news

ఎంపీ రఘురామకృష్ణరాజు ప్రస్తుతం, సికింద్రాబాద్ లోని ఆర్మీ హాస్పిటల్ లో చికిత్స పొందుతున్నారు. ఆయనకు తగిలిన గా-యా-లు బలంగా ఉండటంతో, ఆయన మరో మూడు నాలుగు రోజులు, అక్కడే ఉండాలని వైద్యులు చెప్పినట్టుగా ఎంపీ రఘురామరాజు న్యాయవాదులు అంటున్నారు. ఆయన గత అయుదు రోజులుగా అక్కడే చికిత్స పొందుతున్నారు. ఇదే క్రమంలో ఆయనకు సుప్రీం కోర్టులో బెయిల్ కూడా వచ్చింది. అయితే ఆయనకు శుక్రవారమే బెయిల్ వచ్చినా, ఆయన ఇంకా ఆర్మీ హాస్పిటల్ లోనే ఉన్నారు. మరో పక్క సుప్రీం కోర్టు ఆదేశాలు ప్రకారం, ట్రయిల్ కోర్టులో షురుటీ ఇవ్వటానికి, రఘురామరాజు న్యాయవాదులు సిఐడి కోర్టులో పిటీషన్ మూవ్ చేసారు. అయితే పిటీషన్ మూవ్ చేసిన సమయంలో, సిఐడి కోర్టు న్యాయవాది ఎంపీ రఘురామరాజు ఆరోగ్య పరిస్థితి ఎలా ఉందొ అడిగి తెలుసుకున్నారు. ఆర్మీ హాస్పిటల్ లో చికిత్స పొందుతున్న రఘురామకృష్ణంరాజు డిశ్చార్జ్ సమ్మరీ ఇవ్వాలని న్యాయవాది కోరారు. అయితే డిశ్చార్జ్ సమ్మరీ రావటానికి మరో మూడు నాలుగు రోజులు సమయం పట్టే అవకాసం ఉంది. ఎందుకంటే, ఆయనకు తగిలిన గా-యా-లు బలంగా ఉండటంతో, ఆయనకు మరో మూడు నాలుగు రోజులు వైద్యం అందించాలని, ఆర్మీ హాస్పిటల్ వైద్యులు చెపుతున్నారు.

దీంతో ఆర్మీ హాస్పిటల్ వైద్యులు నివేదిక వచ్చిన తరువాతే, అది చూపిస్తే కానీ, రఘురామరాజుకు బెయిల్ వచ్చే అవకాసం లేదని తెలుస్తుంది. అయితే ఆ నివేదిక వచ్చిన రోజే, షురుటీకి సంబందించిన పరిశీలిన కూడా అదే రోజు చేస్తామని, అదే రోజు రిలీజ్ ఆర్డర్ ఇస్తామని, కోర్టు చెప్పినట్టు, న్యాయవాదులు చెప్తున్నారు. దీంతో రఘురామ రాజు విడుదల మరింత జాప్యం అయ్యే సూచనలు కనిపిస్తున్నాయి. అప్పటి వరకు అయన ఆర్మీ హాస్పిటల్ లోనే చికిత్స పొందనున్నారు. ఆరోగ్యానికి సంబందించిన విషయం కావటంతో, కుటుంబ సభ్యులు కూడా ఎలాంటి రిస్క్ తీసుకోకుండా, ఆయన ఆరోగ్యం మెరుగు పడే వరకు వైద్యం చేయమని చెప్పటంతో, ఆయన విడుదల మరింత ఆలస్యం అయ్యే సూచనలు కనిపిస్తున్నాయి. ఇదే విషయాన్ని ఆయన న్యాయవాదులు మీడియాతో చెప్పారు. ఆయనకు రీసెంట్ గానే, గుండె ఆపరేషన్ అవ్వటం, తరువాత సిఐడి ఆధీనంలో ఆయన కాళ్ళ పై ఫ్రాక్చర్ అయ్యేలా కొ-ట్ట-టం-తో, ఆయనకు మరింత వైద్యం అవసరం అయ్యింది.

ఏపీపీఎస్సీ గ్రూప్ -1 మెయిన్స్ పరీక్షల్లో అనుసరించిన డిజిటల్ వాల్యూయేషన్ పై అభ్యర్థుల్లో వివిధ అనుమానాలున్నాయని, వాటిని నివృతి చేయాల్సిన బాధ్యత ముఖ్యమంత్రి, ప్రభుత్వంపైనే ఉందని టీడీపీనేత, తెలుగుయువతరాష్ట్ర అధ్యక్షులు శ్రీరామ్ చినబాబు స్పష్టంచేశారు. ఆదివారం ఆయన తననివాసం నుంచి జూమ్ యాప్ ద్వారా విలేకరులతో మాట్లాడారు. 7 వేల మంది వరకు గ్రూప్ -1 పరీక్ష రాయగా 340మందిని మాత్రమే ఇంటర్య్యూలకు ఎంపిక చేశారని, పరీక్ష రాయడానికి ముందు డిజిటల్ పద్థతిలో వాల్యూయేషన్ ఉంటుందని ఎక్కడాచెప్పలేదన్నారు. 7వేలమంది పరీక్షలు రాస్తే, ఒక్కో అభ్యర్థి కనీసం పది పేపర్లు రాశాడనుకున్నా, దాదాపు 70వేల పేపర్లు ఉంటాయన్నారు. కరోనా క్లిష్ట సమయంలో ఆ పేపర్లను థర్డ్ పార్టీకి కరెక్షన్స్ కోసం పంపారన్నారు. ఈ వ్యవహారంపై కొందరు అభ్యర్థులు ఇప్పటికే హైకోర్టుని ఆశ్రయించారని, వారి విజ్ఞప్తితో న్యాయస్థానం పేపర్ల తరలింపు, వాల్యూయేషన్ పై విచారణకు ఆదేశించడం జరిగిందన్నారు. కొందరు అభ్యర్థులు ఏపీపీఎస్సీ అధికారులను కలిసి, సమస్య గురించి వివరిస్తే, వారిని దుర్భాషలాడటం జరిగిందన్నారు. గ్రూప్ -1 పరీక్షలతీరు, వాల్యూయేషన్ పై టీడీపీజాతీయ ప్రధానకార్యదర్శి నారాలోకేశ్ కూడా పలుమార్లు అభ్యంతరం వ్యక్తంచేయడం జరిగిందన్నారు. ఇంటర్వ్యూకి ఎంపిక చేసిన అభ్యర్థులతోపాటు, వారి జవాబు పత్రాలను, ఇంటర్వ్యూకి ఎంపికకాని వారి జవాబుపత్రాలను కూడా తక్షణమే ఆన్ లైన్ లోఉంచాలని చినబాబు డిమాండ్ చేశారు. ఆవిధంగా చేస్తే, మరలా పరీక్షలు నిర్వహించే సమయానికి అభ్యర్థులు వాటిని పరిశీలించి, కొంత మెరుగుపడే అవకాశం ఉంటుంద న్నారు. రాష్ట్రంలో రాజారెడ్డి రాజ్యాంగాన్ని నడుపుతున్న జగన్మోహన్ రెడ్డి, ప్రతిపక్షాన్ని, ప్రతిపక్షనేతలను భయపెట్టి, తన పంతం నెగ్గించుకోవాలని చూస్తున్నాడన్నారు. కరోనా సమయంలో పది, ఇంటర్ పరీక్షల నిర్వహణ మంచిదికాదని ప్రతిపక్షం చెబుతున్నాకూడా ముఖ్యమంత్రి తన నిద్రావస్థను వీడటం లేదన్నారు. పది,ఇంటర్ పరీక్షలు రద్దుచేస్తే, భవిష్యత్ లో విద్యార్థులకు ఇబ్బందులువస్తాయని ముఖ్య మంత్రి చెప్పడం విడ్డూరంగా ఉందన్నారు. పరీక్షలు వాయిదావేయడం, రద్దుచేసిన రాష్ట్రాలన్నీ విధ్యార్థుల భవిష్యత్ గురించిఆలోచించకుండానే నిర్ణయం తీసుకున్నాయా అని శ్రీరామ్ ప్రభుత్వాన్ని ప్రశ్నించారు.

ముఖ్యమంత్రి, మంత్రులు ఎవరూకూడా బయట కురాకుండా విద్యార్థులను మాత్రం విధిగా పరీక్షలు రాయాలనడం ఎంత వరకు సమంజసమన్నారు. జగన్ వస్తే ఉద్యోగాలు వస్తాయి.... పరిశ్రమలు వస్తాయని నమ్మి, యువత అంతా ఆయనకు ఓట్లేశారని, ఇప్పుడే అదేయువత ముఖ్యమంత్రి ని దారుణంగా దూషించే పరిస్థితి రాష్ట్రంలో ఏర్పడిందన్నారు. ఈముఖ్యమంత్రి వచ్చాక కనీసం ఒక్కటంటే ఒక్క నోటిఫికేష న్ కూడా వెలువడలేదన్నారు. ఏపీపీఎస్సీ బోర్డ్ మెంబర్ గా సోనీవుడ్ అనేవ్యక్తిని నియమించడాన్ని శ్రీరామ్ చినబాబు తప్పుపట్టారు. సదరువ్యక్తి తనకు తానుగా కొన్ని వ్యవస్థల ను నడుపుతన్నాడనే అభియోగాలున్నాయన్నారు. అతని నియామకాన్ని తాము తప్పుపడుతున్నామని, ఇప్పటికే ఉన్నతమైన పదవుల్లోఉన్న సోనీవుడ్ కు రాజ్యాంగపదవి అప్పగించడం ముమ్మాటికీ తప్పేనని టీడీపీనేత స్పష్టంచేశా రు. క-రో-నా సమయంలో ప్రజలు అర్థాకలితో అలమటిస్తూ, అన్నమోరామచంద్రా అని విలపిస్తున్నారన్నారు. గతప్రభుత్వం నిర్వహించిన అన్నాక్యాంటీన్లు మూసేసిన ఘనత ఈ దరిద్రపు ముఖ్యమంత్రికే దక్కుతుందన్నారు. డబ్బులతో ఓట్లుకొనొచ్చన్న ఆలోచనల్లో ఈ ముఖ్యమంత్రి ఉన్నాడన్నారు. ప్రజలంతా తమప్రాణాలు కాపాడాలని, వ్యాక్సిన్లు అందించాలని మొత్తుకుంటుంటే, జగన్మోహన్ రెడ్డే మో పథకాలపేరుతో ప్రచారం చేసుకుంటున్నాడన్నారు. ముఖ్యమంత్రి ఇప్పుడున్న పరిస్థితుల్లో మాజీముఖ్యమంత్రి చంద్రబాబునాయుడి సలహాలు, సూచనలు తీసుకొని ఉంటే, రాష్ట్రంలో ఇంతటి దారుణాలు జరిగేవికావన్నారు. ఏపీపీఎస్సీ పరీక్షల్లో జరిగిన అక్రమాలను టీడీపీ వెలికితీస్తుందని, తెలుగుయువత తరుపున ప్రభుత్వ బండారాన్ని బయటపెట్టి తీరుతామని చినబాబు తేల్చిచెప్పారు. తెలుగు యువత విభాగం, నారాలోకేశ్ ఆధ్వర్యంలో ముందుకు సాగుతూ, దుర్మార్గపు ఆలోచనలతో వ్యవహరిస్తున్న ముఖ్యమంత్రికి తగినవిధంగా బుద్ధిచెబుతుందన్నారు. ఏపీపీఎస్సీ పరీక్షలనిర్వహణ, వాల్యూయేషన్ పై తక్షణమే నిజనిర్థారణ కమిటీవేయాలని, అవసరమైతే ఆకమిటీలో కొందరు అభ్యర్థులకు కూడా అవకాశమివ్వాలని చినబాబు ప్రభుత్వాన్ని డిమాండ్ చేశారు.

ఈ రోజు తెలుగుదేశం పార్టీ ప్రధాన కార్యదర్శి నారా లోకేష్, విశాఖలో పర్యటించారు. డాక్టర్ సు-ధా-క-ర్ ఇంటికి వెళ్లి, వాళ్ళ కుటుంబ సభ్యులను పరామర్శించారు. ఈ సందర్భంగా కుటుంబాన్ని పరామర్శించిన తరువాత, మీడియా సమావేశం నిర్వహించారు. ఈ సందర్భంగా సాక్షి విలేఖరి మాట్లాడుతూ, డాక్టర్ సు-ధా-క-ర్ గతంలో, జగన్ గారిని దేవుడు అంటూ పోల్చారు కదా, మీరు ఎందుకు ఇలాంటి ఆరోపణలు చేస్తున్నారు అని లోకేష్ ని ప్రశ్నించారు. దానికి లోకేష్ సమాధానం ఇస్తూ ఉండగా, డాక్టర్ సుధాకర్ తల్లి కలుగు చేసుకుని, సాక్షి విలేఖరి ప్రశ్నకు సమాధానం ఇచ్చారు. ఆమె మాటల్లోనే, "నా బిడ్డ, జగన్ గారిని దేవుడు అన్నారని అంటున్నారు, కానీ నా బిడ్డను రోడ్డున పడేసి కొ-ట్టి-న రోజు ఒక తల్లిగా నా ఆవేదన మీ అందరూ చూసారు. మరి ఆ రోజు ఒక్కరైనా వచ్చారా ? ఒక్కరైనా నా బిడ్డకు జరిగిన అన్యాయం ఏమిటి అని అడిగారా ? ఈ రోజు లోకేష్ బాబు వచ్చారు అంటే, మరి నేను ఎవరిని మెచ్చుకోవాలి ? ఎవరిని నేను ప్రేమించాలో మీరే చెప్పాలి. ఇందుకేనా ఆ రోజు మేము ఆయన్ను గెలిపించుకున్నది. ఇక్కడ ఉన్న ఎమ్మెల్యేల గురించి నేను చెప్తున్నా. నర్సీపట్నం ఎమ్మెల్యే గురించి చెప్తున్నా. ఆయనకు సపోర్ట్ గా ఉన్న అదీప్ రాజ్ గురించి చెప్తున్నా. ఆయన ఒక కబ్జా కోరారు. ఆ కబ్జా కోరు, ఈ ఎమ్మెల్యే ఒకటి అయ్యి, నా బిడ్డను పొట్టన పెట్టుకున్నారు. అంతకంటే ఇక నేను ఏమి చెప్పను ?"

"నా కొడుకు ఆయన్ను దేవుడులా అనుకోవచ్చు, వాడికి వచ్చిన వేధింపులు అవన్నీ కూడా, ఆ సమయంలో అలా చెప్పకపోతే ఇంకా బయలుదేరతారు వాడిని వేదించటానికి, ఆ ఉద్దేశంలో వాడు అని ఉండొచ్చు, లేదా నిజంగా దేవుడు అనుకుని ఉండొచ్చు, నేను ఏమి చెప్పలేదు. కానీ వాళ్ళు మాత్రం నా కొడుకుని పొట్టన పెట్టుకున్నారు. వాళ్ళని మాత్రం వదలోద్దని కోరుతున్నా. ఇంత కష్టపడి, నా కోసం లోకేష్ బాబు వచ్చారు. నిజంగా చెప్పాలి అంటే, ఆయనకు ఎంత థాంక్స్ చెప్పాలో అంత చెప్పాలి. నన్ను కూడా వాళ్ళు సగం చం-పే-శా-రు. కానీ నా బిడ్డకు న్యాయం జరిగే వరకు మాత్రం నేను ఉంటాను. నా బిడ్డ పోయాడు అని చెప్పి వదిలేస్తాం అనుకుంటున్నారేమో, అటువంటిది జరగదు. వాళ్ళ అందరికీ శిక్ష పడే వారకు, ఈ ప్రాణం నిలబడే ఉంటుంది. నేను పోరాడతాను అంటూ" ఆమె ప్రసంగం ముగించారు. ఈ వయసులో కూడా, ఆమె మాట్లాడిన తీరు అందరికీ స్పూర్తి నింపింది. తమ బిడ్డ కోసం, ఆయనకు జరిగిన అన్యాయం కోసం, ఆమె పోరాడుతున్న తీరు ప్రశంసనీయం.