news

అమరావతి ఉద్యమం కేవలం, రెండు జిల్లాలకే, అది కూడా కేవలం ఒక కులానికే పరిమితం అంటూ, వైసీపీ ముందు నుంచి ప్రచారం చేసింది. పది మంది లేరు అని అవహేళన చేసారు. అయితే వందల సంఖ్యలో రైతులు రోడెక్కారు. పెయిడ్ ఆర్టిస్టులు అన్నారు. ఆగ్రహంతో వేలాదిగా మహిళలు రంగంలోకి దిగి కదం తొక్కారు. 4 గ్రామాల వారే ఉద్యమం చేస్తున్నారు అని నవ్వారు. వేలాదిగా విద్యార్థులు ఉద్యమానికి తోడై జాతీయ రహదారులను సైతం స్తంభించారు. 29 గ్రామాల్లో జరిగితే ఉద్యమమా?రైతు అనేవాడు గోచి కట్టుకొని నోరు మూసుకొని బురదలో ఉండాలి అని ఎద్దేవా చేసారు. 2 జిల్లాల ప్రజలు రోడ్ల పైకి వచ్చి సింహాల్లా గర్జించారు. డ్రామా కంపెనీ వాళ్లు రోడ్ల పైకి వచ్చారు అంటూ కించపర్చారు. 4 జిల్లాలో ఉద్యమం పురుడు పోసుకొని అమరావతి కోసం గొంతు విప్పుతున్నారు. వాళ్లంతా రైతులు కాదు రియల్ ఎస్టేట్ బ్రోకర్లు అంటూ అరవడం మొదలు పెట్టారు. 13 జిల్లాలో మాకు వద్దు ఈ మూడు రాజాధానులు,ముప్పై రాజధానులు అంటూ సకల జనులు నినదిస్తున్నారు.

మహిళల్ని రోడ్ల పై ఈడ్చుకెళ్ళి,లాఠీ ఛార్జ్ చేసి సాయంత్రం ఆరు దాటిన తరువాత కూడా స్టేషన్ లో నిర్బంధించారు. అనారోగ్యంతో చస్తే ఉద్యమం కోసం చనిపోయారు అని బిల్డ్ అప్ ఇస్తున్నారు అని అన్నారు. ప్రాణాలైనా అర్పిస్తాం ,అమరావతి ని సాధిస్తాం అని రైతులు ,మహిళలు ,విద్యార్థులు అనే పరిస్థితి తెచ్చారు. ఇప్పుడు రాయలసీమలో కూడా ఇది కళ్ళారా చూసే పరిస్థితి వచ్చింది. ఈ రోజు అమరావతి జేఏసీ తరుపున, చిత్తూరు జిల్లా తిరుపతిలో పెద్ద ర్యాలీ జరిగింది. ఇందులో చంద్రబాబుతో పాటుగా, ఇతర పార్టీ నేతలు పాల్గున్నారు. ఉదయం నుంచి అనేక నిర్బంధాలు చేసారు. ర్యాలీకి పర్మిషన్ లేదు అంటూ, ఎక్కడికక్కడ నేతలను హౌస్ అరెస్ట్ చేసారు. పోలీసులు అనేక ఆంక్షలు పెట్టరు.

చివరకు చంద్రబాబు తిరుపతిలో అడుగు పెట్టటంతో, ఇక తప్పక షరతులతో కూడిన అనుమతులు ఇచ్చారు. అయితే, ఈ రోజు ర్యాలీకి, మచిలీపట్నం, రాజమండ్రి కంటే ఎక్కువ మంది ప్రజలు వచ్చారు. రాయలసీమలో, అమరావతికి వచ్చిన ఈ రెస్పాన్స్ చూసి, వైసీపీలో కలవరం మొదలైంది. అమరావతి పై ఎంత వ్యతిరేకత తీసుకువద్దాం అని ప్రయత్నం చేసినా, తమకు ఎంతో బలం ఉన్న రాయలసీమలో, ప్రజలు ఒకే రాజధానికి మద్దతు తెలపటం పై, వైసీపీలో అంతర్మధనం మొదలైంది. రాయలసీమ ప్రజలు మద్దతు పలకటం పై చంద్రబాబు ట్వీట్ చేసారు... "ఉదయం నుంచి తిరుపతిలో హౌస్ అరెస్ట్ లు చేసారు. ప్రజలని నిర్బంధించారు. అడుగడుగునా ఆంక్షలు పెట్టారు. నిర్బంధాలు దాటుకుని రాజధాని అమరావతి పరిరక్షణ కోసం జేఏసీ ఆధ్వర్యంలో తిరుపతిలో జరిగిన ర్యాలీలో భారీ ఎత్తున హాజరై సంఘీభావం చెప్పారు చిత్తూరు జిల్లా ప్రజలు. రాయలసీమ నినదిస్తోంది 'జై అమరావతి' అని, 'ఒకే రాష్ట్రం-ఒకే రాజధాని' అని!" అంటూ చంద్రబాబు ట్వీట్ చేసారు.

జగనసేన అధినేత పవన్ కళ్యాణ్, హుటాహుటిన ఢిల్లీ పర్యటనకు వెళ్ళటం, ప్రాధాన్యత సంతరించుకుంది. ఒక పక్క విస్తృత స్థాయి సమావేశం జరుగుతూ ఉండగానే, మధ్యలోనే లెగిసి, పవన్ కళ్యాణ్ ఢిల్లీ పర్యటనకు వెళ్ళిపోయారు. ఈ రోజు గుంటూరు జిల్లాలోని, మంగళగిరిలోని, జనసేన పార్టీ ప్రధాన కార్యాలయంలో, పవన్ కళ్యాణ్ విస్తృత స్థాయి సమావేశంలో పాల్గున్నారు. ఈ సమావేశం జరుగుతూ ఉండగానే, ఈ ఆసక్తికర ఘటన చోటు చేసుకుంది. అయితే, పవన్ కళ్యాణ్ ఇంత హడావిడిగా ఎందుకు ఢిల్లీ వెళ్తున్నారు అనేది మాత్రం, జనసేన పార్టీ వర్గాలు చెప్పటం లేదు. అక్కడ ఎవరిని కలుస్తారు ? ఏ విషయం పై కలుస్తారు అనేది మాత్రం, అధికారికంగా చెప్పలేదు. నెల క్రితం కూడా, పవన్ కళ్యాణ్, ఇలాగే ఢిల్లీ పర్యటనకు వెళ్లారు. అక్కడ ఎవరిని కలిసింది మాత్రం, ఇప్పటికీ సస్పెన్స్ గానే ఉంది. అయన బీజేపీ అగ్ర నేతలను కలుస్తున్నారని తెలుస్తున్నా, అది ఏ విషయంలో కలుస్తున్నారు ? రాజకీయంగా కాలుస్తున్నారా ? లేక రాష్ట్రంలో ఉన్న పరిస్థితి వివరించటానికి కాలుస్తున్నారా అనేది మాత్రం తెలియదు.

అయితే, నిన్న, ఈ రోజు, పవన్ కళ్యాణ్ రాజధాని తరలింపు విషయం పై, పార్టీలో చర్చిస్తున్నారు. అమరావతి రైతులకు జరుగుతున్న అన్యాయం పై, మాట్లాడుతున్నారు. అమరావతి రైతులకు జరుగుతున్న అన్యాయం పై, వచ్చే వారం, విజయవాడలో పెద్ద కవాతు కూడా చేస్తారాని, ఆ విషయం పై, ఇప్పటికే చర్చలు జరుగుతున్నాయని తెలుస్తుంది. అలాగే నిన్న కూడా కొంత మంది అమరావతి రైతులతో పవన్ కళ్యాణ్ చర్చించారు. గత వారం రోజులుగా, పోలీసులు, ప్రభుత్వం వ్యవహరిస్తున్న తీరు పై, పవన్ కళ్యాణ్ కు వివరించారు. మహిళలను టార్గెట్ చేసి మరీ, పోలీసులు కొడుతున్నారని, పవన్ కళ్యాణ్ కు ఫిర్యాదు చేసారు. ఈ విషయం పై, తమతో, కలిసి రోజు వారీ పోరాటాలు చెయ్యాలని పవన్ ని కోరారు.

ఇక అలాగే కేంద్రం కూడా ఈ విషయంలో పెద్దన్న పాత్ర పోషించాలని, పవన్ కోరుతున్నారు. రాష్ట్రంలో పరిస్థితులు రోజు రోజుకీ దిగజారిపోతున్నాయని, వెంటనే కేంద్రం కూడా కలగచేసుకోవాలని పవన్ కోరుతున్నారు. ఈ నేపధ్యంలోనే పవన్ కళ్యాణ్ ఇంత హడావిడిగా ఢిల్లీ వెళ్ళరా అనేది తెలియాల్సి ఉంది. కేంద్ర ప్రభుత్వం ప్రముఖుల అపాయింట్‌మెంట్‌ పవన్‌ కల్యాణ్‌కు ఖరారయిందని అందుకే వెళ్లారని తెలుస్తున్నా, ఏ విషయంలో పవన్ కళ్యాణ్ కలుస్తున్నారు అనేది మాత్రం, తెలియదు. ఈ సారైనా, పవన్ కళ్యాణ్ ఢిల్లీ పర్యటన పై పూర్తి వివరాలు తెలుస్తాయా , లేకపోతే, పోయిన సారి ఢిల్లీ పర్యటన లాగా, ఈ సారి కూడా, పర్యటన గోప్యంగా ఉంటుందో తెలియదు. ప్రజా సమస్యల పై ఢిల్లీ పర్యటన అయితే, గోప్యంగా ఎందుకు ఉంచుతున్నారో, జనసేన వర్గాలే చెప్పాలి.

అమరావతి ప్రాంత రైతులకు, రోజు రోజుకీ మద్దతు పెరుగుతుంది. 26 రోజులుగా అమరావతి రైతులు ఆందోళన చేస్తున్నా ప్రభుత్వం మాత్రం స్పందించటం లేదు. 26 రోజుల క్రితం, కేవలం 29 గ్రామాల సమస్యగా మొదలైన అమరావతి ఉద్యమం, నేడు ఆంధ్రప్రదేశ్ అంతటా పాకింది. అయితే, ఈ 26 రోజులు నుంచి ప్రభుత్వం మాత్రం, మీ సమస్య ఏమిటి అని మాత్రం, రైతులని అడగలేదు. ఇక పొతే, అమరావతి ఉద్యమానికి అన్ని వర్గాల నుంచి మద్దతు లభిస్తుంది. ముఖ్యంగా అన్ని ప్రాంతాల్లో మహిళలు వారికి మద్దతుగా నిలుస్తున్నారు. ఇక పొతే, అన్నిటికంటే ముందు ఉండాల్సిన సినీ పరిశ్రమ మాత్రం, ఇటు వైపు కూడా చూడటం లేదు. కేవలం హీరో నారా రోహిత్, సింగర్ స్మితా మాత్రమే, అమరావతి ఉద్యమానికి మద్దతు పలికారు. చిరంజీవి లాంటి అగ్ర హీరో అయితే, మొదటి రోజే, అద్భుతమైన నిర్ణయం తీసుకున్న జగన్ రెడ్డి అంటూ, భజన చేసారు. దీంతో సినీ పరిశ్రమ పై, ఏపి వ్యాప్తంగా వ్యతిరేకత వస్తుంది. ఇక్కడ ఎక్కువ కలెక్షన్లు తెచ్చుకుని, ఏపిని మాత్రం పట్టించుకోరు అని ప్రజలు వాపోతున్నారు.

ఈ సందర్భంలో, తెలుగు సినీ ఇండస్ట్రీ దిగ్గజ నిర్మాతలో ఒకరైన ప్రముఖ నిర్మాత అశ్వినీదత్, ఈ రోజు అమరావతి ప్రాంతంలో పర్యటించారు. అక్కడ రైతులు చేస్తున్న ఉద్యమానికి మద్దతు ఇచ్చారు. ఈ సందర్భంగా ఆయన మాట్లాడుతూ, సొంత సినీ పరిశ్రమ పై, చిరంజీవి పై సంచలన వ్యాఖ్యలు చేసారు. మూడు రాజధానులు భేష్ అంటూ మెగాస్టార్ చిరంజీవి తీసుకున్న నిర్ణయాన్ని, అయన విజ్ఞతకే వదిలేస్తున్నానని అశ్వినీదత్ అన్నారు. చిరంజీవికి అసలు ఏమి తెలుసనీ, ఆయనకు ఏమి తెలియదు కాబట్టే, మూడు రాజధానులు బాగుంటుందని చెప్పారని అన్నారు. ప్రపంచంలో ఎక్కడైనా ఒకటి కంటే ఎక్కువ రాజాధనులు ఉన్న ప్రాంతాలు, ఫెయిల్ అయ్యాయనే విషయం చిరంజీవికి తెలియదా అని ప్రస్నిన్చాఉర్.

పవన కళ్యాణ్ సినిమాల్లోకి వస్తే, ఆయానకు కోట్లు వస్తాయని, సినిమాలు వదిలేసి ఆయన రైతులు కోసం ఎందుకు పోరాడుతున్నారో, చిరంజీవికి తెలియదా అని అశ్వినీదత్ ప్రశ్నించారు. ఇక పృథ్వీ మాట్లాడిన మాటలు ఎవరూ పట్టించుకోనవసరం లేదని, అతనికి విలువే లేదని, అలంటి వాడి మాటలకు విలువ ఇవ్వాల్సిన పని లేదని అశ్వినీదత్ అన్నారు. రైతులు, సినీ పరిశ్రమమద్దతు ఇవ్వమని అడగనవసరం లేదని, సినిమాలు చూడటం మానిస్తే చాలని, సినీ ఇండస్ట్రీ మొత్తం, దిగి వచ్చి, మీ ముందు ఉంటుంది అని అన్నారు. ఈ గడ్డ పై పుట్టిన వాళ్ళు సూపర్ స్టార్లు అయ్యారని, నటుడిగా కాకున్నా, కనీసం మనిషిగా అయినా స్పందించాలని అన్నారు. రాజధాని రైతులను చూస్తే ఆవేదన కలుగుతోందని అశ్వినీదత్ అన్నారు. సొంత ఇండస్ట్రీ పై, అశ్వినీదత్ చేసిన వ్యాఖ్యలు, సినీ ఇండస్ట్రీలో ఎలాంటి రియాక్షన్ ఇస్తుందో మరి.