news

అమరావతిని నిర్వీర్యం చేసి, మూడు రాజధానులు అంటూ జగన్ మోహన్ రెడ్డి చేసిన ప్రకటన పై, అమరావతి రైతులు నాలుగో రోజు ఆందోళన చేస్తున్నారు. నిన్న జీఎన్ రావు కమిటీ రిపోర్ట్ ఇస్తూ, జగన్ చేసిన ప్రకటనే వీళ్ళు కూడా చెయ్యటంతో, అమరావతి రైతుల ఆగ్రహం కట్టలు తెంచుకుంది. నిన్నే సచివాలయం ముట్టడికి వెళ్ళిన రైతులు, అక్కడ టైర్లు తగలబెట్టి, జగన్ ఫ్లెక్స్ లు చించేసి, ఆందోళన చేసారు. ఈ రోజు ఉదయమే ఆందోళను మొదలయ్యాయి. జగన్ మోహన్ రెడ్డి పాలనను, దున్నపోతుతో పోల్చుతూ, రైతులు దున్న నుంచి పాలు తీస్తున్నట్టు చూపించారు. దున్నపోతు పాలన అంటూ, నినాదాలు చేసారు. ఇక మందడం రైతులు తమ ఆందోళనను ఉధృతం చేసారు. మందడం మెయిన్ సెంటర్ దగ్గర రోడ్డుకు అడ్డుగా కట్టారు. ప్రధాని మోడీ ఫోటోలతో ఫ్లెక్సీలను రైతులు ఏర్పాటు చేశారు. అలాగే రైతులు మందడం మెయిన్ సెంటర్‌లో రిలే నిరాహారదీక్షలకు కూరుచున్నారు. అమరావతిని ఇక్కడే ఉంచాలి అంటూ నినాదాలు చేస్తున్నారు.

ఇక ఇది ఇలా ఉంటే, వెలగపూడిలో తీవ్ర ఉద్రిక్త పరిస్థితి నెలకొంది. వెలగపూడి పంచాయతీ కార్యాలయానికి రైతులు నల్ల రంగు పూసి నిరసన తెలిపారు. ఇది మా పంచాయతీ కార్యాలయం అని, దీనికి ఒక పార్టీ రంగులు ఎలా వేస్తారు అంటూ ఆందోళన బాట పట్టారు. నల్ల రంగు డబ్బాలతో, వైసీపీ రంగులు అన్నీ చెరిపేసి, నల్ల రంగు పూసారు. పోలీసులు అడ్డు తగిలే ప్రయత్నం చేసినా, వారు లెక్క చెయ్యకుండా, నల్ల రంగు పూసారు. జగన్ మోహన్ రెడ్డికి వ్యతిరేకంగా నినాదాలు చేసారు. తమని పట్టించుకోని కార్యాలయానికి, తమ నిరనస తెలియ చేస్తున్నామని, అందుకే నల్ల రంగు పుస్తున్నామని రైతులు అంటున్నారు. ఇదే పరిస్థితి రాష్ట్రమంతా వచ్చే రోజు ఎంతో తొందరలో లేదు అని, రైతులు అన్నారు.

అలాగే, మంగళగిరి మండలం కోరగల్లులోనూ రైతులు నిరసనలు చేస్తున్నారు. రైతులు కుటుంబ సభ్యులతో కలిసి రోడ్డు పై ఆందోళన చేస్తున్నారు. నీరుకొండ కొండవీటివాగు వంతెన పై కూడా రైతులు ఆందోళన చేస్తున్నారు. తుళ్లూరులో మహాధర్నా చేస్తున్న రైతులు వాహనాలను రోడ్డుకు అడ్డంగా పెట్టారు. సచివాలయానికి వెళ్లే మార్గంలో రాకపోకలు స్తంభించిపోయాయి. అమరావతిని రాజధానిగా కొనసాగించాలంటూ నినాదాలు చేస్తున్నారు. జగన్ మోహన్ రెడ్డి, తమ జీవితాలను తారు మారు చేసేసాడని, ఇతన్ని గెలిపించి, తమ నెత్తి మీద, తామే బండ పెట్టుకున్నామని రైతులు వాపోతున్నారు. తమ జీవితాలు బాగు చేస్తాడు అనుకుంటే, నాశనం చేస్తున్నాని వాపోతున్నారు.

33 వేల ఎకారాలు ఇచ్చినప్పుడు కూడా, ఎలాంటి ఆందోళన చెయ్యని అమరావతి రైతులు, ఈ రోజు రోడ్డున పడ్డారు. రోడ్డు మీద వంట వార్పూ చేసి, ఉదయం ఆందోళన చేసిన అమరావతి రైతులు, సాయంత్రం జీఎన్ రావు కమిటీ ఇచ్చిన నివేదిక చూసి, భగ్గుమన్నారు. తమకు అన్యాయం చేసారని, 33 వేల ఎకరాలు, ఇక్కడ రాజధాని వస్తుందని ఇచ్చామని, ఇప్పుడు ఇక్కడ ఏమి లేకుండా, మా పై కక్ష కట్టినట్టు చేస్తున్నారని అన్నారు. జీఎన్ రావు కమిటీ పై రాజధాని రైతులు ఆగ్రహం వ్యక్తం చేసారు. మందడంలోని వై జంక్షన్‌ వద్ద రాజధాని రైతుల ధర్నాలు, నిరసనలు చేపట్టారు. అలాగే సచివాలయం వద్ద జగన్ మోహన్ రెడ్డి జన్మదిన బ్యానర్లు చించివేసారు. సచివాలయం ముఖద్వారం సమీపం వరకు చొచ్చుకొచ్చి రైతులు బైటాయించారు. జీఎన్ రావు కమిటీ సభ్యులను అడ్డుకునేందుకు అమరావతి రైతుల ప్రయత్నించారు. జీఎన్ రావు కమిటీ సభ్యులను, పోలీసులు వేరే మార్గంలో పంపించారు. జీఎన్ రావు కమిటీ సభ్యులను అడ్డుకునే ప్రయత్నం చెయ్యటంతో టెన్షన్ వాతావరణం నెలకొంది.

సచివాలయం ఎదురుగా, రోడ్డుకు అడ్డంగా పడుకుని రైతులు ఇంకా ఆందోళనలు చేస్తూనే ఉన్నారు. రోడ్డు పై టైర్లు కాల్చి, మంటలు పెట్టరు. ఆ ప్రాంతం అంతా పరిస్థితి ఉద్రిక్తంగా మారింది. జగన్ మోహన్ రెడ్డికి వ్యతిరేకంగా పెద్ద ఎత్తున ప్రజలు నినాదాలు చేస్తున్నారు. అసలు జీఎన్ రావు కమిటీ మా ప్రాంతంలో పర్యటించలేదని, కనీసం మా అభిప్రాయాలను కమిటీ తెలుసుకోలేదని ఆరోపించారు. అసలు జీఎన్‌రావు కమిటీకి చట్టబద్ధత లేదని, దీని పై కోర్ట్ లో కేసు ఉండగానే, ఇప్పుడు ఆయన ఎలా ఇస్తారని రైతులు ప్రశ్నిస్తున్నారు. అమరావతిలో వరద ముప్పు అంటూ సాక్షి చెప్పినట్టు చెప్తున్నారని, మరి విశాఖలో తుఫానులు మనం చూడలేదా ? సునామీ వచ్చింది తెలియదా అని ప్రశ్నించారు.

అలాగే కర్నూల్ లో వరదలు వచ్చి, ఎంత మంది చనిపోయారో, 2009లో చూడలేదా అని ప్రశ్నించారు. అమరావతి రాజధాని ఉన్న ప్రాంతంలో, ఇప్పటి వరకు వరదలు రాలేదని, తప్పుడు ప్రచారం చేస్తున్నారని రైతులు అంటున్నారు. రైతులకు తీవ్ర ఆన్యాయం చేశారని ఆగ్రహం వ్యక్తం చేశారు. ఇది జీఎన్ రావు కమిటీ కాదని, ఇది జగన్ కమిటీ అంటూ నినాదాలు చేస్తున్నా. ఈ ఆందోళనలో ఆడవాళ్ళు, చిన్న పిల్లలు కూడా పాల్గునటం గమనార్హం. పరిస్థితి గంట గంటకూ అదుపు తప్పుతుంది. అందరూ వచ్చి సచివాలయం ముందు బైటాయించారు. ఏ క్షణంలో అయినా సచివాలయంలోకి చొచ్చుకు వెళ్ళే అవకాసం ఉండటంతో, పోలీసులు భారీ బందోబస్తు ఏర్పాటు చేసి, పరిస్థితి సమీక్షిస్తున్నారు.

ఒక పక్కన, మూడు రాజధానులు అంటూ, వివిధ ప్రాంతాల ప్రజల్లో ప్రభుత్వం చిచ్చు పెట్టి, చలి కాచుకుంటుంటే, మరో పక్క హైకోర్ట్ మాత్రం, రాష్ట్ర ప్రభుత్వానికి వరుస షాకులు ఇస్తుంది. ఒకే రోజు రెండు అంశాల పై, ఆంధ్రప్రదేశ్ హైకోర్ట్, ప్రభుత్వాన్ని తప్పు బట్టింది. దీంతో ఇది ప్రభుత్వానికి ఎదురు దెబ్బ అనే చెప్పాలి. ముందుగా ఒక అంశం తీసుకుంటే, విద్యుత్ కొనుగోలు ఒప్పందాలు. ఈ పీపీఏల విషయం పై, గత ఆరు నెలలుగా రచ్చ నడుస్తూనే ఉంది. చంద్రబాబు మీద కోపంతో, ఇన్వెస్టర్స్ ని ఇబ్బంది పెట్టద్దు అంటూ ట్రిబ్యునల్ చెప్పినా, కోర్ట్ చెప్పినా, కేంద్ర ప్రభుత్వం చెప్పినా, రాష్ట్ర ప్రభుత్వం వారి మాట వినకుండా ముందుకు వెళ్తుంది. చివరకు జపాన్ ప్రభుత్వం కూడా, కేంద్రానికి ఉత్తరం రాసి, ఇలా అయితే మీ దేశంలోనే పెట్టుబడి పెట్టం అంటూ, చెప్పిన సంగతి తెలిసిందే. అయితే, ఈ పీపీఏల విషయంలో కొన్ని కంపెనీలు కోర్ట్ కు వెళ్ళిన సంగతి తెలిసిందే. తమ వద్ద నుంచి ప్రభుత్వం విద్యుత్ తీసుకోవటం లేదు, అంటూ వారు కోర్ట్ కు వెళ్లారు.

దీని పై కోర్ట్ మధ్యంతర ఉత్తర్వులు జారీ చేసింది. కోర్ట్ చెప్పినా, ఎందుకు విద్యుత్ కొనటం లేదు అంటూ, ప్రభుత్వం పై తీవ్ర ఆగ్రహం వ్యక్తం చేసింది. అంతే కాదు, పాత బకాయిల కింద వెంటనే పీపీఏలకు రూ.1400 కోట్లు చెల్లించాలని రాష్ట్ర ప్రభుత్వాన్ని, కోర్ట్ ఆదేశించింది. హైకోర్టు ప్రధాన న్యాయమూర్తి జస్టిస్‌ మహేశ్వరి, జస్టిస్‌ వెంకటరమణలతో కూడిన ధర్మాసనం ఈ ఆదేశాలు ఇచ్చింది. అయితే ఈ రూ.1400 కోట్లు ప్రభుత్వం ఎలా ఇస్తుందో చూడాలి. ఇప్పటికే ఆదాయం లేక, కేవలం అప్పుల మీదే రాష్ట్ర ప్రభుత్వం నడుస్తున్న సంగతి తెలిసిందే. ఈ ఆరు నెలల్లో 33 వేల కోట్లు అప్పు చేసారు అంటే, మన రాష్ట్ర పరిస్థితి ఎలా ఉందొ అర్ధం చేసుకోవచ్చు. మరి,కోర్ట్ చెప్పినట్టు, ఈ రూ.1400 కోట్లు వెంటనే చెల్లించాలి అంటే, ప్రభుత్వం ఏమి చేస్తుందో మరి.

ఇక జగన్ మోహన్ రెడ్డి గొప్పగా చెప్తున్న ఇంగ్లీష్ మీడియం పై కూడా కోర్ట్ కొన్ని ఆదేశాలు ఇచ్చింది. అన్ని ప్రభుత్వ స్కూల్స్ లో, ఇంగ్లీష్ మీడియం ప్రవేశ పెట్టం పై, బీజేపీనేత సుదీష్‌ రాంబొట్ల, డాక్టర్‌ గుంటుపల్లి శ్రీనివాస్‌ అనే వ్యక్తి హైకోర్ట్ లో పిటీషన్ వేసారు. ఈ పిటీషన్ పై హైకోర్ట్ లో వాదనలు జరిగాయి. ఈ జీవో నిలుపుదల చెయ్యాలి అంటూ కోర్ట్ లో వాదనలు వినిపించారు. అలాగే మీడియంని ఎంపిక చేసుకునే హక్కు, తల్లిదండ్రులకు, విద్యార్థులకు ఇవ్వాలని ఆ పిటిషన్‌లో పేర్కొన్నారు. దీని పై హైకోర్ట్ కేంద్ర, రాష్ట్ర ప్రభుత్వాలకు నోటీసులు జారీ చేసింది. ఇంగ్లీషు మీడియం పుస్తకాలను ప్రింట్ చేయవద్దని, ఒకవేళ ప్రింట్‌ చేస్తే, ఆ ఖర్చు అధికారుల నుంచి వసూలు చేస్తామని హెచ్చరిస్తూ, తదుపరి విచారణ జనవరి 27కి వాయిదా వేసింది.