సహా పలు పేరొందిన కంపెనీలు చంద్రబాబు తెచ్చినవే. ఈ రెండేళ్లలో రూ. 30,000 కోట్ల పెట్టుబడులు, 64 కంపెనీలను రాష్ట్రానికి తెచ్చామని మంత్రి మేకపాటి గౌతమ్ రెడ్డి చెప్పడం విడ్డూరంగా ఉంది. రెండేళ్లలో ఒక్క ఐటీ పాలసీ తెచ్చారా? ఇండస్ట్రియల్ పాలసీ ఉందా? గత ప్రభుత్వంలో కట్టిన భవనాలకు వైసీపీ రంగులు వేసుకున్నట్టే.....మా హయాంలో ఉత్పత్తి మొదలుపెట్టిన పరిశ్రమలను మీరే తీసుకొచ్చి ప్రారంభించినట్టు ప్రచారం చేసుకోవడం దివాళాకోరుతనం. మీ దగ్గర ఏమైనా మంత్ర దండం ఉందా? ఆ మంత్ర దండం ఎలా వాడుతున్నారో మోదీ గారికి కూడా చెప్పండి. మీరు పరిశ్రమలు తెచ్చుంటే ఏపీలో 13.5 శాతం నిరుద్యోగం ఎందుకుంది?

తెలుగుదేశం ప్రభుత్వ హయాంలో 2018-19 లో రాష్ట్రంలో పారిశ్రామికాభివృద్ధి రేటు 10.24 ఉండగా, రాష్ట్రాభివృద్ధి రేటు 10శాతంగా ఉంది. తెలుగుదేశం ప్రభుత్వ హయాంలో ఏపీ వరుసగా నాలుగేళ్లపాటు సగటు 10.52శాతం వృద్ధిరేటు సాధించి దేశంలోనే ప్రథమస్థానంలో నిలిచింది. విశాఖ-చెన్నయ్, చెన్నయ్-బెంగుళూరు, హైదరాబాద్-బెంగుళూరు ఇండస్ట్రియల్ కారిడార్లు కార్యరూపంలోకి తెస్తూ పారిశ్రామికాభివృద్ధిని టీడీపీ ప్రోత్సాహకాలు అందించగా ఈ రెండేళ్లలో కారిడార్ల పరిధిలో నిర్దేశించిన భూసేకరణ 20శాతం కూడా ప్రభుత్వం పూర్తిచేయలేదు. రాష్ట్రానికి ఆదాయం తీసుకురావడంపై ప్రభుత్వానికి దృష్టి లేదు. నిధులను పక్కదారి మళ్లించడం జగన్మోహన్ రెడ్డికి అలవాటుగా మారింది. మూడు రాజధానుల నిర్ణయంతో 2 లక్షల కోట్లు పెట్టుబడులు వెనక్కు పోయాయి. పోర్టులు ఇష్టానుసారంగా బంధువులకు ఇచ్చారు. పారిశ్రామిక వేత్తలను బెదిరింపులకు గురిచేశారు. రాష్ట్రాభివృద్ధిపై ప్రశ్నించే వారిపై కేసులు పెట్టి జైలు పాల్జేయడం పక్కనపెట్టి పారిశ్రామికాభివృద్ధిపై దృష్టి పెట్టండి. కరోనా లేకపోతే ప్రజలు ఈ ప్రభుత్వాన్ని రోడ్డున నిలబెట్టేవారు. కరోనా ముసుగులో నిధులను దారి మళ్లిస్తున్నారు. తమిళనాడులో స్టాలిన్ ను చూసి జగన్మోహన్ రెడ్డి నేర్చుకోవాలి. ప్రజలు ఇచ్చిన అవకాశాన్ని సద్వినియోగం చేసుకోండి. టీడీపీ హయాంలో మూడు సమ్మిట్ లలో చేసిన ఎంవోయూల పరిస్థితి ఏంటి? ఇకనైనా కక్షసాధింపు చరన్యలకు స్వస్థి పలికి పారిశ్రామిక వేత్తలను రాష్ట్రంలో పెట్టుబడులు పెట్టమని ఆహ్వానించండి. వారిలో నమ్మకం కల్పించండి.

జగన్ మోహన్ రెడ్డి రెండు రోజులు పాటు ఢిల్లీ పర్యటన ముగిసింది. ఆయన విజయవాడ తిరుగు ప్రయాణం అయ్యారు. నిన్న మధ్యానం ఢిల్లీ చేరుకున్న జగన్ మోహన్ రెడ్డి, కొంత మంది కేంద్ర మంత్రులను కలిసారు. ముఖ్యంగా న్యాయ శాఖా మంత్రి, పెట్రోలియం మంత్రి, జల శక్తి మంత్రి, హోం మంత్రి, ఇలా మొత్తం ఆరుగురిని కలిసారు. అయితే ఆయన ఆర్ధిక మంత్రి, రక్షణ మంత్రి అపాయింట్మెంట్ కోసం ప్రయత్నం చేయగా, వారి అపాయింట్మెంట్ మాత్రం దొరకలేదు. అయితే ఇది ఇలా ఉంటే, జగన్ మోహన్ రెడ్డి ఢిల్లీ పర్యటనలో వివిధ కేంద్ర మంత్రులను కలిసి, వారిని ఏమి అడిగారో, ఆ లిస్టు బయటకు వచ్చింది. అయితే ఆ లిస్టు చూస్తే మాత్రం, కొంచెం తేడాగా ఉంది. ఏది నిజం, ఏది అబద్ధం అనేది అర్ధం కావటం లేదు. కేంద్ర మంత్రులు అబద్ధం చెప్తున్నారో, మీడియాలో జగన్ మోహన్ రెడ్డి ఇవి అడిగారు అంటూ వస్తున్న విషయాలు అబద్ధమో అర్ధం కావటం లేదు. యధావిధిగా ప్రత్యెక హోదా నుంచి విభజన హామీలు దాకా అన్నీ కేంద్రాన్ని అడిగేసారని వార్తలు వచ్చాయి. మరి మెడలు వంచారా ? రాష్ట్రానికి ఏమైనా వస్తుందా అనే దాని పై మాత్రం, ఎక్కడా స్పష్టత లేదు. ఇది ఇలా ఉంటే జగన్ మోహన్ రెడ్డి అడిగారు అంటూ చెప్పిన మూడు అంశాలు మాత్రం, ప్రజలను కన్ఫ్యూషన్ లో పడేస్తున్నాయి.

ముందుగా జగన్ మోహన్ రెడ్డి పోలవరం గురించి, జలశక్తి మంత్రిని అడిగారని, అంచనాలు ఆమోదం గురించి త్వరగా తెల్చమన్నారని, అలాగే ప్రభుత్వానికి రావాల్సిన రీయింబర్స్మెంట్ గురించి అడిగారు అంటూ వార్తలు వచ్చాయి. అయితే తీరా చూస్తే జలశక్తి మంత్రి మాత్రం, ట్వీట్ చేస్తూ అసలు పోలవరం విషయమే రాయలేదు. జగన్ మోహన్ రెడ్డి మర్యాదపూర్వకంగా కలిసారని, ఇంటింటికీ తాగునీరు ప్రాజెక్ట్ పై చర్చించామని అన్నారు. ఇక మరో మంత్రిని కలసిన సందర్భంలో హైకోర్టు త్వరగా షిఫ్ట్ చేయమని అడిగినట్టు వార్తలు వచ్చాయి. అయితే ఇప్పటికే కేంద్ర ప్రభుత్వం పార్లమెంట్ సాక్షిగా, హైకోర్టు మార్పుకి , మాకు సంబంధం లేదని, అది హైకోర్టు చీఫ్ జస్టిస్, సుప్రీం కోర్టుతో తేల్చుకోవాలని ఇప్పటికే చెప్పింది. ఇక మరో అంశం మెడికల్ కాలేజీలకు పర్మిషన్ ఇవ్వాలని జగన్ కరినట్టు వార్తలు వచ్చాయి. అంటే ఇప్పటి వరకు వాటికీ అనుమతులు లేకుండానే, ఫుల్ పేజి ఆడ్స్ ఇచ్చి, మీడియాలో ప్రచారం చేసుకున్నారా ? ఇలా అనేక అంశాల్లో, ప్రజలకు కన్ఫ్యూషన్ ఉంది. ఏపి ప్రభుత్వం వైపు నుంచి అసలు దేని మీద చర్చించారు అనేది మాత్రం, ఇప్పటి వరకు ప్రెస్ నోట్ రాలేదు.