news

ఐపీఎస్ అధికారి మాదిరెడ్డి ప్రతాప్ ఇటీవల చేసిన వ్యాఖ్యలు కలకలం రేపాయి. ఆర్టీసీ ఎండీ బాధ్యతలు నుంచి తప్పుకుంటూ, ఆయన మీడియా సమావేశం నిర్వహించారు. ఈ సమావేశంలో, ఆయన ప్రభుత్వం పై పెద్దగా విమర్శలు కూడా ఏమి చెయ్యలేడు. నా బదిలీ ప్రభుత్వ విజ్ఞతకే వదిలేస్తున్నా అని అన్నారు. అయితే ఆ వ్యాఖ్యల పై సమాధానం చెప్పాలి అంటూ, మాదిరెడ్డి ప్రాతాప్ కు, చీఫ్ సెక్రెటరి షోకాజ్ నోటీసులు జరీ చేసారు. ఆ వ్యాఖ్యలు ఎందుకు చేసారో, ఆ కారణాలు ఏడు రోజుల్లో చెప్పాలని, ఆ షోకాజ్ నోటీసులో తెలిపారు. అంతే కాదు, ఏడు రోజుల్లో సమాధానం కనుక చెప్పకపోతే, క్రమశిక్షణా చర్యలు తీసుకుంటామని, అందులో తెలిపారు. అంతే కాకుండా, ఆయన్ను జీఏడీకి రిపోర్ట్ చెయ్యాలని ఆదేశించింది. ఇటీవల జరిగిన బదిలీలలో, అయనను ఆర్టీసీ ఎండీ పదవి నుంచి, ఏపీఎస్పీ బెటాలియన్ డీజీగా ప్రతాప్ ను బదిలీ చేసారు. ఇది జరిగి రెండు రోజులు కూడా కాక ముందే, ఆయన్ను మళ్ళీ బదిలీ వేటు వేసి, జీఏడీకి రిపోర్ట్ కావాలని ఆదేశించింది.

ఇటీవల జరిగిన మీడియా సమావేశంలో, ఆయన మాట్లాడుతూ, తాను రాజశేఖర్ రెడ్డి హయంలో, కీలక శాఖలో పని చేసానని, ఎక్కడా తన పై చెడు రిమర్క్ లేదని, ఎంతో మంది అధికారులు అప్పట్లో సిబిఐ దర్యాప్తు ఎదురుకుంటే, తనపై వేలు ఎత్తి చూపించలేదని గుర్తు చేసారు. మొన్నే విజయమ్మ, వైఎస్ఆర్ జయంతి రోజు పంపిన కేకు తిన్నానని, ఇప్పుడు ఆర్టీసీ ఎండీ పదవి నుంచి, వేరే చోటుకు బదిలీ చేసారని అన్నారు. తాను ఆర్టీసీలో చేసిన సంస్కరణలు చెప్పుకొచ్చారు. ఇన్ని చేసినా తనను ఎందుకు బదిలీ చేసారో అర్ధం కాలేదని, ప్రభుత్వ విజ్ఞతకే వదిలేస్తున్నాని మాదిరెడ్డి ప్రతాప్ అన్నారు. ఇదే వ్యాఖ్యలు, ప్రభుత్వం తప్పుగా భావించి, క్రమశిక్షణా చర్యలకు ఉపక్రమించింది. అలాగే మెట్రో ట్రైన్ లాగానే, మెట్రో బస్ అనే కొత్త కాన్సెప్ట్ రెడీ చేస్తున్నా అని, ఇది తరువాత వచ్చే వాళ్ళు, కొనసాగించాలి అంటూ, ఆయన చేసిన ఈ వ్యాఖ్యల పై కూడా ప్రభుత్వం సీరియస్ గా ఉన్నట్టు తెలుస్తుంది. అయితే రాజశేఖర్ రెడ్డికి అత్యంత సన్నిహితుడుగా ఉన్న మాదిరెడ్డి ప్రతాప్ ను, ఇలా రెండు రోజుల్లోనే, రెండు సార్లు బదిలీ చెయ్యటం, షోకాజ్ నోటీస్ ఇవ్వటం సంచలనంగా మారాయి. మరి ఆయన ఏమి చేస్తారో చూడాలి.

ఇటీవల వైఎస్ రాజశేఖర్ రెడ్డి జయంతి సందర్భంగా, నాలో-నాతో వైఎస్ఆర్ అంటూ, వైఎస్ విజయమ్మ ఒక పుస్తకం రాసిన విషయం తెలిసిందే. ఈ పుస్తకంలో, జ్ఞాపకాలు అన్నీ పొందుపరిచారు. వైఎస్ కుటుంబానికి సంబంధించి బయటకు తెలియని విషయాలు అందులో ప్రస్తావించారు. అయితే ఇలా ఉండగా, ఈ పుస్తకంలోని 237వ పేజీలో, విజయమ్మ చెప్పిన ఓ విషయం చర్చనీయంసంగా మారింది. తప్పుని తప్పుగా, ఒప్పుని ఒప్పుగా చూపించేందుకు, ఒక పేపర్ ఉండాలని, నాడు సాక్షి పేపర్ పుట్టుకొచ్చిందని, ఆ సందర్భంలో, వైఎస్ఆర్ కి, జగన్ కి జరిగిన సంభాషణ పంచుకున్నారు. సాక్షి పెట్టిన కొత్తలో, వైఎస్ఆర్ తో జగన్ మాట్లాడుతూ, నాన్నా ప్రభుత్వం చేస్తున్న తప్పులు, సిస్టం ఫెయిల్యూర్ మన సాక్షిలో రాయవచ్చా అని జగన్ అడిగారు అంట. దీనికి సమాధానం ఇస్తూ, సాక్షిని ప్రజల మనస్సాక్షిగా తీర్చి దిద్దు అన్నారు అంట, వైఎస్ఆర్. ప్రభుత్వం తప్పులు ఎత్తి చూపిస్తేనే కదా, ప్రభుత్వం వాటిని గుర్తించి సరి చేసుకుంటుంది, ప్రజలకు మేలు జరుగుతుంది అని అన్నారు అంట.

నాడు రాజశేఖర్ రెడ్డి చెప్పిన మాటలని, జగన్ ఇప్పటికీ నమ్ముతారని, పాత్రికేయ విలువలు, నిజాన్ని నిర్భయంగా రాస్తూ, నేటికీ జగన్ అలాగే ఉన్నారని విజయమ్మ రాసారు. ఇదంతా బాగానే ఉంది కాని, ఇప్పుడు ప్రభుత్వంలో ఉన్న జగన్ చేస్తున్న దానికి, విజయమ్మ పుస్తకంలో రాసిన దానికి పూర్తి విరుద్ధంగా కనిపిస్తుంది. సిస్టం ఫెయిల్యూర్ గురించి రాయొచ్చా అని నాడు తన తండ్రిని అడిగిన జగన్, ఇప్పుడు తానూ అధికారంలోకి రాగానే, జీవో 2430 తీసుకొచ్చి, మీడియాను ఎలా కట్టడి చేస్తున్నారో చూస్తున్నాం. ప్రభుత్వ తప్పులు ఎత్తి చూపే మీడియా పై ఎందుకు ఆంక్షలు పెడుతున్నారు. ఒక కధనం ప్రసారం చేసిన జర్నలిస్ట్ మూర్తి పై సిఐడి కేసు ఎందుకు పెట్టారు ? ప్రభుత్వం చేసే తప్పులు చెప్తున్న ప్రతిపక్ష నాయకుడు చంద్రబాబుకు నోటీసులు ఎందుకు ఇచ్చారు ? సోషల్ మీడియాలో ప్రభుత్వానికి వ్యతిరేకంగా మాట్లాడితే ఎందుకు అరెస్ట్ చేపిస్తున్నారు, లాంటి ప్రశ్నలు వస్తున్నాయి. నాడు రాజశేఖర్ రెడ్డి చెప్పిన మాటలు, జగన్ మర్చిపోయారా ? చూద్దాం, ఇప్పటికైనా విమర్శని తట్టుకునే ఓర్పు వస్తుందేమో..

ఆంధ్రప్రదేశ్ తమిళనాడు సరిహద్దులో, భారీగా నగదు పట్టుబడింది. వైసీపీ మంత్రి స్టిక్కర్ ఉన్న ఫోర్చ్యునర్ కారులో, రూ.5.22 లక్షలను ఆంధ్రప్రదేశ్ నుంచి తమిళనాడు తరలిస్తూ ఉండగా, తమిళనాడు పోలీసులు పట్టుకున్నారు. అయితే ఈ కారు పై మంత్రి బాలినేని శ్రీనివాస రెడ్డి స్టిక్కర్ ఉండటం గమనార్హం. దీంతో ఈ నగదును, తమిళనాడు పోలీసులు, ఐటి శాఖ అధికారులకు అప్పచెప్పారు. మామూలు తనిఖీల్లో భాగంగా, ఏపి తమిళనాడు బోర్డర్ లో కారుని తమిళనాడు పోలీసులు ఆపారు. ఈ సమయంలో, కారులో ఉన్న ప్రకాశం జిల్లాకు చెందిన వ్యక్తులు, తాము చెన్నై వెళ్ళాలి అంటూ, పోలీసుల పై ఒత్తిడి తెచ్చారు. అయితే రాత్రి పూట పంపించం అని తమిళనాడు పోలీసులు చెప్పటంతో, ప్రకాశం జిల్లా అధికార పార్టీ ప్రజా ప్రతినిధులతో ఫోన్ చేయించారు. దీంతో వ్యవహారం తేడాగా ఉందని, అనుమానం పడిన తమిళనాడు పోలీసులు, కారుని తనిఖీ చెయ్యగా, భారీగా డబ్బు కనుగున్నారు. దీంతో, కారు సీజ్ చేసిన అధికారులు, కారులో ఉన్న ముగ్గురుని పోలీసులు అదుపులోకి తీసుకున్నారు. నగదుని ఐటి శాఖకు అప్పచెప్పటంతో, ఐటి అధికారులు రంగంలోకి దిగారు.

నిన్న రాత్రి తమిళనాడు మీడియా మొత్తం, ఇది ఆంధ్రప్రదేశ్ మంత్రి డబ్బుగా ప్రచారం చేసారు. అయితే దీని పై నిన్న రాత్రి వివరణ ఇచ్చిన బాలినేని, ఇది తన కారు కాదని, ఆ వ్యక్తులతో కూడా తనకు సంబంధం లేదని, తన స్టిక్కర్ ను ఫోటో స్టాట్ తీసి ఎవరో వాడుకున్నారని చెప్పుకొచ్చారు. అయితే ఇక్కడే మరో ట్విస్ట్ బయటకు వచ్చింది. ఈ నగదు మొత్తం, ఒంగోలులో వైసీపీలో క్రియాశీలకంగా ఉండే ఒక బంగారు వ్యాపారిది అనే ప్రాధమికంగా తేల్చారు. ఈ డబ్బు తరలించటానికి, రెండు వాహనాలు ఉపయోగించారని, ఒకటి ఒంగోలు నుంచి తమిళనాడు చెక్ పోస్ట్ వరకు, మరొకటి అక్కడి నుంచి చెన్నై వరకు మరో వాహనం ఉపయోగించారని తెలిసింది. అయితే ఇది కేవలం అక్రమంగా బంగారం కొనటానికేనా, లేక ఈ నగదు ఎందుకు ఉపయోగిస్తున్నారు అనే వ్యవహరం పై మరింత కూపీ లాగుతున్నారు. ఒక మంత్రి స్టిక్కర్ ఉన్న కారు, నేషనల్ హైవే పై ధైర్యంగా తిరుగుతున్నారు అంటే, దీని వెనుక ఉన్నది ఎవరు అనేది, ఐటి, తమిళనాడు అధికారులు తేల్చనున్నారు. మరో పక్క టిడిపి నేతలు మాత్రం, ఇది బాలినేని డబ్బే అని, మద్యం ముడుపులు డబ్బులు అంటూ ఆరోపణలు చేస్తున్నారు. మరి నిజం ఏమిటో అధికారులే చెప్పాలి.