news

బీజేపీ, వైసిపీ మధ్య గ్యాప్ రోజు రోజుకీ పెరిగిపోతుంది. మొన్నటి దాక, రాష్ట్రంలో ఎలా ఉన్నా, కేంద్రంలో జగన్, విజయసాయి రెడ్డిలకు మంచి పట్టు ఉందని అనుకునే వారు. కాని ఇప్పుడు అది కూడా సడలిపోతున్నట్టు తెలుస్తుంది. ముఖ్యంగా నిన్న విజయసాయి రెడ్డి చేసినవ వ్యాఖ్యలతో, ఢిల్లీ బీజేపీ నేతలు కూడా తీవ్ర ఆగహ్రంతో ఉన్నారు. తమ చేతకాని తనాన్ని, మోడీ, అమిత్ షా ల పై విజయ్సాయి రెడ్డి నేట్టేయటం ఏంటి అంటూ, ఢిల్లీ వర్గాలు తీవ్ర ఆగ్రహంగా ఉన్నాయి. నిన్న విజయసాయి రెడ్డి మాట్లాడుతూ, విద్యుత్ ఒప్పందాల సమీక్షలు కాని, పోలవరం రీ టెండరింగ్ కాని, అన్నీ ప్రధాని మోడీ, హోం మంత్రి అమిత్ షా లకు చెప్పి చేస్తున్నామని అన్నారు. రాష్ట్రంలో జరిగే అన్ని పనులు, మోడీ, అమిత్ షా ఆశీస్సులతోనే జరుగుతున్నాయని విజయసాయి రెడ్డి అన్నారు.

అయితే ఈ విషయం పై, రాష్ట్ర బీజేపీ నేతలు, అధిష్టానికి తెలియ పరిచారు. మరో పక్క మీడియాలో వచ్చిన వార్తలు చూసిన, కేంద్ర జలశక్తి మంత్రి గజేంద్ర సింగ్‌ షెకావత్‌, విజయసాయి రెడ్డి వ్యాఖ్యల పై తీవ్ర ఆగ్రహం వ్యక్తం చేసినట్టు సమాచారం. పోలవరం రీటెండరింగ్ విషయంలో, కేంద్ర ప్రభుత్వం ఇప్పటికే, స్పష్టమైన ఆదేశాలు రాష్ట్రానికి ఇచ్చిందని, స్వయంగా పార్లిమెంట్ లో అది తప్పు అని కేంద్రం తరుపున స్పందించినా కూడా, ఈ విషయం మోడీ, అమిత్ షా ఆశీస్సులతోనే జరుగుతుని అంటూ, విజయసాయి రెడ్డి ఎలా చెప్తారు అంటూ, ఆయన బీజేపీ నేతల వద్ద అగ్రహం వ్యక్తం చేసారు. నిన్న హైకోర్ట్ తీర్పు నేపధ్యంలో, రాష్ట్ర బీజేపీ నేతలు కేంద్ర జలశక్తి మంత్రి గజేంద్ర సింగ్‌ షెకావత్‌ ను కలిసారు.

పోలవరం విషయం పై మరో వారం రోజుల్లో కేంద్రం నుంచి స్పష్టత వస్తుందని ఆయన అన్నారు. పోలవరం ప్రాజెక్టుపై తదుపరి నిర్ణయం తీసుకునే ముందు మోదీ, అమిత్‌ షాతో చర్చిస్తానని మంత్రి వారికి చెప్పినట్లు తెలిసింది. విజయసాయి రెడ్డి హద్దు మీరి మాట్లడుతున్నారని, కేంద్రం తరుపున ఈ వ్యాఖ్యలు ఖండించాలని, లేకపోతే, ప్రజలు వీళ్ళ అసమర్ధతను, మన పై నెట్టేసే ప్రయత్నం చేస్తారని, అందుకే దీన్ని ఖండించాలని అన్నారు. మరో పక్క, పోలవరం రీటెండరింగ్‌ పై కేంద్ర ప్రభుత్వం చాలా సీరియస్‌గా ఉందనే విషయం తెలియడంతో రాష్ట్ర ప్రభుత్వ ప్రత్యేక ప్రధాన కార్యదర్శి ఆదిత్యనాథ్‌ దాస్‌ హుటాహుటిన ఢిల్లీ వచ్చారు. ఈ విషయం పై, కేంద్ర జలవనరుల అధికారులతో చర్చించారు.

నిన్న హైకోర్ట్ లో నవయుగ వేసిన పిటీషన్ పై, జగన్ ప్రభుత్వానికి ఎదురు దెబ్బ తగిలిన విషయం తెలిసిందే. జల విద్యుత్ ప్రాజెక్ట్ ను నవయుగకి రద్దు చేస్తూ, కొత్తగా టెండర్ పిలవాలని జగన్ ప్రభుత్వ నిర్ణయాన్ని సవాల్ చేస్తూ, నవయుగ కోర్ట్ కి వెళ్ళింది. దీని పై విచారణ జరిపిన కోర్ట్, నిన్న మధ్యంతర ఉత్తర్వులు ఇస్తూ, జగన్ ప్రభుత్వం పై కీలక వ్యాఖ్యలు చేసింది. ఏపీ జెన్కో కు, నవయుగకు మధ్య ఒప్పందం జరిగింది కదా, ఏపీ జెన్కో ప్రభుత్వ సంస్థ అయినా, ఒకసారి ఒప్పందం జరిగిన తరువాత, ఏపీ జెన్కో కు సంబంధం ఉంటుంది కాని, ఏపి ప్రభుత్వానికి ఏ మాత్రం సంబంధం ఉండదు అని కోర్ట్ తెలిపింది. ఒక వేళ ప్రభుత్వం ఏమైనా ఆదేశాలు ఇచ్చినా, ఏపీ జెన్కో ఒప్పందంలో ఉన్న అంశాలకు మాత్రమే లోబడి ఉండాలని కోర్ట్ చెప్పింది.

కాంట్రాక్టర్ కంపెనీ సరిగ్గా పని చెయ్యలేదు అంటున్నారు, దాని పై ఇప్పటికి వరకు చర్చించారా ? సరిదిద్దే ప్రయత్నం చేసారా అని కోర్ట్ ప్రశ్నించింది. ఒప్పందం కనుక ఉల్లంఘన జరిగితే, ఇవన్నీ చెయ్యాలి, మరి ఇక్కడ అది జరిగినట్టు కనిపించటం లేదని కోర్ట్ పేర్కొంది. ఇక మరో పక్క నవయుగ పనుల్లో అసలు పురోగతి లేదు అంటూ, ప్రభుత్వం చేసిన వాదన పై కోర్ట్ కీలక వ్యాఖ్యలు చేసింది. ఒక విధంగా ప్రభుత్వం, తప్పుదోవ పట్టించింది అంటూ వ్యాఖ్యలు చేసింది. కాంట్రాక్టు రద్దు చెయ్యాలని ప్రభుత్వం రాసిన లేఖకు, నవయుగ ఒక లేఖ రాసింది, ఆ లేఖ చూస్తే పనులు వేగంగా జరుగుతున్నాయని అర్ధం అవుతుంది కదా అని కోర్ట్ ప్రశ్నించింది. నవయుగ పనులు చెయ్యటంలో పూర్తిగా విఫలం అయ్యింది అంటూ, ఏజీ వాదనలు వినిపించారు.

కాని కోర్ట్ మాత్రం, ఆ లేఖ చూపిస్తూ, నవయుగ పనుల్లో గణనీయమైన పురోగతి చూపినట్టు తెలుస్తుంది. ఇంజనీరింగ్‌ పనుల్లో 98 శాతం, సివిల్‌ పనుల్లో 75 శాతం పూర్తయ్యాయని తెలుస్తోంది కదా అని కోర్ట్ ప్రశ్నించింది. మరో పక్క, ఒప్పందంలోని క్లాజ్‌ 13.1 ప్రకారం ఒప్పందం రద్దుకు ఉన్న నిర్దిష్టమైన విధానాన్ని ఇక్కడ పాటించలేదు అని హైకోర్ట్ పేర్కొంది. నవయుగకి కాంట్రాక్టు రద్దు చేస్తూ జెన్కో తీసుకున్న నిర్ణయంలో, చట్ట నిబంధనలకు తగ్గట్లుగా లేవని హైకోర్ట్ పేర్కొంది. అలాగే రాష్ట్ర ప్రభుత్వానికి, ఈ విషయంలో జోక్యం చేసుకోవటం పైనా, కోర్ట్ అక్షింతలు వేసింది. ఈ విషయం ఒప్పందం జరిగింది అని, ఏపీ జెన్కో కు నవయుగకి సంబందించిన విషయం అంటూ, కోర్ట్ ఒక రకంగా ఏపి ప్రభుత్వాన్ని తగ్గమని చెప్పింది. మరి ఈ విషయంలో జగన ఏ నిర్ణయం తీసుకొంటారో చూడాలి.

ఆంధ్రప్రదేశ్ రాష్ట్ర పరిపాలన విధానం పై, ఇప్పటికే కేంద్రం గుర్రుగా ఉన్న సంగతి తెలిసిందే. ఇప్పటికే విద్యుత్ ఒప్పందాల సమీక్ష విషయంలో రాష్ట్ర ప్రభుత్వానికే కాదు, కేంద్రానికి కూడా చెడ్డ పేరు వచ్చింది. జగన్ చేసిన పనుల వల్ల, జపాన్ ప్రభుత్వం, కేంద్రానికి కూడా లేఖ రాసి, ఇలా అయితే ఎవరూ విదేశీ పెట్టుబడులు పెట్టరు అంటూ ఆగ్రహం వ్యక్తం చేసిన సంగతి తెలిసిందే. విద్యుత్ ఒప్పందాల విషయం పై కేంద్రం చెప్పీ చెప్పీ, రాష్ట్రంతో విసుగెత్తిపోయింది. మళ్ళీ పోలవరం విషయంలో కూడా ఇదే తంతు. కేంద్రం హెచ్చరికలు ఇస్తున్నా, రాష్ట్రం పట్టించుకోవటం లేదు. అయితే, ఇప్పుడు రాష్ట్ర ప్రభుత్వం మరో సమీక్షతో రెడీ అవ్వటంతో, ఇక కేంద్రానికి ఆగ్రహం కట్టలు తెంచుకుంది. మీకు అసలు ప్రాజెక్ట్ లు అయ్యే ఉద్దేశం ఉందా అంటూ, రాష్ట్ర అధికారుల పై, కేంద్ర ప్రభుత్వ అధికారులు తీవ్ర ఆగహ్రం వ్యక్తం చేసారు.

కేంద్ర ప్రభుత్వ పర్యవేక్షణలో, రాష్ట్రంలో రూ.1600కోట్ల వ్యయంతో ‘సమీకృత నీటిపారుదల, వ్యవసాయ పరివర్తనా పథకం’ అమలవుతోంది. దీని పై ఢిల్లీలో సమీక్ష జరిగింది. ఈ ప్రాజెక్ట్ కు సంబంధించి, ప్రపంచ బ్యాంకు కుద సహాయం చేస్తూ ఉండటంతో, వారు కూడా ఈ సమీక్షకు హాజరయ్యారు. అయితే రాష్ట్ర ప్రభుత్వం ఇచ్చిన నివేదిక పై, ప్రపంచ బ్యాంక్ అధికారుల ముందే, కేంద్ర ఆర్థిక శాఖ అదనపు కార్యదర్శి సమీర్‌కుమార్‌ఖరే, రాష్ట్ర ప్రభుత్వ అధికారుల పై తీవ్ర ఆగ్రహం వ్యక్తం చేసినట్టు సమాచారం. చివరకు చిన్న నీతి తరహా ప్రాజెక్ట్ ల పై కూడా మీరు సమీక్షల పేరుతొ పనులు నిలిపివేస్తే ఎలా ? అనుకున్న సమయానికి పనులు పుర్తవుతాయా అంటూ రాష్ట్ర ప్రభుత్వ అధికారులపై అసహనం వ్యక్తం చేసారు.

ఆ సమయంలో, ప్రపంచబ్యాంకు భారత్‌ డైరెక్టర్‌ జునాయ్డ్‌ కమల్‌ అహ్మద్‌ కూడా అక్కడే ఉన్నారు. ఇలా సమీక్షల పేరుతొ, పనులు ఆపేస్తే, ప్రపంచ బ్యాంకు నుంచి, కేంద్రం నుంచి మీకు నిధులు ఎలా వస్తాయి అని నిలదీశారు. కేంద్ర ఆర్థిక శాఖ అదనపు కార్యదర్శి సమీర్‌కుమార్‌ఖరే అడిగిన ప్రశ్నలకు, రాష్ట్ర అధికారులు సమాధానం చెప్పలేక పోయారు. ఈ పనులు తప్ప మిగతవి సజావుగా జరుగుతున్నాయని, పూర్తయిన పనులకు బిల్లులు కేంద్రం నుంచి రావాలని రాష్ట్ర అధికారులు కోరారు. వీటి పై నిబంధల ప్రకారం చూస్తామని, మిగతా పనులు విషయంలో ప్రత్యెక శ్రద్ధ పెట్టి, అనుకున్న సమయానికి పనులు పూర్తి చేసేలా చూడాలని, రాష్ట్ర అధికారులకు, కేంద్ర అధికారులు కోరారు.