news

ఆంధ్రప్రదేశ్ రాష్ట్రంలో కక్ష సాధింపు రాజకీయలు నడుస్తున్నాయి. తమకు నచ్చకపోతే సస్పెన్షన్, తమను ప్రశ్నిస్తే సస్పెన్షన్ అనే ధోరణిలో రాష్ట్ర ప్రభుత్వం ఉంది. గతంలో చంద్రబాబు హయంలో, మంచి పొజిషన్ లో ఉన్న అధికారులను టార్గెట్ చేసి, వారికి పోస్టింగులు ఇవ్వకుండా, అలాగే వారిని తక్కువ హోదా పోస్టులు ఇస్తే, ఇంకా కొంత మంది అధికారులను సస్పెండ్ చేస్తూ రాష్ట్ర ప్రభుత్వం వ్యవహిస్తున్న తీరు పై అభ్యంతరాలు వ్యక్తం అవుతున్నాయి. ముఖ్యంగా ఓక సామజికవర్గ ఆఫీసర్లను టార్గెట్ చేసుకుని వెళ్తున్నారని, ఆరోపణలు వినిపిస్తున్నాయి. దానికి తగ్గట్టు గానే, చంద్రబాబు హయంలో కీలక ఆఫీసర్ గా, మంచి పనిమంతుడుగా పేరు ఉన్న జాసి కృష్ణ కిషోర్ ని రాష్ట్ర ప్రభుత్వం సస్పెండ్ చెయ్యటం, ఆయన ట్రిబ్యునల్ కు వెళ్లి, సస్పెన్షన్ రద్దు చెయ్యటం, కేంద్రం ఆయనకు పదోన్నతి ఇచ్చి గౌరవించటం తెలిసిందే. అలాగే, చంద్రబాబు హయంలో పని చేసిన, ఇంటలిజెన్స్ డీజీ , ఏబీ వెంకటేశ్వరరావు పై కూడా, ఇలాగే ప్రభుత్వం సస్పెన్షన్ వేటు వేసింది.

అయితే దీని పై ఏబీ వెంకటేశ్వరరావు, హైకోర్ట్ కు వెళ్లారు. ఆంధ్రప్రదేశ్ రాష్ట్రంలో గత మే నెలలో ఎన్నికల ఫలితాలు వచ్చిన తరువాత, ప్రభుత్వం మారగానే, తన పై కొత్తగా వచ్చిన రాష్ట్ర ప్రభుత్వం బదిలీ వేటు వేసిందని కోర్ట్ కు తెలిపారు. అంతే కాకుండా, తనకు జీత, భత్యాలు కూడా, రాష్ట్ర ప్రభుత్వం నిలిపివేసిందని, కోర్ట్ దృష్టికి తెచ్చారు. తనను కక్ష పూరితంగా, రాష్ట్ర ప్రభుత్వం సస్పెండ్ చేసిందని చెప్పారు. సస్పెన్షన్ కు ముందు కూడా, సర్వీస్ నిబంధనలు పాటించకుండా, అభియోగాలను రూపొందించకుండా, సస్పెండ్ చేసారని చెప్పారు. అంతకు ముందు ప్రభుత్వం మారగానే, బదిలీ చేసి, పోస్టింగ్ ఇవ్వకుండా, జీఏడీలో రిపోర్ట్‌ చేయ్యమన్నారని, తరువాత సస్పెండ్ చేసారని కోర్ట్ ముందు చెప్పారు.

మే 30, 2019 నుంచి తనకు జీతం ఇవ్వలేదని చెప్పారు. ప్రభుత్వం తనను అకారణంగా, కక్ష కట్టి సస్పెండ్ చేసిందని, ఆ ఉత్తర్వులు రద్దు చెయ్యాలని, తిరిగి విధుల్లోకి తీసుకొనేలా, ప్రభుత్వానికి ఆదేశాలు ఇవ్వాలని, అభ్యర్ధిస్తూ, ఏబీ వెంకటేశ్వరరావు హైకోర్టులో పిటీషన్ వేసారు. ఈ పిటీషన్ ను విచారణకు తీసుకున్న హైకోర్ట్, పిటిషనర్‌ తరఫు వాదనలు విన్న తరువాత, కొన్ని కీలక వ్యాఖ్యలు చేసింది. ప్రభుత్వం మారితే, ఒక సీనియర్ అధికారిని, ఇలా బదిలీ చేసి, జీతం కూడా ఇవ్వకుండా ఉంచటం మంచిది కాదని కోర్ట్ పేర్కొంది. ఈ మొత్తం వ్యవహరం పై కౌంటర్ వెయ్యాలని, కేంద్ర హోం కా ర్యదర్శి, ఏపి చీఫ్ సెక్రటరీ, డీజీపీలకు, హైకోర్ట్ ఆదేశాలు జారీ చేసింది. తదుపరి విచారణను, కోర్ట్ పది రోజులకు వాయిదా వేసింది.

ప్రపంచం అంతా క-రో-నా-తో, అల్లాడుతుంటే, ఆంధ్రప్రదేశ్ లో అధికార పక్షం మాత్రం, రాజకీయం చెయ్యటంలో దూసుకుపోతుంది. పోనీ ఇక్కడ ఏమన్నా కేసులు లేవా, క-రో-నా ఫ్రీ జోన్ లో ఉన్నామా అంటే, 800 కేసులు పైన, 85 శాతం రాష్ట్రం రెడ్ జోన్ లో ఉన్నట్టు కేంద్రం ప్రకటించింది. ఇలాంటి సమయంలో, ప్రభుత్వం మరింత అలెర్ట్ గా ఉండి, విపక్షాలను కూడా కలుపుకుని, కరోనా పై పోరాటం చేసి, ప్రజలను కాపాడాలి కానీ, ఇక్కడ మాత్రం అందుకు రివర్స్ జరుగుతుంది. కరోనా పై విపక్షాలు, ప్రభుత్వానికి సలహాలు ఇచ్చినా, ఎదన్నా ప్రశ్న అడిగినా, వారికి ఉందే. ప్రభుత్వం వారి పై వ్యక్తిగత దాడులకు దిగటం, వారిని టార్గెట్ చెయ్యటం, ఇవన్నీ జరిగిపోతూ ఉంటాయి. మొన్న బీజేపీ విషయంలో కూడా అదే జరిగింది. టెస్టింగ్ కిట్ల విషయంలో, ఛత్తిస్‌గడ్‌ ప్రభుత్వం అతి తక్కువ రేటుకు టెస్టింగ్ కిట్లు కొంటె, అదే కంపెనీ నుంచి, మీరు ఎందుకు డబల్ రేటు పెట్టి కొన్నారు, దీని వెనుక ఏమి జరిగింది అని, ఏపి బీజేపీ అధ్యక్షుడు కన్నా లక్ష్మీ నారయణ అడగటమే పాపం, వైసీపీ నేతలు విరుచుకు పడుతున్నారు.

మమ్మల్నే రేట్లు గురించి అడుగుతువా అంటూ, కన్నా పై వ్యక్తిగత దాడికి దిగారు. సహాయంగా, కులం అంటగట్టి తిట్టేవారు, కాని ఈ విషయంలో అలా కుదిరే అవకాసం లేకపోవటంతో, చంద్రబాబుకి, 20 కోట్లకు కన్నా అమ్ముడుపోయారు అంటూ విజయసాయి రెడ్డి ఆరోపణలు చేసారు. మరో బీజేపీ నేత సుజనా చౌదరి ఈ విషయంలో బ్రోకర్ అన్నారు. అంతే కాదు, కన్నా, పురందేశ్వరి, బీజేపీ హైకమాండ్ నుంచి ఎన్ని డబ్బులు తీసుకున్నారో తనకు తెలుసు అంటూ విజయసాయి రెడ్డి వ్యాఖ్యానించారు. దీంతో, రోజు రోజుకీ బీజేపీ పై, వైసీపీ ఎదురు దాడి చెయ్యటంతో, విషయం తెలుసుకున్న అమిత్ షా, రంగంలోకి దిగారు. బీజేపీ అధ్యక్షుడు నడ్డాకు ఆదేశాలు ఇచ్చి, ఈ విషయం పై, ఏపి బీజేపీ నేతలకు ఒక డైరక్షన్ ఇవ్వాల్సిందిగా, నడ్డాను కోరారు.

దీంతో నడ్డా, అఖిల భారత సంఘటనా సహ కార్యదర్శి సతీష్‌జీ చేత, రాష్ట్రంలో జరిగిన మొత్తం విషయం పై రిపోర్ట్ తెప్పించుకున్నారు. స్కాం బయట పెడితే, విజయసాయి రెడ్డి , వ్యక్తిగత ఆరోపణలకు దిగుతున్నారని, నిర్ధారణకు వచ్చారు. దీంతో నిన్న రాత్రి, ఏపి బీజేపీ నేతలతో, వీడియో కాన్ఫరెన్స్ నిర్వహించారు. వైసీపీ చేస్తున్న ఆరోపణలు తిప్పి కొట్టాలని, అందరూ కలిసి కట్టుగా, ఎదుర్కోవాలని, దీంతో వేరే లైన్ లేదని తేల్చి చెప్పారు. ఏపి బీజేపీలో ఉన్న ఒకరిద్దరు నేతలు, లోపాయికారీగా విజయసాయి రెడ్డికి సహకరించటం వల్లే, ఇలా రేచ్చిపోతున్నారని, అధిష్టానం దృష్టికి కొంత మంది నేతలు తీసుకు వెళ్లారు. అయితే దీని పై స్పందించిన నడ్డా, అవేమీ కుదరవు అని, అందరూ ఏకతాటి పై ఉండి, వైసీపీ ఎదురు దాడిని తిప్పికొట్టాలని అన్నారు. ఎవరూ వైసీపీ ట్రాప్ లో పడవద్దు అని, కిట్ల స్కాం తేల్చే వరకు, వదిలి పెట్టవద్దు అని కోరారు.

ఆంధ్రప్రదేశ్ రాష్ట్రంలో పాజిటివ్ కేసులు పెరగటమే కాని, తగ్గటం అనేది లేకుండా పోతుంది. ఏ దశలోనో, కేసులు కంట్రోల్ అవ్వని పరిస్థితిలో ఆంధ్రప్రదేశ్ రాష్ట్రం ఉంది. నెల రోజుల క్రితం వరకు, కేవలం విదేశాల నుంచి వచ్చిన వారు, ఢిల్లీ నుంచి వచ్చిన వారు మాత్రమే ఉన్నారని, వారందరినీ ఇప్పటికే క్వారంటైన్ కు తరలించామని, మా వాలంటీర్ వ్యవస్థ ఈ విషయంలో అద్భుతం పని చేసిందని, చెప్పుకుంది ప్రభుత్వం. అయితే, నెల రోజులు తరువాత కూడా, కేసులు అత్యధికంగా పెరుగుతూ వెళ్తున్నాయి. గడిచిన 24 గంటల్లో, కేసులు సంఖ్య అనూహ్యంగా పెరిగిపోయింది. ఒక్క రోజులో అత్యధిక కేసులు వచ్చిన రోజుగా ఈ రోజు నిలిచిపోయింది. నిన్న ఉదయం నుంచి ఈ రోజు ఉదయం వరకు, ఆంధ్రప్రదేశ్ రాష్ట్రంలో, ఒక్కసారిగా 80 కేసులు వచ్చాయి. దీంతో, మొత్తం కేసులు సంఖ్య 893కి చేరుకుంది. ఒక్క రోజులు అత్యధికంగా 80 కేసులు రావటం ఈ రోజే. ఏప్రిల్ 20న, 74 కేసులు వచ్చి, మొన్నటి దాక ఎక్కువ కేసులు వచ్చిన రోజుగా ఉంది. గతంలో, ఏప్రిల్ 1న 67 వచ్చాయి.

అయితే జిల్లాల వారీగా చూసుకుంటే, కర్నూల్ జిల్లాలో, అత్యధికంగా, 234 కేసులు వచ్చాయి. తరువాత స్థానంలో, 194 కేసులతో గుంటూరు జిల్లా ఉంది. గడిచిన 24 గంటల్లో కర్నూల్ జిల్లాలో 31 కేసులు వచ్చాయి. అలాగే గుంటూరు జిల్లాలో 18 కేసులు వచ్చాయి. ఇక చిత్తూరు జిల్లాలో 14 కేసులు నమోదు అయ్యాయి. ఏప్రిల్ 14కి ముందు, కేసులు తగ్గు ముఖం పట్టాయి అని ప్రభుత్వం చెప్తూ వచ్చింది. చివరకు ప్రధానితో కూడా జగన్ అదే చెప్పారు. రెడ్ జోన్ చాలా తక్కువ మండలాల్లో ఉన్నాయని, అక్కడ తప్ప అన్నీ ఎత్తేయాలని చెప్పారు. అయితే ఏప్రిల్ 14 తరువాత, కేంద్రం లాక్ డౌన్ పొడిగించిన తరువాత నుంచి, ఏపిలో కేసులు పెరుగుతూ వస్తున్నాయి. సగటున, 30 నుంచి 40 కేసులు రోజుకి వస్తున్నాయి.

ఇక ఇప్పటి వరకు 141 మంది డిశ్చార్జ్ అయితే, 27 మంది చనిపోయారు. నిన్న ఒకే రోజులో 56 కేసులు వస్తే, ఈ రోజు 80 కేసులు వచ్చాయి. వాలంటీర్ల ద్వారా, మూడు సార్లు సర్వే చేసామని, అందరినీ పట్టుకున్నాం అని చెప్పిన ప్రభుత్వం, ఇప్పుడు పెరుగుతున్న కేసులతో, మరో సర్వే కు వెళ్ళాలని నిర్ణయం తీసుకుంది. అయితే ఇక్కడ మరొక విషయం కూడా ఆందోళన కలిగించే అంశం. దక్షిణ భారత దేశంలో, ఆంధ్రప్రదేశ్ లోనే మరణాలు ఎక్కువ. 27 మరణాలతో ఏపి నెంబర్ వన్ గా ఉంటే, తెలంగాణా 24 మరణాలతో తరువాత స్థానంలో ఉంది. ఇక రికవరీ రేటులో కూడా, ఆంధ్రప్రదేశ్ దక్షిణ భారత దేశంలో చివరి స్థానంలో ఉంది. ఏపికి 14.76 రికవరీ రేటు ఉండగా, అత్యధికంగా, కేరళాకు 70.32 శాతం రికవరీ రేటు ఉంది.