తమ ప్రభుత్వం పైన, జగన్ పాలన పైన ఎవరైనా విమర్శలు చేసారు అంటే, వారికి వైసీపీ చేతిలో మూడిందే. ఇందుకు ఉదాహరణలు ఏకంగా వైసీపీ పార్టీ ఎంపీకి థర్డ్ డిగ్రీ ట్రీట్మెంట్. సొంత పార్టీ సీనియర్ కార్యకర్త సుబ్బారావు గుప్తాకు స్పెషల్ ట్రీట్మెంట్. చివరకు సొంత కుటుంబంలో ఉన్న వైఎస్ సునీత, చంద్రబాబు పావు అనేంత దిగజారుడు. ఇవన్నీ పక్కన పెడితే, ఇప్పుడు ఏకంగా సొంత బావ, అంటే చెల్లెలు షర్మిల భర్త అనిల్ ను కూడా వైసీపీ టార్గెట్ చేపిస్తుంది. షర్మిలకు, జగన్ కు మధ్య సంబంధాలు దెబ్బతిన్న సంగతి తెలిసిందే. జగన్ మోహన్ రెడ్డి చేసిన మోసానికి, వాడుకుని వదిలేసిన విధానానికి, అలాగే ఆస్తుల విషయంలో చేసిన మోసానికి, షర్మిల, జగన్ నుంచి దూరం జరిగింది. ప్రస్తుతం ఆమె, తెలంగాణాలో పార్టీ పెట్టారు. అయితే ఆమె ఆంధ్రప్రదేశ్ లో కూడా పార్టీ పెడతారు అనే వార్తలు వస్తున్నాయి. ఈ నేపధ్యంలోనే బ్రదర్ అనిల్, గత నెల రోజలుగా ఆంధ్రప్రదేశ్ లో పర్యటిస్తున్నారు. గతంలో తాను వైసీపీ పార్టీకి ఓటు వేయమని చెప్పిన వారు అందరూ ఇప్పుడు, వైసీపీ పార్టీ తమను పట్టించుకోవటం లేదని, బ్రదర్ అనిల్ కు ఫిర్యాదులు చేస్తున్నారు. ఇప్పటికే బ్రదర్ అనిల్, విజయవాడతో పాటుగా, విశాఖపట్నంలో కూడా పర్యటించి, వారి సమస్యలు అడిగి తెలుసుకున్నారు.
అయితే బ్రదర్ అనిల్ ఇప్పుడు బీసి సియం స్లోగన్ ఎత్తుకున్నారు. బీసీ, ఎస్సీ, ఎస్టీల తరుపున మాట్లాడుతున్నారు. ఈ శక్తులతో కలిసి ఒక పార్టీ ఆంధ్రప్రదేశ్ లో పెట్టనున్నారు అంటూ వార్తలు వస్తున్నాయి. ఇప్పటి వరకు అయితే షర్మిల కానీ, అనిల్ కానీ ఈ విషయం పై క్లారిటీ ఇవ్వలేదు. అయితే బ్రదర్ అనిల్ శక్తి ఏంటో వైసీపీకి తెలుసు. పాస్టర్ నెట్వర్క్ ఉన్న అనిల్, గత ఎన్నికల్లో అన్ని చర్చిల్లో వైసీపీకి ఓటు వేసేలా అక్కడ ప్రజలు ప్రేరేపించారు. ఇప్పుడు అనిల్ తమకు ఎదురు తిరగటంతో, వైసీపీ గేం మొదలు పెట్టింది. ఏపీ క్రిస్టియన్ జేఏసీ ఛైర్మన్ యలమంచిలి ప్రవీణ్, బ్రదర్ అనిల్ పైన నిన్న తీవ్ర వ్యాఖ్యలు చేసారు. బ్రదర్ అనిల్ కు రాజకీయాలకు ఏమి సంబంధం అని, తెలంగాణాలో చూసుకోవాలి అని, ఏపి సంగతి వదిలేయాలని అంటూ వార్నింగ్ ఇచ్చారు. అగ్ర కులానికి చెందిన అనిల్ అంటూ కొత్త పల్లవి అందుకున్నారు. వైఎస్ఆర్ ద్వారా శాంతిదూతగా అనిల్ ఎదిగారని, అలాంటి అనిల్ ఏపి రాజకీయాల్లోకి అడుగుపెట్టవద్దు అంటూ వార్నింగ్ ఇచ్చారు. ఈ ఏపీ క్రిస్టియన్ జేఏసీ మాటలు వెనుక ఎవరు ఉన్నారో, ఇట్టే అర్ధం చేసుకోవచ్చు.
