news

వైఎస్ వి-వే-క హ-త్య కే-సు-లో సిబిఐ వాళ్ళు వచ్చారు. కడప, పులివెందులలో హడావిడి చేసారు, వెళ్ళిపోయారు. మళ్ళీ వస్తారు అనుకుంటే, 20 రోజులు గడుస్తున్నా అడ్రెస్ లేరు. ఎందుకు మధ్యలో వెళ్ళిపోయారు, మళ్ళీ ఎందుకు రాలేదు, మళ్ళీ ఎప్పుడు వస్తారు అనేది, కడప జిల్లాలో ఇప్పుడు హాట్ టాపిక్ నడుస్తున్న చర్చ. ఈ కేసు విచారణను హైకోర్ట్ ఆదేశాలతో, సిబిఐకి అప్పచెప్పారు. దీంతో సిబిఐ ఈ కేసు పై దర్యాప్తు చేపట్టింది. గత నెల 17న సిబిఐ బృందాలు, ఈ కేసు విచారణ మొదలుపెట్టాయి. విచారణ నిమిత్తం, సిబిఐ కడపకు వచ్చింది. జూన్ 17 నుంచి దాదాపుగా రెండు వారాలు, ఈ విచారణ చేసారు. కడపతో పాటుగా, పులివెందులలో కూడా ఈ విచారణ కొనసాగింది. ప్రధాన నిందితులు, కీలక సాక్ష్యులను, సిబిఐ, ఈ సమయంలో విచారణ చేసింది. వి-వే-క కూతురు సునీతను, పలుమార్లు సిబిఐ ప్రశ్నించింది. సునీత కూడా ఒక బ్యాగ్ నిండా ఆధారాలు తీసుకు వచ్చి, సిబిఐకి అప్పచేప్పారనే వార్తలు, ఫోటోలు వచ్చాయి. అయితే సిబిఐ విచారణ దూకుడు చూసి, ఈ కేసు తొందరలోనే ఒక కొలిక్కి వచ్చేస్తుందని, అందరూ భావించారు. సిబిఐ ఇంత వేగంగా విచారణ చెయ్యటంతో, తొందర్లోనే అసలైన వారు దొరికిపోతారని అందరూ అనుకున్నారు.

నిందితులు, సాక్ష్యులను విచారణ చేసిన తీరు కూడా చాలా స్పీడ్ గా జరిగింది. ముఖ్యంగా తన తండ్రి కేసులో చాలా లేట్ జరుగుతుందని, తీవ్ర జాప్యం చేసే కొద్దీ అసలైన వారు తప్పించుకుంటారు అంటూ, హైకోర్టులో కేసు వేసిన సునీత, పలుమార్లు సిబిఐ ముందు హాజరు అయ్యి, తన వద్ద ఉన్న సమగ్ర సమాచారాన్ని అందించారు. అలాగే కేసులో అనుమనాతులుగా ఉన్న సిఐ శంకరయ్య, వైసిపీ ముఖ్య నేత శంకర్ రెడ్డి, వివేక పీఏ, వంట మనిషి, వాచ్ మెన్ ను సిబిఐ ప్రశ్నించింది. గతంలో వేసిన సిట్ బృందాల చేసిన దర్యాప్తు రిపోర్ట్ లను సిబిఐ తెప్పించుకుని పరిశీలించింది. అలాగే మరికొందరి ముఖ్యులు, ప్రజా ప్రతినిధులను కూడా ప్రశ్నిస్తారనే ప్రచారం కూడా సాగింది. అయితే గత నెలాఖరున సిబిఐ బృందం ఢిల్లీ వెళ్ళిపోయింది. మళ్ళీ వస్తాం అని చెప్పి, సిబిఐ బృందం ఢిల్లీ వెళ్ళిపోయింది. వరుసుగా సెలవులు ఉండటంతో, సెలవలు అయిన తరువాత వస్తారని అందరూ భావించినా, 22 రోజులు అయినా సిబిఐ నుంచి ఎలాంటి సమాచారం లేదు. రెండు వారాల పాటు దడ దడ లాడించి, ఒకేసారి బ్రేక్ పడటంతో, కారణం ఏమిటి అనేదాని పై చర్చ జరుగుతుంది. త్వరలోనే సిబిఐ మళ్ళీ వస్తే, ఈ కేసు ఒక కొలిక్కి వస్తుందని భావిస్తున్నారు.

ఏ రాష్ట్రానికైనా, దేశానికైనా ఉండేది ఒకటే రాజధాని అని ఇప్పటి వరకు మనకు తెలుసు. ఏమైనా ప్రత్యెక పరిస్థతితులు ఉంటే తప్పితే, రెండో రాజధాని అనేది లేదు. అది కూడా అతి తక్కువ మందికి మాత్రమే ఉన్నాయి. ఇక మూడో రాజధాని అనే తుగ్లక్ నిర్ణయం సౌత్ ఆఫ్రికాలో ఉంది. వాళ్ళు కూడా మాది తుగ్లక్ నిర్ణయం అని గ్రహించి, ఒకటే రాజధాని కోసం, పార్లమెంట్ లో చర్చలు జరిపారు కూడా. ఇక ఆంధ్రప్రదేశ్ రాష్ట్రంలో మూడు రాజధానుల విషయం వింటున్నాం. అయితే ఇది రాజకీయ ఎత్తుగడ అనేది అందరికీ తెలిసిందే. కర్నూల్ కు హైకోర్టు వెళ్ళేది రాష్ట్రము చేతిలో ఉండదు. ఇక అమరావతిలో అసెంబ్లీ పెట్టినా పెట్టకపోయినా ఒక్కటే. అమరావతి నుంచి వైజాగ్ వెళ్ళటానికి మాత్రమే, ఈ మూడు రాజధానుల ఎత్తుగడతో ఏపి ముందుకు వచ్చింది. అయితే ఈ మూడు రాజధానులతో, వచ్చే ఎన్నికల్లో మనం కూడా ఓట్లు సంపాదించుకోవచ్చు అనుకున్నారో ఏమో, తమిళనాడులోని అధికార అన్నాడీఏంకే పార్టీ నేతలు, మూడు రాజధానుల రాగం ఎత్తుకున్నారు. ఇప్పటికే ఉన్న చెన్నై రాజధానితో పాటు మరో రెండు రాజధానులు ఉంటే బాగుంటుంది అంటూ డిమాండ్ చేస్తున్నారు.

చెన్నై మొదటి రాజధాని అయితే, రెండో రాజధాని మధురై ని, మూడు రాజధాని తిరుచ్చిని ప్రకటించాలని తమిళనాడు అధికార పార్టీ నేతలు డిమాండ్ చేస్తున్నారు. అయితే మొన్నటి దాక, ఒకరిద్దరు చేసిన ఈ డిమాండ్, ఇప్పుడు ఎక్కువ మంది ప్రస్తావించే స్థాయికి వెళ్ళింది. అధికార పార్టీ కావటంతో, అన్నాడీఏంకే, మూడు రాజధానుల ప్రకటన చేసి, వచ్చే ఎన్నికలకు వెళ్తుంది అని అందరూ భావించారు. అయితే ఈ మూడు రాజధానుల రాగాలకు ఫుల్ స్టాప్ పెడుతూ, తమిళనాడు ముఖ్యమంత్రి స్పందించారు. ఒకింత ఆగ్రహం వ్యక్తం చేస్తూ, అసలు మూడు రాజధానుల ప్రస్తావనే లేదని, మధురైను రెండో రాజధాని చెయ్యాలన్న వాదనలతో పస లేదని, ఇంకా మూడో రాజధాని ప్రస్తావన ఎందుకు వస్తుంది అంటూ ఘాటుగా స్పందించారు. అవి పార్టీలోని వ్యక్తులు చేస్తున్న వ్యక్తిగత కామెంట్స్ అని, మంత్రులు ఇలా మాట్లాడవద్దు అంటూ ఆగ్రహం వ్యక్తం చేసారు. రెవెన్యూ మంత్రి ఉదయ్ కుమార్, మంత్రి నటరాజన్ రెండో రాజధాని, మూడో రాజధాని ప్రస్తావన తేవటం, కాంగ్రెస్ కూడా ఇందుకు మద్దతు తెలపటంతో, అలెర్ట్ అయిన తమిళనాడు ముఖ్యమంత్రి, ఈ ఆలోచనలే లేదని తేల్చి చెప్పారు.

ఆంధ్రప్రదేశ్ ప్రభుత్వం ప్రతిపాదించిన రాయలసీమ ఎత్తిపోతల పధకం ప్రాజెక్ట్ అనుమతుల పై పునర్విచారణకు నేషనల్ గ్రీన్ ట్రిబ్యునల్ అంగీకరించింది. పర్యావరణ అనుమతులు అవసరం లేదు అంటూ, సంయుక్త కమిటీ ఇచ్చిన నివేదిక పై తమ పరిశీలనలో అభ్యంతరాలు తెలియ చేసేందుకు, కేసు పై తిరిగి విచారణ జరపాలని తెలంగాణా ప్రభుత్వం అభ్యంతరం దాఖలు చేసింది. దీని పై విచారణ జరిపిన నేషనల్ గ్రీన్ ట్రిబ్యునల్ సభ్యులు, జస్టిస్ రామకృష్ణన్, సబల్ దాస్ గుప్తాలతో కూడిన ధర్మాసనం, విచారణ చేపట్టేందుకు ఒప్పుకుంది. సీమ ప్రాజెక్ట్ ల పై పునర్విచారణకు నేషనల్ గ్రీన్ ట్రిబ్యునల్ సిద్ధం అయ్యింది. అయితే దీని పై ఆంధ్రప్రదేశ్ తరుపు లాయరు తీవ్ర అభ్యంతరం తెలియ చేసారు. కమిటీ నివేదిక పై పిటీషనర్ అభ్యంతరాలు, పరిశీలనలు చెప్పినప్పుడు, తెలంగాణా ప్రభుత్వానికి ఏమైందని ప్రశ్నించారు. ఇదంతా కుట్ర పూరితంగా చేస్తున్నారని ఆరోపించారు. పిటీషనర్, తెలంగాణా ప్రభుత్వం కుమ్మక్కు అయ్యింది అంటూ ఆరోపించారు. పిటీషనర్ లేవనెత్తిన అంశాలనే తెలంగాణా ప్రభుత్వం ప్రస్తావించిందని, పిటీషనర్ కు తెలంగాణా ప్రభుత్వం మద్దతు ఇస్తుందని చెప్పారు.

ఈ ప్రాజెక్ట్ ను ఆపటం కోసం, ఉద్దేస పూర్వకంగా, నేషనల్ గ్రీన్ ట్రిబ్యునల్, సుప్రీం కోర్టులలో పిటీషన్లు దాఖలు చేస్తున్నారని ఆరోపించారు. అయితే ఆంధ్రప్రదేశ్ ప్రభుత్వ న్యాయవాది, వాదనల పై జోక్యం చేసుకున్న ట్రిబ్యునల్ తెలంగాణా తరుపున కుడా వాదనలు వింటామని చెప్పింది. లేకపోతె తమకు వాదనలకు అవకాసం ఇవ్వలేదు అంటూ, తెలంగాణా ప్రభుత్వం సుప్రీంకు వెళ్తుందని ధర్మాసనం వ్యాఖ్యలు చేసింది. దీని పై స్పందించిన పిటీషనర్ తరుపు న్యాయవాది, మళ్ళీ విచారణ జరిపే బదులు, తెలంగాణా ప్రభుత్వ వాదనలను, అభ్యంతరాలను రాతపూర్వకంగా స్వీకరించాలాని తెలిపారు. వాటిని పరిగణలోకి తీసుకుని తీర్పు ఇవ్వాలని కోరారు. అయితే, ఈ కేసులో ఈ నెల 28న తుది వాదనలు వింటామని, నేషనల్ గ్రీన్ ట్రిబ్యునల్ తెలిపింది. దాంతో పాటు, తదుపరి విచారణను ఆ తేదీకి వాయిదా వేసింది. ఇక మరో పక్క ఈ నెల 25 న జరగాల్సిన అపెక్స్ కమిటీ సమావేశం కూడా వాయిదా పడింది. మొత్తంగా, సీమ ప్రాజెక్టుల విషయంలో, ఎన్నో కబ్రులు చెప్పిన కేసీఆర్, గతంలో చంద్రబాబుకు అడ్డు పడినట్టే, ఇప్పుడు కూడా అడ్డు పడుతున్నారు. మరే కేసీఆర్ ని వెనకేసుకుని వస్తున్నా జగన్ గారికి ఇప్పటికైనా అర్ధం అయ్యిందో లేదో ?