news

వారు మన రాష్ట్రానికి వచ్చిన అతిధులు. రాష్ట్ర క్రీడారంగం ఎదగాలి అంటే, ప్రతి చిన్న అవకాశాన్ని, వాడుకోవాలి. గతంలో చంద్రబాబు క్రీడలకు ఎంత ప్రాధాన్యత ఇచ్చేవారో చూసాం. రాష్ట్రంలో జాతీయ స్థాయి క్రీడా పోటీలు పెట్టి, మౌలిక వసతలు పెంచే ఏర్పాట్లు చేసేవారు. అయితే ఇప్పుడు వచ్చిన జగన్ ప్రభుత్వం, అంత కంటే, ఎక్కువగా చెయ్యాలని, క్రీడలకు అధిక ప్రాధాన్యత ఇవ్వాలని అందరూ కోరుకుంటున్న వేళ, వస్తున్న వార్తలు చూస్తే, మన రాష్ట్రం పరువు పోతుంది అనే బాధ కలగక మానదు. గుంటూరులోని నాగార్జున యూనివర్సిటీలో, 35వ జాతీయ స్థాయి జూనియర్ నేషనల్ అథ్లెటిక్స్ చాంపిఒన్ షిప్ పోటీలు నిన్న ప్రారంభం అయ్యాయి. దేశం నలు మూలల నుంచి, అన్ని రాష్ట్రాల నుంచి, వివిధ రాష్ట్రాల చెందిన క్రీడాకారులు, గుంటూరు నాగార్జున యూనివర్సిటీ చేరుకున్నారు. నిన్న రాష్ట్ర క్రీడా మంత్రి అవంతి శ్రీనివాస్, ఈ పోటీలను ప్రారంభించారు. అయితే, అక్కడ రాష్ట్ర ప్రభుత్వ ఏర్పాట్లు పై మాత్రం విమర్శలు వస్తున్నాయి.

నాగార్జున యూనివర్సిటీలో వచ్చిన దగ్గర నుంచి, క్రీడాకారులు, ఇబ్బందులు ఎదుర్కుంటునే ఉన్నారు. కేవలం రిజిస్ట్రేషన్ చెయ్యటానికే, ఉదయం 10 గంటల నుంచి, రాత్రి 8 గంటల వరకు పట్టిందని, వాపోతున్నారు. అంత సేపు లైన్ లో నుంచోటానికి, క్రీడాకారులు ఇబ్బంది పడ్డారు. సరైన ఏర్పాట్లు చేయలేదని ఆవేదన వ్యక్తం చేసారు. కర్ణాటక టీం మాట్లాడుతూ, 60 మంది పడుకోవటానికి, రెండు షీట్లు వేసి పడుకోమన్నారని, భోజనం చెయ్యటానికి ఇబ్బంది పడ్డామని వాపోతున్నారు. అలాగే, గ్రౌండ్ లో ఏర్పాట్లు పై కూడా, క్రీడాకారులు అసంతృప్తి వ్యక్తం చేస్తున్నారు. ఎక్కడ చూసినా బురద మాత్రమే ఉందని, సింథటిక్ ట్రాక్ వద్ద మాత్రమే బాగుందని, కానీసం కూర్చోవటానికి కూడా వసతులు లేవని వాపోతున్నారు.

అయితే, కొంత మంది ఈ పరిణామాల పై విసుగెత్తిపోయి, కేంద్ర క్రీడా మంత్రికి, ప్రధాని మోడీకి, ట్విట్టర్ ద్వారా తాము పడుతున్న ఇబ్బందులు వివరించారు. ఇక్కడ ఏర్పాట్లు అధ్వానంగా ఉన్నాయని, మీరే కలుగచేసుకోవాలని కోరారు. ఇవి కొన్ని ట్వీట్స్... "@KirenRijiju sir, here is how a future of Indian athletes u are trying to create r treated. It’s the scene at #Juniornationalathleticchampionship at Guntur. Athletes are standing here frm 10 am till now to get their registration done. 5 hrs n still gng @PMOIndia" @KirenRijiju sir, ashamed by the way a national athletic event is organised without amenities. Girls don’t even hve washrooms! There is a track & rest of d area is filled wid slush! U must make ur senior most team go to d ground if u want change sports in India" "Junior athletics games are going on in guntur ( andhra parades). There is no meal provide to haryana players . Players are having own food . The accommodation facility is also worst. "

ఆంధ్రప్రదేశ్ రాష్ట్రంలో ఐఏఎస్ ల మధ్య చిచ్చు రేగింది. ఇప్పటికే చీఫ్ సెక్రటరీ ఎల్వీ సుబ్రమణ్యంకు షోకాజ్ నోటీస్ ఇవ్వచ్చు అంటూ, సీఎం ముఖ్య కార్యదర్శి, జీఏడీ పొలిటికల్‌ కార్యదర్శి ప్రవీణ్‌ ప్రకాశ్‌ ఇచ్చిన ఉత్తర్వులు పై, కాక రేగిన వేళ , ఇప్పుడు చీఫ్ సెక్రటరీ, ప్రవీణ్‌ ప్రకాశ్‌ కు షోకాజ్ నోటీస్ ఇచ్చి, సమాధనం చెప్పాలి అనటం సంచలనంగా మారింది. తన పరిధులు దాటి, ప్రవర్తించారు అంటూ, రాష్ట్ర ప్రభుత్వ ప్రధాన కార్యదర్శి ఎల్వీ సుబ్రమణ్యం, ప్రవీణ్ ప్రకాష్ కు, షోకాజ్ నోటీస్ జారీ చేసారు. అయితే ఈ పరిణామం పై, ఐఏఎస్ వర్గాల్లో తీవ్ర చర్చ జరుగుతుంది. కావాలనే ఎల్వీ సుబ్రమణ్యంను టార్గెట్ చేస్తున్నారా అనే అభిప్రాయం కొంత మందిలో వ్యక్తం అవుతుంది. ఈ నేపధంలోనే, ఏకంగా ముఖ్యమంత్రి ముఖ్య కార్యదర్శికి, చీఫ్ సెక్రటరీ షోకాజ్ నోటీస్ ఇవ్వటం అంటే, మామూలు విషయం కాదు. దేశ చరిత్రలోనే బహుసా ఇది మొదటి సారి ఏమో అని, ఐఏఎస్ వర్గాలు అనుకుంటున్నాయి.

మొన్న జరిగిన క్యాబినెట్ సమావేశంలో, ఒక అజెండా ఐటెంను, చీఫ్ సెక్రటరీ అనుమతి లేకుండా, ప్రవీణ్ ప్రకాష్ డైరెక్ట్ గా పెట్టరు అని, ఇది నిబంధనలకు, బిజినెస్ రూల్స్ కు వ్యతిరేకం అని చెప్తూ, ఒక వారం రోజుల్లో దీని పై సంజయషీ ఇవ్వాలని, చీఫ్ సెక్రటరీ, ప్రవీణ్ ప్రకాష్ ను ఆదేశించారు. అయితే దీని కంటే వారం రోజుల ముందు, గవర్నర్‌ అనుమతి తీసుకోకుండా, చీఫ్ సెక్రటరీకి కూడా చెప్పకుండా, రాత్రికి రాత్రి, బిజినెస్‌ రూల్స్‌ను సవరిస్తూ ప్రవీణ్ ప్రకాష్ ఉత్తర్వులు ఇవ్వటం కూడా పెను సంచలనంగా మారింది. ఎవరూ నాకు అతీతం కాదు, నేను సీఎం ముఖ్య కార్యదర్శిని అనే విధంగా, ప్రవీణ్ దూకుడుగా వెళ్తున్నారని ఐఏఎస్ వర్గాల్లో గుసగుసలు వినిపిస్తున్నాయి. స్పెషల్‌ సీఎస్‌ స్థాయి అధికారులకు సైతం, నోటీసులు ఇచ్చే అధికారాన్ని, ఈ బిజినెస్ రూల్స్ మార్చటం ద్వారా, ప్రవీణ్ ప్రకాష్ చేసారు.

చీఫ్ సెక్రటరీ ఎల్వీ సుబ్రమణ్యం కూడా, ప్రవీణ్ విడుదల చేసిన ఈ జీవో పట్ల తన సన్నిహితుల వద్ద తీవ్ర అసంతృప్తి వ్యక్తం చేసినట్లు తెలిసింది. తన అధికార పరిధిని ప్రవీణ్‌ ప్రకాశ్‌ టెక్ ఓవర్ యడం నిబంధనలకు విరుద్ధమన్నది ఆయన వాదన. అయితే ప్రవీణ్ ప్రకాష్, జగన్ కార్యాలయంలో పని చేస్తూ ఉండటంతో, ఆయన పై చర్యలు తీసుకునే విషయం పై, ఆచి తూచి స్పందిస్తున్నారు. అయితే ప్రవీణ్ చర్యలు ఇంతటితో ఆగకుండా, ఉప కార్యదర్శుల బదిలీలను తానే చేస్తానంటూ జారీ చేసిన జీవోపైనా, చీఫ్ సెక్రటరీకి కోపం వచ్చిందని, తరువాత క్య్బినేట్ లో ఒక అజెండా చేర్చే విషయం పై కూడా, తన అనుమతి తీసుకోలేదని, వ్యవహారం శ్రుతి మించుతూ ఉండటంతో, ఎల్వీ సుబ్రమణ్యం ఆయనకు జలక్‌ ఇస్తూ నోటీసులు జారీ చేసినట్లు ప్రచారం జరుగుతోంది.

గత అయుదు నెలలుగా, ఆంధ్రప్రదేశ్ రాష్ట్రంలో, తెలుగుదేశం పార్టీ నేతలను టార్గెట్ చేసుకుని, కక్ష సాధింపులకు పాల్పడుతున్నారు అంటూ, ప్రతి రోజు ఏదో ఒక వార్త వినిపిస్తూనే ఉంది. తెలుగుదేశం నేతలు, కార్యకర్తలే కాదు, తెలుగుదేశం పార్టీ సానుభూతి పరులను కూడా టార్గెట్ చేస్తున్నారు. అలాగే ప్రభుత్వం పై ఎవరైనా వ్యతిరేకంగా ఉంటే చాలు, వారి పని కూడా పడుతున్నారు. అలాగే రాష్ట్రంలో అనేక సమస్యలతో ప్రజలు కూడా ఇబ్బంది పడుతున్నారు. ఇసుక కొరత నుంచి, దాడులు దాకా, అన్నీ ఇబ్బందులే. ఈ సమస్యల పై, ఇటీవల తెలుగుదేశం పార్టీ నేతలు, రాజ్‌భవన్ కు వెళ్లి, గవర్నర్ బిశ్వభూషణ్ హరిచందన్‌ను కలిసారు. రాష్ట్రంలో జరుగుతున్న పరిస్థితుల పై, విజయవాడ టీడీపీ ఎంపీ కేశినేని నాని సారథ్యంలో, తెలుగుదేశం పార్టీ ఎమ్మెల్యేలు, ఎమ్మెల్సీలు, గవర్నర్ బిశ్వభూషణ్ హరిచందన్‌ ను కలిసి, ఫిర్యాదు చేసారు. ఈ సందర్భంలో, గవర్నర్ చేసిన వ్యాఖ్యలతో, టిడిపి నేతలు అవాక్కయ్యారు.

గవర్నర్ ని కలిసిన సందర్భంలో, ఆచార్య ఎన్‌జీ రంగా వ్యవసాయ విశ్వవిద్యాలయం వైస్ ఛాన్సలర్ దామోదర్ నాయుడు పై ఎస్సీ, ఎస్టీ కేసు పెట్టి, ఆయన్ను అరెస్ట్ చెయ్యటం పై, తెలుగుదేశం నేతలు గవర్నర్ ద్రుష్టికి తీసుకువెళ్ళారు. మా పైనే కాదని, చివరకు యూనివర్సిటీ వైస్ చాన్సెలర్ ను కూడా లోపల వేయటం ఏంటి అంటూ, ఆందోళన వ్యక్తం చేసారు. రాష్ట్రంలో విశ్వవిద్యాలయాలకు ఛాన్సలర్‌గా ఉండే వారు, ఏమైనా చేస్తే, ముందుగా గవర్నర్ కు చెప్పకుండా, గవర్నర్ అనుమతి లేకుండా, కేసు పెట్టి, అరెస్ట్ చెయ్యటం ఏమిటి అంటూ ప్రశ్నించారు. యూనివర్సిటీ వైస్ చాన్సెలర్ ను అరెస్ట్ చెయ్యటం పై, తక్షణం చర్యలు తీసుకోవాలంటూ, తెలుగుదేశం పార్టీ నేతలు, గవర్నర్ ను కోరారు.

అయితే ఈ సందర్భంలో, గవర్నర్ చేసిన వ్యాఖ్యలతో టిడిపి నేతలు కూడా అవాక్కయ్యారు. వైస్‌ ఛాన్సలర్‌ అరెస్టు వార్తను తాను కూడా పత్రికల్లో చూశానని గవర్నర్ చెప్పడంతో తెలుగుదేశం నేతలు అవాక్కయ్యారు. ఈ విషయాన్ని తెలుగుదేశం నేతలు, మీడియాతో పంచుకున్నారు. గవర్నర్ కు తెలియకుండా, ఆయన పరిధిలో ఉన్న అంశాలు కూడా, ఆయనకు చెప్పకుండా జరుగుతున్నాయని అన్నారు. గవర్నర్ అపాయింట్ చేసే, వైస్ చాన్సలర్, ఏమైనా తప్పు చేస్తే, ముందుగా గవర్నర్ కు చెప్పి, ఆయన అనుమతి తీసుకోవాలని అన్నారు. అలాగే గవర్నర్ అనుమతి లేకుండా, చీఫ్ సెక్రటరీకి కూడా చెప్పకుండా, బిజినెస్ రూల్స్ మార్చటం పై కూడా, తెలుగుదేశం నేతలు అభ్యంతరం చెప్తున్నారు. మొత్తానికి, గవర్నర్ కు కూడా తెలియకుండా, ఈ రాష్ట్రంలో చాలా జరుగుతున్నాయనే అభిప్రాయం కలుగుతుంది.