news

రాష్ట్రంలో మూడు రాజధానుల రగడ కొనసాగుతూనే ఉంది. ఇప్పటికే అమరావతి ప్రజలు ఆందోళన చేస్తుంటే, విశాఖ ప్రజలు అనుమానంగా, భయం భయంగా చూస్తూ, మేము ఇప్పుడు ప్రశాంతంగా బ్రతుకుతున్నాం, ఈ గోల ఎందుకు అనే అభిప్రాయంతో ఉన్నారు. ఇక కర్నూల్ విషయానికి వస్తే, హైకోర్ట్ వస్తుందని సంతోషంగా ఉన్నా, సచివాయలం వెళ్ళాలి అంటే, వైజాగ్ దాకా వెళ్ళాలా అనే ఉద్దేశంతో ఉన్నారు. రాష్ట్రంలో జరుగుతున్న ఈ విషయం పై, ప్రముఖ రాజకీయవేత్త సబ్బం హరి మీడియాతో మాట్లాడారు. ఆయన మాట్లాడుతూ, "విశాఖను రాజధానిగా ప్రకటించడంలోనే పచ్చిమోసం ఉంది. జగన్ ప్రకటనతో విశాఖకు పెనుముప్పు రానుంది. విశాఖ ఇప్పటికే అభివృద్ధి చెందిన నగరం. విశాఖలో రెండు భవనాలు కట్టడం తప్ప ఏమీ చేయలేరు. విశాఖలో సహజ వనరులు ఎన్నో ఉన్నాయి. గత ఐదేళ్లలో విశాఖకు చాలా ఐటీ సంస్థలు వచ్చాయి. విశాఖను నాశనం చేయడానికి కుట్ర చేస్తున్నారు."

"గత ఆరు నెలలుగా భీమిలిలో ఇన్‍సైడర్ ట్రేడింగ్ జరిగిందని ఖాళీగా ఉన్న భూముల్ని దోపిడీ చేసేందుకు కుట్ర. 15 రోజుల్లో ఆధారాలతో సహా దోపిడీని నిరూపిస్తా. విశాఖలో ఇప్పటికే రౌడీమూకలు దిగాయి. ప్రభుత్వం నోటిపై చేసిన భూముల్ని స్వాహాచేసే కుట్ర. గతంలో 30 వేల ఎకరాలు కావాలని అసెంబ్లీలో జగన్ అన్నారు. విశాఖలో ఐదు వేల ఎకరాలు కూడా సేకరించలేరు. అమరావతిలో భూముల్ని కబ్జా చేయలేరు కాబట్టే.. కొత్త ప్రాంతాన్ని రాజధానిగా ఎన్నుకున్నారు. విశాఖలో వైసీపీ నేతల ఆటలు సాగవు. గత ప్రభుత్వంలో అవినీతి జరిగితే ఎందుకు నిరూపించలేదు. ఒక్కటైనా నిరూపిస్తే జగన్‍ను ప్రజలు నమ్మేవారు. కేసీఆర్‍తో కలిసి విభజన హక్కులు సాధిస్తామన్నారు. ఇప్పటివరకు ఒక్కటైనా సాధించారా?. "

"చంద్రబాబు అవినీతికి పాల్పడితే జైలులో పెట్టండి. జీఎన్‍రావుది అసలు కమిటీయే కాదు. హైదరాబాద్‍ నుంచి ఒకరిని చెన్నై మరొకరిని తీసుకొచ్చి కమిటీ వేశారు. శివరామకృష్ణ కమిటీ ఉన్నతమైనది. రాజకీయకక్షల కోసం రాష్ట్రాన్ని నాశనం చేయొద్దు. జగన్ ఏడు నెలలుగా పనిచేసి ఉంటే భవనాలన్నీ పూర్తయ్యేవి. అభివృద్ధి పనులను పక్కనబెడుతున్నారు. రాష్ట్రంలో పరిణామాలను చూసి బాధపడుతున్నా. మంత్రులు పూటకో అబద్ధం మాట్లాడుతున్నారు. ఏడాదిన్నరపాటు అమరావతి నిర్మాణాన్ని వైసీపీ అడ్డుకుంది. ఇప్పుడు ఏపీకి కావాల్సింది ప్లాన్డ్ సిటీ. వైఫల్యాలను కప్పిపుచ్చుకునేందుకు ప్రభుత్వం డ్రామా. అభియోగాలను నిరూపించలేని అసమర్థ ప్రభుత్వమా ఇది. డబ్బులిచ్చి కొనుకున్న భూములను ఇన్‍సైడర్ ట్రేడింగ్ అనడం ఏంటి?. వైసీపీ నేతలు మూర్ఖులు.. ఏం చెప్పినా వినరు. అమరావతిలో ఇన్‍సైడర్ ట్రేడింగ్ అవాస్తవం" అంటూ సబ్బం హరి చెప్పుకొచ్చారు.

ఆంధ్రప్రదేశ్ ప్రభుత్వానికి వరుస ఎదురు దెబ్బలు తగులుతున్నాయి. ఒక సీనియర్ అధికారి పై, ఇంతలా కక్ష ఎందుకు అంటూ, క్యాట్ ప్రశ్నించింది. అంతే కాదు, ప్రభుత్వ చర్యల పై ఆగ్రహం వ్యక్తం చేసింది. వివరాల్లోకి వెళ్తే, ఐఆర్ఎస్ అధికారి, కృష్ణకిషోర్‌ ను ప్రభుత్వం సస్పెండ్ చేసిన వ్యవహారంలో, ఆంధ్రప్రదేశ్ ప్రభుత్వ తీరు పై క్యాట్ ఆగ్రహం వ్యక్తం చేసింది. ఇప్పటి వరకు కృష్ణకిషోర్‌ని ఎందుకు రిలీవ్‌ చేయలేదో చెప్పాలని, ఏపి ప్రభుత్వాన్ని క్యాట్ ప్రశ్నించింది. ఒక పక్క కేంద్రం ఆదేశాలు ఉన్నా, అవి ఎందుకు పట్టించుకోలేదొ సమాధానం చెప్పాలని క్యాట్‌ ప్రశ్నించింది. ఈ వ్యవహరం పై వెంటనే తమకు వివరణ ఇవ్వాలంటూ ఏపీ ప్రభుత్వాన్ని క్యాట్‌ ఆదేశించింది. 15 రోజుల క్రితం ఏపీఈడీబీ సీఈవోగా పని చేసిన కృష్ణకిషోర్‌‌ అవినీతి చేసారు అంటూ, ఏపి ప్రభుత్వం సస్పెన్షన్‌ చేసింది. ఆయన్ను సస్పెండ్ చేసి, ఎంక్వయిరీ చెయ్యాలి అంటూ, చీఫ్ సెక్రటరీ ఆదేశాలు ఇచ్చారు. ఆయన నిధుల దుర్వినియోగం చేసారు అంటూ, సీఐడీ కేసు నమోదు చేసారు.

అయితే, ప్రభుత్వం చేస్తున్న కక్ష పూరిత వ్యవహారం పై, కృష్ణ కిషోర్ క్యాట్ ను ఆశ్రయించారు. దీంతో, క్యాట్ ప్రభుత్వం పై సీరియస్ అయ్యింది. ఆయన సస్పెన్షన్ పై స్టే ఇచ్చింది. కేంద్ర ఆదేశాలు ఉన్నా, అవి ఎందుకు అమలు చెయ్యలేదు, అంటూ క్యాట్ సీరియస్ అయ్యింది. కృష్ణకిషోర్‌ని రిలీవ్‌ చెయ్యకుండా, ఏమి చేస్తున్నారు అంటూ ప్రభుత్వాన్ని క్యాట్ ప్రశ్నించింది. "ఏపీ ప్రభుత్వం పిచ్చిగా ప్రవర్తించింది. కృష్ణ కిషోర్‌ సస్పెన్షన్‌లో నిబంధనలు పాటించలేదు. కృష్ణ కిషోర్‌ సస్పెన్షన్‌ అసమంజసం. రాష్ట్ర ప్రభుత్వం తన శక్తియుక్తులను అభివృద్ధికి వినియోగించాలి. కృష్ణ కిషోర్‌కి పెండింగ్‌లో ఉన్న జీతం వెంటనే చెల్లించాలి" అని ప్రభుత్వానికి క్యాట్‌ ఆదేశాలు జారీ చేసింది.

అలాగే కృష్ణ కిషోర్‌కి పెండింగ్‌లో ఉన్న జీతం కూడా, ప్రభుత్వం వెంటనే చెల్లించాలని క్యాట్ తన ఆదేశాల్లో పేర్కొంది. ఒక సీనియర్ అధికారి విషయంలో ప్రభుత్వం ఇంతగా వ్యవహరించాల్సిన అవసరం ఏమిటని ప్రశ్నించింది. అలాగే కృష్ణ కిషోర్ సస్పెన్షన్ పై ప్రభుత్వం ఇచ్చిన ఉత్తర్వులను, వచ్చే నెల 31వరకు స్టే ఇస్తూ, ఉత్తర్వులు పొడిగించింది. చంద్రబాబు హయంలో, కృష్ణ కిషోర్ డిప్యుటేషన్ పై వచ్చారు. ఏపీఈడీబీకి సీఈఓగా పని చేస్తూ, అనేక కంపెనీలతో పెట్టుబడుల పై అవగాహనా కార్యక్రమాలు చేసే వారు. అసలు ఈ శాఖకు బడ్జెట్ కూడా ఉండదు. అయితే, ఆయన గతంలో ఐటి డిపార్టుమెంటులో పని చేసే సమయంలో, జగన్ అక్రమ ఆస్తుల కేసు విషయంలో, జగతిలో వచ్చిన అక్రమ పెట్టుబడులు బయటకు తీసిన వ్యక్తిగా పేరు ఉంది. ఇప్పుడు జగన్ రాగానే, ఆయన పై అభియోగాలు మోపి, సస్పెండ్ చేసారు.

రాష్ట్రంలో జగన్ మోహన్ రెడ్డి ప్రభుత్వం వచ్చిన దగ్గర నుంచి, ప్రతి ప్రభుత్వ భవనానికి, ప్రతి పంచాయతీ ఆఫీస్ కు, బ్రిడ్జిలకు, కరెంట్ స్థంబాలకు, ఇలా ఒకటి కాదు, రెండు కాదు, ఏది కనపడితే అది, ప్రతి దానికి వైసీపీ రంగులు వేసేస్తున్నారు. ఇప్పటికే చాలా వేసేసారు కూడా. అయితే ఇది తాము అధికారంలో ఉండగా, కట్టినవి అయితే, వీరు వేసుకున్నా అది ఒక పధ్ధతి, అది కూడా తప్పే అనుకోండి. అయితే ఇవి ఎప్పుడో బ్రిటిష్ కాలంలో కట్టినవి, అలాగే చంద్రబాబు హయంలో, వైఎస్ఆర్ హయంలో కట్టిన వాటికి కూడా, జగన్ పార్టీ రంగులు వేసేసారు. అయితే, ఇది తప్పు అని, చాలా మంది చెప్తున్నారు. ఇది రాష్ట్రం ఉన్న ఆర్ధిక పరిస్థితిలో, అనవసర ఖర్చు అని చెప్తున్నారు. అంతే కాదు, రేపు పంచాయతీ, మునిసిపల్ ఎన్నికలు వస్తే, ఈ రంగులు అన్నీ చేరిపెయాలని, అప్పుడు ఎన్నికల కోడ్ అడ్డు వస్తుందని, అప్పుడు ప్రభుత్వం ఏమి చేస్తుందని, అప్పుడు మళ్ళీ సున్నం పూసి, మళ్ళీ రంగులు పూస్తారా అని ప్రశ్నిస్తున్నారు.

అయితే, ఇది ఇలా ఉండగానే, ఈ విషయం కోర్ట్ కు వెళ్ళింది. గుంటూరు జిల్లా, పల్లపాడు గ్రామపంచాయతీ కార్యాలయానికి వేసిన రంగుల పై కోర్ట్ కు వెళ్లారు. దీని పై హైకోర్ట్ గుంటూరు కలెక్టర్ కు నోటీసులు ఇచ్చింది. అయితే ఇప్పుడు ఆయన కోర్ట్ కు చెప్పిన సమాధానంతో, ప్రభుత్వానికి షాక్ తగిలింది. ఈ రంగులు వెయ్యమని, తమకు ఆదేశాలు వచ్చాయని, ఆధారాలు చూపించారు. గ్రామ పంచాయతీ కార్యాలయాలకు మూడు రంగులుగా మార్చాలని పంచాయతీరాజ్‌ కమిషనర్‌ గిరిజాశంకర్‌, రాష్ట్రంలోని అన్ని జిల్లా కలెక్టర్లకు ఆగస్టు 28న లేఖ పంపించారని, గుంటూరు జిల్లా కలెక్టర్‌ శామ్యూల్‌ ఆనంద్‌కుమార్‌ హైకోర్టుకు నివేదిక ఇచ్చారు. తమకు ఇచ్చిన లేఖలో, ప్రాంచయతీ ఆఫీసులకు, పచ్చ, తెలుపు, నీలం రంగులు వేయాలని కోరారన్నారు.

అలాగే జగన్ మోహన్ రెడ్డి పేరు, ఫొటో కూడా వెయ్యాలని, ఆ ఆదేశాలు ఉన్నాయని చెప్పారు. పంచాయతీరాజ్‌ కమిషనర్‌ ఇచ్చిన ఆదేశాలతో పల్లపాడు గ్రామపంచాయతీ కార్యాలయానికి మూడు రంగులు వేశామని, అయితే ఈ పని మధ్యలో ఉండగానే, తమకు ఆదేశాలు రావటంతో, ఆ పనులు ఆపెసమని చెప్పారు. అయితే సోమవారం జరిగిన విచారణలో ప్రభుత్వం తరుపున, అదనపు అడ్వొకేట్‌ జనరల్‌ పొన్నవోలు సుధాకర్‌రెడ్డి వాదనలు వినిపించారు. పల్లపాడు పంచాయతీ కార్యాలయానికి పసుపురంగు వేసినట్లుంది కానీ, వైసీపీ రంగులు కాదని, పసుపు తెలుగుదేశం జెండా రంగన్నారు. హైకోర్ట్ మాత్రం, ఏ పార్టీ రంగులు అయినా వేయడం తగదని, ఆ వివరాలు ఇస్తే వారికి తగిన ఆదేశాలు ఇస్తామని వ్యాఖ్యానించింది. ఈ పార్టీ రంగులు వేసిన వారికి, బాధ్యులైనవారి పై చర్యలు తీసుకునేలా ఎన్నికల కమిషన్‌కు ఆదేశాలు జారీ చేస్తామని పేర్కొంది.