news

ఆంధ్రప్రదేశ్ రాష్ట్రంలో ఒక వింత పరిస్థితి ఉన్న సంగతి తెలిసిందే. ఇక్కడ కొత్త పరిశ్రమలు రాక పోగా, ఉన్న పరిశ్రమలు వెళ్ళిపోతున్నాయి. అయితే దీనికి కొన్ని సార్లు ప్రభుత్వ వైఖరి కూడా కారణం అవుతుంది. నిబంధనల పేరుతో, వారు కొన్ని పరిశ్రమలను ఏకంగా మూసివేయమని చెప్పటం, ఇప్పుడు చర్చనీయంసం అయ్యింది. ఏదైనా ఇబ్బని ఉంటే, దాన్ని కరెక్ట్ చేసుకోవాలి కానీ, ఇక్కడ ఏకంగా కంపనిని మూసివేయమని ఆదేశాలు ఇస్తున్నారు. అయితే ఇక్కడ ఆ కంపెనీ యజమనాలు కంటే, అక్కడ పని చేసే కార్మికులే ఈ చర్యలతో ఎక్కువ నష్టపోతారు. అసలకే ఈ క-రో-నా కాలంలో ఏమి చేయలేని పరిస్థితి. ఉన్న ఉద్యోగులు కూడా పొతే, వారు ఏమవుతారో కూడా ఆలోచన లేకుండా, ప్రభుత్వం ఈ సమయంలో తీసుకుంటున్న నిర్ణయాలు వివాదాస్పదం అవుతున్నాయి. ఈ మధ్య కాలంలో, అంటే పది రోజులు వ్యవధిలో ఆంధ్రప్రదేశ్ ప్రభుత్వం తీసుకున్న నిర్ణయాలు తీవ్ర వివాదస్పదం అయ్యాయి. అందులో ఒకటి కడపలో ఉన్న జువారి సిమెంట్స్ మూసివేయమని చెప్పటం, రెండోది చిత్తూరులో ఉన్న అమరరాజా బ్యాటరీస్ కంపెనీని మూసివేయమని చెప్పటం. రెండిటిలోనూ, వేలాది మంది ఉద్యోగులు పని చేస్తున్నారు. జువారి సిమెంట్స్ లో దాదాపుగా 7 వేల మంది పని చేస్తుంటే, అమర రాజా కంపెనీలో 15 వేల మందికి పైగా పని చేస్తున్నారు.

ఈ కంపెనీల పై ఆధార పడి ఉన్న అనుబంధ సంస్థలు అదనం. అయితే ప్రభుత్వ నిర్ణయం పై, ఈ కంపెనీలు న్యాయ పోరాటానికి సిద్ధం అయ్యాయి. ఇందులో జువారి సిమెంట్స్ ఇప్పటికే హైకోర్టులో పిటీషన్ దాఖలు చేసింది. ప్రభుత్వం తీసుకున్న నిర్ణయం పై పునరాలోచన చేయాలని కోరింది. దీంతో పిటీషన్ ని పరిశీలించిన హైకోర్టు, జువారి సిమెంట్స్ కంపని మూసివేత ఆదేశాలు నిలిపివేస్తూ ఆదేశాలు ఇచ్చింది. కాలుష్య నియంత్రణ బోర్డు సూచనలకు మేరకు ఏప్రిల్ 24 కంపెనీ మూసివేయాలని ఆదేశాలు వెళ్ళాయి. అయితే ఈ విషయం పై హైకోర్టు స్పందిస్తూ, కాలుష్య మండలి ఇచ్చిన సూచనలు, ఈ నెల 31 లోపు అమలు చేయాలని జువారి సిమెంట్స్ కు ఆదేశాలు ఇచ్చింది. ఆ ఆదేశాలు పాటిస్తూ, కంపెనీ నడుపుకువోచ్చని హైకోర్టు చెప్పింది. అయితే 31 లోపు మాత్రం, పొల్యూషన్ బోర్డు ఇచ్చిన సూచనలు అమలు చేయాలని షరతు పెట్టింది. దీంతో జువారి సిమెంట్స్ కు, అక్కడ పని చేసే కార్మికులకు ఊరట లభించింది.

అంతా అనుకున్నట్టే అయ్యింది. రమణ దీక్షితులను మళ్ళీ ప్రధాన అర్చకుడిగా, జగన్ మోహన్ రెడ్డి నియమించటం పై, పెద్ద దుమారేమే రేగింది. శ్రీవారి ఆలయం పై పరువు నష్టం కేసు కూడా, రమణ దీక్షితులు పై ఉండగా, ఆయన్ను ఎలా నియమిస్తారు అంటూ, ఇప్పటికే అనేక మంది ప్రశ్నించారు. పైగా రమణ దీక్షితులు రాజకీయ నాయకుల ప్రాపకం కోసం పని చేసే వ్యకి అని, అలాంటి వ్యక్తిని దూరంగా ఉంచాలని కోరారు. అనుకున్నట్టే, ఆయన నియామకం అయిన తరువాత రోజే, జగన్ మోహన్ రెడ్డిని, విష్ణుమూర్తితో పోల్చారు. ఇది కూడా పెద్ద వివాదస్పదం అయ్యింది. ఇన్ని వివాదాల నడుము, ఇప్పుడు మరో వివాదం తెర పైకి వచ్చింది. ఇప్పటి వరకు రమణ దీక్షితులు నియామకం పై ఎవరూ ఏమి అభ్యంతరం తెలపలేదని, అందరూ సంతోషంగా ఉన్నారని ప్రభుత్వం చెప్తూ వచ్చింది. అయితే ఇప్పుడు టిటిడికి సంబంధించి జీవో నెంబర్ 50 రద్దు అర్చకులు మధ్య తీవ్ర వివాదానికి తెర లేపింది. గత నెల రెండో తేదీన, టిటిడి జారీ చేసిన జీవో రద్దు చేస్తూ, టిటిడి తీసుకున్న నిర్ణయంతో, 65 ఏళ్ళకు పైబడిన అర్చకులు రిటైర్మెంట్ పరిస్థితి నిర్ణయాన్ని వెనక్కు తీసుకోవటం, గతంలో తొలగించిన వారు, మళ్ళీ నియామకం అయ్యారు. ఇందులో ప్రధాన అర్చకుడిగా రమణ దీక్షితులు మళ్ళీ వచ్చారు.

దీంతో అర్చకులు మధ్య ఆధిపత్య పోరు ప్రారంభం అయ్యింది. ఇప్పటికే శ్రీవారి ఆలయంలో, ప్రధాన అర్చకుడిగా, గొల్లపల్లి కుటుంబం నుంచి, వేణుగోపాల దీక్షితులు ఉన్నారు. అలాగే ఇతర కుటుంబాల వారు కూడా ఉన్నారు. అయితే ఇప్పుడు టిటిడి తీసుకున్న నిర్ణయంతో, గొల్లపల్లి కుటుంబం నుంచి, రమణ దీక్షితులు మళ్ళీ ప్రధాన అర్చకులుగా నియామకం అయ్యారు. దీంతో వేణుగోపాల దీక్షితులు , తనకు తీవ్ర అన్యాయం జరిగింది అంటూ, ఈ అంశం పై హైకోర్టుకు వెళ్లి అందరికీ షాక్ ఇచ్చారు. ఏ కుటుంబం నుంచి అయిన ఒక్కరే ప్రధాన అర్చకులుగా ఉంటారని, 2018 నుంచి, గొల్లపల్లి కుటుంబం నుంచి, తానే ప్రధాన అర్చకుడిగా ఉన్నానని, ఇప్పుడు టిటిడి ఇచ్చిన జీవోతో, మళ్ళీ రమణ దీక్షితులు రావటం పై, ఆయన అభ్యంతరం వ్యక్తం చేస్తూ పిటీషన్ వేసారు. టిటిడి కూడా తనకు న్యాయం చేయలేదని, ఆయన రమణ దీక్షితులు, టిటిడి, రమణ దీక్షితులను ప్రతివాదులుగా చేర్చారు. దీంతో, ఈ పిటీషన్ ను విచారణకు స్వీకరించిన హైకోర్టు, అందరికీ నోటీసులు జారీ చేసింది.

దేశంలో క-రో-నా విశృంఖలంగా ప్రబలుతోందని, దాంతో దేశమంతా చిన్నాభిన్నమయ్యే పరిస్థితులు ఏర్పడ్డాయని, దేశాధినేతలుగా ఉన్నవారు సకాలంలో స్పందించి, సరైన నిర్ణయాలు తీసుకోనందువల్లే, ఇటువంటి పరిస్థితి తలెత్తింద ని టీడీపీ సీనియర్ నేత, శాసనసభ్యులు గోరంట్ల బుచ్చయ్య చౌదరి అభిప్రాయపడ్డారు. మంగళవారం ఆయన తన విలేకరుల సందేశాన్ని వీడియో రూపంలో అందచేశారు. కోవాగ్జిన్, కోవిషీల్డ్ వ్యాక్సిన్ల ఉత్పత్తికి దేశీయంగా ఉన్న కంపెనీలు ముందుకురావడంతో ప్రధాని అంతా తానే చేసిన ట్టుగా చంకలు గుద్దుకున్నారన్నారు. ప్రపంచానికి తానే ఔష ధం కనిపెట్టినట్టు, అందించినట్లు ప్రగల్భాలు చెప్పుకోవడం జరిగిందని బుచ్చయ్య ఎద్దేవాచేశారు. రెండోదశ క-రో-నా వ్యాపిస్తుందని గమనించకుండా, యూరప్ దేశాలు సహా, అమెరికా, బ్రెజిల్, మెక్సికో దేశాల్లో రెండో దశ కరోనా విస్తృతం గా ప్రబలుతుంటే పట్టించుకోకుండా, మతప్రచారాలు, ఎన్నికల ప్రచారాలకే మోదీ ప్రాధాన్యత ఇచ్చాడన్నారు. దానివల్లే నేడు దేశానికి తీవ్ర నష్టం వాటిల్లే పరిస్థితి ఏర్పడిందన్నారు. తొలిదశ క-రో-నా సమయంలో ప్రజలంతా, ప్రధాని చప్పట్లు కొట్టమంటే కొట్టారని, లాక్ డౌన్ అంటే పాటించారని, ఈరోజు న అదే వ్యక్తి రెండోదశ క-రో-నా వ్యాప్తిని ఎందుకు నిలువరించలేక పోయాడన్నారు. ప్రపంచవ్యాప్తంగా దేశాన్ని ఇప్పటికే నవ్వులపాలు చేశాడన్నారు. ఒకపక్క కో-వి-డ్ ఉధృ తంగా ప్రబలు తుంటే ప్రధానికి పశ్చిమబెంగాల్లో ఎన్నికల ప్రచారం కోసం నాలుగు సార్లు పర్యటించాల్సిన దుస్థితి వచ్చిందన్నారు. గతంలో అకస్మాత్తుగా లాక్ డౌన్ ప్రకటించి, దేశాన్ని తీవ్రంగా నష్టపరిచిన వ్యక్తి, నేడు వివిధరకాల మత పరమైన కార్యక్రమాలను కూడా ఎందుకు కట్టడిచేయలేక పోతున్నాడన్నారు. చివరకు దేశంలో ఆక్సిజన్ నిల్వలు ఉన్నాయో లేవోకూడా గమనించలేని దుస్థితికి పాలకులు చేరడం దురదృష్టకరమన్నారు. తాత్కాలిక వెంటిలేటర్లు, పడకలు కూడా ఏర్పాటు చేయకపోబట్టే, ఆసుపత్రుల ముందే రోజూ వందల ప్రాణాలు పోతున్నాయన్ని బుచ్చయ్య ఆవేదన వ్యక్తం చేశారు.

జరిగే ప్రాణనష్టానికి ప్రధానమంత్రే బాధ్యుడ వుతాడన్నారు. దేశం ప్రపంచానికి ఔషధ కర్మాగారమని చెప్పిన మోదీ, నేడు దేశంలో మందులు కూడా లభించడం లేదనే వాస్తవాన్ని గమనించాలన్నారు. ఆసుపత్రుల్లో పడకలు, ఆక్సిజన్, వెంటిలేటర్లు లేవని, దుకాణాల్లో మందులు కూడా దొరకడంలేదని, లక్షలాదిగా మరణాలు సంభవిస్తుంటే, వాటి సంఖ్యను తగ్గించి చూపుతున్నారని టీడీపీ నేత ఆగ్రహం వ్యక్తంచేశారు. గుట్టలు గుట్టలుగా శవాలతో దేశ మంతా నిండిపోతుంటే, ప్రజలకు సమాధానం చెప్పలేని మోదీని చూసి ఏమనాలో కూడా ప్రజలకు తెలియడం లేదన్నారు. ప్రధానిహోదాలో కుత్సిత, కుట్ర రాజకీయాలకు పాల్ప డకుండా, మోదీ దేశాన్ని సమగ్రాభివృద్ధి దిశగా నడిపిస్తే మంచిదని బుచ్చయ్యచౌదరి సూచించారు. ఏకపక్షంగా నోట్ల రద్దు నిర్ణయం తీసుకోవడం, అకస్మాత్తుగా లాక్ డౌన్ ప్రకటన వంటి నిర్ణయాలతో దేశాన్ని ప్రధాని అత లాకుతలం చేశాడన్నారు. సరైన సమయంలో ఇప్పుడు సరైన నిర్ణయాలు తీసుకోని కారణంగా మందులకోసం, ఆక్సిజన్ కోసం, పడకల కోసం ప్రజలంతా ఎదురుచూడాల్సిన దుస్థితి తలెత్తిందన్నారు. వందల రోజులుగా దేశం కో-వి-డ్ వైరస్ తో అల్లాడుతుంటే, ప్రధాని ఆదిశగా దేశాన్ని ఎందుకు సన్నద్ధత పరచలేక పోయాడో ప్రజలకు సమాధానం చెప్పాలని గోరంట్ల డిమాండ్ చేశారు. అతని కంటే ఘనుడు ఆచంట మల్లన్న అన్నట్లు, మోదీ శిష్యుడైన జగన్మోహన్ రెడ్డి ఒక నియంత, పాశవిక ప్రభుత్వా నికి అధినేతలా వ్యవహరిస్తున్నాడన్నారు. తొలిదశ క-రో-నా సమయంలో ప్రతిపక్షంలో ఉన్న తెలుగుదేశం మొత్తుకున్నా మేల్కోకుండా పారాసెట్మాల్, బ్లీచింగ్ పౌడర్ చిట్కాలతో ప్రజలను పూర్తిగా తప్పుదారి పట్టించాడన్నారు. రాష్ట్రంలో భారీగాకేసులు పెరగడంతో చేతులుకాలాక ఆకులు పట్టుకు న్నట్లు నింపాదిగా తరువాత జగన్ ప్రభుత్వం కో-వి-డ్ కేంద్రాలను ప్రారంభించిందన్నారు.

నేడు రెండోదశ క-రో-నా వ్యాప్తిలో ప్రభుత్వం పూర్తిగా వైరస్ నిర్థారణ పరీక్షలను ఎందుకు నిలిపేసిందని బుచ్చయ్య నిలదీశారు. క-రో-నా టెస్టింగ్ కిట్లను ప్రభుత్వం ఏంచేసిందన్న ఆయన, ఎక్కడా వ్యాక్సిన్లు అందు బాటులో లేకుండా పోయాయన్నారు. తొలిదశ వ్యాక్సిన్ వేయించుకున్నవారికి రెండోసారి వేయడానికి ఎక్కడా వ్యాక్సిన్లు అందుబాటులో లేకుండా చేసిన ఘనత ఈ ముఖ్యమంత్రికే దక్కిందన్నారు. ప్రభుత్వ కార్యక్రమాల పేరుతో పత్రికా ప్రకటనలకు, వేలకోట్లు ఖర్చుచేస్తున్న జగన్మో హన్ రెడ్డి, వ్యాక్సిన్ కొనడానికి డబ్బులేదనడం సిగ్గుచేటన్నారు. ఆసుపత్రుల్లో ఆక్సిజన్ కొరత వేధిస్తోందని, పడక లు, మందులులేక రోగుల ప్రాణాలుపోతున్నా, ఈ ప్రభుత్వానికి పట్టడం లేదన్నారు. తొలిదశ కరోనా నియంత్రణలోకి వచ్చిన వెంటనే కో-వి-డ్ కేంద్రాలను మూసేసిన జగన్ ప్రభుత్వం, ఎక్కడికక్కడ అంతా అయిపోయిందన్నట్లుగా నిర్లక్ష్యం గా వ్యవహరించిందన్నారు. రెండోదశ వైరస్ వ్యాప్తిని గమనించకుండా, ఆ దిశగా సన్నద్ధం కాకుండా ప్రభుత్వం వ్యవహరించలేదన్నారు. ఇప్పటికిప్పుడు ఆక్సిజన్ కాన్సంట్రేటర్లకు ఆర్డర్లు ఇస్తే, అవి ఎప్పటికి వస్తాయన్నారు. రోజూ శ్మశానాల్లో తగలేస్తున్న శవాల లెక్కలు తీస్తే, జగన్మోహన్ రెడ్డి తలెత్తుకునే పరిస్థితులు ఉండవని బుచ్చయ్య తేల్చిచెప్పారు. తన నీతిబాహ్యమైన విధానాలతో రాష్ట్రాన్ని చిన్నాభిన్నం చేసిన ముఖ్యమంత్రి, ఇంకెంతమందిని బలి తీసుకుంటాడో తెలియడం లేదని, టీడీపీశాసనసభ్యుడు వాపోయారు.