news

ఈ రోజు అమరావతిలో జరిగిన క్యాబినెట్ సమావేశంలో అంతా జరిగిపోతుంది, మూడు రాజధానుల ప్రకటన జరిగిపోతుంది అంటూ, అందరూ అనుకున్న సంగతి తెలిసిందే. అయితే అనూహ్యంగా, క్యాబినెట్ లో, ఈ విషయం పై, ఎలాంటి నిర్ణయం తీసుకోలేదని తెలుస్తుంది. మధ్యానం రెండు గంటలకు, క్యాబినెట్ లో ఏమి జరిగిందో, మంత్రి పెర్ని నాని చెప్తారని మీడియాకు సమాచారం ఇచ్చారు. అయితే, మంత్రి కన్న బాబు మీడియాతో చిట్ చాట్ చేస్తూ, జీఎన్ రావు కమిటీ నివేదిక పై క్యాబినెట్ లో చర్చించామని చెప్పారు. అయితే, మరో కమిటీ అయిన బోస్టన్ కన్సల్టెంట్ కంపెనీ అనే హై పవర్ కమిటీ నివేదిక కూడా రావాల్సి ఉందని, ఆయన చెప్పారు. అంటే దీన్ని బట్టి, రాజధానుల విషయం పై ఎలాంటి నిర్ణయం తీసుకోలేదని కన్నబాబు మాటలను బట్టి అర్ధమవుతుంది. ఎన్ని సార్లు మీడియా అడిగినా, మూడు రాజధానుల పై నిర్ణయం తీసుకున్నాం అని మాత్రం చెప్పకుండా, ఇంకో కమిటీ నివేదిక రావాల్సి ఉంది అని మంత్రి చెప్పటం, ఏ నిర్ణయం తీసుకోలేదు అనే అనుకోవాలి.

అయితే పూర్తి వివరాలు, మధ్యానం రెండు గంటలకు, ఐ అండ్ పీఆర్ మంత్రి పేర్ని నాని, బ్రీఫింగ్ ఇవ్వనున్నారు. అప్పుడు పూర్తీ విషయం తెలిసే అవకాశం ఉంది. రెండు గంటల పాటు జరిగిన క్యాబినెట్ సమావేశంలో, జీఎన్ రావు కమిటీ నివేదికను యథాతథంగా ఆమోదిస్తారని, అందరూ అనుకున్నారు. అలాగే, అమరావతి అభివృద్ధి, తిరిగిచ్చే ప్లాట్ల అంశంపైనా మంత్రివర్గ సమావేశంలో చర్చించి నిర్ణయం తీసుకుంటారని, మరో కమిటీ దీని పై వేస్తారని, వీళ్ళు రైతులతో, చర్చిస్తారని లీకులు ఇచ్చారు. అలాగే సీఆర్డీఏ రద్దు చేస్తారని చెప్పారు. మొత్తానికి, మంత్రి కన్న బాబు మాటలను బట్టి అయితే, ప్రస్తుతానికి ఎలాంటి నిర్ణయం తీసుకోలేదని, మరో కమిటీ రిపోర్ట్ కోసం చూస్తున్నారని తెలుస్తుంది.

అయితే బోస్టన్ కమిటీ వచ్చిన తరువాత, సంక్రాంతి పండుగ వెళ్ళిన తరువాత, అసెంబ్లీ సమావేశం పెట్టి, ఈ విషయం పై చర్చిస్తారని, అఖిల పక్ష సమావేశం పెడతారని, అప్పుడు మళ్ళీ క్యాబినెట్ పెట్టి, అప్పుడు మూడు రాజధానుల పై ప్రకటన చేస్తారని తెలుస్తుంది. అయితే ప్రభుత్వం, అమరావతి రైతులు చేస్తున్న ఆందోళనకు వెనక్కు తగ్గిందా ? కొంచెం టైం తీసుకుని, అందరినీ లైన్ లో పెట్టి, అప్పుడు మళ్ళీ దీని పై తుది నిర్ణయం ప్రకటిస్తారా అనే అంశం కూడా చర్చ జరుగుతుంది. ప్రస్తుతం మూడు రాజధానుల ప్రకటన తరువాత, వైజాగ్, కర్నూల్ నుంచి కూడా ప్రజల్లో అనూహ్య స్పందన అయితే రాలేదు. ఇవన్నీ పరిగణలోకి తీసుకుని, కొంచెం టైం తీసుకుని, ప్రభుత్వం నిర్ణయం ప్రకటించే అవకాసం ఉన్నట్టు తెలుస్తుంది. ఇవన్నీ మధ్యానం రెండు గంటలకు, పెర్ని నాని ప్రెస్ మీట్ తో, తెలిసిపోతాయి.

అమరావతిలో పరిస్థితి గంట గంటకు ఉద్రిక్తంగా మారుతుంది. ఈ రోజు క్యాబినెట్ సమావేశం ఉందటం, మంత్రులు అటు వైపు వెళ్ళాల్సి ఉండటంతో, అమరావతి మొత్తం 144 సెక్షన్ పెట్టరు. అడుగు అడుగునా పోలీసులు పెట్టరు. ప్రతి చోట ఆంక్షలు పెట్టరు. చివరకు నిత్యావసరాలు కూడా కొనుక్కునే వీలు లేకుండా ఆంక్షలు పెట్టరు. అయితే ఇదే సందర్భంలో, కొన్ని టీవీ చానల్స్ పని గట్టుకుని, అమరావతి పై విషం చిమ్మటం పై రైతులు ఆగ్రహం వ్యక్తం చేసారు. రైతులను పైడ్ ఆర్టిస్ట్ లు అంటూ, అలాగే అమరావతి ప్రాంతం మునిగిపోయే ప్రాంతం అంటూ, కొన్ని ఛానెల్స్ ప్రచారం చెయ్యటం, ప్రతి సారి అమరావతిని కించ పరుస్తూ మాట్లాడుతూ ఉండటం పై, రైతులు ఎదురు తిరిగారు. రైతులను పైడ్ ఆర్టిస్ట్ లు అంటూ అనటంతో, ఒక ప్రముఖ మీడియా స్తంస్థ ప్రతినిధిని రైతులు తరిమి తరిమి కొట్టారు. ఆ మీడియా ప్రతినిధి కారు పగలగొట్టి, వెంబడించి వెంబడించి, తరిమి తరిమి కొట్టారు. అలాగే మరొక మీడియా ప్రతినిధి పై కూడా దాడి చేసారు.

తాము భూములు ఇచ్చిన రైతులం అని, పెళ్ళాం పిల్లలు, అందరినీ రోడ్డున పెట్టుకుని, పది రోజుల నుంచి రోడ్డున కూర్చుంటే, తమని ఆ మీడియా ఛానెల్స్ పైడ్ ఆర్టిస్ట్ లు అంటారా అంటూ, వారి పై దాడి చేసారు. తాము మీడియాకు వ్యతిరేకంగా కదాని, తమ ఆందోళన చూపిస్తుంది మీడియానే అని, కాని కొన్ని టీవీ ఛానెల్స్ పని గట్టుకుని, అమరావతి పై విష ప్రచారం చేస్తున్నారని, హేళన చేస్తున్నారని, తాము రోడ్డున పడి ఏడుస్తుంటే, తమని పైడ్ ఆర్టిస్ట్ లు అంటూ, హేళన చేస్తున్నారని, ఇలాంటి వారి పై తమ నిరసన అని, వారిని ఉపేక్షించే పరిస్థితి లేదని, తరిమి తరిమి కొడతాం అంటూ, రైతులు తీవ్ర ఆగహ్రం వ్యక్తం చేస్తూ, ఆ మహిళా రిపోర్ట్ కారు అద్దాలు పగలగొట్టారు.

అయితే ఈ పరిస్థితిని ఆపే క్రమంలో, గ్రామస్తులకు, పోలీసులకు కూడా గాయాలు అయ్యాయి. ఉద్రిక్తత పరిస్థితులు ఉన్న నేపధ్యంలో, వారి పోరాటాన్ని హేళన చేస్తూ, హైదరాబాద్ స్టూడియోల్లో కూర్చుని, అమరావతి విషం చిమ్ముతూ, చివరకు పోరాటం చేస్తున్న రైతులని కూడా, పైడ్ ఆర్టిస్ట్ లు , ఒకే కులం, అమరావతి ముంపు ప్రాంతం అంటూ, ఇలా ఇష్టం వచ్చినట్టు రాస్తున్న మీడియాకు బుద్ధి చెప్తామని, రైతులు అంటున్నారు. చేతనైతే మా ఆవేదన ప్రభుత్వానికి చేర వెయ్యాలని, అంతే కాని, ప్రభుత్వాలు ఆడిస్తున్నట్టు , మీరు ఆడితే, చూస్తూ ఊరుకోం అని అంటున్నారు. సమాజానికి హానికరం అయ్యే ఈ ఛానెల్స్ ని, అమరావతి ప్రాంతమే కాదని, ఆంధ్రప్రదేశ్ రాష్ట్ర ప్రజలు కూడా, తరిమి కొట్టాలని పిలుపిచ్చారు. అయితే మీడియా ప్రతినిధులు మాత్రం, మీ ఆందోళన కవర్ చేస్తున్న మమ్మల్ని, ఇలా కొట్టటం అన్యాయం అని అంటున్నారు.

ఈ రోజు క్యాబినెట్ సమావేశం జరుగుతున్న సంగతి తెలిసిందే. జగన్ మోహన్ రెడ్డి తాడేపల్లిలోని తన నివాసం నుంచి, అమరావతి రాజధాని గ్రామాలు మీదుగా, వెలగపూడి సచివాలయం రావలిసి ఉంటుంది. అయితే, ఈ రోజు అమరావతిలో కేవలం అసెంబ్లీ ఉంటుందని, సచివాలయం వైజాగ్ కి వెళ్ళిపోతుందని, హైకోర్ట్ కర్నూల్ కు వెళ్ళిపోతుందని, క్యాబినెట్ నిర్ణయం తీసుకునుంది. ఈ నేపధ్యంలోనే, అమరావతి రాజధాని ప్రజలు, పది రోజులుగా నిరసన తెలుపుతున్నారు. అయితే, క్యాబినెట్ సమావేశం నేపధ్యంలో, ఎక్కడ ప్రజలు నిరసన తెలుపుతారో అని, రైతులు పై అనేక ఆంక్షలు పెట్టరు. అయినా, జగన్ మోహన్ రెడ్డి, సచివాలయం వచ్చే సమయంలో, ఏమైనా ఘటనలు జరుగుతాయి ఏమో అని, అందరూ టెన్షన్ పడ్డారు. అయితే, రైతులను బోల్తా కొట్టించి, తెలివిగా ఎటువంటి ఆందోళనకు గురి కాకుండా, జగన్ మోహన్ రెడ్డి సచివాలయం చేరుకున్నారు. దీంతో పోలీసులు ఊపిరి పీల్చుకున్నారు.

దీనికి పోలీసులు అదిరిపోయే వ్యూహం పన్నారు. రైతులను రోడ్డు మీదకు రావద్దు అన్నా వారు వచ్చి ఉన్నారు. అయితే, ఇవి గ్రామాలు కావటంతో, ఎవరు ఎటు వైపు నుంచి వస్తారో, తెలియని పరిస్థితి. అందుకే పోలీసులు ఓక మాస్టర్ ప్లాన్ వేసారు. ముందుగా జగన్ మోహన్ రెడ్డి సచివాలయం వస్తున్నట్టుగా, ఒక డమ్మీ కాన్వాయ్ ని పంపించారు. అయితే రైతుల నుంచి పెద్దగా ఎక్కడా ప్రతిఘటన లేకపోవటం, ఎలాంటి ఆవంచనీయ ఘటనలు లేకపోవటంతో, వెంటనే దాని వెనుక జగన్ మోహన్ రెడ్డి అసలు కాన్వాయ్ వచ్చింది. ఎలాంటి ఘటనలు జరగకుండా, కాన్వాయ్ సచివాలయానికి చేరుకుంది. దీంతో అటు పోలీసులు, ఇటు జగన్ బద్రత సిబ్బంది, ఊపిరి పీల్చుకున్నారు. ఎలాం ఆటంకం కలగక పోవడంతో పోలీసులు ఊపిరిపీల్చుకున్నారు.

ఇది ఇలా ఉంటే, సచివాలయంలో, క్యాబినెట్ సమావేశం ప్రారంభం అయ్యింది. జీఎన్ రావు కమిటీ ఇచ్చిన నివేదిక పై, క్యాబినెట్ లో చర్చిస్తున్నారు. అయితే, ఈ రోజు ఎటువంటి ప్రకటన చెయ్యకుండా, ఉండే అవకాసం ఉన్నట్టు తెలుస్తుంది. కొద్ది రోజుల్లో, ఈ అంశం పై ముందుగా అఖిల పక్ష సమావేశం పెట్టాలని, అందరి అభిప్రాయం తీసుకుని, చెయ్యాలని నిర్ణయం తీసుకునే అవకాసం ఉన్నట్టు తెలుస్తుంది. అలాగే మరో పక్క, అమరావతి రైతులను శాంతింప చేసి, వారితో చర్చలు జరపటానికి, ఒక క్యాబినెట్ సబ్ కమిటీ కూడా వేసి, వారితో చర్చలు జరిపి, ప్యాకేజీ పెంచటం, లాంటి హామీలు ఇచ్చి, అమరావతి రైతులను దారిలోకి తెచ్చుకునే వ్యూహం కూడా పన్నుతారని తెలుస్తుంది.