news

అమరావతిలో రాజధాని రైతులకు అన్యాయం జరుగుతుంది అంటూ, గత 17 రోజులుగా రైతులు ఆందోళన చెందుతున్నారు. ఎప్పుడూ బయటకు రాని ఆడవాళ్ళు కూడా రోడ్డు మీదకు వచ్చి నిరసనలు చేస్తున్నారు. ఈ రోజు నుంచి సకల జనుల సమ్మె కూడా, అమరావతిలో జరుగుతుంది. అన్ని పక్షాలు రాజధాని రైతుల పక్షాన పోరాడుతుంది. తమ గురించి ఆలోచించాలి అంటూ 17 రోజుల నుంచి ఆందోళన చేస్తున్నా, ప్రభుత్వం నుంచి ఎవరూ పట్టించుకోవటం లేదు. 17 రోజులుగా ఒక్క మంత్రి కాని, ముఖ్యమంత్రి కాని వారి తరుపున మాట్లాడ లేదు. ఇక స్థానిక వైసీపీ ఎమ్మెల్యేలు కూడా వారి వైపు కూడా చూడటం లేదు. వారి ఆందోళన తగ్గించే మార్గం చెయ్యకుండా, వారితో చర్చలు జరపకుండా, వారిని పైడ్ అరిస్ట్ లు అంటూ హేళన చేస్తున్నారు. అలాగే ఇది ఎడారి అని, స్మశానం అని, ఇలా అనేక రకాలుగా రైతులని అవమాన పరుస్తున్నారు. తమ గురించి పట్టించుకోవాల్సిన ప్రభుత్వమే, ఇలా తమను రోడ్డున పడేసింది అని, తమ గురించి పట్టించుకోండి అంటూ ప్రభుత్వాన్ని వేడుకుంటున్నారు.

అయితే, ఈ పరిస్థితిలో, ఈ రోజు ఏలూరులో, జగన్ మోహన్ రెడ్డి సంచలన వ్యాఖ్యలు హ్సుసారు. ఏలూరులో ఆరోగ్యశ్రీ పైలెట్‌ ప్రాజెక్టును మొదలు పెట్టిన తరువాత, జగన్ మాట్లాడుతూ, రాజధాని మారిపోతుంది అంటూ, సంకేతాలు ఇచ్చేలా సంచలన వ్యాఖ్యలు హ్సుసారు. ప్రతి నిర్ణయానికి ప్రాతిపదిక.. అందరూ బాగుండాలి.. అన్ని ప్రాంతాలు బాగుండాలి. గ్రామం నుంచి రాష్ట్రం పరిపాలన వరకు అందరూ సమానమే. అన్ని వర్గాల ప్రజలకు అభివృద్ధి, పరిపాలన ఫలాలు అందాలి. గతంలో అన్యాయంగా తీసుకున్న నిర్ణయాలను సరిదిద్దుతాం. అందరికీ నీరు, నిధులు, పరిపాలన దక్కితేనే న్యాయం చేస్తాం అంటూ, అమరావతి నుంచి రాజధాని మారిపోతుంది అనే విధంగా జగన్ మాట్లాడుతూ, రాజధాని మార్పు అనివార్యం అనే విధంగా చెప్పారు.

ఈ రోజు మధ్యానం బోస్టన్ కమిటీ మూడున్నర గంటలకు రిపోర్ట్ ఇవ్వనుంది. ఆ నివేదక రాకుండానే, జగన్ ఇలా మాట్లాడటం పై ఆసక్తి నెలకొంది. మొన్న కూడా జీఎన్ రావు కమిటీ నివేదిక ఇవ్వకుండానే, ఆయన అసెంబ్లీలో మూడు రాజధానుల పై ప్రకటన చేసిన సంగతి తెలిసిందే. తరువాత జీఎన్ రావు అదే చెప్పారు. ఇప్పుడు కూడా బోస్టన్ కమటీ రాకుండానే, ఇలా ఎలా చెప్తారు అంటూ, వాదనలు వినిపిస్తున్నాయి. ఇక ఈ కమిటీలు ఎందుకు అంటూ, జగన్ నే ఇష్టం వచ్చిన నిర్ణయం తీసుకోమని చెప్తున్నారు. అయితే మొన్న వైజాగ్ వెళ్ళిన జగన్, ఒక్క మాట కూడా మాట్లాడకుండా వచ్చేశారు. అక్కడ ఎందుకు మాట్లాడలేదు, ఇప్పుడు ఏలూరులో ఎందుకు ఇలా మాట్లాడారు అనేదాని పై ఆసక్తి నెలకొంది. మొత్తానికి, అమరావతి రైతులని మాత్రం, పట్టించుకోవటం లేదు.

గత 2వారాలుగా అమరావతి రాజధానికి చెందిన రైతులు రాజధాని తరలింపు ప్రకటనలపై వ్యతిరేకంగా ధర్నాలు చేస్తున్నారు. అయితే ఈ రోజు రైతులకు పోలీసులు నోటీసులు ఇవ్వటంతో, అమరావతి గరమల్లో కలకలం రేగింది.  వెలగపూడి, మల్కాపురం గ్రామాల రైతులకు వచ్చిన నోటీసులు చూసి, రైతులు ఆందోళన చెందారు. కొంత మంది రైతులకు నోటీసులు జారీ చేసిన పోలీసులు, 307 కేసుతో పాటు మరో 7సెక్షన్ల కింద కేసు నమోదు చేశారు. ఇవాళ సాయంత్రం 5గంటలకు చిలకలూరిపేట రూరల్ పోలీస్ స్టేషన్‌కు ఆధార్ కార్డుతో రావాలని 15 మందికి పైగా రైతులు, రైతు కూలీలకు నోటీసులు అందాయి.  అయితే ఈ నోటీసులు పై స్పందించిన రైతులు, తాము ఎక్కడా అదుపు తప్పి ఆందోళనలు చెయ్యలేదని, శాంతియుతంగా అందోళన చేస్తున్నామని, తమను అణిచి వేయటానికి, తమను ఇలా భయపెడుతున్నారని ఆరోపిస్తున్నారు. మీడియా పై దాడి చేసామని, కేసు పెట్టారని, జడ్జి అడిగితే ఆధారాలు చూపించలేక పోయారని, ఈ కేసులు  కూడా, తుళ్ళూరు స్టేషన్ పరిధిలో కాకుండా చిలకలూరిపేట, తెనాలి, గుంటూరు స్టేషన్లలో పెట్టారని అన్నారు.

మరో పక్క, ఈ రోజు నుంచి ఉద్య-మం తీవ్ర రూపం దాల్చింది. ఇప్పటి వరకు అఖిలపక్ష పార్టీలు, అన్ని ప్రజా సంఘాలు భూములిచ్చిన రైతులకు మద్ద తుగా నిలుస్తున్నారు. ఇప్పటికే రైతులకు మద్దతుగా కృష్ణా, గుంటూరు జిల్లాల్లో కూడా నిత్యం ధర్నాలు, రాస్తారోకోలు జరిగి బస్సులు రాకపోకలకు అంతరాయం కలుగు తూనే ఉంది. కానీ ప్రభుత్వపరంగా రైతులకు సానుకూలంగా ఒక్కప్రకటన కూడా రాకపోగా మంత్రు లనుంచి రెచ్చగొట్టే ధోరణిలో ప్రకటనలు వస్తున్నాయి. దీంతో అమరావతి రాజధాని పరిది లోని 29 గ్రామాల రైతులందరూ మహాధర్నాకు దిగాలని రాజధాని వరిరక్షణ సమితి గురువారం పిలుపునిచ్చింది. అత్యవసర వైద్యం, పాలు, నీళ్ళు తప్పా అన్నింటిని అడ్డుకోవాలని ఈ సందర్భంగా రైతు కమిటి నిర్ణయించి కొనసాగించాలం టున్నారు. ఇకనుండి ప్రభుత్వంపై ఒత్తిడి పెంచే విధంగా  నిర్వహించాలని ఇందుకోసం కేసులు, జైలు కెళ్ళేందుకు సిద్ధంగా ఉండాలని రైతులు భావిస్తున్నారు.

రాజధాని రైతులు ఉత్తరాల ఉద్యమం ద్వారా రాష్ట్రపతికి లేఖలు, సుప్రీంకోర్టు న్యాయమూర్తికి, గవర్నర్‌కు హైకోర్టు న్యాయమూర్తులు వ్రాయడం జరిగిందన్నారు. మహిళలు, విద్యార్థులు, పిల్లలతో సహా ఉత్తరాలు రాసిన విషయం తెలిసిందే. రాష్ట్ర రాజధానికి ఎంతో ఉదారంతో మూడు పంటలు పండే భూములను ఇష్టంలేక పోయినా రాష్ట్రా భివృద్ధి కోసం ప్రభుత్వానికి అందిస్తే ఇప్పుడు రోడ్డున పడేశారని ఆవేదన వ్యక్తంచేస్తున్నారు. మా ప్రాంతం రైతాంగం ఆర్థికంగా నష్టపోవడం అధికార ప్రభుత్వానిక ఫ్యాషన్ గా ఉందని తెలియజేస్తు న్నారు. ఎస్టీ, బిసీలతోపాటు అసైన్డ్ రైతులు, లంకభూ ములు సాగుచేసే రైతులు కూడా పూర్తిగా ఆర్ధికంగా నష్టపోతున్నారని వాపోతున్నారు. ఒకే కులం, ఒకే పార్టీని బూచిగా చూపి రాజధానిని మార్చడం సరికాదని ఇప్పటికే మా భూములను గోతులుగా మార్చి, పిచ్చికంపతో అరణ్యాలను తలపిస్తున్నాయని అధికార ప్రభుత్వం మాగోడు ఆలకించి విముక్తి కలిగించాలని లేదంటే ఎన్ని రోజులైనా పోరాడతామన్నారు.

జగన్ మోహన్ రెడ్డి, టిడిపి మహిళా నేత, మాజీ మేయర్ పంచుమర్తి అనురాధ విమర్శలు వర్షం కురిపించారు. ముఖ్యంగా జగన్ మోహన్ రెడ్డి, ప్రతి శుక్రవారం కోర్ట్ కు వెళ్ళకుండా, కుంటి సాకులు చెప్తున్నారని, సిబిఐ ఈ విషయాన్ని పరిగణలోకి తీసుకుని, జగన్ పై సరైన ఆక్షన్ తీసుకోవాలని అన్నారు. ఆమె ఏమన్నారంటే, "గూగుల్‌లో ఖైది నెంబర్‌ 603 ఎవరు అని టైప్‌ చేస్తే జగన్మోహన్‌రెడ్డి పేరు వస్తుంది. ఆంధ్ర 420 ఎవరు అని టైప్‌ చేస్తే జగన్మోహన్‌రెడ్డి పేరు వస్తుంది. ప్రతి శుక్రవారం కోర్టుకు వెళ్లాల్సిన పరిస్థితి జగన్మోహన్‌రెడ్డిది. ఈ ఫ్రైడే ఖైదీ ఎందుకు కోర్టుకు వెళ్లటంలేదని ప్రశ్నిస్తున్నాను. చిన్న పిల్లలు బడికి వెళ్లకుండా కుంటి సాకులు చెప్పినట్లు జగన్మోహన్‌రెడ్డి కోర్టుకు వెళ్లకుండా ఇప్పటికి 33 శుక్రవారాలు కుంటి సాకులు చెప్పి కోర్టుకు ఎగ్గొట్టడం జరిగింది. జగన్మోహన్‌రెడ్డి కుంటి సాకులు చెబుతున్నారని న్యాయస్థానాలు గమనించాలని మనవి. ఒక శుక్రవారం కేసీఆర్‌ను కలవటం కోసం కుంటి సాకులు చెప్పారు. మీరు ప్రగతి భవన్‌లో కేసీఆర్‌ను కలిసి ఆంధ్రప్రదేశ్‌కి ఏం లాభం తీసుకొచ్చారో సమాధానం చెప్పాలి. "

"కేసీఆర్‌ ను కలిసిన విషయం కనీసం ఏ విషయం మీద కలిశారో ప్రెస్‌ మీట్‌ కూడా పెట్టలేదు. విద్యుత్‌ బకాయిలు రూ. 5 వేల కోట్లు మనకు రావాల్సిన వాటి గురించి ప్రయత్నం చేశారా? కేబినెట్‌ నిర్ణయం లేకుండా ఆంధ్ర రాష్ట్ర ఆస్తులను కేసీఆర్‌కు కట్టబెట్టిన పరిస్థితి ఏర్పడింది. మరొకరోజు డిప్లమోటిక్‌ ఔట్‌సోర్సింగ్‌ సదస్సు ఉందని, దానికి కోర్టుకు హాజరు కాలేనని ఆప్సంట్‌ పిటిషన్‌ దాఖలు చేశారు. ఈ సదస్సు వల్ల ఆంధ్ర రాష్ట్రానికి పెట్టుబడులు ఏమైనా తీసుకొచ్చారా? రూ. 70 వేల కోట్ల కంపెనీ అదానీ ని వెళ్లగొట్టారు. రూ. 2 వేల కోట్ల పెట్టుబడులు లులూ కంపెనీ,పేపర్‌ మిల్లు సంస్థను వెళ్లగొట్టారు. కియా అనుబంధ సంస్థలను వెళ్లగొట్టారు. మరో శుక్రవారం వాషింగ్‌టన్‌లో బిజినెస్‌ సదస్సు ఉందని కోర్టుకు వెళ్లకుండా ఎగ్గొట్టారు. విదేశీ పెట్టుబడులు ఎంత తీసుకొచ్చారు? ఎక్కడ పెట్టారు? సమాధానం చెప్పాలి. పిడసగట్టిన సన్నాసి బియ్యాన్ని పంచటానికి శుక్రవారం కోర్టుకు వెళ్లకుండా ఆప్సంట్‌ పెట్టారు. నీతి ఆయోగ్‌ ఛైర్మన్‌ని కలవటం కోసం శుక్రవారం కోర్టుకు వెళ్లకుండా ఎగ్గొట్టారు. ఆయనతో ప్రత్యేక హోదా గురించి మీరేమైనా మాట్లాడారా? విభజన చట్టంలోని అంశాల గురించి ఏమైనా మాట్లాడారా? ఇంకొక శుక్రవారం మున్సిపల్‌ పట్టణాభివృద్ధి శాఖ సమీక్ష ఉందని కోర్టుకు వెళ్లకుండా ఎగ్గొట్టారు. కేంద్ర ప్రభుత్వం తిరుపతి, అమరావతి, వైజాగ్‌ స్మార్ట్‌ సిటీగా గుర్తిస్తే దానికి మీరేమైనా చేశారా? స్వచ్ఛభారత్‌లో వైజాగ్‌ 7వ స్థానం నుండి 23 స్థానానికి పడిపోవడానికి కారణం మీరు కాదా? మీ సమీక్ష వల్ల ఏం ఉపయోగం కలిగిందో చెప్పాలి.

"పర్యాటక రంగం మీద సమీక్ష అంటూ కోర్టుకు హాజరు కాలేదు. గోదావరి నదిలో పడవ కొట్టుకుపోయి వందల మంది అక్కడ చనిపోతే గ్రౌండ్‌ లెవల్‌పై దిగకుండా ఏరియల్‌ సర్వే చేసిన మీరు పర్యాటక సమీక్ష ఏ విధంగా చేస్తారో మాకు అర్థం కవడంలేదు. బోటు ప్రమాదంలో చనిపోయినవారిని బయటకు తీయుటకు 40 రోజులు పట్టింది. ఏం పర్యాటక సమీక్ష? ఏం పర్యాటక అభివృద్ధి? నవరత్నాల సమీక్ష అంటూ కోర్టుకు ఎగనామం పెట్టారు. మీ నవరత్నాలేమోగానీ, ప్రజలు తలకు నవరత్న ఆయిల్‌ పూసుకుంటున్నారు. 33 శుక్రవారాలు కోర్టుకు వెళ్లకుండా నెలవంక, చంద్ర వంక లాగ రివ్యూ మీటింగ్‌లంటూ అర్ధరాత్రి 12.30 గంటల వరకు పెట్టటం వలన అధికారులు విసిగిపోతున్నారు. 12.30 తరువాత కోర్టు ఇక అడగదు కాబట్టి పబ్జీ గేమ్‌, వేడీయో గేమ్‌లు ఆడుకుంటున్నారు. ఈసమీక్షల వల్ల ప్రజలకు జరిగిన న్యాయమేంటో సీబీఐ ప్రశ్నించాలని మేము కోరుకుంటున్నాం. గతంలో జగన్మోహన్‌రెడ్డి కోర్టుకు రావాల్సిందేనని సీబీఐ కోరటం జరిగింది. కోర్టు కూడా జగన్‌ని హాజరు కావాలని పిలుపు నివ్వాలని మేము రిక్వెస్ట్‌ చేస్తున్నాం. ఆర్థిక నేరాలు, మనీ లాండరింగ్‌, క్రిమినల్‌ కేసులు ఇలాంటివి సంవత్సరం లోపు విచారణ జరపాలని, పూర్తి చేయాలని సుప్రీం కోర్టు తీర్పు ఇవ్వటం జరిగింది. ప్రజల సొమ్ము రూ. లక్ష కోట్లు దోచుకున్న జగన్మోహన్‌రెడ్డి ఆర్థిక నేరస్థుడిపై సమీక్షలు జరగాలి. ఇలాంటివి జరపకుండా చింతకాయ సమీక్షలు ఎందుకు?" అంటూ అనురాధ ఫైర్ అయ్యారు.