news

జగన్ మొండి వాడు, ఒక్కసారి నిర్ణయం తీసుకుంటే, వెనక్కు తగ్గేది లేదు, ఎవరు చెప్పినా వినరు, ఆయన నైజం తెలిసిన వాళ్ళు ఎవరూ ఆయన నిర్ణయాన్ని వ్యతిరేకించే సాహసం చెయ్యరు, వాళ్ళు ఎంత పెద్ద వాళ్ళు అయినా, జగన్ మాట వినాల్సిందే.. ఇది వైసీపీ పార్టీ నేతలు, కార్యకర్తలు, జగన్ గురించి చేసే ప్రచారం. అయితే అనేక సందర్భాల్లో జగన్ మాట మార్చారు అనుకోండి అది వేరే విషయం. అయితే, నిన్న కీలకమైన రాజధాని విషయంలో, ఏమి జరిగిందో ఎవరికీ అర్ధం కావటం లేదు. మూడు రాజధానుల నిర్ణయం పై, నిన్న క్యాబినెట్ లో నిర్ణయం తీసుకుంటారు అంటూ, ప్రచారం హోరెత్తించారు. అంతే కాదు, దానికి తగ్గట్టు వైసీపీ చేసిన హడావిడి కూడా అంతా ఇంతా కాదు. ఒక పక్క ప్రభుత్వం, అమరావతిలో 144 సెక్షన్ పెట్టటం, మనిషికి ఒక పోలీసు, టియర్ గ్యాస్ వ్యాన్ లు, వాటర్ క్యానన్లు, ఫైర్ ఇంజిన్లు, ఇలా ఒక యుద్ధ వాతావరణం సృష్టించారు. ఇక మరో పక్క వైసీపీ పార్టీ, విశాఖపట్నంలో చేస్తున్న హడావిడి కూడా అంతా ఇంతా కాదు.

కనీవినీ ఎరుగని రీతిలో, 24 కిమీ మానవహారం ఏర్పాటు చేసి, జగన్ కు భారీ స్వాగతం పలకాలని, నిర్ణయం తీసుకున్నారు. ఇక్కడ అమరావతిలో, అక్కడ వైజాగ్ లో వాతావరణం చూసిన అందరూ, ఇక క్యాబినెట్ లో, మూడు రాజధానులకు ఆమోదం తెలుపుతారని, డిసైడ్ అయిపోయారు. అందరూ మానసికంగా రెడీ అయ్యారు. అమరావతి ప్రాంత ప్రజలు, భారీ ఆందోళనకు సిద్ధం అయ్యారు. అయితే, క్యాబినెట్ సమావేశ వివరాలు చూసి, ఇప్పుడే రాజధాని పై నిర్ణయం తీసుకోమని, మరో కమిటీ రావాలని, ఆ కమిటీ పై ఇంకో కమిటీ వేస్తామని చెప్పటంతో, అందరూ షాక్ అయ్యారు. ఇంత హడావిడి చేసి, జగన్ స్వభావం తెలిసి, ఇలా వెనకడుగు ఎందుకు వేసారో ఎవరికీ అర్ధం కాలేదు. ఎక్కువ టైం ఇచ్చే కొద్దీ, అమరావతి ఉద్యమం ఊపు అందు కుంటుందని, తెలిసినా, ఇలా ఎందుకు చేసారు అంటూ గుసగుసలు మొదలయ్యాయి.

ఎవరో బలమైన వ్యక్తీ ఒత్తిడి లేకపోతే, జగన్ ఇలా వెనకడుగు వెయ్యరనే ప్రచారం జరుగుతుంది. ఢిల్లీ లెవెల్ లో ఏదో జరిగిందని, దానికి బలం చేకూరుస్తూ జరిగిన సంఘటనలు ఉదహరిస్తున్నారు. రెండు రోజుల క్రితం వెంకయ్య నాయుడు, నేను ఎవరికి చెప్తానో వారికి చెప్తాను అని చెప్పటం, నిన్న సుజనా చౌదరి రాష్ట్రపతిని కలవటం, అమిత్ షాకి ఈ విషయం పై ఫిర్యాదులు వెళ్ళటం, ఇవన్నీ ఉదహరిస్తున్నారు. అయితే వీటి అన్నిటితో పాటుగా, నిన్న కేంద్ర మాజీ మంత్రి జగన్ తో గంట పాటు సమావేశం అవ్వటం కూడా, ఈ విషయం పైనే అని తెలుస్తుంది. కేంద్రం దూతగా ఆయన వచ్చారనే ప్రచారం జరుగుతంది. ఆయన ఇప్పుడు కేంద్ర మంత్రి కాదు. అలాంటిది గంట పాటు సమావేశం అవ్వటం చూస్తే ఏదో ఉందనే చెప్తున్నారు. మొత్తంగా ఢిల్లీ లెవెల్ లో అన్ని వైపుల నుంచి ఒత్తిడి రావటంతో, జగన్ ప్రస్తుతానికి వెనకడు వేసారని, త్వరలోనే ఢిల్లీ పర్యటనకు వెళ్లి, ఢిల్లీ పెద్దల్ని ఒప్పించి, దీని పై ముందుకు వెళ్తారని సమాచారం.

రాష్ట్రంలో జరుగుతున్న పరిణామాల పై చంద్రబాబు ఈ రోజు స్పందించారు. ఆయన మాటల్లో "వైకాపా నేతలు, మంత్రులు రోజుకో మాట మాట్లాడి ప్రజలను గందర గోళానికి గురిచేస్తున్నారు. రాష్ట్ర భవిష్యత్తును అంధకారంలోకి నెట్టేస్తున్నారు. ఆరోజు.. ఈరోజు ఎప్పుడైనా అమరావతి ప్రజారాజధానే. రాష్ట్ర ప్రభుత్వం 7 నెలలుగా రాజధానిపై మీన మేషాలు లెక్కించింది. 13 జిల్లాల అభివృద్ధికి కావాల్సిన వనరులు, ఆదాయం సమకూర్చే రాజధాని అమరావతి. రాజధాని నిర్మాణానికి రూ.లక్షా తొమ్మిదివేల కోట్లు అవసరమని చెబుతున్నారు. ఇప్పటి వరకు గత ప్రభుత్వం రాజధాని నిర్మాణం కోసం రూ.5వేల కోట్లు మాత్రమే ఖర్చు చేసిందని చెబుతున్నారు. అమరావతి కోసం మా ప్రభుత్వం రూ.9,165 కోట్లు ఖర్చు చేసింది. సచివాలయం, హైకోర్టు, అసెంబ్లీ ఇప్పటికే అమరావతిలో ఉన్నాయి. ల్యాండ్‌ పూలింగ్‌ అనేది వినూత్నమైన ఆలోచన. అమరావతిలో భూములు ఇచ్చింది ఎక్కువగా సన్న, చిన్నకారు రైతులే. ఎకరం కంటే తక్కువ భూమి ఉన్న రైతులు 20,490 మంది ఉన్నారు. అమరావతిలో రాజధాని లేకుండా చేసేందుకు ఎన్నో ప్రయత్నాలు చేస్తున్నారు. అనేక అవకతవకలు జరిగాయని ప్రచారం చేస్తున్నారు’’

అయితే ఇదే సందర్బంలో చంద్రబాబు, హైదరాబాద్ మీడియాకు కూడా వార్నింగ్ ఇచ్చారు. "రైతులని పైడ్ ఆర్టిస్ట్ లు అని కొన్ని మీడియా చానల్స్ కూడా వేస్తున్నాయి. గవర్నమెంట్ కు భజన చెయ్యాలి అంటే చెయ్యండి. హైదరాబాద్ ని అభివృద్ధి చెయ్యాలి అనుకుంటే, అలాంటి టీవీలు అక్కడ చేసుకోండి. మీకు అక్కడ రియల్ ఎస్టేట్ వ్యాపారం ఉంటే చేసుకోండి. ఇక్కడ ప్రజలను రెచ్చగొట్టే పరిస్థితి వస్తే మంచిది కాదు. ఆ విషయం మీరు గుర్తు పెట్టుకోవాల్సిన అవసరం ఉంది. మీ ఇంట్రెస్ట్ కాపాడుకోవటానికి, ఇక్కడ ప్రభుత్వాన్ని నెత్తిన పెట్టుకుని ఊరేగాలి అంటే ఊరేగండి. కాని ఇక్కడ ప్రజలని అవమానం చేస్తే మాత్రం, అది మీకు మంచిది కాదు. ఆ విషయంలో మీకు హెచ్చరిస్తున్న. పేద వాళ్ళ పొట్ట కొట్టి, మీ పొట్ట నింపుకోవాలని అనుకోవటం, ఇక్కడ ప్రజలకు ద్రోహం చేసి, నష్టం జరిగితే, మీ ఆస్థులు హైదరాబాద్ లో పెరుగుతాయని, దురుద్దేశంతో ప్రవర్తిస్తే మాత్రం, ఇది మంచి పద్దతి కాదు. "

"మేము కూడా అవన్నీ చెప్పాలి అంటే మాత్రం మొత్తం చెప్తాను. ఈ ప్రాంత బాధ్యత కాపాడుకోవాల్సిన బాధ్యత మన అందరి పైన ఉంది. మీ వ్యాపారం కోసం, మీ ఆస్థులు పెంచుకోవటం కోసం, ఇక్కడ ఇష్టానుసారంగా చెయ్యద్దు టీవీలు పెట్టుకుని. డబ్బులు ఉన్నాయని, ఆ టీవీలు పెట్టుకుని, ఇస్తాను సారం, ప్రజలను అవమానం చేస్తే, తిరిగి దానికి వడ్డీతో సహా పే చెయ్యాల్సి వస్తుంది మీరు. గుర్తు పెట్టుకోవాలి మీరు. ప్రజలు కూడా, ఇవన్నీ ఆలోచించుకోవాలి, ఏ టీవీ మన రాష్ట్రం గురించి మంచిగా చెప్తుంది. ఎవరికీ ఏ ఇంటర్స్ట్ ఉంది. ఎవరూ ఈ రాష్ట్రానికి అన్యాయం చేస్తున్నారు., వాళ్ళందరినీ, ఆ టీవీలు అందరినీ ప్రజలు గుర్తించాలి."

ఈ రోజు జరిగిన క్యాబినెట్ మీటింగ్ లో, అమరావతిలో జరిగిన ఇన్సైడర్ ట్రేడింగ్ పై, చంద్రబాబు పై సిబిఐ ఎంక్వయిరీ వేస్తున్నారు అంటూ ప్రభుత్వం చెప్పిన విషయం తెలిసిందే. దీని పై చంద్రబాబు ఈ రోజు ప్రెస్ మీట్ లో స్పందించారు. ఒక్క ముక్కలో ఆ విషయాన్నీ తీసి పారేసారు. "సీబీఐ విచారణపై జగన్కుో అంత గౌరవం ఉంటే శుక్రవారం కోర్టుకు ఎందుకు వెళ్లడం లేదు? తన కేసులపై సత్వర విచారణ కోరుతూ సీబీఐకి జగన్ లేఖ రాయొచ్చు కదా? వివేకా కేసులో సీబీఐ విచారణ ఎందుకు కోరలేదు? మేం రైతుల కోసం పోరాడుతుంటే మాపై సీబీఐ విచారణ అంటున్నారు. ఎలాంటి విచారణ అయినా చేసుకోండి, మేం భయపడం మేం ఏ తప్పు చేయలేదు.. భయపడే వాడు ఎవరు లేరు. దిక్కున్న దగ్గర చెప్పుకో అన్నాం. నేను లేస్తే మనిషిని కానంటారు, కానీ లెగవలేరు. తవ్వుతున్నాం, తవ్వుతున్నాం అని ఏడు నెలలుగా అంటున్నారు. ఎక్కడో జగ్గయ్యపేటలో 500 ఎకరాలు ఉంటే దాన్ని ఇన్సైడ్ ట్రేడింగ్ అంటున్నారు."

"ఆ భూమి వద్దు, మేము తీసుకోవడం లేదు, పరిశ్రమ పెట్టడంలేదని భరత్ చెబితే ప్రతిరోజూ దానిపై ఆరోపణలు చేస్తారు. చట్టపరంగా నీ వల్ల ఏమైతే అది చేసుకోండని అన్నాం. నువ్వు వేరేవాళ్ల దయాదాక్షిణ్యాల మీద ఉన్నావు, నేను లేను.. రాజధానికి టీడీపీ వాళ్లే భూములు ఇచ్చారని ప్రచారం చేశారు. అక్కడ వైసీపీ ఎలా గెలిచింది? మాట్లాడుతున్న దాంట్లో అర్థం ఉండాలి. ఆందోళన చేస్తున్న రైతుల్ని పెయిడ్ ఆర్టిస్టులు అంటున్నారు. ప్రజల్ని అవమానిస్తే మూల్యం చెల్లించుకోక తప్పదు. రాయలసీమలో రాజధాని ఎందుకు పెట్టరని అడుగుతున్నారు.. వాళ్లకు ఏం సమాధానం చెప్తారు? ఒక పేదవాడు తన పనికోసం ఊరూరా తిరగాల్నా..? ఈ చివర గ్రామం జిల్లా కేంద్రానికి, అక్కడ నుంచి మరో చివర రాజధానికి, మధ్యలో హెచ్ వోడిల వద్దకు తిరగాల్నా..? మీ వక్రమైన తెలివితేటలను రాష్ట్రంపై, ప్రజలపై చూపించకండి. మీ వక్రబుద్దితోనే రూ.43వేల కోట్ల అవినీతికి పాల్పడి అడ్డంగా దొరికిపోయారు."

"నోటీసులు ఇవ్వకుండా ఎంపీని హౌస్ అరెస్ట్ చేస్తారా? ధర్నా చౌక్కిద వెళ్లే హక్కు మాకు లేదా? ఆ రోజు నాపై రాళ్లు వేసినప్పుడు నిరసనలు తెలిపే హక్కు ఉందని, రాజ్యాంగం స్వేచ్ఛఅందరికీ ఇచ్చిందని చెప్పింది ఈ డీజీపీ యే కదా..? మరి కేశినేని నాని ఎందుకని హవుస్ అరెస్ట్ చేశారు..? ఆందోళన చేస్తున్న తన ప్రాంత ప్రజలకు సంఘీభావంగా ఎంపిని వెళ్లకుండా అడ్డుకునే అధికారం ఎవరిచ్చారు..? విశాఖలో 24కిమీ మానవ హారాలు బలవంతంగా జనాన్ని దించి చేస్తుంటే అడ్డుపడరా..? ఇక్కడ మానవహారాలకు అడ్డం పడతారా..? డీజీపీ ఇష్టానుసారం వ్యవహరిస్తే ప్రజలు గమనిస్తున్నారు. సీనియర్ నాయకుడిగా పోలీస్ వ్యవస్థకు వార్నింగ్ ఇస్తున్నా. చట్టం అందరికీ సమానం.. కొందరికి చుట్టం కాదు. వైసీపీ నేతలు, జగన్కుల చట్టం వర్తించదా? మందడంలో అరెస్ట్ చేసిన రైతులను వెంటనే విడుదల చేయాలి. రైతుల జీవితాలతో ఆడుకోవద్దు. రైతులకు, మహిళలకు సానుభూతిగా అన్నిజిల్లాల రైతులు,మహిళలు ఉండాలి.వారిపట్ల సంఘీభావం చూపాలి. ముఖ్యమంత్రి చెప్పాడని రైతులను, రైతు కూలీలను వేధిస్తే సహించేది లేదు. జగన్ రాజ్యాంగం, జగన్ చట్టాలు దేశంలో ఉండవు. భారత రాజ్యాంగం, భారత చట్టాలే ఉంటాయని’’ చంద్రబాబు పేర్కొన్నారు.