news

ప్రశాంత్ కిషోర్... మన ఏపి ఈ రోజు ఇంత రివర్స్ లో, ఇంత దౌర్భాగ్యంగా ఉండటానికి కారణమైన వ్యక్తి. 2014 తరువాత విభజన జరిగి, నవ్యాంధ్రని ఒక్కో మెట్టు నిర్మించుకుంటున్న సమయంలో, కులం, మతం , ప్రాంతం కుంపట్లు పెట్టి, దీనికి తోడుగా ఫేక్ ప్రచారం చేసి, ప్రజల మనసులను కలుషితం చేసి, జగన్ మోహన్ రెడ్డిని గెలిపించాడు. అప్పటి నుంచి రాష్ట్ర ప్రగతి వేగంగా పాతాళంలోకే పడిపోతూ వచ్చింది. అప్పట్లో ప్రశాంత్ కిషోర్ వాడిన ఆస్త్రాలు, ఫేక్... ఫేక్... ఫేక్.. కమ్మ డీఎస్పీలు, డేటా గ్రిడ్, పింక్ డైమెండ్, ఇలా ఒకటి కాదు రెండు కాదు, రోజుకి ఒక ఫేక్ తో, ప్రజల ముందుకు వచ్చే వాడు. అయితే ఇప్పుడు కూడా ప్రశాంత్ కిషోర్, జగన్ మోహన్ రెడ్డితో కలిసి పని చేస్తున్నారు. రెండు మూడు సార్లు, స్వయంగా వచ్చి జగన్ ను కలిసాడు కాదు. ఈ మధ్య వచ్చిన ప్రశాంత్ కిషోర్, జగన్ మోహన్ రెడ్డి పని అయిపోయిందని, వెంటనే మార్పులు చేయకపోతే, మొత్తం మునిగిపోతారని, ప్రజలు మీ పాలన పై విసుగెత్తి ఉన్నారని సర్వే రిపోర్ట్ చేతిలో పెట్టటంతో, జగన్ మోహన్ రెడ్డి ఈ మధ్య కాలంలో ప్రజల వద్దకు వెళ్ళాలని వైసీపీ శ్రేణులకు చెప్పిన విషయం తెలిసిందే. దీనికి తోడుగా ప్రశాంత్ కిషోర్ కూడా పని మొదలు పెట్టాడు. అయితే గతంలో వాడిన ఫేక్ ను వైసీపీతో, జగన్ తో చెప్పిస్తే వర్క్ అవుట్ అవ్వదని గ్రహించాడు.

జగన్ మొహన్ రెడ్డి అన్నీ ఫేక్ ఆరోపణలే చేస్తాడని, ప్రజలకు తెలిసిపోవటం, ప్రజల్లో జగన్ మాటలకు, వైసిపీ చేతలకు ఎలాంటి క్రెడిబిలిటీ లేదని తెలియటంతో, ప్రశాంత్ కిషోర్ ఏపి పై వ్యూహం మార్చాడు. తన క్లైంట్ ల చేత, పక్క రాష్ట్రాల నుంచి వైసీపీకి అనుకూలంగా రాజకీయం చేపిస్తున్నాడు. ఇందులో భగంగానే, మమతా బెనర్జీ పెగాసిస్ పై చంద్రబాబు పై ఆరోపణలు చేయటం, అక్కడ నుంచి వైసీపీ అందుకోవటం జరిగింది. అయితే టిడిపి వెంటనే దీన్ని, ఆర్టిఐ రిపోర్ట్ బయట పెట్టి ఎదుర్కోవటంతో, వైసీపీ ప్లాన్ ఫ్లాప్ అయ్యింది. రాబోయే రోజుల్లో కూడా ఇదే వ్యూహం ప్రశాంత్ కిషోర్ అవలంభిస్తారని తెలుస్తుంది. తమిళనాడు స్టాలిన్, తెలంగాణా కేసీఆర్, పశ్చిమ బెంగాల్ నుంచి మమతా, ఇలా సియంల చేత, చంద్రబాబు పై విమర్శలు చేపించి, తద్వారా వైసీపీకి మేలు చేసే రాజకీయ వ్యూహం పన్నారు. జగన్ కు ఏపి ప్రజల్లో క్రెడిబిలిటీ తగ్గిపోవటంతో, ప్రశాంత్ కిషోర్ ఈ వ్యూహం అమలు చేస్తున్నారు. మరి రాను రాను టిడిపి వీటిని ఎలా ఫేస్ చేస్తుందో చూడాలి.

వైఎస్ వివేకా కేసు గత నెలలో పరుగులు పెట్టింది. సిబిఐ దూకుడుతో, ఏ క్షణమైనా పెద్ద తలకాయి అరెస్ట్ అనే ప్రచారం జరిగింది. అదనపు బలగాలను కూడా సిబిఐ అడిగింది అంటూ ప్రచారం కూడా జరిగింది. అయితే ఏమి అయ్యిందో ఏమో కానీ, ఉన్నట్టు ఉండి సిబిఐ నెమ్మదించింది. ఈ కేసులో సిబిఐ ఇలా వ్యవహరించటం మొదటి సారి కాదు. గతంలో కూడా రెండు మూడు సార్లు సిబిఐ ఇలాగే వ్యవహరించింది. కేసు విషయంలో పరుగులు పెడుతూ, ఏదో జరగబోతుంది అనుకున్న సమయంలో సైలెంట్ అయిపోవటం. ఈ సారి కూడా అదే జరిగింది. గత నెల రోజులుగా, దాదాపుగా 30, 40 స్టేట్మెంట్లు బయటకు వచ్చాయి. అందులో ముఖ్యంగా వైఎస్ ఫ్యామిలీ నుంచి కూడా కొంత మంది స్టేట్మెంట్లు ఇచ్చారు. అయితే అందరి వేళ్ళు అవినాష్ రెడ్డి వైపే చూపించాయి. ఆ రోజు ఉదయం అవినాష్ రెడ్డి, దేవిరెడ్డి శంకర్ రెడ్డి, గంగి రెడ్డి కలిసి, అక్కడ ఆధారాలు చెరిపి వేసారని, కుట్లు వేయించారని, గుండెపోటు అని ప్రచారం చేయించారని, జగన్ మోహన్ రెడ్డికి కూడా లింక్ ఉందని, ఎంపీ సీటు విషయంలో తేడా వచ్చిందని, ఇలా అనేక అనేక స్టేట్మెంట్లు వచ్చాయి. అయితే అందరూ కూడా అవినాష్ రెడ్డి, ఆయన తండ్రి భాస్కర్ రెడ్డి వైపే వేళ్ళు చూపించి, మొత్తం వాళ్ళ కను సైగల్లోనే జరిగినట్టు చెప్పారు.

ఈ నేపధ్యంలోనే, అందరూ అవినాష్ రెడ్డి అరెస్ట్ తధ్యం అని భావించారు. దీనికి తోడు దస్తగిరి అనే వ్యక్తి ఇచ్చిన కన్ఫెషన్ స్టేట్మెంట్ తో అవినాష్ రెడ్డి పరిస్థితి మరింత గడ్డు పరిస్థితికి మారింది. అయితే సిబిఐ నుంచి పై అధికారులు వస్తున్నారని, అవినాష్ రెడ్డికి నోటీసులు ఇస్తున్నారు అని ప్రచారం జరిగింది. కోర్టు ద్వారా నోటీసులు ఇప్పిస్తారని ప్రచారం జరిగింది. అయితే ఏమైందో ఏమో కానీ, గత రెండు వారాలుగా సిబిఐ పూర్తిగా సైలెంట్ అయిపోయింది. నోటీసులు లేదు, విచారణ లేదు, ఏమి లేదు. సిబిఐ పైన ఢిల్లీ లెవెల్ లో ఒత్తిడి చేస్తున్నారు అనే ప్రచారం కూడా జరుగుతుంది. వైసీపీ పార్టీ గత నెలలో ఈ అంశం పై ఒత్తిడికి గురయ్యింది. సజ్జల ఇదే కేసు మీద అవినాష్ రెడ్డిని వెనకేసుకుని వస్తూ, రెండు ప్రెస్ మీట్లు పెట్టారు. చివరకు సునీతను కూడా టార్గెట్ చేసే వరకు వెళ్లారు. మరి సిబిఐ ఇప్పుడు ఏమి చేస్తుంది ? ఇంకా అవినాష్ రెడ్డిని ఎందుకు విచారణకు పిలువలేదు ? మరిన్ని ఆధారాల కోసం చూస్తుందా ? ఏమి జరుగుతుందో చూడాలి మరి.

గత వారం రోజులుగా జంగారెడ్డిగూడెంలో జరిగిన కల్తీ సారా మరణాల పై, వైఎస్ఆర్ కాంగ్రెస్ పార్టీని ఎక్ష్పొజ్ చేయటంలో తెలుగుదేశం పార్టీ సక్సెస్ అయ్యింది. ఇది ప్రజల్లోకి కూడా బాగా వెళ్ళింది. అయితే తెలుగుదేశం పార్టీ అసెంబ్లీలో చేసిన ఈ ఉద్యమాన్ని, గ్రౌండ్ లెవెల్ లోకి తీసుకుని వెళ్ళటానికి, శనివారం, ఆదివారం కూడా కార్యక్రమాలు చేస్తుంది. అయితే ఈ కార్యక్రమం ప్రజల్లోకి బలంగా వెళ్ళటంతో, దీనికి ఎలా కౌంటర్ ఇవ్వాలి అని అలోచిస్తున్న వైఎస్ఆర్ కాంగ్రెస్ పార్టీకి, పశ్చిమ బెంగాల్ సియం మమతా రూపంలో, ఒక ఫేక్ ఆరోపణ దొరికింది. గతంలో చంద్రబాబు నాయుడు పెగాసేస్ కొన్నారు అంటూ, మమతా బెనర్జీ వ్యాఖ్యలు చేసింది అంటూ వైసీపీ సోషల్ మీడియా, సాక్షి హడావిడి మొదలు పెట్టారు. అయితే ఇప్పటి వరకు మమతా మాట్లాడిన వీడియో అయితే బయటకు రాలేదు. ఇది కూడా పింక్ డైమెండ్ లాగా ఫేక్ ప్రచారమా లేదా అనేది కూడా తెలియదు. అక్కడ మమతా బెనర్జీకి, ఇక్కడ జగన్ మోహన్ రెడ్డికి కూడా, ఒక్కరే సలహదారు కాబట్టి, ఇద్దరూ అనుకుని చంద్రబాబు పైన ఈ పెగాసేస్ ఆరోపణలు చేస్తున్నారు ఏమో తెలియదు కానీ, మమతా బెనర్జీ , చంద్రబాబు పైన పెగాసేస్ ఆరోపణలు చేసింది అంటూ, వైసీపీ నిన్నటి నుండి ఒకటే గోల మొదలు పెట్టింది.

అయితే తెలుగుదేశం పార్టీ , ఇది వరకు లాగే లేదు కాబట్టి, వెంటనే దీనికి కౌంటర్ ఇచ్చింది. దీని పైన నారా లోకేష్ స్పందిస్తూ, పెగాసేస్ మా దగ్గర ఉంటే, అసలు జగన్ మోహన్ రెడ్డి ఎలా గెలిచే వారు అంటూ ప్రశ్నిస్తూ, మేము కొనుగోలు చేసి ఉంటే, ప్రభుత్వం మమ్మల్ని వదిలి పెట్టేదా అని ప్రశ్నించారు. ఇక టిడిపి నేతలు కూడా, అదే కనుక ఉండి ఉంటే, విశాఖలో కోడి కత్తి డ్రామా నుంచి, బాబాయ్ పోటు వరకు అన్నీ బయట పెట్టే వాళ్ళం కదా అని కౌంటర్ ఇచ్చారు. ఈ రాజకీయ ఆరోపణలు పక్కన పెడితే, మాజీ డీజీపీ సావాంగ్ గతంలో ఇచ్చిన లిఖిత పూర్వక సమాధానం, ఇప్పుడు వైసీపీకి షాక్ కొట్టేలా చేసింది. గతంలోనే ఈ అంశం పై, ఏడాది క్రితం, 2021 జూలై 25న ఒక ఆర్టిఐ రిప్లై కి సమాధానంగా, ఏపి పోలీసులు ఎప్పుడూ కూడా పెగాసేస్ సాఫ్ట్ వేర్ ను కొనుగోలు చేయలేదని, స్పష్టం చేస్తూ గౌతం సావాంగ్ సమాధానం ఇచ్చారు. దీంతో ఉదయం వరకు ఎగిరెగిరి పడిన వైసీపీ నేతలు, శ్రేణులు, గౌతం సవాంగ్ రిప్లయ్ బయటకు రావటంతో, సైలెంట్ అయి కూర్చున్నారు.