news

గత అయుదు నెలలుగా, ఈ రాష్ట్రంలో విచ్చలవిడిగా జరుగుతున్న దాడులు పై తెలుగుదేశం పార్టీ అన్ని స్థాయిల్లో పోరాటాలు మొదలు పెట్టింది ఇందులో భాగంగానే, ఇప్పటికే జాతీయ మానవ హక్కుల సంఘానికి, ఫిర్యాదు చేసారు. రాష్ట్రంలో వైసీపీ ప్రభుత్వం వచ్చిన తరువాత, తమ పార్టీ సానుభూతిపరులు, కార్యకర్తలు ఎదుర్కుంటున్న ఇబ్బందులను, వారు మానవ హక్కుల సంఘం ముందు పెట్టారు. అన్ని ఆధారాలతో, తెలుగుదేశం పార్టీ, దాడుల వివరాలను సమర్పించింది. అయితే, ఫిర్యాదులో ఉన్న వేడి గమించిన మానవ హక్కుల సంఘం వెంటనే రియాక్ట్ అయ్యింది. ఆంధ్రప్రదేశ్ చీఫ్ సెక్రటరీకి, డీజీపీకి, ఆ వివరాలు అన్నీ పంపించి, ఆరు వారాల్లోగా రిపోర్ట్ ఇవ్వాలని, తెలిపింది. అయితే ఆ విచారణ జరుగుతూ ఉండగానే, అసలు అక్కడ జరుగుతున్న విషయాలు క్షేత్ర స్థాయిలో తెలుసుకుంటానికి, ఏకంగా జాతీయ మానవ హక్కుల సంఘం సభ్యులే ఇక్కడకు వచ్చారు.

గుంటూరు జిల్లాలోని పరిస్థితులను తమ కళ్ళారా చూడటానికి, జాతీయ మానవ హక్కుల సంఘం వచ్చింది. అయితే ఈ విషయం తెలుసుకున్న స్థానిక వైసీపీ నేతలు అలెర్ట్ అయ్యారు. చీఫ్ సెక్రటరీ, డీజీపీ విచారణ మాత్రమే అనుకున్న వీరు, ఏకంగా మానవ హక్కుల సంఘం రంగంలోకి దిగటంతో, అవాక్కయ్యారు. నిన్న రాత్రి సమాచారం రావటంతో, ఒక వైసిపీ ఎమ్మెల్యే అర్ధరాత్రి సమావేశం ఏర్పాటు చేసారు. త రాత్రి 2 గంటల వరకు ఈ వ్యవహారంపై కార్యకర్తలతో ఓ వైసీపీ ఎమ్మెల్యే సమావేశం నిర్వహించారని తెలుస్తోంది. కమిషన్ సభ్యులకు ఏం చెప్పాలి ? ఎలా చెప్పాలి ? అనే అంశాల పై అక్కడ వారికి చెప్పినట్టు, ఎలా ఈ విచారణ నుంచి బయట పడాలి అనే వ్యూహాలు పన్నినట్టు, ఒక వార్తా ఛానెల్ లో వార్తలు వచ్చాయి.

ఇక మరో పక్క, జాతీయ మానవ హక్కుల కమిషన్‌కు టీడీపీ నేతలు గల్లా జయదేవ్, నక్కా ఆనంద బాబు, అశోక్ బాబు, మద్దాలి గిరి, డొక్కా తదితరులు కలిసి, వివరించారు. వైసీపీ దాడులకు సంబందించి కొన్ని ఆధారాలను టీడీపీ నేతలు కమిషన్‌కు ఇచ్చారు. పొనుగోడులో ఇప్పటికీ అక్కడ ఇళ్ళకు అడ్డుగా ఉన్న గోడ, ఒక ఉదాహరణ అని చెప్పుకొచ్చారు. జాతీయ మానవ హక్కుల సంఘంతో సమావేశం తరువాత, గల్లా జయదేవ్ మీడియాతో మాట్లాడారు. రాష్ట్రంలో ఇప్పటి వరకు 800 మంది తెలుగుదేశం సానుభూతిపరుల పై వైసీపీ నేతలు దాడులు చేసారని గల్లా జయదేవ్ విమర్శించారు. ఇప్పటివరకు ఎనిమిది మంది టీడీపీ కార్యకర్తలు హత్యకు గురయ్యారన్నారు. ప్రజాస్వామ్యాన్ని కాపాడాల్సిన అవసరం ఉందని గల్లా జయదేవ్ వ్యాఖ్యానించారు.

వైసీపీ పార్టీలో ప్రస్తుతం ఎవరైనా అసంతృప్తిగా కనిపిస్తున్నారు అంటే, అది పర్చూరు వైసీపీ నేత దగ్గుబాటి వెంకటేశ్వరరావు. 151 సీట్లతో, వైసిపీ గెలిచినా, ఈయన మాత్రం పర్చూరులో ఓడిపోయారు. అప్పటి వరకు జగన్ ఎంతో సహకారం అందించారు కూడా. అయితే ఓడిపోయిన తరువాత అందరి వైసీపీ ఇంచార్జ్ లు లాగానే, ఇటు దగ్గుబాటి కూడా, తన నియోజకవర్గంలో పెత్తనం చలాయించటం మొదలు పెట్టారు. మొన్న జరిగిన ట్రాన్స్ఫర్ ల విషయంలో కూడా దగ్గుబాటి తన మాట చెల్లుబాటు అయ్యేలా చేసుకున్నారు. అయితే, ఏమైందో ఏమో కాని, ఉన్నట్టు ఉండి, మరో నేతను పర్చూరుకి తీసుకువచ్చారు జగన్. దగ్గుబాటి రాకను వ్యతిరేకించి , వైసీపీ నుంచి తెలుగుదేశం పార్టీలోకి వెళ్ళిన నాయకుడిని, మళ్ళీ తీసుకొచ్చి, జగన్ చేత కండువా కప్పించారు. అంతే కాక, నియోజకవర్గంలో, ఆయనకే పెత్తనం ఇవ్వాలని, ఆయన చెప్పిన పనులే చెయ్యాలని, పై నుంచి ఆదేశాలు రావటంతో, దగ్గుబాటి డమ్మీ అయ్యారు.

అయితే ఈ విషయం పై జగన్ వద్దే తేల్చుకోవటానికి, దగ్గుబాటి సిద్ధం అయ్యి, జగన్ వద్దకు వచ్చి కలవటానికి ప్రయత్నం చేసారు. అయితే, అటు వైపు నుంచి వచ్చిన రియాక్షన్ చూసి, దగ్గుబాటి అవాక్కయ్యారు. ముందుగా మీరు, జగన్ ని కలవాలి అంటే, మీ భార్య అయిన పురందేశ్వరి కూడా, వైసిపీలోకి రావాలని, వారు ఒక పార్టీ, మీరొక పార్టీ అయితే కుదరదు అని, అప్పుడే జగన్ వద్దకు వచ్చి కలవటం కుదురుతుంది అంటూ, అటు వైపు నుంచి సమాధానం వచ్చింది. దీంతో, దగ్గుబాటి షాక్ అయ్యారు. ఎన్నికల ముందు లేని ఇబ్బంది, ఇప్పుడు ఎందుకు వచ్చింది అంటూ, ప్రశ్నించినా, అటు వైపు నుంచి సమాధానం లేదు. దీంతో దగ్గుబాటి అసలు ఏమి చెయ్యాలి అనే విషయం పై నియోజకవర్గ స్థాయి నేతలతో సమావేశం నిర్వహించారు.

ఈ సమావేశంలో అందరి వాదనలు విన్న దగ్గుబాటి, వైసీపీకి రాజీనామా చేస్తారనే వార్తలు వచ్చాయి. అయితే ఇంత వరకు, ఈ విషయం పై అధికారిక ప్రకటన రాలేదు. మరో పక్క పురందేశ్వరి ఈ విషయం పై ఇప్పటి దాక స్పందించలేదు. మొదటి సారి ఆమె, జగన్ పంపించిన ఆఫర్ పై స్పందించారు. పశ్చిమగోదావరి జిల్లాలో పర్యటించిన పురందేశ్వరి, తను వైసిపీలోకి వస్తేనే, దగ్గుబాటి కూడా ఉంటారు అనే విషయం పై స్పందించారు. ఎన్నికలకు ముందు అయితే తనను వైసీపీలో చేరాలని ఆహ్వానం వచ్చిందని, ఇప్పుడు ఎన్నికలు ముగిసిన తరువాత తనకు ఎటువంటి ఆహ్వానం రాలేదు. వైసీపీలో చేరడానికి ముందు దగ్గుబాటి వెంకటేశ్వరరావు గారు, నేను బీజేపీలోనే కొనసాగుతానని స్పష్టంగా ఆ పార్టీ నేతలకు చెప్పారని, అప్పుడు వారు అంగీకరించిన తరువాతే నా భర్త, నా కుమారుడు ఆ పార్టీలో చేరారని పురందేశ్వరి అన్నారు. వైసీపీకి రాజీనామా చేయాలని ఆ పార్టీ నేతలు ఒత్తిడి తెస్తున్న విషయాన్ని వెంకటేశ్వరరావును అడగండి అని పురందేశ్వరి అన్నారు.

గన్నవరం తెలుగుదేశం పార్టీ ఎమ్మల్యే వల్లభనేని వంశీ విషయం, ఇంకా ఎటూ తేలలేదు. నాలుగు రోజుల క్రితం వంశీ జగన్ ను కలవటంతో, అందరూ వంశీ వైసీపీలో జాయిన్ అవుతున్నారని అనుకున్నారు. ఈ వార్త తెలియటంతో, గన్నవరం వైసిపీ ఇంచార్జ్ గా ఉన్న యార్లగడ్డ వెంకట్రావ్ కూడా, ఆందోళన వ్యక్తం చేసారు. వంశీని పార్టీలోకి జాయిన్ చేసుకోవద్దు అంటూ సంకేతాలు ఇచ్చారు. ఇక మరోపక్క వంశీ ఎవరూ ఊహించని నిర్ణయం తీసుకున్నారు. దీనికి సంబంధించి, చంద్రబాబుకు వాట్స్ అప్ మెసేజ్ చేస్తూ, తాను రాజకీయాల నుంచి తప్పుకుంటున్నా అని, వైసిపీ దాడుల నుంచి తన కార్యకర్తలను కాపాడుకోవాలంటే, ఇది ఒక్కటే మార్గం అని చంద్రబాబుకు చెప్పారు. దీనికి చంద్రబాబు స్పందిస్తూ, ఇలా వెళ్ళిపోవటం కరెక్ట్ కాదని, ఇలాంటి వారితో పోరాటం చెయ్యాలని, ప్రజలకు వివరించాలని, మీకు పార్టీలో ఏమైనా ఇబ్బంది ఉంటే, కేశినేని నాని, కొనకళ్ళతో చెప్పండి అంటూ, చంద్రబాబు చెప్పుకొచ్చారు.

అయితే దీని తరువాత, వంశీ వైపు నుంచి ఎలాంటి స్పందన లేదు. కేశినేని నాని, వంశీని కలవాలి అనుకున్నా, వంశీ అందుబాటులోకి రాలేదు, ఆయన హైదరాబాద్ లో ఉన్నారని సమాచారం వస్తుంది. అయితే, ఈ అంశం ఇలా కొనసాగుతూ ఉండగానే, చంద్రబాబు ఈ రోజు మరోసారి వంశీ విషయాన్ని ప్రస్తావించారు. ఈ రోజు విజయవాడ ఏ1 కన్వేషణ్ సెంటర్ లో జరిగిన, కృష్ణా జిల్లా విస్తృతస్థాయి సమావేశంలో చంద్రబాబు పాల్గున్నారు. ఈ సందర్భంగా కార్యకర్తలను ఉద్దేశించి మాట్లాడిన చంద్రబాబు, వంశీ విషయాన్నీ ప్రస్తావించారు. మన నాయకుడు వల్లభనేని వంశీని కేసులు పెట్టి, ఇతర బెదిరింపులు చేస్తూ,లొంగదీసుకునే ప్రయత్నం చేస్తున్నారని, వంశీ పై తప్పుడు కేసులు పెట్టి వేధిస్తున్నారని చంద్రబాబు అన్నారు.

వంశీ అసలు ఏ తప్పు చేసారని, కేసు పెట్టారని ? ప్రభుత్వం సమాధానం చెప్పాలని అన్నారు. వంశీ పై కేసు పెట్టటం కాదని, ఎమ్మార్వో, ఎస్సైని కేసులు పెట్టి అరెస్ట్ చెయ్యాలని చంద్రబాబు అన్నారు. వైసీపీ ప్రభుత్వ వేధింపులకు భయపడకుండా, వాటిని ధీటుగా ఎదుర్కుని రాజీలేని పోరాటం చెయ్యాలని చంద్రబాబు అన్నారు. తెలుగుదేశం నేతల ఆర్ధిక మూలాలను దెబ్బతీసే కుట్రకు తెర లేపారని, పంచాయతీ ఎన్నికల్లో, పోటీ చేయకుండా సరెండర్‌ పాలిటిక్స్‌ చేస్తున్నారని చంద్రబాబు అన్నారు. అచ్చెన్న, కూన రవి, సోమిరెడ్డి, యరపతినేనిపై కేసులు పెట్టారని, ఇప్పుడు వంశీ పై కేసులు పెట్టి, పార్టీ మార్పు పై ఒత్తిళ్ళు తెస్తున్నారని చంద్రబాబు అన్నారు. అన్ని విషయాల పై, ఈ ప్రభుత్వంతో పోరాడాలని, నేతలకు, కార్యకర్తలకు పిలుపిచ్చారు.