news

వైఎస్ వివేకానంద‌రెడ్డి హ‌-త్య‌కేసులో అడ్డంగా బుక్క‌యిపోయిన వైసీపీ దిక్కుతోచ‌ని స్థితిలో రోజుకొక దివాలాకోరు వాద‌న‌తో మీడియా ముందుకు వ‌స్తూ అభాసు పాల‌వుతోంది. స‌ల‌హాదారుడు స‌జ్జ‌ల రామ‌కృష్ణారెడ్డి జ‌గ‌న్ రెడ్డి ర‌క్షించాల‌నుకుని అడ్డంగా ఇరికిస్తున్నార‌ని వైసీపీ కుల మీడియా , బ్లూ మీడియా ల‌బోదిబోమంటూ వ్యాసాలు రాసుకుంటోంది. వైఎస్‌ వివేకానంద రెడ్డి హ-త్య కేసు సీఎం జగన్‌ మెడకు చుట్టుకునేలా సీబీఐ కుట్ర పన్నుతోంద‌ని, చంద్రబాబు చేస్తున్న ప్రయత్నాలకు అనుగుణంగా సీబీఐ డ్రామా ఆడుతోంద‌ని ప్రభుత్వ ప్రధాన సలహాదారు సజ్జల రామకృష్ణా రెడ్డి ఆరోపించారు. వివేకా హ-త్యతో అవినాశ్‌ రెడ్డికి ఎలాంటి సంబంధమూ లేదని, ఇదంతా చంద్రబాబు కుట్ర అని తేల్చేశారు. ఎంపీ అవినాశ్‌రెడ్డి పాత్రపై సీబీఐ వద్ద ఆధారాల్లేవు. కానీ... ఈ కేసునంతటినీ జగన్‌వైపు తిప్పడం ద్వారా రాజకీయ లబ్ధిని పొందేందుకు చంద్రబాబు ప్రయత్నిస్తున్నార‌ని స‌జ్జ‌ల ఆరోపించారు.  వివేకానంద‌రెడ్డి హ‌-త్య కేసుని సీబీఐకి ఇవ్వాల‌ని తొలిగా డిమాండ్ చేసింది జ‌గ‌న్ రెడ్డి. అటువంటి జ‌గ‌న్ రెడ్డిని కాపాడేందుకు అనుకుని అదే సీబీఐపై ఆరోప‌ణ‌లు చేస్తున్నారు స‌ల‌హాదారుడు స‌జ్జ‌ల రామ‌కృష్ణారెడ్డి. కేంద్ర ప్ర‌భుత్వంతో వైఎస్ జ‌గ‌న్ రెడ్డికి స‌త్సంబంధాలు ఉన్నాయ‌ని దేశ‌మంత‌టికీ తెలుసు. ఏపీ ప్ర‌యోజ‌నాలు కూడా కాద‌నుకుని, కేంద్రం చెప్పిన‌ట్ట‌ల్లా త‌లూపే జ‌గ‌న్ రెడ్డిని కాద‌ని కేంద్రంలో బీజేపీ చేతిలో ఉన్న సీబీఐ చంద్ర‌బాబు మాట వింటోంద‌ని చెప్ప‌డంపై వైసీపీలోనే విమ‌ర్శ‌లు వెల్లువెత్తుతున్నాయి. కేంద్ర ప్ర‌భుత్వ ఆధీనంలో ఉన్న సీబీఐని మేనేజ్ చేస్తున్న చంద్ర‌బాబు చివ‌రికి గూగుల్ ని మేనేజ్ చేస్తున్నార‌న‌డం వైసీపీ నేత‌లే కాదు, మ‌ద్ద‌తు మీడియా సంస్థ‌లే ల‌బోదిబోమంటున్నాయి.

ఏపీలో చాలా శాంతి భ‌ద్ర‌త‌లు చాలా ఘోరంగా ఉన్నాయ‌ని చంద్ర‌బాబు ప‌దే ప‌దే ఆరోపిస్తున్నారు. గ‌న్న‌వ‌రం ఘ‌ట‌న‌ల నేప‌థ్యంలో పోలీసు శాఖ‌ని మూసేయండి, లేదంటే వైసీపీలో విలీనం చేయండంటూ ఘాటుగా ట్వీటు చేశారు. చంద్ర‌బాబు ఆవేద‌న‌లో అర్థం ఉంది. టిడిపి ఆఫీసు పోలీసుల స‌మ‌క్షంలోనే వంశీ అనుచ‌రులు త‌గ‌ల‌బెట్టేశారు. పోలీసులే టిడిపి ఆఫీసులో దొంగ‌త‌నం చేశారు. చివ‌రికి టిడిపి నేత‌లు త‌మ‌పై దాడి చేశారంటూ పోలీసులే ఫిర్యాదులు చేసుకుని వారే అరెస్టు చేశారు. రాష్ట్రంలో  ప‌రిస్థితులు దిగ‌జారిపోయాయ‌ని, శాంతిభ‌ద్ర‌త‌లు పూర్తిగా ప్ర‌భుత్వ పెద్ద‌ల క‌నుస‌న్న‌ల్లో ఉన్నాయ‌నేందుకు గ‌న్న‌వ‌రం ఘ‌ట‌న‌లే సాక్ష్యం అంటున్నారు. అయితే గ‌న్న‌వ‌రం ఘ‌ట‌న‌లో ప‌ట్టాభి, తెలుగుదేశం నేత‌లనే కాదు.. వారికి మ‌ద్దతుగా వెళ్లిన న్యాయ‌వాదిపైనా అక్ర‌మ కేసులు బ‌నాయించేశారు. న్యాయ‌వాది గూడ‌పాటి ల‌క్ష్మీనారాయ‌ణ త‌మ విధుల‌కి ఆటంకం క‌లిగించార‌ని, త‌మ‌పైనే దాడుల‌కు య‌త్నించార‌ని పోలీసులే కేసులు బ‌నాయించారు. దీనిపై విజయవాడ  బార్ అసోసియేషన్ దగ్గర న్యాయవాదులు ఆందోళన నిర్వ‌హించారు.  న్యాయవాది గూడపాటి లక్ష్మీనారాయణపై పోలీసులు అక్రమ కేసు పెట్టారని, దీనికి నిర‌స‌న‌గా విధులు బహిష్కరించారు.  లక్ష్మీనారాయణపై నమోదు చేసిన‌ కేసును ఉపసంహరించుకోవాలని డిమాండ్ చేశారు.

సిఐడి మాజీ డీజీ సునీల్ కుమార్ పై చర్యలు తీసుకోవాలని, రాష్ట్ర ప్రభుత్వ ప్రధాన కార్యదర్శి జవహర్ రెడ్డి, డీజీపీ రాజేంద్ర నాద్ రెడ్డికి నిన్న లేఖ రాసారు. సిఐడి డీజీగా సునీల్ కుమార్ ఉన్న సందర్భంలో అక్రమ నిర్బంధాలు, తెలుగుదేశం పార్టీ నేతల పై అక్రమ కేసులు, థర్డ్ డిగ్రీ ప్రయోగంతో పాటుగా, సుప్రీం కోర్టు ఇచ్చిన తీర్పుకి వ్యతిరేకంగా పలు నిబంధనలను ఉల్లంఘిస్తూ, చట్టం, రాజ్యాంగ నిబంధనలు ఉల్లంఘించారు అని, ఎంపీ రఘురామరాజుతో పాటు పలువిరి పై థర్డ్ డిగ్రీ ప్రయోగించారని, కేంద్ర హోంశాఖకు లాయర్ గూడపాటి లక్ష్మీనారాయణ ఫిర్యాదు చేసారు. ఈ ఫిర్యాదు పై స్పందించిన కేంద్ర హోంశాఖ, ఈ నెల 3న రాష్ట్ర ప్రభుత్వ ప్రధాన కార్యదర్శికి లేఖ రాసి, సునీల్ కుమార్ పై చర్యలు తీసుకోవాలని ఆదేశాలు ఇచ్చింది. కేంద్రం ఇచ్చిన ఆదేశాలు ప్రకారం, చీఫ్ సెక్రటరీ నిన్న డీజీపీకి లేఖ రాసి, వెంటనే నిబంధనలు ప్రకారం సునీల్ కుమార్ పై చర్యలు తీసుకోవాలని ఆదేశాలు ఇచ్చారు. అయితే ఇప్పటికే సునీల్ కుమార్ ని సిఐడి డీజీ నుంచి తప్పించి, ప్రసుత్తం ఎలాంటి పోస్టింగ్ ఇవ్వకుండా ఉంచిన సంగతి తెలిసిందే. అయితే, నిబంధనలు అతిక్రమించిన ఎవరైనా, చివరకు ఇలా బలి అవ్వాల్సిందే అనే దానికి ఇది మరో ఉదాహరణ