news

రెండో విడత పంచాయతీ ఎన్నికలు ఈ రోజు జరిగాయి. ఫలితాలు లెక్కింపు కూడా ప్రారంభం అయ్యింది. ఇప్పటికే 600 వరకు పోటీ ఇచ్చాయి. అయితే మొదటి విడతలో గట్టి పోటీ ఇచ్చినట్టే ఇప్పుడు కూడా, టిడిపి, వైసీపీకి దీటుగా పోటీ ఇస్తుంది. పోటా పోటీగా ఫలితాలు వస్తున్నాయి. అయితే ఇందులో చెప్పుకునే విషయం ఏమిటి అంటే, మంత్రి కొడాలి నాని సొంత గ్రామంలో, తెలుగుదేశం పార్టీ బలపరిచిన అభ్యర్ధి, 800 ఓట్లతో విజయం సాధించారు. గుడివాడ నియోజకవర్గం పామర్రు మండలం యలమర్రు గ్రామం, కొడాలి నాని సొంత గ్రామం. ఇక్కడ తెలుగుదేశం పార్టీ సర్పంచ్ అభ్యర్ధి కొల్లూరి అనూష 800 ఓట్లతో భారీ విజయం సాధించారు. కొడాలి నాని సొంత గ్రామంలో ఓడిపోవటంతో, టిడిపి కార్యకర్తలు సంబరాలు చేసుకుంటున్నారు. బూతుల మంత్రిగా పేరున్న కొడాలి నాని, ఉచ్చం నీచ్చం తెలియకుండా మాట్లాడుతున్న మాటలతో, ప్రజల్లో చులకను అయ్యారని చెప్పేందుకు, ఇదే ఉదాహరణ అని టిడిపి నేతలు చెప్తున్నారు.

ఆంధ్రప్రదేశ్ రాష్ట్రంలో జరుగుతున్న స్థానిక సంస్థల ఎన్నికల్లో విచ్చలవిడి ఏకగ్రీవాల పై ఎలక్షన్ కమిషన్ కూడా ఏమి చేయలేక పోవటం, తెలుగుదేశం పార్టీ హైకోర్టుని ఆశ్రయించింది. ముఖ్యంగా పుంగనూరు, మాచర్లలో జరిగిన ఏకగ్రీవాల పై హైకోర్టుకు వెళ్ళగా, ఈ రోజు హైకోర్టు, రాష్ట్ర ఎన్నికల సంఘానికి కీలక ఆదేశాలు జారీ చేసింది. బలవంతపు ఏకగ్రీవాలతో పాటుగా, నామినేషన్ లు తిరస్కరించిన చోట తగు చర్యలు తీసుకోవాలని, రాష్ట్ర ఎన్నికల కమిషన్ కు ఆదేశాలు జారీ చేసింది హైకోర్టు. అక్కడ వచ్చిన ఫిర్యాదులు అన్నీ పరిశీలించి, తగు చర్యలు తీసుకోవాలని ఆదేశాలు జారీ చేసింది. నిబందులు ఎలా ఉన్నాయో, వాటి ప్రకారం తగు చర్యలు తీసుకోవాలి కోరింది. పుంగనూరు, మాచర్లలో విచ్చలవిడిగా ఎగ్రీవాలు అయ్యాయి. మాచర్లలో 77కి 76 ఏకగ్రీవం అయ్యాయి. అలాగే పుంగనూరులో రెండు పంచాయతీలు తప్ప, మిగతావి అన్నీ ఏకగ్రీవం అయ్యాయి. ముఖ్యంగా పెద్దిరెడ్డి ఉండే సదుం మండలంలో, ఏకంగా అన్ని పంచాయతీలు, అన్ని వార్డులు ఏకగ్రీవం అయ్యాయి. అయితే ఈ రకంగా ఏకాగ్రీవాలు అవ్వటం పై, తెలుగుదేశం పార్టీ సీరియస్ అయ్యింది. అన్ని విషయాల పై ఇప్పటికి అనేక ఫిర్యాదులు, రాష్ట్ర ఎన్నికల కమిషన్ కు చేసినా, ఎన్నికల సంఘం పరిగణలోకి తీసుకోలేదని, అందుకే కోర్టుకు వెళ్లి, తమ హక్కులు సాధించుకుంటాం అని కోర్టులో కేసు వేసారు.

జరుగుతున్న పరిణామాల పై వర్ల రామయ్య స్పందించారు..."ఎన్నికలవిధుల్లో ఉన్న అధికారులంతా, వైసీపీకాని వారి నామినేషన్లను ఇష్టానుసారం తిరస్కరిస్తున్నారు. అధికారపార్టీ నేతలమెప్పుకోసం , వారికళ్లల్లో వెలుగులుచూడటంకోసం అధికా రులు వ్యవహరిస్తున్నారు. అధికారులు, ప్రభుత్వం ఇష్టమొచ్చిన ట్టు చేస్తే టీడీపీ ఊరుకోదు. ఎక్కడైతే అధికారులు అకారణంగా, తప్పుడువిధానాల్లో అభ్యర్థులను, వారిపత్రాలను తిరస్కరించారో అవన్నీ గుర్తించడం జరిగింది. ఇప్పటికే దానికి సంబంధించి కొన్ని కేసులను హైకోర్టులోవేశాము. చట్టానికి వ్యతిరేకంగా వ్యవహరించిన అధికారులెవరినీ వదిలేదు లేదు. అవసరమైతే వారివ్యక్తిగత హోదాలపై కూడా కేసులు వేస్తాము. రిటైరైనా కూడా వారిని వదలకుండా, వారుచేసినతప్పులకు శిక్షపడేలా చేస్తాము. అధికారులు ఎవరైనా సరే, ఆత్మపరిశీలనచేసుకోరా.. వారు తమ ఆత్మలకుసమాధానం చెప్పుకోరా? అవేమీ ఆలోచించకుండా ప్రమోషన్లకోసం, ఇతరత్రా ప్రయోజనాలకోసం అధికారపార్టీకి ఊడిగం చేస్తారా? విశాఖపట్నంలో, చిత్తూరులో, మాచర్లలో అంత అడ్డగోలుతనంగా ఎలా వ్యవహరిస్తా రు? జరుగుతున్న వాటిపై డైరెక్టర్ జనరల్ ఒక్కసారి ఆత్మ పరిశీలన చేసుకోవాలి. ఎన్నికల కమిషన్ ఇంతజరుగుతుంటే నిమ్మకు నీరెత్తినట్టు వ్యవహరించడమేంటి? కట్టుదిట్టంగా ఎన్నికలు జరపకుండా, ఇష్టారాజ్యాంగ అధికారులు వ్యవహరిస్తుం టే, టీడీపీ చేతులుకట్టుకొని కూర్చోవాలా? ఎన్నికల కమిషన్ చేతు లెత్తేస్తే ఇక మిగిలింది న్యాయస్థానాలే. " అని వర్ల అన్నారు.

రాష్ట్ర పౌరసరఫరాల శాఖా మంత్రి కోడలి నాని పై క్రిమినల్ కేసు నమోదు చేయాలని, రాష్ట్ర ఎన్నికల కమిషన్ కొద్ది సేపటి క్రితం, కృష్ణా జిల్లా ఎస్పీకి ఆదేశాలు జారీ చేసింది. కొడాలి నాని రెచ్చగొట్టే వ్యాఖ్యలు చేయటం, నేరపూరిత బెదిరింపులు వంటి సెక్షన్ల కింద ఆయన మీద కేసులు నమోదు చేయాలని, ఐపీసిలోని 504, 505, 506, మొత్తం ఈ మూడు సెక్షన్ల కింద కేసు నమోదు చేయాలని ఆదేశాలు జారీ చేసింది. దీంతో పాటు ఎన్నికలు జరుగుతున్న సమయంలో, ఎన్నికల కమిషన్ గురించి దురుద్దేశాలు ఆపాదించే విధంగా వ్యాఖ్యలు చేసినందుకు, మోరల్ కోడ్ అఫ్ కాండక్ట్ లోని, ఎన్నికల్ ప్రవర్తనా నియమావళి క్లాజ్ 1 అండ్ 4, ఈ సెక్షన్ ల కింద కూడా కేసు నమోదు చేయాలని, ఆదేశాలు జారీ చేసింది. నిన్న ఉదయం కొడాలి నాని, వైఎస్ఆర్ కాంగ్రెస్ పార్టీ కేంద్ర కార్యాలయంలో, మీడియా సమావేశం ఏర్పాటు చేసి, ఆ సమావేశంలో ఎన్నికల కమిషన్ ను ఉద్దేశించి అభ్యంతరకర వ్యాఖ్యలు చేసారని, దీని పై వెంటనే తగు వివరణ ఇవ్వాలని, వెంటనే ఎన్నికల కమిషన్, కొడాలి నానికి షోకాజ్ నోటీస్ జారీ చేసింది. ఈ షోకాజ్ నోటీస్ కు సమాధానంగా నిన్న సాయంత్రం, మూడు గంటలకు, ఆయన న్యాయవాది చిరంజీవి ద్వారా, రిప్లై పంపారు. తనకు ఎన్నికల కమిషన్ ను కించపరిచే ఉద్దేశం లేదు అని చెప్పారు.

పోలింగ్ సమయంలో, తెలుగుదేశం పార్టీ వేధింపులు గురించి మాట్లాడటానికే మీడియా సమావేశం ఏర్పాటు చేసానని, తన వ్యాఖ్యలు తప్పుగా అర్ధం చేసుకున్నారని, తనకు రాజ్యాంగ సంస్థల పట్ల పూర్తి గౌరవం ఉందని చెప్తూ, తనకు ఇచ్చిన షోకాజ్ నోటీస్ ను, ఉపసంహరించుకోవాలని కోరారు. ఈ నేపధ్యంలోనే, షోకాజ్ నోటీస్ లో ఇచ్చిన వివరణతో, రాష్ట్ర ఎన్నికల కమిషన్ సంతృప్తి చెందలేదని పేర్కొంటూ, గత రాత్రి ఆయన పై క్రమశిక్షణా చర్యలకు పూనుకుంది. ఈ నెల 21వ తేదీ వరకు కొడాలి నాని, మీడియాతో మాట్లాడకూడదు అని, ఎన్నికల ప్రక్రియలో జోక్యం చేసుకోకూడదు అని, ఆదేశాలు ఇచ్చింది. అదే విధంగా ఆయన బహిరంగ సభలు, గ్రూపు సమావేశాలలో కూడా మాట్లాడటానికి వీలు లేదని స్పష్టం చేసింది. అయితే దీని పై కొడాలి నాని, ఈ రోజు హైకోర్టు లో హౌస్ మోషన్ పిటీషన్ దాఖలు చేయాలని అనుకుంటూ ఉండగానే, ఇప్పుడు ఎన్నికల కమిషన్, కొడాలి నాని పై కేసు నమోదు చేయాలని చెప్పటం సంచలనంగా మారింది.