news

ఏపీ ప్రభుత్వ తీరుతో ఏపీ చీఫ్ సెక్రటరీగా ఇటీవలే బాధ్యతలు స్వీకరించిన జవహర్ రెడ్డికి హైకోర్టు మెట్లు ఎక్కాల్సి వస్తోంది. పాఠశాలల ప్రాంగణాల్లో సచివాలయాల నిర్మాణంపై హైకోర్టులో విచారణ జరిగింది. ఈనెల 22న కోర్టుకు హాజరై వివరణ ఇవ్వాలని సీఎస్ కు హైకోర్టు ఆదేశాలు జారీ చేసింది. పాఠశాలల ప్రాంగణాల్లో సచివాలయాలు, రైతు భరోసా కేంద్రాలు నిర్మించవద్దని గతంలో హైకోర్టు ఉత్తర్వులు ఇచ్చినా అధికారయంత్రాంగం పట్టించుకోలేదు. హైకోర్టు ఆదేశాలు ధిక్కరించి పాఠశాలల ఆవరణలో సచివాలయాలు, రైతు భరోసా కేంద్రాలు నిర్మాణాలు చేపట్టినట్లు పిటిషనర్లు కోర్టుకి తెలియజేశారు.  విచారణ జరిపిన హైకోర్టు చీఫ్ సెక్రటరీ వివరణ ఇవ్వాలని ఆదేశాలు జారీ చేసింది.

విభజన చట్టం ప్రకారం ఏపీకి న్యాయంగా రావాల్సినవేవీ ఇవ్వలేమని కేంద్రం తేల్చేసింది. రాజ్యసభ, లోక్ సభలో సభ్యుల ప్రశ్నలకు సమాధానంగా జాతీయ ప్రాజెక్టుగా ప్రకటించిన పోలవరం పూర్తి అవ్వదని చెప్పేసింది కేంద్రం. ప్రత్యేక హోదా ఇవ్వం అని కూడా స్పష్టం చేసింది. ఒకే రోజు పార్లమెంటులో ఏపీ ప్రయోజనాలు నెరవేర్చలేమని బీజేపీ సర్కారు తేల్చేసినా పార్లమెంటులో నాలుగో అతిపెద్ద పార్టీగా వున్న వైసీపీ నోరు ఎత్తలేదు. రాజ్యసభ, లోక్ సభలో కనీసం తమ నిరసన తెలపడానికి కూడా వైసీపీ ఎంపీలు ప్రయత్నించలేదు. వైసీపీ అధినేతపై సీబీఐ ఈడీ కేసులు, ఢిల్లీ లిక్కర్ స్కాంలో విజయసాయిరెడ్డి అల్లుడి అన్న ఇరుక్కోవడం, వైఎస్ వివేకానందరెడ్డి హత్యకేసులో సీబీఐ వైసీపీ ఎంపీని అనుమానిస్తుండడం వంటి కేసుల వల్లే ఏపీకి ఎంత నష్టం చేసినా వైసీపీ ఎంపీలు మౌనం వహిస్తున్నారని ఢిల్లీలో గుసగుసలు వినిపిస్తున్నాయి.

పోకిరీ సినిమాలో ప్రకాశ్ రాజ్ ``గిల్లితే గిల్లించుకోవాలి. అరవకూడదు`` అంటాడు. జగన్ రెడ్డి కూడా తాను తీసుకునే నిర్ణయాలను అంగీకరించాలి. అన్యాయం అంటూ కోర్టుకెళితే రకరకాల వేధింపులు మొదలవుతాయి.  వైసీపీ సర్కారు తలపెట్టిన బదిలీలు నిబంధనలకు విరుద్ధంగా వున్నాయంటూ ఉమ్మడి చిత్తూరు జిల్లాకు చెందిన ప్రధానోపాధ్యాయులు హైకోర్టును ఆశ్రయించారు. కోర్టులో బదిలీలపై వాజ్యం వేసిన 25 మంది ప్రధానోపాధ్యాయులకు ఆర్.‍జె.డి. వెంకటకృష్ణారెడ్డి  షోకాజ్ నోటీసులు జారీ చేశారు.