news

ఆంధ్రప్రదేశ్ లో క-రో-నా కి అంతం లేకుండా పోయింది. రోజు రోజుకీ కేసులు పెరుగుతూ వెళ్తున్నాయి. ఒక్కసారిగా కేసులు సంఖ్య అధికారికంగానే భారిగా పెరిగింది. పోయిన వారం పది వేలు ఉన్న కేసులు, ఈ వారం 14 వేలకు చేరుకున్నాయి. అయితే ఈ రోజు వచ్చిన కేసులు కొత్తగా 17,354. ఇప్పటి వరకు ఆంధ్రప్రదేశ్ రాష్ట్రంలో ఇన్ని కేసులు రావటం ఒక రికార్డుగా చెప్పవచ్చు. ఇన్ని ఎక్కువ కేసులు ఇప్పటి వరకు మనకు రాలేదు. 24 గంటల్లో 17,354 కేసులు రావటం చూస్తుంటే పరిస్థితి ఎంత ఘోరంగా ఉందో అర్ధం అవుతుంది. ఈ మహమ్మారి ఇప్పుడప్పుడే మనల్ని వదిలి వెళ్ళేలా లేదు. ప్రభుత్వం అన్ని చర్యలు తీసుకున్నాం అని చెప్తున్నా, వ్యాప్తి విపరీతంగా జరుగుతుంది. మరో పక్క ఆంక్షలు పెద్దగా లేకపోవటంతో, ప్రజలు బయట తిరుగుతూ ఉండటంతో, కేసులు సంఖ్య విపరీతంగా పెరిగిపోయింది. అలాగే మరణాలు కూడా 24 గంటల్లో 64 వచ్చాయి. ఇప్పటి వరకు ఆంధ్రప్రదేశ్ రాష్ట్రంలో మొత్తం 11,01,690 పాజిటివ్ కేసులు వచ్చాయి. మొత్తం 7,992 మంది మరణించారు. ప్రస్తుతం మన రాష్ట్రంలో 1,22,980 పాజిటివ్ కేసులు ఉన్నాయి. అన్నిటికంటే ఆందోళన కలిగించే అంశం పాజిటివిటీ రేటు. ఆంధ్రప్రదేశ్ రాష్ట్రంలో పాజిటివిటీ రేటు 20 శాతం పైగా ఉండటం ఆందోళన కలిగించే అంశం లా ఉంది.

ఈ రోజు అత్యధికంగా చిత్తూరు జిల్లాలో , 2764 కేసులు వచ్చాయి. తరువాత స్థానంలో గుంటూరు, అనంతపురం, తూర్పు గోదావారి, శ్రీకాకుళం, విశాఖ ఉన్నాయి. అన్నిటికంటే తక్కువగా ప్రకాశం ఉంది. ఇది ఇలా ఉంటే, ఈ కేసులు ఇంకా పెరిగే సూచనలు కనిపిస్తున్నాయి. ఇప్పటికే చాలా టెస్టింగ్ ఫలితాలు పెండింగ్ లో ఉన్నాయి. అవన్నీ వస్తే కేసులు మరింతగా పెరుగుతాయి. అలాగే అందరూ అంచనా వేస్తున్నాట్టు, మే నెలలో, కేసులు విపరీతంగా పెరిగే సూచనలు కనిపిస్తున్నాయి. ఇప్పటికే వైద్యం కోసం అనేక ఇబ్బందులు పడుతున్న ప్రజలు, రాను రాను ఎలాంటి ఇబ్బందులు ఎదుర్కుంటారో, ప్రభుత్వం ఎలా ఇబ్బందులు లేకుండా చూస్తుందో చూడాలి. అన్నిటికంటే కలవర పెట్టే అంశం పరీక్షలు. మే 5 నుంచి ఇంటర్ పరీక్షలు అంటూ, ప్రభుత్వం మొండి పట్టుదలకు వెళ్తుంది. దీంతో ఇప్పుడున్న పరిస్థితిలో పరీక్షలు ఎలా రాయాలి అనే టెన్షన్ లో పిల్లలు ఉన్నారు. ఈ పరిస్థితి ప్రభుత్వం ఎలా హ్యండిల్ చేస్తుందో, ఏంటో చూడాలి.

వైఎస్ఆర్ కాంగ్రెస్ పార్టీలో, నెంబర్ 2ని అంటూ, హడావిడి చేసే విజయసాయి రెడ్డికి మీడియా సాక్షిగా షాక్ తగిలింది. క-రో-నా సెకండ్ వేవ్ లో, ఆంధ్రప్రదేశ్ ప్రభుత్వ పని తీరు అధ్వాన్నంగా ఉందని, అన్ని వైపుల నుంచి విమర్శలు వస్తున్న సంగతి తెలిసిందే. ప్రభుత్వ హాస్పిటల్ బయట బెడ్లు లేక ఆటల్లో, అంబులెన్స్ లలో ప్రజలు పిట్టల్లా ఎగిరి పోతున్న వార్తలు వింటున్నాం. మందులు దొరకటం లేదు, ఆక్సిజన్ దొరకటం లేదు, బెడ్లు దొరకటం లేదు, ప్రైవేటు హాస్పిటల్స్ దోపిడీ ఇలా అనేక ఇబ్బందులతో ప్రజలు అల్లాడుతున్నారు. మరో పక్క, ప్రభుత్వం మాత్రం, అద్భుతం అమోఘం అని చెప్తుంది. ఇక విజయసాయి రెడ్డి అయితే, ప్రతి రోజు ట్విట్టర్ లో ఊదరగొడుతూ ఉంటారు. మా పరిపాలన చూసి, ప్రపంచ దేశాలు నేర్చుకుంటున్నాయి అంటూ హడావిడి చేస్తాడు. ప్రతి రోజు మేము తోపు, మేము తురం అంటూ, ట్వీట్లు వేస్తూ ఉంటారు. అసలు ఈ ప్రపంచమే, మమ్మల్ని చూసి నేర్చుకుంటుంటే, చంద్రబాబు ఎందుకు ఇలా ఏడుస్తాడు అంటూ, ట్వీట్ వేసారు. ఇక మొన్నా మధ్య జగన్ మోహన్ రెడ్డి గారు కూడా, 104 నెంబర్ కు ఫోన్ చేస్తే చాలు, మేము వచ్చి మీ దగ్గర వాలిపోతాం అని చెప్పారు. ప్రజలు క-రో-నా కారణంగా ఏ కష్టం వచ్చినా, క్షణాల్లో వాలిపోతాం అని చెప్పారు. అయితే వాస్తవ పరిస్థితి మాత్రం వేరేగా ఉంది.

ప్రతిపక్షాలు అన్నీ ఆరోపించాయి. 104 పని చేయటం లేదని చెప్పాయి. అయినా ప్రభుత్వం పట్టించుకోలేదు. అయితే ఇప్పుడు విజయసాయి రెడ్డికి మాత్రం, ఈ విషయంలో షాక్ తగిలింది. మీడియాని మొత్తం వెంట బెట్టుకుని, షో చేద్దామని వెళ్ళిన విజయసాయి రెడ్డికి పాపం అనుకోని షాక్ తగిలింది. తమ ప్రభుత్వం ఎంత అద్భుతంగా పని చేస్తుందో, ఆయనే స్వయంగా చూసారు. 104 ఎలా పని చేస్తుందో చూడటానికి, విజయసాయి రెడ్డి కాల్ సెంటర్ కు వెళ్ళారు. ఆయన వచ్చిన సమయంలో ఒక్క కాల్ కూడా రాకపోవటంతో, ఆయనే స్వయంగా ఫోన్ చేసి మీడియా ముందు చూపిద్దాం అనుకున్నారు. అయితే, 20 నిమిషాలు పాటు ప్రయత్నం చేసినా, 104 వైపు నుంచి ఎలాంటి స్పందన రాలేదు. దీంతో మీడియా ముందు విజయసాయి రెడ్డి పరువు పోయింది. ప్రభుత్వం పరువు కూడా పోయింది. చెప్పేదానికి చేసే దానికి లింక్ లేదని అర్ధం అయ్యింది. దీంతో అధికారులు మీద నాలుగు అరుపులు అరిసారు. వారు, సాంకేతక లోపం అని చెప్పారు. ఇలాంటి లోపాలు సరి చేసుకుని, సమర్ధవంతంగా పని చేయాలని విజయసాయి రెడ్డి చెప్పి, అక్కడ నుంచి వచ్చేసారు.

భారత దేశ ప్రజాస్వామ్య విలువలను అపహస్యం చేస్తూ, జరిగిన తిరుపతి ఉప ఎన్నికల తీరు పై, తెలుగుదేశం పార్టీ ఎంపీ అభ్యర్ధి పనబాక లక్ష్మి, అలాగే బీజేపీ ఎంపీ అభ్యర్ధి రత్నప్రభ హైకోర్టులో పిటీషన్ దాఖలు చేసిన సంగతి తెలిసిందే. తిరుపతి ఉప ఎన్నికలలో రీపోలింగ్ పెట్టాలి అంటూ, టిడిపి అభ్యర్ధి పనబాక లక్ష్మి, అలాగే తిరుపతి ఎన్నిక రద్దు చేయాలి అంటూ, బీజేపీ అభ్యర్ధి రత్నప్రభ హైకోర్టులో పిటీషన్ దాఖలు చేసారు. ఇరువురు పిటీషన్లు కలిపి, ఈ రోజు హైకోర్టు విచారణ చేసింది. ఈ రెండు పిటీషన్లు, ముందుగా ఎన్నికల కమిషన్ వద్ద పిటీషన్ కు అవకాసం ఉంది కదా అని హైకోర్టు ప్రశ్నించింది. దొంగ ఓట్లు వేసినట్టు ఆధారాలు ఉన్నప్పుడు, సమయం ఉన్నప్పుడు, ఎలక్షన్ కమిషన్ వద్దే పిటీషన్ వేయవచ్చు కదా అని హైకోర్టు ప్రశ్నించింది. ఎలక్షన్ కమిషన్ వద్దే పిటీషన్ వేసుకునే సమయం ఉన్నప్పుడు, మేము ఈ పిటీషన్ ను విచారణకు తీసుకోలేమని హైకోర్టు తేల్చి చెప్పింది. ప్రసుత్తం ఉన్న స్థితిలో, ఇవి ఎలక్షన్ కమిషన్ వద్దే తేల్చుకోవాలని, మేము ఈ పిటీషన్ల పై జోక్యం చేసుకోలేం అంటూ, పనబాక లక్ష్మి, రత్నప్రభ వేసిన పిటీషన్లను హైకోర్టు కొట్టేసింది. అయితే ఇప్పుడు ఇరువురు ఏమి చేస్తారు అనే అంశం పై ఆసక్తి నెలకొంది. ఎవరైనా ఈ విషయం పై ఎలక్షన్ కమిషన్ కు ఫిర్యాదు చేస్తారా లేదా అనేది చూడాలి.

మరో పక్క మే రెండో తేదీన ఫలితాలు వస్తాయి. అంటే ఇంకా రెండు రోజులు సమయమే ఉంది. ఈ రెండు రోజుల్లో కౌంటింగ్ జరపకుండా ఆపగలరా లేదా అనేది చూడాలి. అయితే ఇప్పటికే ఎన్నికల కమిషన్ వద్ద, ఇరు పార్టీ నేతలు ఫిర్యాదు చేసిన సంగతి తెలిసిందే. మరి తదుపరి అడుగులు ఎలా వేస్తారో చూడాలి. తిరుపతి ఉప ఎన్నికల జరిగే రోజు ఉదయమే, అనేక బస్సుల్లో పక్క ఊరులు నుంచి జనాలను తోలుకుని వచ్చిన వీడియోలు అందరూ చూసారు. వారిని ఒక మంత్రికి సంబంధించి కళ్యాణమండపంలో పెట్టటం, అలాగే అక్కడ నుంచి బస్సుల్లో పోలింగ్ బూత్ లకు తరలించటం, అలాగే పోలింగ్ లైన్లలో కూడా, దొంగ ఓట్లు వేసే వారిని పట్టుకోవటం, వారు కనీసం కార్డ్ మీద ఉన్న తండ్రి పేరు కానీ, భర్త పేరు కానీ చెప్పలేక పోవటం, కొంత మంది మీడియాను చూసి పరిగెత్తటం ఇవన్నీ చూసాం. ఇలా ఒకటి కాదు రెండు కాదు, ఆ రోజు కనీసం వంద వీడియోలు బయటకు వచ్చాయి. అయితే ఈ విషయం పై, ఇప్పటికీ ఎలక్షన్ కమిషన్ ఏమి స్పందించలేదు.