news

తమ భూములు తీసుకుని, ఇప్పుడు ఇక్కడ అసెంబ్లీ తప్ప ఏమి ఉండదు అంటూ, జగన్ ప్రభుత్వం చేసిన ప్రకటన పై రాజధాని రైతులు, గత అయుదు రోజులుగా ఆందోళన చేస్తున్న సంగతి తెలిసిందే. అయితే ఇప్పుడు ఆందోళనలో పాల్గున్న కొంత మంది రైతులకు షాక్ ఇచ్చారు పోలీసులు. రైతులు చేస్తున్న ఆందోళన నేపధ్యంలో, పోలీసులు ఇప్పటి వరకు రైతుల పై, ఆరు కేసులు నమోదు చేసారు. అమరావతి ప్రాంతంలో, 144 సెక్షన్ తో పాటుగా, సెక్షన్ 30 పోలీస్ ఆక్ట్ అమలులో ఉందని, అయినా రైతులు వినకుండా, ఎక్కడికక్కడ గుమికూడి ఆందోళన చెయ్యటంతో, వారి పై, కేసులు నమోదు చేసామని పోలీసులు చెప్తున్నారు. మల్కాపురం జంక్షన్‌లో చేసిన, ధర్నాలో ఎక్కువ మంది రైతులు గుమికూడి, ఇలా చెయ్యవద్దు అని చెప్పినా వినకుండా, ఆందోళన చేసారని, పోలీసులతో వాగ్వాదానికి దిగారని రూరల్‌ ఎస్పీ విజయరావు తెలిపారు. అలాగే పోలీసులు ఏర్పాటు చేసిన, బారికేడ్‌లు పడేసిన ఘటనలో కూడా కొంత మంది పై కేసులు నమోదు అయ్యాయి.

బ్యారికేడ్లు పడేసిన ఘటనలో, సీసీ ఫుటేజీలు, వీడియోలు, బాడీవోన్‌ కెమెరాల ఫూటేజ్ ద్వారా, గుర్తించి కేసులు పెట్టామని రూరల్‌ ఎస్పీ తెలిపారు. అలాగే సెక్రటేరియట్‌ వైపు దూసుకెళ్ళి, సెక్రటేరియట్ ఎంట్రన్స్ లో పోలీసు అధికారులు, సిబ్బంది విధులకు ఆటంకం కలిగించిన వారి పై రెండు కేసులు నమోదు చేసినట్లు తెలిపారు. ఇక నిన్న అమరావతి ప్రాంతంలో, కొన్ని పంచాయతీ కార్యాలయాలకు నలుపురంగు వేసిన వ్యక్తుల పై మూడు కేసులు నమోదు చేసామని పోలీసులు చెప్పారు. తుళ్ళూరులో ఉన్న నీటి పైపులైన్‌ వద్ద సిబ్బందిని భయపెట్టిన వారి పై కేసు పెట్టామని పోలీసులు తెలిపారు. అయితే, రైతులు మాత్రం, వీటికి తగ్గేది లేదని అంటున్నారు. ఒక పక్క తమ ప్రాణ సమానమైన భూములే పోతుంటే, ఈ కేసులు ఒక లెక్కా అని వాపోతున్నారు.

అయితే నిన్న ఆందోళన చేసి, పంచాయతీ భవనాలకు రంగులు వేసిన వారిలో, వైసీపీ కార్యకర్తలే ఉన్నారు. ఆందోళనలో భాగంగా వెలగపూడి పంచాయతీ, తుళ్లూరు, రాయపూడి, మల్కాపురం పంచాయతీలకు వైసీపీ రంగులను చెరిపి వేస్తూ నల్ల రంగులను పులిమారు. వైసీపీ కార్యకర్తలే తీవ్ర మనస్థాపానికి గురై ఈ చర్యలకు పాల్పడ్డారు. తమ జీవితాలు నాశనం చెసిన ఈ రంగు ఎందుకు అంటూ, నల్ల రంగు పులిమారు. అయితే ఇప్పడు ఆందోళనలు రోజు రోజుకీ ఎక్కవ కావటంతో, పోలీసులు కేసులు పెట్టి ఒత్తిడి పెంచి, ఉద్యమాన్ని అణిచివేసే ప్రయత్నం చేస్తున్నారని, రైతులు వాపోతున్నారు. తమ జీవితాలే తారు మారు అయిపోయాయని, ఎన్ని కేసులు పెట్టుకుంటే, ఇప్పుడు మాకు ఏమి అవుతుంది అంటూ, ఆవేదన వ్యక్తం చేస్తున్నారు.

ఒక పక్క అమరావతిలో రైతులు, ఇంట్లో ఆడవాళ్ళు, పిల్లలుతో సహా , నాలుగు రోజుల నుంచి రోడ్ల పైకి వచ్చి ఆందోళన చేస్తుంటే, వారి సమస్యలు గురించి, ప్రభుత్వం వైపు నుంచి పట్టించుకునే నాధుడు కనిపించటం లేదు. అయినా వారు ఆందోళనలు కొనసాగిస్తూనే ఉన్నారు. రాజధాని కోసం, భూములు ఇస్తే, ఇప్పుడు తమని మోసం చేస్తున్నారని, చంద్రబాబు మీద కక్షతో తమను నాశనం చేస్తున్నారని, అమరావతి రైతులు ఆందోళన వ్యక్తం చేస్తున్నారు. అమరావతిలో వరదలు వస్తాయని విష ప్రచారం చేసి, ఎప్పుడూ వరదలు రాని అమరావతి పై విషం చిమ్మి, వరదలు వచ్చి మునిగిపోయిన కర్నూల్ లో ఒక రాజధాని, తుఫానులు, సునామీలు వచ్చే విశాఖపట్నంలో ఇంకో రాజధాని పెట్టారని, మమ్మల్ని నాశనం చేసారని వారు వాపోతున్నారు. అయితే వీరి తరుపున వివిధ రాజకీయ పార్టీలు కూడా పోరాడుతున్నాయి. ముఖ్యంగా జనసేన కూడా పోరాడుతున్న సంగతి తెలిసిందే. అయితే తమ్ముడు పవన్ కళ్యాణ్ జగన్ పై పోరాడుతుంటే, అన్నయ్య చిరంజీవి మాత్రం, జై జగన్ అంటున్నారు.

ఆంధ్రప్రదేశ్ రాష్ట్రానికి మూడు రాజధానులు పై జగన్ చేసిన వ్యాఖ్యలు, జీఎన్ రావు కమిటీ ఇచ్చిన నివేదిక పై, మెగాస్టార్ చిరంజీవి స్పందిస్తూ, ఒక బహిరంగ లేఖ విడుదల చేసారు. దాదాపుగా 5 ఏళ్ళు రాజకీయాలకు దూరంగా ఉన్న చిరంజీవి, తన లెటర్ హెడ్ పై ఇండిపెండెంట్ అంటూ కాంగ్రెస్ పార్టీ పేరు లేకుండా చూసుకుని, జగన్ మోహన్ రెడ్డిని పొగుడుతూ, ఒక బహిరంగ లేఖ రాసారు. జగన్ మోహన్ రెడ్డి, మూడు రాజధానుల పై తీసుకున్న నిర్ణయం అద్భుతం, అమోఘం అంటూ, పొగుడుతూ లేఖ రాసారు. రాష్ట్ర సమగ్రాభివృద్ధికి జగన్ మోహన్ రెడ్డి ప్రణాళికాబద్ధంగా కృషి చేస్తున్నారని, చిరంజీవి ప్రశంసల వర్షం కురిపించారు. మూడు రాజధానుల అంశాన్ని అందరూ స్వాగతించాలని చిరంజీవి పేర్కొన్నారు.

గతంలో అభివృద్ధి అంతా హైదరాబాద్ లోనే కేంద్రీకృతమైందని, మిగతా ప్రాంతాలు నిర్లక్ష్యానికి గురయ్యాయని, ఇప్పుడు కూడా అమరావతినే అభివృద్ధి చేస్తే మిగతా ప్రాంతాల పరిస్థితి ఏంటని చిరంజీవి అన్నారు, అయితే ఇక్కడ జరుగుతుంది పాలనా వికేంద్రీకరణ అయితే, చిరంజీవి మాత్రం అభివృద్ధి గురించి మాట్లాడటం గమనార్హం. అయితే చిరంజీవి కాంగ్రెస్ పార్టీకి దూరం అయిన తరువాత, అమ్మడు కుమ్ముడు అంటూ, 150వ సినిమా చేసారు. తరువాత రాజకీయాలకు దూరం అయ్యారు. అయితే ఈ 5 ఏళ్ళలో పొలిటికల్ ప్రోగ్రాం ఏదైనా చేసారు అంటే, మొన్న జగన్ ని కలిసి, భోజనం చెయ్యటం, ఈ రోజు జగన్ ని పొగుడుతూ లేఖ రాయటం. మరి చిరంజీవి మళ్ళీ రాజకీయాల్లోకి వస్తారా ? ఈ అభిప్రాయం పై తమ్ముడు పవన్ కళ్యాణ్ ఏమంటారు ? వేచి చూడాల్సిందే.

అమరావతి బంగారు గుడ్డు పెట్టే బాతులాంటిదని టీడీపీ అధినేత చంద్రబాబు అన్నారు. అన్ని రాష్ట్రాలకు బ్రహ్మాం డమైన నగరాలున్నాయని చెప్పారు. ఏపీకి మంచి నగరం అవసరం అని గతం లో జగనే అన్నారని గుర్తుచేశారు. కానీ ఇప్పుడు జగన్ యూటర్న్ తీసుకున్నా రని విమర్శించారు. టీడీపీ ఎప్పుడూ ఒకే మాట మీద ఉన్నాదని తెలిపారు. అమరావతిని విధ్వంసం చేయాలని రైతులను అపహాస్యం చూస్తున్నారని ఆరో పించారు. రైతులు నమ్మి 33 వేల ఎకరాలు ఇచ్చారని తెలిపారు. 151 సీట్లతో వైసీపీకి ఒళ్ళంతా గర్వంగా ఉందని టీడీపీ అధినేత చంద్రబాబు అన్నారు. రాష్ట్ర నికి ప్రత్యేక హోదా ఎప్పుడు సాధిస్తారో వైసీపీ చెప్పాలని డిమాండ్ చేశారు. వైసీపీ తప్పుడు విధానాలతో రాష్ట్రం అధోగతి పాలవుతోందని ధ్వజమెత్తారు. అమరావతి భూముల విలువ పెరగడంతో వైసీపీ జీర్ణించుకోలేకపోతోందని ఆరోపించారు. ఆరోజు రైతులు నమ్మి రాజదాని కోసం 33వేల ఎకరాల భూమి ఇచ్చారు. మీరు భూమి ఇవ్వండి, ఇక్కడ తొమ్మిది నగరాలు వస్తాయని చెప్పాం.

మీ పిల్లల భవిష్యత్తు బాగుంటుంది, ప్రజారాజధానిగా ఉంటుందని చెప్పిన ప్పడు సహకరించారు. రాష్ట్రానికి ఉపాధి కల్పన కేంద్రంగా అమరావతి ఉంటుందనే రైతులు ముందుకు వచ్చారు. అలాంటి రైతు ల్ని వెక్కిరించే విధంగా ప్రవర్తిస్తున్నారు. రాజకీయాల్లో వ్యక్తి గత ప్రయోజనాలు కాదు ప్రజా ప్రయోజనాలు ముఖ్యం. అభివృద్ధి అనేది అధికార వికేంద్రీకరణతో కాదు, అభివృద్ధి వికేంద్రీకరణతో సాధ్యం. ఆంధ్రప్రదేశ్ కు మంచి నగరం నిర్మాణం అవసరం. టీడీపీ హయాంలోనే హైదరాబాదు అభివృద్ధి చేశాం. తెలంగాణకు ఆదాయం హైదరాబాద్ నుంచే వస్తోంది అని చంద్రబాబు వివరించారు. 30 రాజదానులు పెడతామంటూ ఓ మంత్రి మాట్లాడుతున్నాడు. రాజధాని విషయంలో ప్రజలతో ఆడుకుంటారా అని ఆగ్ర హం వ్యక్తం చేశారు. అయినా ప్రతి శుక్రవారం కోర్టుకు వెళ్ళేవారికి ఆంధ్ర అభివృద్ధి గురించి తెలుస్తుందా, మీడియా స్వేచ్ఛను హరిస్తుంటే మీడియా ఏం చేస్తోంది అని నిలదీశారు.

మీడియా ప్రభుత్వాన్ని ప్రశ్నించాలని కోరారు. 2430 జీవో తెచ్చి మీడియాపై ఆంక్షలు పెట్టారు. ఏబీఎన్ చానల్ గొంతు నొక్కి ఇబ్బంది పెడుతున్నారన్నారు. రాష్ట్ర ప్రయోజనాల కోసం అప్పట్లో బీజేపీతో పొత్తు పెట్టుకున్నామని స్పష్టం చేశారు. విశాఖను నాలెడ్జ్ హబా తయారు చేయాలని చూశామని చెప్పారు. ఎక్కడ అభివృద్ధి జరిగితే దానికి అవినీతి అనే ముద్దు పేరు పెడుతున్నారని వాపోయారు. అభివృద్దిని చంపేసి పైశాచిక ఆనందం పొందుతున్నారన్నారు. మాటలు కట్టిపెట్టండి.. చేతనైనే చట్టపరంగా చర్యలు తీసుకోవాలని సవాల్ విసిరారు. పెట్టుబడులన్నీ వెనక్కి పోయాయని ఆవేదన వ్యక్తం చేశారు. రిలయన్స్, ఆదానీ, పేపర్శిల్స్.. కియా మోటార్స్ యాక్సరీస్ కంపెనీలు పోయాయని విచారం వ్యక్తం చేశారు. మేం కంపెనీలు తీసుకొస్తే మీరు తరిమేసే పరిస్థితి తీసుకొచ్చారు అని మండిపడ్డారు. అయితే ఈ సందర్భంలో మీడియా వాళ్ళు, మీ పార్టీ నాయకులు అయిన గంటా లాంటి వాళ్ళు, మూడు రాజధానులు ఆహ్వానిస్తున్నారుగా అని ఆడగా, దానికి చంద్రబాబు స్పందిస్తూ, మీ ప్రాంతంలో రాజధాని వస్తుంది అంటే, మీకు సంతోషం ఉండదా ? వాళ్ళు ఏమి చేస్తారు, ఎవరైనా ఆహ్వానిస్తారు. కాని వీళ్ళు చేసే పనులతో, ఏ ప్రాంతం కూడా ప్రశాంతంగా ఉండదు, వీళ్ళ ఉచ్చులో పడితే, అన్ని ప్రాంతాలని, ఎందుకు పనికి రాకుండా చేస్తారని అన్నారు. ఇవన్నీ ప్రజలు అర్ధం చేసుకోవాలని అన్నారు. వీళ్ళ సమర్ధత ఏమిటో ఈ ఆరు నెలల్లోనే తెలిసిందని, వీళ్ళా రాజధునులు కట్టేది అని అన్నారు.