news

ఈ మధ్య కాలంలో, ఆంధ్రప్రదేశ్ రాష్ట్ర ప్రభుత్వం చేస్తున్న పనులు, దేశ వ్యాప్తంగా ట్రెండ్ అవుతున్నాయి. పోజిటివ్ స్టొరీలు కాదు, నెగటివ్ స్టొరీలతో పరువు పోతుంది. రాష్ట్రంలో జరుగుతున్న పనుల పై, జాతీయ మీడియా ప్రముఖంగా ప్రచురిస్తుంది. ఈ మధ్య కాలంలో జాతీయ స్థాయిలో ట్రెండ్ అయినవి, ఇసుక కష్టాలు/మరణాలు. జాతీయ జెండా ఉన్న చోట, అది తీసి వైసిపీ రంగులు పూయటం. అబ్దుల కలాం పేరు తీసి వైఎస్ఆర్ పేరు పెట్టటం. మీడియా పై కేసులు పెట్టే జీవో తీసుకు రావటం. వీటిలో కొన్నిటి పై వచ్చిన వ్యతిరేకత చూసి ప్రభుత్వం వెనక్కు తగ్గిన విషయం తెలిసిందే. ఇక తాజాగా జగన్ మోహన్ రెడ్డి ఇంటి కోసం, ఖర్చు పెట్టిన వివరాలు, మరీ ముఖ్యంగా 73 లక్షలతో, జగన్ ఇంటికి పెట్టిన అల్యూమినియం కిటికీల గురించి, జాతీయ మీడియా ఒక రేంజ్ లో విరుచుకు పడింది. అసలు ఆరు నెలలు క్రితం అంగరంగ వైభవంగా కట్టిన ఇంటికి, 73 లక్షల ప్రజా ధనంతో, కిటికీలు ఏంటి అంటూ, జాతీయ మీడియా విరుచుకు పడింది.

ఒక టీవీ కాదు, ఒక పేపర్ కాదు, దాదపుగా అన్ని ప్రముఖ ఛానెల్స్ మరియు పేపర్లలో, ఈ విషయం ప్రముఖంగా ప్రస్తావించారు. జగన్ అధికారంలోకి వచ్చిన తరువాత, ఇప్పటి వరకు, దాదాపుగా 15.50 కోట్లు ఆయన ఇంటికి ఖర్చు పెట్టారని, అయితే సొంత ఇంటి కోసం, ప్రజా ధనం ఎందుకు వృధా చేస్తున్నారు అంటూ జాతీయ మీడియా ప్రశ్నించింది. అదీ కాక, జగన్ మోహన్ రెడ్డి, తన ఎన్నికల అఫిడవిట్ లో, తన ఆస్తి 510 కోట్లుగా చూపించారని, ఇది కేవలం వైట్ అని, మరి ఇన్ని వందల కోట్లు ఆస్తి ఉన్న వ్యక్తీ, కేవలం 15 కోట్లు కోసం, ప్రజా ధనం ఎందుకు వృధా చేస్తున్నారు, ఆయన సొంతగా ఖర్చులు పెట్టుకోవచ్చు కదా, ఎందుకు ప్రభుత్వ సొమ్ము తీసుకోవటం, అంటూ జాతీయ మీడియాలో కధనాలు వచ్చాయి.

జగన్ మోహన్ రెడ్డి గారు ఇప్పటి వరకు, 15 కోట్లు దాకా ఖర్చు పెట్టరు. ఆ వివరాలు ఇలా ఉన్నాయి. జగన్‌ నివాసం వద్ద 1.33 కిలోమీటర్లు పొడువు ఉన్న రహదారి విస్తరణకు, రూ.5 కోట్లు. జగన్ ఇంటి పరిసరాల్లో రక్షణ అవసరాలు కోసం, 1.89 కోట్లు. ఇంటి వద్దే ప్రత్యేకంగా హెలిప్యాడ్‌, దానికి ఫెన్సింగ్‌, కోసం రూ.40 లక్షలు. హెలిపాడ్‌ వద్ద సదుపాయాల కోసం రూ. 13.50 లక్షలు. జగన్ ఇంటి వద్ద, బారికేడింగ్‌ కోసం రూ. 75 లక్షలు. జగన్ ఇంటి, నిరంతరం విద్యుత్తు సరఫరా, నిర్వహణ కోసం, ఎలక్ట్రీషియన్ కు, రూ.8.50 లక్షలు. అత్యాధునిక విద్యుత్‌ వ్యవస్థ, లైట్స్‌, సీసీటీవీ సదుపాయం కోసం 3.63 కోట్లు. విద్యుత్‌ టాన్స్‌ఫార్మర్‌, హెచ్‌టీ లైన్‌, ఆధునిక లైటింగ్‌ సిస్టమ్‌కు రూ.97 లక్షలు. సీసీటీవీ, సోలార్‌ ఫెన్సింగ్‌ కోసం రూ. 1.25 కోట్లు. ఆధునిక ఏసీల ఏర్పాటుకు రూ.80 లక్షలు. క్యాంపు ఆఫీసు బయట లైటింగ్‌ కోసం రూ. 11.50 లక్షలు. జగన్ ఇంట్లో, వ్యూకట్టర్‌ ఏర్పాటు కోసం రూ.3.25 కోట్లు. తాజాగా, ఆల్యూమినియం తలుపులు, కిటికీలు కోసం, రూ. 73 లక్షలు. ఇలా మొత్తం, ఇప్పటి వరకు, దాదాపుగా, 15.65 కోట్లు ఖర్చు పెట్టారు.

తెలుగుదేశం పార్టీ అధినేత చంద్రబాబు, పోలవరం విషయంలో ప్రభుత్వాన్ని హెచ్చరిస్తూనే ఉన్నారు. పోలవరం పనులు సాఫీగా, ఫాస్ట్ గా సాగుతున్నాయి, మీరు కాంట్రాక్టర్ ను మార్చకండి, మా మీద కక్షతో కాంట్రాక్టర్ ని మార్చితే, ఇది న్యాయ పరంగా కేసు అవుతుంది, అలా జరిగింది అంటే, న్యాయస్థానాల్లో కేసు తేలేదాకా, పనులు ముందుకు సాగవు, ఇది రాష్ట్రానికి మంచిది కాదు, అంటూ చంద్రబాబు చెప్తూనే ఉన్నారు. అయినా ప్రభుత్వం వినిపించుకోకుండా, అందులో అవినీతి జరిగిపోయింది అంటూ, అవినీతిని ఇప్పటి వరకు నిరూపించకుండా, రివర్స్ టెండరింగ్ అంటూ, పోలవరం ప్రాజెక్ట్ లో మిగిలిపోయిన హెడ్ వర్క్స్ తో పాటుగా, పోలవరం హైడెల్ ప్రాజెక్ట్ తో కలిపి, టెండర్ ను పిలిచింది. అప్పటికే ఉన్న నవయుగతో ఒప్పందం రద్దు చేసుకుంది. అయితే టెండరింగ్ లో, కేవలం మేఘా ఒక్కటే పాల్గుని, ఆ పనులను మేఘా సంస్థ దక్కించుకుంది.

అయితే హైడల్ ప్రాజెక్ట్ విషయం పై నవయుగ సంస్థ తీవ్రంగా స్పందిస్తూ, ఒప్పందం రద్దుకు గల కారణాలు చెప్పలేదంటూ, కోర్ట్ కు వెళ్ళింది. ఆగష్టు నెలలో కోర్ట్ కు వెళ్ళగా, అక్కడ జడ్జి నవయుగకు అనుకూలంగా తీర్పు ఇస్తూ, పనుల పై స్టే విధించారు. అయితే దీని పై ప్రభుత్వం, మళ్ళీ అప్పీల్ చెయ్యటంతో, హైకోర్ట్ సింగల్ బెంచ్, ప్రభుత్వానికి అనుకూలంగా స్టే ఎత్తివేసింది. అయితే దీని పై మరోసారి, నవయుగ హైకోర్ట్ ఫుల్ బెంచ్ ముందుకు వెళ్ళింది. మొన్న హైకోర్ట్ లో, సింగల్ బెంచ్ ఇచ్చిన తీర్పుని సవాల్ చేస్తూ, మరో పిటీషన్ దాఖలు చేసింది. ప్రభుత్వం మమ్మల్ని అకారణంగా తప్పించిందని, ఒప్పందం మొత్తం పరిగణలోకి తీసుకోకుండా, సింగల్ బెంచ్ తీర్పు ఇచ్చిందని, దాని పై స్టే ఇవ్వాలంటూ, హైకోర్ట్ లో పిటీషన్ వేసింది.

అయితే, దీని పై, ఈ రోజు హైకోర్ట్ లో విచారణ జరిగింది. పోలవరం హైడల్‌ ప్రాజెక్ట్‌ పనులు, తదుపరి ఆదేశాలు వచ్చే వరకు నిలిపివేయాలంటూ హైకోర్టు ఆదేశించింది. ప్రతివాదులు అందరికీ హైకోర్ట్ నోటీసులు జారీ చేసింది. తదుపరి విచారణ వచ్చే మంగళవారానికి వాయిదా వేసింది. అయితే, ఇది ప్రభుత్వానికి షాక్ అనే చెప్పాలి. మొన్న సింగల్ బెంచ్ ఇచ్చిన ఆదేశాలతో మా విజయం అని చెప్పిన ప్రభుత్వం, మరి ఈ విషయం పై ఎలా స్పందిస్తుందో చూడాలి. ఇక మరో పక్క ఈ ఆదేశాలు హైడల్ ప్రాజెక్ట్ వే అయినా, మేఘా సంస్థ టెండర్ మాత్రం, హెడ్ వర్క్స్ తో పాటుగా హైడల్ ప్రాజెక్ట్ కూడా కాబట్టి, మరి మేఘా సంస్థ హెడ్ వర్క్స్ పనులు చేస్తుందో, తడుపరి ఆదేశాలు వచ్చేదాకా ఆగుతుందో చూడాలి.

తెలుగుదేశం పార్టీ అధినేత, మాజీ ముఖ్యమంత్రి, ప్రతిపక్ష నాయకుడు అయిన చంద్రబాబు నాయుడుకి, విజయవాడ పోలీసులు షాక్ ఇచ్చారు. ఒక ప్రతిపక్ష నాయకుడు నిరసన తెలపటానికి కూడా అవకాసం లేకుండా, ఆంక్షలు విధిస్తున్నారు. ఇసుక కొరతతో, పనులు లేక, రోడ్డున పడ్డ 40 లక్షల మంది కార్మికులకు అండగా, ఈ నెల 14 వ తేదీన, విజయావాడలో చంద్రబాబు దీక్షకు దిగుతాను అంటూ, చెప్పిన సంగతి తెలిసిందే. ఉదయం 8 గంటల నుంచి రాత్రి 8 గంటల వరకు, దీక్ష చెయ్యాలని, భవన నిర్మాణ కార్మికుల తరుపున పోరాడాలని చంద్రబాబు నిర్ణయం తీసుకున్నారు. పెద్ద ఎత్తున భవన నిర్మాణ కార్మికులు వచ్చే ఈ సభ కోసం, విజయవాడలోని ఇందిరా గాంధీ స్టేడియంలో నిర్వహించాలాని, తెలుగుదేశం పార్టీ భావించింది. ఇందు కోసం, ఇందిరా గాంధీ మున్సిపల్‌ స్టేడియంలో దీక్షకు అనుమతి ఇవ్వాలని తెలుగుదేశం నేతలు పోలీసులను గురువారం విజయవాడ పోలీసు కమిషనర్‌ ద్వారకా తిరుమలరావును మున్సిపల్‌ కమిషనర్‌ను కోరారు.

రాష్ట్ర మాజీ మంత్రులు దేవినేని ఉమామహేశ్వరరావు, కొల్లు రవీంద్ర, ఎమ్మెల్సీ బచ్చుల అర్జునుడు, మాజీ ఎమ్మెల్యే బొండా ఉమామహేశ్వరరావు, పార్టీ నాయకుడు ఆళ్ల గోపాలకృష్ణ తదితరులు విజయవాడ పోలీస్ కమీషనర్ ను స్వయంగా కలిసి అనుమతి కోరుతూ, వినతిపత్రం ఇచ్చారు. దీని పై అలోచించి నిర్ణయం ప్రకటిస్తామని హామీ ఇచ్చారు. అందరూ అనుమతి వస్తుందని భావించిన తరుణంలో, ప్రభుత్వం షాక్ ఇచ్చింది. చంద్రబాబు ఇందిరా గాంధీ మున్సిపల్‌ స్టేడియంలో దీక్షకు అనుమతి ఇవ్వం అని తేల్చి చెప్పింది. స్టేడియంలో ప్రభుత్వానికి సంబందించిన కార్యక్రమాలకు మాత్రమే అనుమతి ఇస్తామని, ఇతర కార్యక్రమాలకు అనుమతి ఇవ్వము అంటూ అధికారులు తేల్చి చెప్పారు.

అయితే ఈ విషయం పై తెలుగుదేశం పార్టీ నేతలు మండి పడుతున్నారు. జగన్ మోహన్ రెడ్డి ప్రమాణస్వీకారం తరువాత, బహారింగ సభ ఇక్కడే పెట్టుకున్నారని, ఇది ప్రభుత్వ కార్యక్రమమా అని నిలదీసారు. మేము అధికారంలో ఉండగా, ఇలాగే ఆలోచిస్తే, జగన్ మొహన్ రెడ్డి, పాదయాత్ర చేసే వారా అని ప్రశ్నించారు. అయితే, ఎక్కడ దీక్ష చేసిన, ప్రభుత్వం అనుమతి ఇవ్వదు అని గ్రహించిన తెలుగుదేశం నేతలు, తెలివిగా, విజయవాడ ధర్నా చౌక్ వద్ద చేస్తే ఎలా ఉంటుంది అనే అంశం పై ఆలోచిస్తున్నారు. ఇక్కడ అయితే సిటీ మధ్యలో ఉంటుందని, ఇక్కడ నిరసన తెలిపే హక్కు అందరికీ ఉంటుందని, అందుకే ఇక్కడ చేస్తే ఎలా ఉంటుంది అనే విషయం పై తెలుగుదేశం నేతలు ఆలోచనలు జరుపుతున్నారు. ఇప్పటి వరకు చంద్రబాబు పిలుపుఇచ్చిన ఇసుక పోరాటానికి, ఎక్కడికక్కడ హౌస్ అరెస్ట్ లు చేసారు. అలాగే చలో ఆత్మకూరు విషయంలో కూడా, ఇలాగే హౌస్ అరెస్ట్ లు చేసారు. మరి ఈసారి, ప్రభుత్వం అనుమతి ఇస్తుందా, ఇది కూడా అడ్డుకుంటుందా అనేది చూడాలి.