news

రాష్ట్ర సాగునీటి చరిత్రలో గడిచిన తెలుగుదేశం ఐదేళ్ల పాలన స్వర్ణయుగంగా నిలిచిపోతుంది. ఐదేళ్ల పాలనలో చంద్రబాబు గారు ఇరిగేషన్ శాఖలో రూ. 63,373 కోట్లు ఖర్చు చేయగా.. చివరి ఏడాదిలో కూడా రూ.13,988 కోట్లు వెచ్చించారు. మేజర్, మైనర్, మీడియం ఇరిగేషన్, లిఫ్ట్ ఇరిగేషన్, పోలవరం ప్రాజెక్టు, డెల్టా మోడ్రనైజేషన్, ఫ్లడ్ బ్యాంక్, నీరు-చెట్టు.. ఇలా అన్ని పనులలో కలిపి రూ.63,373 కోట్లు ఖర్చు చేయడమైనది. తెలుగుదేశం హయాంలో 62 సాగునీటి ప్రాజెక్టులు ప్రారంభించగా.. 23 ప్రాజెక్టులు పూర్తిచేయడమైనది. 26 ప్రాజెక్టులు ఆన్ గోయింగ్ లో ఉన్నాయి. వైకాపా ప్రభుత్వం డబ్బా కొట్టుకుంటున్న మాచర్ల లిఫ్ట్ వరికశలపూడి కూడా తెలుగుదేశం హయాంలో 61 ప్రాజెక్టుగా చేపట్టడం జరిగింది. గోదావరి-పెన్నా అనుసంధానం మొదటి ఫేజ్ కూడా టెండర్లు పిలిచి.. పల్నాడు ప్రాంతంలో చంద్రబాబు గారి చేతులమీదుగా శంకుస్థాపన చేయడంతో పాటు పనులు కూడా ప్రారంభించాం. వైకాపా అధికారంలోకి వచ్చిన 12 నెలల్లో ఆ పనులన్నింటినీ రద్దు చేశారు. తెలుగుదేశం ప్రభుత్వం చేపట్టిన 62 ప్రాజెక్టుల వల్ల 20,19,053 ఎకరాల కొత్త ఆయకట్టు, 45,09,124 ఎకరాలు స్థిరీకరించిన ఆయకట్టు వస్తుంది. వైకాపా నాయకులు పట్టిసీమను ఒట్టిసీమ అన్నారు, అధికారంలోకి రాగానే పట్టిసీమ పంపులు పీకేస్తామన్నారు. ఇప్పుడు అదే పట్టిసీమ వారికి దిక్కయింది. ప్రతిపక్షంలో ఉండగా పట్టిసీమకు భూములను ఇస్తున్న రైతులను రెచ్చగొట్టే ప్రయత్నం చేశారు. టీడీపీ నాయకుల దిష్టిబొమ్మలను దహనం చేశారు. వైకాపా ఎన్ని అడ్డంకులు సృష్టించినా.. 12 నెలల్లో పట్టిసీమను పూర్తిచేశాం. 8.8 టీఎంసీలతో తొలి ఏడాదే 2,500 కోట్ల పంటను కాపాడాం. పట్టిసీమతో నాలుగేళ్లలో రూ. 44వేల కోట్ల ఉత్పాదక శక్తి జరిగింది. దేవుడి స్క్రిప్ట్ అంటే ఇలాగే ఉంటుంది జగన్మోహన్ రెడ్డి గారు.

గడిచిన ఏడాదిలో శ్రీశైలం ప్రాజెక్టుకి 8 సార్లు వరద వచ్చినా.. 800 టీఎంసీలు సముద్రంలోకి వెళ్లాయి. పులిచింతలలో 45 టీఎంసీలు పెట్టుకునే అవకాశం ఉన్నప్పటికీ.. 30 టీఎంసీలు కూడా నిలబెట్టలేకపోయారు. కనీసం పులిచింతల నుంచి గ్రావిటీతో నీళ్లు తెచ్చుకుని నారుమళ్లు కూడా కాపాడలేని దౌర్భగ్య స్థితి కల్పించారు. ఇది మీ చేతగానితనం కాదా..? కృష్ణా-గుంటూరు జిల్లాలలోని వైకాపా ఎమ్మెల్యేల అనుచరులు నదిలో అడ్డంగా రోడ్లు వేసి మరీ పందికొక్కుల్లా ఇసుకను తవ్వేస్తున్నారు. వారిని ఎందుకు కట్టడి చేయలేకపోతున్నారు..? పట్టిసీమ నీరు మీద చల్లుకొని అయినా మీ పాపాలు కడుక్కోండి. ఏడాది కాలంలో పూలసుబ్బయ్య వెలిగొండ సొరంగం-1 పనులు పూర్తిచేస్తామని గత బడ్జెట్ సమావేశాల ప్రసంగంలో పేర్కొన్నారు. కానీ ఏడాది పాలనలో పూర్తిచేయలేకపోయారు. టన్నెల్ 1, 2 పనులలో అవినీతి జరిగిందని ఆరోపించారు. టన్నెల్ 2 పనులలో రివర్స్ టెండరింగ్ కి పిలిచి.. తిరిగి టన్నెల్ 1 చేసే వారికే అప్పగించారు. తెలుగుదేశం హయాంలో పోలవరం ప్రాజెక్టులో 24 గంటల్లో 32,434 క్యూ.మీ. కాంక్రీట్ వేసి.. గిన్నీస్ రికార్డు సాధించాం. కానీ వైకాపా ప్రభుత్వం రివర్స్ టెండరింగ్ పేరుతో.. నెలల తరబడి ప్రాజెక్టు పనులు నిలిపివేశారు. హంద్రీనీవా మొదటి దశ పనులు పూర్తి చేసి.. చిత్తూరు వరకు నీరు తీసుకెళ్తామన్నారు. ఏడాది కాలంలో ఎంత పనులు జరిగాయో..? ఎన్ని లక్షల క్యూ.మీటర్ల కాంక్రీట్ పని జరిగిందో చెప్పగలరా..? సర్దార్ గౌతు లచ్చన్న తోటపల్లి ప్రాజెక్టులో ఏడాది కాలంలో ఎంత ఖర్చు చేశారో చెప్పగలరా..? 2019-20 లో రూ.13,139 కోట్లు బడ్జెట్ ప్రతిపాదించి.. ఏడాదిలో రూ.4,941 కోట్లు మాత్రమే ఖర్చు చేశారు. ఇందులో మీ అనుయాయులకు ఎంత చెల్లించారు..? ఖర్చు పెట్టిన బడ్జెట్ పై చర్చ జరపకుండా బుగ్గన రాజేంద్రనాథ్ రెడ్డి ఎందుకు పారిపోయారు..? ఏడాది కాలంలో చేసిన పనులు చెప్పుకోలేక కరోనాను అడ్డం పెట్టుకుని అసెంబ్లీ సమావేశాలలో చర్చలు లేకుండా చేశారు. సమాధానం చెప్పకుండా బుగ్గన పలాయనం చిత్తగించారు, ఇరిగేషన్ మంత్రి బూతులకే పరిమితమయ్యారు. కనీసం సజ్జల రామకృష్ణారెడ్డి అయినా 5 కోట్ల మంది ఆంధ్రులకు సమాధానం చెబుతారా..?

ఏడాది కాలంలో ప్రభుత్వ కార్యాలయాలకు, స్మశానాలకు రంగులు వేసిన ప్రభుత్వం.. చివరకు బడ్జెట్ పుస్తకాలకు కూడా ఆ రంగులు పులిమింది. 2020-21 బడ్జెట్ లో సాగునీటి రంగానికి ఒక్క పేజీ కూడా కేటాయించలేకపోయారు. చివరకు తెలుగుదేశం ప్రభుత్వం చేపట్టిన ప్రాజెక్టులకు మీ పేర్లు పెట్టుకోవడం సిగ్గుచేటు. ప్రకాశం బ్యారేజీ ఎగువన 10 టీఎంసీల నీరు నిలబెట్టే.. వైకుంఠపురం బ్యారేజీ పనులని బుద్ధిలేకుండా క్యాన్సిల్ చేశారు. పెన్నా నదిలో వైకాపా రాబంధుల ఇసుక దోపిడీ వల్ల వందల అడుగుల లోతున ఉన్న శివాలయం బయటపడింది. మూడు పాయలుగా గోదావరి జలాలను శ్రీశైలం తీసుకెళ్తానన్న జగన్మోహన్ రెడ్డికి.. ఏడాది తర్వాత జ్నానోదయం అయింది. ఇప్పటికీ ఆయనకు తెలుగుదేశం ప్రభుత్వం చేపట్టిన ప్రాజెక్టులు, చేసిన పనులు కనిపించాయి. గతేడాదితో పోలిస్తే ఈ ఏడాది సాగునీటి రంగానికి బడ్జెట్ లో తక్కువగా రూ. 11,805 కోట్లు కేటాయించారు. ప్రజావేదిక కూల్చివేతతో పాలన ప్రారంభించి.. వ్యవస్థలన్నింటినీ నాశనం చేశారు. రైతులు కన్నీళ్లు పెడుతున్నా.. ధాన్యం కొనుగోళ్లకు సంబంధించి రూ.1,246 కోట్ల బకాయిలు చెల్లించడం లేదు. పౌర సరఫరాల శాఖ మంత్రి బూతులు తిట్టడమే తప్ప.. ఆయనకు రైతులకు బకాయిలు చెల్లించాలన్న ఆలోచన లేదు. సుబాబుల్ రైతులను పట్టించుకోవడం లేదు.

పొగాకు రైతును దోపిడీ చేస్తున్నారు. పసుపు కొనే పరిస్థితి లేదు. దళారులు మిర్చి రైతును దోచేస్తున్నారు. ధరల స్థిరీకరణ నిధి రూ.3వేల కోట్ల నుంచి.. 12 నెలల్లో కనీసం రూ. 700 కోట్లు ఖర్చు చేయలేదు. పెట్టిన ఖర్చు కూడా ఎక్కడ వెచ్చించారో చెప్పలేని స్థితిలో ఉన్నారు. కోర్టులంటే జగన్మోహన్ రెడ్డి ప్రభుత్వానికి లెక్కలేదు. రాజ్యాంగ వ్యవస్థలను విచ్ఛిన్నం చేస్తున్నారు. ఫోర్త్ ఎస్టేట్ మీడియాపై కూడా దాడులు చేస్తున్నారు. వాస్తవాలను ప్రజలకు చెప్పినందుకు టీవీ 5 నాయుడు గారిని, జర్నలిస్ట్ మూర్తిని సీఐడీ కార్యాలయానికి పిలిపించి బెదరించే ప్రయత్నం చేశారు. మీ నిర్వాకాల వల్ల పోలీస్ ఉన్నతాధికారుల నుంచి చీఫ్ సెక్రటరీ వరకు కోర్టు బోనులో నిలబడే పరిస్థితి వచ్చింది. సీఆర్డీఏ రద్దు బిల్లును శాసనసభలో మరలా ప్రవేశపెట్టడంతో.. మనోవేధనతో చిలకా సాంబశివరావు అనే అమరావతి రైతు గుండెపోటుతో మరణించారు. రాజధానిలో 66 మంది రైతులు చనిపోతే.. కనీసం ఒక్క ఎమ్మెల్యే అయినా వారిని పరామర్శించారా..? ప్రజారాజధాని అమరావతిని కాపాడుకోవడం కోసం 185 రోజులుగా వారు చేస్తున్న ఉద్యమం మీ కళ్లకు కనిపించడం లేదా..? జగన్మోహన్ రెడ్డి ప్రభుత్వానికి ధైర్యముంటే.. మండలిలో జరిగిన వీడియో ఫూటేజీని బయటపెట్టాలి. అప్పుడే మంత్రులు మాట్లాడిన బూతు పదజాలం, తెలుగుదేశం సభ్యులను ఎగిరెగిరి తన్నిన దృశ్యాలు చూసి ప్రజలు వాస్తవాలను గ్రహిస్తారు.

తెలుగుదేశం పార్టీ ఎమ్మెల్సీ బీద రవిచంద్ర యాదవ్ నిన్న శాసనమండలిలో జరిగిన విషయం పై, ప్రెస్ మీట్ పెట్టి క్లారిటీ ఇచ్చారు. "మండలిలో ద్రవ్య వినిమయ బిల్లు ఆమోదించడానికి తెదేపా ఇబ్బంది పెట్టిందని మంత్రులు ఆరోపించడం పూర్తిగా వాస్తవ విరుద్ధం. మంగళవారం మండలిలో జరిగిన సంఘటనల వీడియో పుటేజీని బయటకు విడుదల చేస్తే మంత్రుల దాడి వ్యవహారం బట్టబయలవుతుంది. గతంలో చైర్మన్ , నిన్న డిప్యూటీ చైర్మన్ లపై మంత్రులు ఒత్తిడికి గురి చేశారన్నది నిజం. తెదేపా సభ్యులు దీపక్ రెడ్డి, మంతెన సత్యనారాయణ రాజులను మంత్రులు బజారులో మాట్లాడుకునే బూతులు మాట్లాడారు. మంత్రుల మాటలు, ప్రవర్తన అసహ్యకరంగా ఉంది. సభ్యసమాజం తలవంచుకునేలా మంత్రుల ప్రవర్తన మండలి చరిత్రలో ఏనాడూ చూసి ఉండరు. రాజధాని వికేంద్రీకరణ, సిఆర్డీఏ రద్దు బిల్లులు సెలక్ట్ కమిటీ వద్ద ఉన్నాయి. రాజధాని వికేంద్రీకరణ, సిఆర్డీఏ రద్దు బిల్లులను రాష్ట్రంలోని అన్ని పార్టీలు,ప్రజలు ,మేథావులు వ్యతిరేకిస్తున్నారు. రూల్ 90 ప్రకారం ద్రవ్య వినిమయ బిల్లుపై చర్చించాలని యనమల,డిప్యూటీ చైర్మన్ రెడ్డి సుబ్రహ్మణ్యంలు రెండు గంటలపాటు ప్రాధేయపడినా, మంత్రులు వినలేదు. పిల్లి సుభాష్ చంద్ర బోస్ మాత్రం రూల్ 94 ను ప్రస్తావిస్తూ రాజధాని వికేంద్రీకరణ, సిఆర్డీఏ రద్దు బిల్లులను ప్రవేశ పెట్టడానికి తీవ్రంగా యత్నించారు."

"దాంతో ద్రవ్య వినిమయ బిల్లు చర్చకు రాకుండా మండలి ఆమోదం పొందకుండా నిలిచిపోయు రాజ్యాంగ సంక్షోభం రావడానికి మంత్రులే కారణం. సభలో వ్యతిరేకంగా ప్రవర్తించి తెదేపా సభ్యులు సహకరించలేదని మంత్రులు బయట మాట్లాడటం, ఆరోపించడం ప్రజలను,ఉద్యోగులను తప్పుదారి పట్టించడమే. ఆర్ధిక మంత్రి బుగ్గన ద్రవ్య వినిమయ బిల్లును ప్రవేశ పెట్టడానికి ప్రయత్నిస్తే ఇతర మంత్రులు అడ్డుకొని బయట తెదేపాపై ఆరోపణలు చేయడం దారుణం. వైసీపీ సభా నాయకుడు రూల్ 94 ప్రవేశ పెట్టడంపై లోకేష్ న్యాయ సలహా, తెదేపా పెద్దల సూచనలకు వాట్స్ ఆప్ మెసేజ్లో సమాచారం కోసం ప్రయత్నిస్తుంటే మంత్రులు వెల్లంపల్లి,కన్నబాబులు తెదేపా సభ్యుల వైపు దూసుకు వచ్చారు. లోకేష్ లక్ష్యంగా దాడికి సిద్ధమయ్యారు. స్వయంగా దేవాదాయ మంత్రి వెల్లంపల్లి లోకేష్ పై దాడికి వచ్చారు. ఈసందర్భంలో లోకేష్ కు రక్షణగా నిలబడి మంత్రులను నిలవరించడానికి జరిగిన ప్రయత్నంలో ఇరు వర్గాల మధ్య ఘర్షణ చోటు చేసుకుంది, తోపులాట జరిగింది. "

"మండలిలో ఘర్షణ వాతావరణం చోటు చేసుకోవడానికి దారి తీసిన పరిస్థితులపై ప్రజలకు అవగాహన రావడానికి, వాస్తవం తెలియడానికి వీడియో పుటేజీ లను బహిర్గతం చేయడం తప్పని సరి. మంత్రులు లోకేష్ వైపు వచ్చారో, తెదేపా సభ్యులు మంత్రుల వైపు వెళ్ళారో కూడా తెలుస్తుంది. సభలో మంత్రులు వాడిన భాష దురదృష్టకరం. మంత్రులు తిట్టడంలో విచక్షణ కోల్పోయారు. మంత్రులు బూతులు మాట్లాడటం సభ్యత కాదు. వైసీపీ పెద్దల వద్ద మార్కులు కొట్టేయాలని, గొప్ప వారని పేరు సంపాదించడానికి ప్రయత్నించారు. యనమల దొడ్డిదారిన వచ్చారని మాట్లాడే ముందు వైకాపా సభ్యులైన పిల్లి సుభాష్ చంద్ర బోస్ ,ఉమారెడ్డి ,మోపిదేవి లు దొడ్డిదోవన వచ్చినట్లేనా?సమాదానమివ్వాలి. మండలిలో మంగళవారం జరిగిన ఘర్షణపై పూర్తిస్థాయి వీడియో పుటేజీని బయటపెట్టాలి. మంత్రులు , తెదేపా సభ్యుల మధ్య ఎందుకు తోపులాట జరిగిందో , ఎవరు దూషణలకు పాల్పడ్డారో స్పష్టమవుతుంది. దూషించిన, అభ్యంతరకరంగా ప్రవర్తించిన వైసీపీ సభ్యులపై చర్యలు తీసుకోవాలని డిప్యూటీ చైర్మన్ ను డిమాండ్ చేస్తున్నాం" అని బీద రవిచంద్ర యాదవ్ అన్నారు.

ఈ రోజు ఆంధ్రప్రదేశ్ రాష్ట్రంలో, నాలుగు రాజ్యసభ సీట్లకు ఎన్నికలు జరిగిన విషయం తెలిసిందే. అయితే సంఖ్యా బలం చూస్తే, నాలుగు సీట్లు వైసిపీకే దక్కుతాయి. కాని తెలుగుదేశం పార్టీ మాత్రం, వ్యుహత్మికంగా పోటీకి పెట్టింది. ఇందుకు కారణం రెండు కనిపిస్తున్నాయి. ఒకటి జగన్ మోహన్ రెడ్డి ప్రభుత్వం వచ్చిన దగ్గర నుంచి దళితుల పై జరుగుతున్న దాడులు, డాక్టర్ సుధాకార్ వంటి వారి పై దాడి, ఇలా అనేక విషయాలు జరుగుతూ ఉండగానే, రాజ్యసభలో అవకాసం ఉన్నా, దళితులకు అవకాసం ఇవ్వకపోవటం. ఇప్పటికే విజయసాయి రెడ్డి, వెం రెడ్డి ఉండగా, ఇప్పుడు అయోధ్య రామి రెడ్డి, ఇక్కడ శాసనమండలి రద్దు అవుతుంది ఏమో అని, మంత్రులుగా ఉన్న పిల్లి సుభాష్ చంద్రబోస్, మోపిదేవి, అలాగే మరొక అభ్యర్ధి, రిలయన్స్ సన్నిహితుడు జార్ఖండ్ కు చెందిన పరిమళ నత్వాని. అయితే దళితులకు అన్యాయం చేస్తుందని నిరసిస్తూ, తెలుగుదేశం వర్ల రామయ్యను పోటీకి పెట్టింది. ఇక మరొక కారణం, తెలుగుదేశం పార్టీ రెబెల్ ఎమ్మెల్యేల పై అనర్హత వేటు వెయ్యటం కోసం.

కరణం బలరాం, మద్దాల గిరి, వల్లభనేని వంశీలకు కూడా తెలుగుదేశం పార్టీ విప్ జారీ చేసింది. అయితే, వంశీ, బలరాం, గిరి ప్రెస్ మీట్లు, వీళ్ళు చంద్రబాబు పై పౌరుషంగా మాట్లాడటం, అదే విధంగా జగన్ ని ఆకాశానికి ఎత్తుతూ పొగడటం, మేము జగన్ అభివృద్ధి చూసి జగన్ వైపు వచ్చాం, తెలుగుదేశం పార్టీ పని అయిపొయింది అంటూ చెప్పటం చూసిన వారు, వీరు టిడిపి ఇచ్చిన విప్ ధిక్కరించి, వైసిపీ చెప్పిన అభ్యర్ధికి ఓటు వేసి, జగన్ పై తమ ప్రేమ చూపిస్తారని అందరూ అనుకున్నారు. అయితే వీరి మాటలు అన్నీ బిల్డ్ అప్ వరుకే అని తేలిపోయింది. టిడిపి విప్ ధిక్కరిస్తే, అనర్హులం అవుతాం, ఎమ్మెల్యే పదవి పోతుంది అని ఈ టిడిపి రెబెల్ ఎమ్మెల్యేలు భయపడ్డారో, లేక ఉప ఎన్నికలు వస్తే, ప్రభుత్వ వ్యతిరేకత ఉన్న ఈ సమయంలో, ఇప్పుడు పోటీ చేసే వాతవరణం లేదు అని అధికార పార్టీ భయపడిందో కాని, మొత్తానికి, చెల్లకుండా ఓటు వేసి, ముగ్గురు టిడిపి రెబెల్ ఎమ్మెల్యేలు అనర్హత వేటు నుంచి తప్పించుకున్నారు. దీంతో జగన్ కు మద్దతు తెలపలేకపోయారు. తమకు తమ పదవులే ముఖ్యం అని చాటుకున్నారు. దీంతో తెలుగుదేశం ప్లాన్ ఫలిచింది. విప్ ధిక్కరిస్తే అనర్హత వేటు వెయ్యాలని, చెల్లకుండా వేస్తే, తమకు జగన్ కంటే, పదవులే ముఖ్యం అని వారే తెలిపినట్టు అవుతుందని, తెలుగుదేశం వేసిన అంచనా కరెక్ట్ అయ్యింది. ఇన్ని కబుర్లు చెప్పిన రెబెల్ ఎమ్మెల్యేల హడావిడి అంతా, ఉత్తిదే అని టిడిపి అంటుంది.