news

జగన్మోహన్ రెడ్డి ఉరఫ్ జగన్ బాబు కన్ను గ్రామీణ ప్రాంతాలప్రజలకు ప్రధాన ఆదాయవనరుగా ఉన్న పాడి పరిశ్రమపై పడిందని, దాన్నిదోచేసి తద్వారావచ్చే సంపదను తనసొంతఖజనాకు మళ్లించుకోవడానికి 6, 7నెలలనుంచీ తీవ్రంగా ప్రయత్నిస్తున్నాడని టీడీపీనేత, తెలుగురైతు విభాగం రాష్ట్రఅధ్యక్షులు మర్రెడ్డి శ్రీనివాస రెడ్డి తెలిపారు. బుధవారం ఆయన మంగళగిరి లోని పార్టీ జాతీయకార్యాలయంలో విలేకరులతో మాట్లాడారు. పాడిపరిశ్రమను దిగమింగడానికి జగన్ బాబు గుజరాత్ లోని అమూల్ సంస్థను తెరపైకితెచ్చాడని, వాస్తవానికి ఆ రాష్ట్రంలోని సబర్ కాంతా డిస్ట్రిక్ట్ మిల్క్ యూనియన్ పరిశ్రమతో ఒప్పందం చేసుకోవడం జరిగిందన్నారు. రై తాంగానికి అండగా ఉంటున్న అనేక ప్రైవేట్ డెయిరీలను నాశనంచేయడానికి సబర్ కాంతా డిస్ట్రిక్ట్ మిల్క్ యూని యన్ తోప్రభుత్వం ఒప్పందంచేసుకుందన్నారు. మరీ ప్రధానంగా హెరిటేజ్ డెయిరీని దెబ్బతీయాలని, చంద్రబా బునాయుడి గారిఆర్థికమూలాలను దెబ్బతీయాలనే జగ న్ బాబు అమూల్ ముసుగులో సబర్ కాంతా డిస్ట్రిక్ట్ మి ల్క్ యూనియన్ సంస్థతో ఒప్పందంచేసుకున్నాడని శ్రీ నివాసరెడ్డి తేల్చిచెప్పారు. సదరు సంస్థతో జగన్ ఒకరక మైన క్విడ్ ప్రోకో ఒప్పందమే చేసుకున్నాడన్నారు. 2019ఎన్నికలకు ముందు తనప్రభుత్వం అధికారంలోకి వస్తే, రాష్ట్రంలోని పాలఉత్పత్తిదారులకు మేలుచేసేలా లీటర్ కి రూ.4లు బోనస్ ఇస్తానని జగన్ చెప్పడం జరి గిందన్నారు. 23నెలలుగా పాడిరైతులకుఇవ్వాల్సిన బోనస్ ను పట్టించుకోని ఫేక్ ముఖ్యమంత్రి చిల్లికానీ కూడా వారికి ఇవ్వలేదన్నారు. విజయ బ్రాండ్ అనేది ఏపీ బ్రాండ్ అని, దాన్ని వదిలేసి గుజరాత్ లోని సబర్ కాంతా డిస్ట్రిక్ట్ మిల్క్ యూనియన్ బ్రాండ్ అయిన అమూల్ కు జగన్ బాబు ఎందుకు బ్రాండ్ అంబాసిడర్ గా మారాడో ప్రజలకు సమాధానంచెప్పాలన్నారు. సబర్ కాంతా డెయిరీతో చేసుకున్న క్విడ్ ప్రోకో ఒప్పందంలో భాగంగానే, సహకార రంగంలోని పాడిరైతులు, పాల ఉత్పత్తిదారులకు బోనస్ లు, డివిడెండ్ల రూపంలో దక్కాల్సిన సొమ్ముని తానుకాజేయడానికి సిద్ధమ య్యాడన్నారు.

గుంటూరుజిల్లాలోని సంగండెయిరీ, సబర్ కాంతాసంస్థకంటే ఎక్కువగా రైతులకు లీటర్ పాలకు ఎక్కువధరను చెల్లిస్తోందని, గేదెలకు దాణా, పశుగ్రాసవిత్తనాలసరఫరా, గేదెలకొనుగోలు కోసం ఇచ్చేరుణాలరూపంలో సంగం డెయిరీ అన్నివిధాల పాడి రైతులకు అండగా ఉంటోందన్నారు. సంగండెయిరీకి ఇస్తే తనకేమి వస్తుందని అనుకున్న జగన్ బాబు సబ ర్ కాంతా పేరుతో క్విడ్ ప్రోకో ఒప్పందం చేసుకున్నాడని మర్రెడ్డి తెలిపారు. 45ఏళ్లు నిండినిప్రతిమహిళకు పింఛన్ ఇస్తాననిచెప్పిన జగన్, అదిచేయకుండా ఒకఏడాదిగడిచాక, రెండోఏడాది రూ.18,750ఇచ్చి, ఆ డబ్బుతో గేదెనుకొని అమూల్ సంస్థక పాలుపోస్తే, మిగిలిన సొమ్ము ఇస్తానంటూ మెలికపెట్టాడన్నారు. బలవంతంగా మహిళలతో గేదెలు కొనిపిస్తే,దానికి మేత , తవుడు, దాణా, కట్టేయడానికిజాగాఎక్కడినుంచి వస్తు దో చెప్పాలన్నారు. పథకంపేరుతో పూర్తిగా మహిళలకు పంగనామాలు పెట్టడానికి, అమూల్ సంస్థను బాగు చేయడానికే ముఖ్యమంత్రి ఈ విధమైన తిరకాసు వ్యవ హారంపెట్టాడని శ్రీనివాసరెడ్డి ఆక్షేపించారు. గ్రామాల్లో పా లసేకరణ కేంద్రాలు లెక్కకు మిక్కిలిగా ఉంటాయని, వారిచ్చేదానితో పోలిస్తే జగన్ బాబుఇచ్చేది బోడితో సమానమన్నారు. గ్రామాల్లో గేదెలుకొనడానికి ఆయా సేకరణకేంద్రాల వారెవరూ పాడిరైతులతో జగన్ బాబులా తిరకాసు ఒప్పందాలు చేసుకోవడం లేదన్నారు. సబర్ కాంతా మిల్క్ యూనియన్ ని బాగుచేయడానికి మహి ళలను అడ్డుపెట్టుకొని, పాడిరైతులను దోపిడిచేయడాని కి ముఖ్యమంత్రి సిద్ధమయ్యాడన్నారు. అమూల్ డెయిరీ వారు ఇక్కడెలాంటి యూనిట్లు పెట్టలేదని, అం దుకోసం ప్రజలసొమ్ముని సదరు సంస్థకు కట్టబెట్టడానికి ముఖ్యమంత్రి సిద్ధమయ్యాడన్నారు. జగన్ బాబు విజయమ్మతో లేఖరాయించి తనబండారాన్ని తానే బయటపెట్టుకోవాలన్నారు. అమూల్ అభివృద్ధి కోసం 7,125 గ్రామాల్లో పాలసేకరణ కేంద్రాల నిర్మాణం చేపట్టి, అందుకోసం రూ.1362కోట్లను ఖర్చుపెట్టాలని జగన్ నిర్ణయించడన్నారు.

పాలసేకరణ కేంద్రాల ముసుగులో ప్రజలసొమ్ముని సబర్ కాంతా డెయిరీ అభివృద్ధికి కేటాయించడం, రూ.272కోట్లను మౌలికవసతుల పేరు తో ముఖ్యమంత్రి ప్రభుత్వంతరుపున పెట్టుబడిగా పెట్టడానికి సిద్ధమయ్యాడన్నారు. అమూల్ రూపాయి పెట్టకపోయినా ప్రభుత్వమే జామీనుదారుగా ఉండి, సదరు సంస్థకు జాతీయసహకారఅభివృద్ధ సంస్థనుంచి అప్పుఇప్పించడానికి సిద్ధమైందన్నారు. గ్రామాల్లోని పాలసేకరణవ్యవస్థను పూర్తిగా నాశనంచేసి, ఇసుకపాల సీ ఎలాగైతే జే.పీ పవర్ వెంచర్స్ కిందకుపోయిందో, పాలఉత్పత్తిదారులవ్యవస్థ సంపదను దోచుకోవడానికి జగన్ బాబు సిద్ధమయ్యాడన్నారు. ఆయన పాపపు కన్ను రాష్ట్రంలోని డెయిరీ వ్యవస్థలపై పడిందన్నారు. జగన్ బాబు రాష్ట్ర్రానికి ముఖ్యమంత్రా లేక సబర్ కాంతా డెయిరీకి సీఈవోనా అనే అనుమానం కలుగుతోందన్నా రు. దొంగలు, అవకాశవాదులు, లంచగొండులు, అవినీతిపరులు మాత్రమే ప్రభుత్వరంగంలోఉంటూ, ప్రైవేట్ సంస్థలకు వత్తాసుపలుకుతారన్నారు. కార్మికు లను, కూలీలను రోడ్డునపడేసేలా జాతీయ ఉపాధి హామీపథకం నిధులను ముఖ్యమంత్రి గుజరాత్ పాలకంపెనీకి ఖర్చుచేస్తున్నాడన్నారు. 150లక్షలమెట్రిక్ టన్నుల పాలఉత్పత్తి రాష్ట్రంనుంచి వస్తుంది కాబట్టి, దానిపై వచ్చేఆదాయాన్నిదోచుకోవాలని జగన్ బాబు ఈవిధమైన కుట్రపూరిత ఆలోచనలకు తెగబడుతున్నా డన్నారు. గుంటూరు జిల్లా కలెక్టర్ ఆధ్వర్యంలో ఒక సమావేశం జరిగిందని, దానిలో జగన్మోహన్ రెడ్డి ఒత్తిడి ఎక్కువైందని, ప్రతి రైతుభరోసా కేంద్రంనుంచి పూటకు రెండు క్యాన్లపాలైనా పంపాలని ఆదేశించడం జరిగింద న్నారు. గ్రామాలపై పడి, పాలఉత్తత్తిదారులను బెదిరిం చాలని, లేకుంటే పథకాలుఆపేస్తామని చెప్పాలని అధి కారులు ఆదేశించిన విషయం సోషల్ మీడియాలో హల్ చల్ చేస్తోందన్నారు. పరిపాలన చేయడం చేతకా కుంటే జగన్ బాబు తనపదవికిరాజీనామాచేసి, ఆయ నకు చేతనైన విద్యను ప్రదర్శించుకోవచ్చని శ్రీనివాసరెడ్డి హితవుపలికారు.

రాష్ట్రఎన్నికలకమిషన్,స్థానికఎన్నికలునిర్వహించాలనుకున్నప్పటినుంచీ రాష్ట్రప్రభుత్వం తప్పటడుగులు, తప్పుటడుగులు వేస్తోందని టీడీపీ జాతీయప్రధానకార్యదర్శి, పొలిట్ బ్యూరోసభ్యలు వర్లరామయ్య స్పష్టంచేశారు. బుధవారం ఆయన మంగళగిరిలోని పార్టీ జాతీయకార్యాలయంలో విలేకరులతో మాట్లాడారు. ఆ వివరాలు ఆయన మాటల్లోనే మీకోసం .... "ఎన్నోతప్పులుచేస్తున్నాం..ఇదొక తప్పన్నట్లుగా ప్రభు త్వం వ్యవహరిస్తోంది. మార్చి31న నిమ్మగడ్డ రమేశ్ కుమార్ రాష్ట్రఎన్నికలకమిషనర్ బాధ్యతలనుంచి వెళ్లి పోగానే, అప్పటివరకు జగన్మోహన్ రెడ్డి వద్ద చీఫ్ సెక్రట రీగా పనిచేసినవ్యక్తి, ఆయన మాటలను తూచా తప్పకుండా అమలుచేసిన నీలంసాహ్ని ఎన్నికల కమిషనర్ గా నియమింపబడ్డారు. ఏప్రియల్ 1న అధి కారులంతా ఆమెనుకలిసి అభినందించారని, ఆమెవెళ్లి గవర్నర్ ని కలిసి వచ్చాక, తాను ఆమెను కలవడానికి వెళ్లడం జరిగింది. నిమ్మగడ్డ రమేశ్ కుమార్ ఉన్నప్పు డు ఏవిధంగా ఎన్నికలు నిర్వహించబడ్డాయో, ఎంతటి అప్రజాస్వామికంగా, దౌర్జన్యంగా నిర్వహించారో ఆమెకు వివరించడానికి వెళ్లాను. పరిషత్ ఎన్నికలకు తాజా నో టిఫికేషన్ఇవ్వమని ఆమెకునచ్చచెప్పడానికి తాను వెళ్లాను. రుజువులతో సహా ఎన్నికలు ఎలా జరిగాయో, ఏవిధంగా బలవంతపు ఏకగ్రీవాలు జరిగాయో తెలియ చేశాను. తప్పకుండా న్యాయనిపుణులతో సంప్రదించి, చర్యలు తీసుకుంటానని ఆమె నాతో చెప్పారు. అదే సమయంలో ఎన్నికలనిర్వహణపై అన్నిపార్టీల సమావే శం నిర్వహిస్తున్నట్లు ఆమెనాతో చెప్పారు. ఆమెకు ధన్యవాదాలు తెలియచేసి నేను తిరిగొచ్చాను. సాయంత్రం 7గంటలకు జడ్పీటీసీ,ఎంపీటీసీ ఎన్నికలు అనిచెప్పి నోటిఫికేషన్ ఇచ్చేశారు. ఆమె ఎన్నికల కమిషనర్ గా బాధ్యతలు స్వీకరించి 12గంటలు కూడా కలవకుండానే ఎన్నికల నోటిఫికేషన్ ఇచ్చారు. అన్నిపా ర్టీల సమావేశం పెడతామనిచెప్పి, న్యాయనిపుణులతో సంప్రదించి నిర్ణయం తీసుకుంటాననిచెప్పినఆమె, అంత దుర్మార్గంగా వ్యవహిరిస్తుందని తాము అనుకోలేదు. ఆమె నిర్ణయంపై వెంటనే హైకోర్టుని ఆశ్రయించాము."

"సుప్రీంకోర్టు ఆదేశాలప్రకారం నాలుగువారాలు కోడ్ ఆఫ్ కాండక్ట్ అమలుచేశాకే, ఎన్నికల నోటిఫికేషన్ ఇవ్వాలని ఉందని, దాన్నికాదని ఎస్ఈసీ నోటిఫికేషన్ ఇచ్చారని తాము న్యాయస్థానాన్ని ఆశ్రయించాము. నోటిఫికేషన్ రద్దుచేయాలని, తాజా నోటిఫికేషన్ ఇవ్వాలని నేనే హైకోర్టులో పిటిషన్ వేశాను. ఆ వ్యవహారంపై నిన్న హైకోర్ట్ జడ్జి ఆదేశాలిచ్చారు. సుప్రీంఆదేశాలు పాటించా లని, స్వేచ్ఛాయుతంగా, నిష్పక్షపాతంగా ఎన్నికలు జర పాలని చెప్పి ఎన్నికలనిర్వహణపైస్టే విధించారు. హైకోర్ట్ స్టే ఇవ్వగానే వెంటనే ఎన్నికలు ఆపి, కోడ్ ఆప్ కాండక్ట్ ప్రకారం తప్పులు సరిదిద్దుకొని నాలుగువారాల తరువాత నోటిఫికేషన్ ఇవ్వాలి. తాజా నోటిఫికేషన్ ఇస్తా రా...లేక కొనసాగిస్తారా అనేదిఆలోచించాలి. నిన్నటి హైకోర్ట్ తీర్పుచూశాక ముఖ్యమంత్రి గంగవెర్రులెత్తిపో యాడు. ఎన్నికలు జరగాల్సిందేనని పట్టుబట్టాడు. హై కోర్ట్ సింగిల్ బెంచ్ తీర్పుపై ప్రభుత్వం డివిజన్ బెంచ్ లో అప్పీలు చేస్తే, నేడుఎన్నికలుపెట్టుకోవచ్చని తీర్పు వచ్చింది. ఎన్నికలు నిర్వహించండి గానీ, ఫలితాలు ప్ర కటించవద్దంటూ మెలిక పెట్టారు. సుప్రీంకోర్టు నిబంధన లను హైకోర్ట్ డివిజన్ బెంచ్ విస్మరించిందని తాము భా వించాము. అప్రజాస్వామికంగా ప్రభుత్వం వెళుతుంది, ప్రభుత్వం వేసే చిటెకలకు అనుగుణంగా ఎస్ఈసీ నడు స్తుంది అంటే తాము చూస్తూఊరుకునేది లేదు. చట్టా న్ని అమలుచేసి, చట్టబద్ధంగా ముందుకువెళ్లాలని తా ము నిర్ణయించుకున్నాము. సుప్రీంకోర్టు ఆదేశాలు రా ష్ట్రంలో అమలుకావడంలేదని చెబుతూ, తాము ఈ వ్యవహారంపై సుప్రీం తలుపుతట్టాలని నిర్ణయించాము."

"టీడీపీఅధినేత చంద్రబాబు మాపార్టీ నేతలందరితో మాట్లాడారు. న్యాయపరంగా తీసుకోవాల్సిన అభిప్రాయాలు తాము తీసుకున్నాము. స్థానికసంస్థల కు రాష్ట్రంలో అరాచకంగా ఎన్నికలు జరగబోతున్నాయి. మంత్రి పెద్దిరెడ్డి నియోజకవర్గంలో 85పంచాయతీలు ఉంటే మొత్తం ఏకగ్రీవమవుతాయా? మహాత్మాగాంధీ కంటే గొప్పవాడా పెద్దిరెడ్డి. రాజకీయసేవలో పుచ్చల పల్లి సుందరయ్య, వావిలాల కంటే ఘనాపాఠా అతను. అవినీతికి నిలువెత్తురూపం అతను. అతని నియోజకవ ర్గంలో అన్నిస్థానాలుఏకగ్రీవాలు అయ్యాయంటే ఎన్నిక లకమిషన్ఎంతటి నిస్తేజ స్థితిలో ఉందో అర్థమవుతోంది. జగన్మోహన్ రెడ్డి నాయకత్వంలో జరుగుతున్న అరాచక అప్రజాస్వామిక ఎన్నికలపై సుప్రీంకోర్టులో పోరాడాలని నిర్ణయించాము. రాజ్యాంగవ్యతిరేక విధానాలతో నడుస్తు న్న ఎన్నికలను అడ్డుకొని తీరుతాము. రాష్ట్ర ఎన్నికల కమిషనర్ ను ప్రభుత్వం వాడుకుంటున్న విధానాన్ని కూడా సుప్రీందృష్టికి తీసుకెళ్లబోతున్నాము. గతంలో సుప్రీంకోర్టు తెలిపిన నిబంధనలకు అనుగుణంగానే నిర్ణయం తీసుకోవాలని తాము దేశ అత్యున్నత న్యాయ స్థానాన్ని కోరబోతున్నాము. అరాచకత్వానికి తలవంచే దిలేదు. దుర్మార్గాన్ని ఒప్పుకునేది లేదు. న్యాయం జరిగేవరకు, రాజ్యాంగాన్ని కాపాడేవరకు టీడీపీ పోరాడుతూనే ఉంటుందని స్పష్టంచేస్తున్నాము. ఎన్ని కల బహిష్కరణ నిర్ణయం నిర్ణయమే. ఆ నిర్ణయం ఎం దుకు తీసుకోవాలో స్పష్టంగా చెప్పాము. హైకోర్ట్ డివిజన్ బెంచ్ తీర్పుపై తాము సంతోషంగా లేము. సుప్రీం నిబంధనలను హైకోర్టు విస్మరించిందని తాము భావిస్తున్నాము. అరాచకప్రభుత్వంపై న్యాయం, ధర్మం కాపాడబడేవరకు, ప్రజాస్వామ్యం కాపాడబడేవరకు తెలుగుదేశం పోరాడుతుంది."

టిడిపి అధినేత చంద్రబాబు నాయుడు, ఈ రోజు తిరుపతి ఉప ఎన్నికల ప్రచారంలో పాల్గుననున్నారు. ఈ రోజు ఉదయం రేణిగుంట విమానాశ్రయం చేరుకున్న చంద్రబాబు, కొద్ది సేపటి క్రితం తిరుమల చేరుకొని, శ్రీవారిని దర్శించుకున్నారు. అనంతరం మీడియాతో మాట్లాడిన చంద్రబాబు, కొన్ని కీలక వ్యాఖ్యలు చేసారు. ముఖ్యంగా రెండు రోజుల క్రితం, రమణదీక్షితులు, జగన్ మోహన్ రెడ్డి విష్ణుమూర్తి అంటూ పొగడటం పై, అన్ని వైపుల నుంచి విమర్శలు వస్తున్న సంగతి తెలిసిందే. అయితే ఈ రోజు తిరుమలలో మీడియాతో మాట్లాడిన చంద్రబాబు, రమణ దీక్షితులు పై పరోక్షంగా స్పందించారు. దేవుడు అనే వాడు దేవుడే అని, మనిషి అనే వాడు మనిషిగానే చూడాలని, ఒక మనిషి ఎప్పుడూ దేవుడు అవ్వలేడు అని, మనుషులను దేవుడుతో పోల్చటం తప్పు అని అన్నారు. తిరుమలలో ఇప్పుడే కాదని, గతంలో కూడా, ఇలాంటి అపవిత్ర కార్యక్రమాలు చేసారని అన్నారు. తిరుమలలో లేని పింక్ డైమెండ్ ఉంది అంటూ, తీవ్ర ఆరోపణలు చేసిన వ్యక్తిని మళ్ళీ నియమించటం, మంచి సంప్రదాయం కాదని చంద్రబాబు అన్నారు. గతంలో రమణ దీక్షితులు, పింక్ డైమెండ్ పోయింది అంటూ, తీవ్ర ఆరోపణలు చేసిన విషయం తెలిసిందే. ఇప్పటికే దీని పై రమణదీక్షితులు పై, పరువు నష్టం కేసు కోర్టులో ఉంది.

అయితే ఈ ఆరోపణలు చేసి, తిరుమల పరువు నష్టం కేసు ఎదురుకున్న వ్యక్తిని మళ్ళీ నియమించటం పై చంద్రబాబు ఆగ్రహం వ్యక్తం చేసారు. చంద్రబాబు మాట్లాడుతూ, హిందువుల మనోభావాలు దెబ్బతీస్తున్నారని అన్నారు. అనేక ఘటనలు ఇందుకు నిదర్శనం అని అన్నారు. ధర్మాన్ని కాపాడాల్సిన బాధ్యత అందరి పై ఉంటుందని,ధర్మాన్ని మనం కాపాడితే, ధర్మం మనలని కాపడుతుంది అంటూ చంద్రబాబు వ్యాఖ్యనించారు. అంతే కాదు, తిరుమల వెంకన్న విశిష్టత చెప్తూ, ఆంధ్రప్రదేశ్ రాష్ట్రానికి అతి పెద్ద ఆస్తి వెంకటేశ్వర స్వామి అని చంద్రబాబు అన్నారు. తిరుమల పవిత్రతను కాపాడాల్సిన బాధ్యత, మన అందరి పై ఉందని చంద్రబాబు అన్నారు. చంద్రబాబుతో పాటుగా ఇతర తెలుగుదేశం సీనియర్ నాయకులు, శ్రీవారిని దర్శించుకున్నారు. మరి కొద్ది సేపట్లో చంద్రబాబు తిరుపతి చేరుకోనున్నారు. ఈ రోజు సాయంత్రం నుంచి తిరుపతి ఉప ఎన్నికల ప్రచారంలో చంద్రబాబు పాల్గుంటారు. ఇప్పటికే, నారా లోకేష్ తో పాటుగా, ఇతర తెలుగుదేశం నేతలు ఉదృతంగా ఎన్నికల ప్రచారంలో పాల్గుంటున్న విషయం తెలిసిందే.