news

ముంద‌స్తు ఎన్నిక‌ల‌కి జ‌గ‌న్ రెడ్డి మొగ్గు చూపిస్తున్నార‌ని ఆంధ్ర‌జ్యోతిలో ప్ర‌త్యేక క‌థ‌నం ప్ర‌చురించారు. రోజు రోజుకీ పెరిగిపోతున్న‌ ప్రజా వ్యతికేతక, అప్పులు దొర‌క‌ని స్థితిలో కేంద్రం ఆశీస్సుల‌తో వైఎస్ జ‌గ‌న్ ముంద‌స్తుకి వెళ్తార‌ని ఆంధ్ర‌జ్యోతి విశ్లేష‌ణ‌. ఇటీవ‌ల కాలంలో ఆంధ్ర‌జ్యోతి ప్ర‌చురిత‌మైన‌వ‌న్నీ నిజాలు కావ‌డంతో ఇది కూడా వాస్త‌వ‌మేన‌ని అంద‌రూ న‌మ్ముతున్నారు.  ఆంధ్ర‌జ్యోతి రాసిన కార‌ణాలు కాకుండా ఏపీలో ప‌రిణామాలు చూస్తుంటే ముంద‌స్తుకి గ్యారెంటీగా వెళ్తార‌ని తెలుస్తోంది. ఐఏఎస్, ఐపీఎస్, డిఎస్పీల బ‌దిలీలు రాష్ట్ర‌మంతా చేప‌ట్ట‌డం ముంద‌స్తుకి మొద‌టి సంకేతం. కొంద‌రినైతే పోస్టులో చేరి నెల కాకుండానే ఎమ్మెల్యేలు చెప్పిన వారిని నియ‌మించ‌డం ఎన్నిక‌ల‌లో త‌మ‌కి మ‌ద్ద‌తుగా ఉండే అధికారుల‌ను వేయించుకోవ‌డం చూస్తుంటే ముంద‌స్తుకి వెళ్తార‌నే స్ప‌ష్టం అవుతోంది. మ‌రోవైపు పేటీఎం మేధావులు, సెల‌బ్రిటీలు వ‌ర‌స పెట్టి ఏపీలో దిగ‌బ‌డుతున్నారు. సోష‌ల్మీడియాలో ప్ర‌త్య‌క్ష‌మ‌వుతున్నారు. ఇదంతా ముంద‌స్తు కోస‌మేన‌ని వేరే చెప్ప‌క్క‌ర్లేదు. ఇన్నాళ్లు ఎక్క‌డున్నారో తెలియ‌ని ముద్ర‌గ‌డ ప‌ద్మ‌నాభం నిద్ర‌లేచారు. ముంబైలో తాగి కాళ్లు నాకే రాంగోపాల్ వ‌ర్మ ఫుల్ టైమ్ వైసీపీ కోసం ప‌నిచేయ‌డానికి ఇక్క‌డే ఉంటున్నారు. అంబ‌టి రాయుడు, శ్రీరెడ్డి, మాకిరెడ్డి పురుషోత్త‌మ‌రెడ్డి, ఉండ‌వ‌ల్లి అరుణ్‌కుమార్, ప్రొఫెస‌ర్ నాగేశ్వ‌ర్, జ‌ర్న‌లిస్ట్ సాయి, తెల‌క‌ప‌ల్లి ర‌వి వంటి వారంతా గ‌త కొద్దిరోజులుగా చాలా యాక్టివ్‌గా మారుతున్నారు. వీరంతా వైసీపీ కోసం ప‌నిచేసే స్లీప‌ర్ సెల్స్‌. ఇవి యాక్టివ్ అయ్యాయంటే ముంద‌స్తు ఎన్నిక‌లు ముంచుకొస్తున్న‌ట్టేన‌ని అర్థం.

ఐపీఎల్-ఇండియ‌న్ ప్రీమియ‌ర్ లీగ్లో ఆడిన అంబ‌టిరాయుడుని జేపీఎల్-జ‌గ‌న్ పొలిటిక‌ల్ లీగ్‌లో చేరుతున్నాడు. ఇటీవ‌ల వ‌ర‌స‌గా వైకాపా పాల‌న‌ని, సీఎం జ‌గ‌న్ రెడ్డిని ప్ర‌శంసిస్తూ ట్వీట్లు చేస్తున్న అంబ‌టిరాయుడు అంద‌రూ ఊహిస్తున్న‌ట్టే సీఎం జగన్ ను కలిశాడు. తాడేపల్లిలోని క్యాంపు కార్యాలయంలో సీఎంను కలిసిన అంబటి రాయుడు, నేడో రేపో వైకాపాలో చేరే అవ‌కాశం ఉంద‌ని తెలుస్తోంది. టీమిండియాకి ఆడిన క్రికెట‌ర్ అంబ‌టిరాయుడు త‌న ఆట‌కంటే ఎక్కువ‌గా నిత్యం వివాదాల‌తో వార్త‌ల్లో వ్య‌క్తిగా ఉండేవాడు. ఐపీఎల్‌లో చెన్నై సూపర్ కింగ్స్ ఫ్రాంచైజీ ద‌క్కించుకున్న అంబ‌టి రాయుడు ఆట అంతంత మాత్ర‌మే. క్రికెట్ ఆట‌ని చాలించి పొలిటిక‌ల్ గేమ్ కి రెడీ అవుతూ జ‌గ‌న్  పొలిటిక‌ల్ లీగ్‌లో చేర‌డానికి స‌ర్వం సిద్ధం చేసుకున్నాడ‌ని ప్ర‌చారం సాగుతోంది.  దీనికంటే ముందు ఏపీ స‌ర్కారు కార్య‌క్ర‌మాల‌ను ప్ర‌శంసిస్తూ అంబ‌టి ట్వీట్లు వేశారు. ఏపీ సీఎం చేసే ట్వీట్ల‌ను అంబ‌టి రాయుడు రీట్వీట్ చేయ‌డంతో వైకాపాతో టైఅప్‌లో ఉన్నాడ‌ని అంతా అనుకున్నారు. శ్రీకాకుళం జిల్లా మూలపేట పోర్టుకు జగన్ శంకుస్థాపన సంద‌ర్భంగా సీఎం ప్రసంగాన్ని వైసీపీ ట్విట్టర్ నుంచి అంబటి రాయుడు  రీట్వీట్ చేశాడు. గుంటూరు జిల్లా పొన్నూరు మండలం వెల్లలూరు కాపు సామాజిక వర్గానికి చెందిన అంబటి రాయుడు వైకాపా ప్యాకేజీ పాలిటిక్స్ నుంచి బ‌య‌ట‌కొచ్చి ఏకంగా పోటీకి దిగేలా ప్లాన్ చేసుకుంటున్నారు. ఐపీఎల్ ని వీడి జేపీఎల్ లో చేరి యాక్టివ్ పాలిటిక్స్ లో ఉండేందుకు ఉవ్విళ్లూరుతున్న అంబ‌టిరాయుడు ముసుగు తీసేసాడు. ఇన్నాళ్లు ట్విట్ట‌ర్ హ్యాండిల్ వైకాపాకి అద్దెకిచ్చిన అంబ‌టిరాయుడు ఇప్పుడు తానే జ‌గ‌న్ ఫ్రాంచైజీకి చిక్కాడని తేట‌తెల్లం అయ్యింది.

క‌ర‌క‌ట్ట క‌మ‌ల్ హాస‌న్ అని టిడిపి వారు ముద్దుగా పిలుచుకునే మంగ‌ళ‌గిరి ఎమ్మెల్యే ఆళ్ల రామ‌కృష్ణారెడ్డి తోక క‌త్తిరించి పారేశారు జ‌గ‌న్ రెడ్డి. మంత్రి ప‌ద‌వి ఇవ్వ‌కుండా జ‌గ‌న్ రెడ్డి త‌న‌ను మోసం చేశార‌నే ఆగ్ర‌హంతో ఉన్న ఆళ్ల రామక్రిష్ణారెడ్డి చుట్టూ అసమ్మతులను మొహరిస్తున్నాడు. ఒకానొక ద‌శ‌లో ష‌ర్మిల వ‌ర్గంగా ఆర్కే బ‌య‌ట‌ప‌డిపోయారు. దీంతో జ‌గ‌న్ మంగ‌ళ‌గిరి ఎమ్మెల్యేని శ‌త్రువుని చూస్తున్నట్టే వ్య‌వ‌హ‌రిస్తున్నాడు. ష‌ర్మిల‌ని వైకాపా నుంచి కానీ, ఏపీ నుంచి ఎవ‌రైనా క‌లిస్తే క్ష‌ణాల్లో జ‌గ‌న్ రెడ్డికి స‌మాచారం వ‌చ్చేస్తోంది. ష‌ర్మిల చుట్టూ జ‌గ‌న్ నిఘా బృందాన్ని ఉంచార‌ని ఇటీవ‌లే డిఎల్ ర‌వీంద్రారెడ్డి సంచ‌ల‌న విష‌యాలు వెల్ల‌డించారు. మంగ‌ళ‌గిరి ఎమ్మెల్యే ఆళ్ల రామ‌కృష్ణారెడ్డి కూడా ష‌ర్మిల‌తో ర‌హ‌స్య భేటీలు జ‌గ‌న్ దృష్టికి వ‌చ్చాయి. మంగ‌ళ‌గిరిలోనూ విప‌రీత‌మైన ప్ర‌జావ్య‌తిరేక‌త ఉంద‌ని, నారా లోకేష్‌ని త‌ట్టుకుని నిల‌బ‌డే శ‌క్తి కోల్పోయార‌ని ఆర్కే ని దూరం పెడుతూ వ‌స్తున్నారు వైకాపా పెద్ద‌లు. మంగ‌ళ‌గిరి చేనేత‌వ‌ర్గానికి చెందిన నేత‌ల‌ని వైకాపాలో చేర్చుకుని ఆర్కేకి పొగ‌బెట్టారు. మాజీమంత్రి మురుగుడు హ‌నుమంత‌రావు, మాజీ మున్సిప‌ల్  చైర్మ‌న్ గంజి చిరంజీవి వంటి వారిని టిడిపి నుంచి తీసుకుని ఒక‌రికి ఎమ్మెల్సీ, ఇంకొక‌రికి ఆప్కో చైర్మ‌న్ పోస్టులు క‌ట్టబెట్టారు. వ‌చ్చే ఎన్నిక‌ల‌కి వైకాపా టికెట్ ఆళ్ల రామ‌కృష్ణారెడ్డికి లేద‌నే బ‌ల‌మైన సంకేతాలు పంపుతున్నారు జ‌గ‌న్. త‌న కొడుకు పెళ్లికి సీఎంని క‌నీసం ఆహ్వానించ‌లేదు ఆర్కే. త‌న నియోజ‌క‌వ‌ర్గం ప‌రిధిలోనే ఉన్న సీఎం క్యాంపు కార్యాల‌యంలో జ‌రిగే ఎమ్మెల్యేల స‌మీక్ష‌కి కూడా హాజ‌రు కాలేదు.  ఆళ్ల రామకృష్ణా రెడ్డికి వైకాపాలోనే వ్య‌తిరేక వ‌ర్గంగా ఉన్న దొంతి రెడ్డి వేమారెడ్డికి మంగళగిరి వైసీపీ అధ్యక్షుడిగా బాధ్యతలు అప్పగించి ఆళ్ల రామ‌కృష్ణారెడ్డికి పెద్ద దెబ్బే కొట్టింది వైసీపీ.  ఎమ్మెల్యే ఆళ్ల రామ‌కృష్ణారెడ్డి విదేశీ ప‌ర్య‌ట‌న‌లో ఉన్న స‌మ‌యంలో ఆయ‌న వ్య‌తిరేక వ‌ర్గానికి నాయ‌కుడైన దొంతిరెడ్డికి ప‌ద‌వి క‌ట్ట‌బెట్ట‌డం ముమ్మాటికీ ఆర్కే తోక క‌త్తిరించ‌డ‌మేన‌ని వైసీపీలో టాక్ వినిపిస్తోంది. ఆర్కేకి ప‌డ‌నివారికి ప‌ద‌వులు క‌ట్ట‌బెడుతూ, ఆర్కేకి కుడిఎడ‌మ భుజాల్లాంటి నేత‌లైన‌ మంగళగిరి పట్టణ పార్టీ అధ్యక్షుడు మునగాల మల్లేశ్వరరావును, తాడేపల్లి పట్టణ పార్టీ అధ్యక్షుడు బుర్ర ముక్కు వేణుగోపాలస్వామి రెడ్డి ప‌ద‌వుల నుంచి తొల‌గించారు. అంటే వైకాపా నుంచి ఇక త‌మ‌రు ద‌య చేయొచ్చు అని ఆళ్ల రామ‌కృష్ణారెడ్డికి డైరెక్టుగానే సంకేతాలు పంపేశారు జ‌గ‌న్ రెడ్డి.