news

ఆంధ్రప్రదేశ్ రాష్ట్ర ఆర్ధిక పరిస్థితి, విభజన తరువాత, తారు మారు అయిన సంగతి తెలిసిందే. అయితే విభజన అయిన తరువాత చంద్రబాబు ఉండటంతో, ఆదాయం స్థిరంగా వస్తూ ఉండేది. జీతాలకు, సంక్షేమానికి ఇబ్బంది ఉండేది కాదు. దానికి తగ్గట్టుగానే, 11 శాతం వృద్ధి రేటు స్థిరంగా ఉండేది. ఇప్పుడు అధికారం మారటంతో, జగన్ మోహన్ రెడ్డి ప్రభుత్వం వచ్చింది. గడిచిన రెండు నెలలుగా ఆదాయం పూర్తిగా పడిపోయింది. వృద్ధి రేటు 11 శాతం నుంచి 5 శాతానికి పడిపోయింది. దీంతో ఈ నెల నుంచి, జగన మోహన్ రెడ్డి ఎంతో ప్రతిష్టాత్మికంగా చేద్దాం అనుకుంటున్న సంక్షేమ కార్యక్రమాలకు ఎక్కడ నుంచి ఫండ్స్ తేవాలో, అర్ధం కాక, అధికార యంత్రాంగం టెన్షన్ పడుతుంది. జగన్ మోహన్ రెడ్డి కూడా, ఈ విషయం పై ఆరా తీసారు. వచ్చే రెండు నెలల్లో తాను చేపట్టబోయే కార్యక్రమాలు చెప్తూ, అధికారులకు వివరించారు.

వచ్చే రెండు నెలల్లో ఆదాయం ఎంత రావచ్చు, ఖర్చులు ఎంత అనేవి లెక్క గడితే, దిమ్మ తిరిగే ఫిగర్ వచ్చింది. అయినా సరే, ఈ కార్యక్రమాల పై ముందుకు వెళ్ళాల్సిందే అంటూ జగన్ పట్టుబట్టటంతో, ఆదాయం ఎలా తీసుకురావాలి అనే విషయం పై అధికారులు కిందా మీద పడుతున్నారు. జగన్ ప్రభుత్వం వచ్చిన ఈ మూడు నెలల్లో, ఇప్పటిదాకా ప్రభుత్వం వివిధ రంగాల్లో నిర్దేశించుకున్న లక్ష్యం మేరకు రాబడి రాలేదు. దీంతో వచ్చే రెండు నెలలు పరిస్థితి అంచనా వేస్తె, రూ.12,220 కోట్లు లోటు ఉందనే అంచనాకు అధికారులు వచ్చారు. గడిచిన మూడు నెలల్లో కేవలం 5 శాతం వృద్ధి, ఇప్పుడు రాబోయే రెండు నెలల్లో 12 వేల కోట్లు లోటు అంటే, ఇక రాష్ట్ర ఆర్ధిక పరిస్థితి, ఎలా పాతాళానికి పడిపోతుందో చెప్పే పనే లేదు.

ప్రతి నేలా యావేరేజ్ న, 8,500 కోట్లు ఆదాయం అంచనా వేసారు. అలాగే నెలకు 3 వేల కోట్ల వరకు అప్పు తీసుకునే అవకాసం ఉంటుంది కాబట్టి, ఇది కూడా ప్రభుత్వం తీసుకుంటుంది. ఈ రెండు కలిపి, రూ.11,500 కోట్ల వరకు ఆదాయం అంచనా వేసారు. ఇక నెలకు అయ్యే ఖర్చు, జీతాలు, ప్రతి నెలా ఇచ్చే పెన్షన్లు కలుపుకుని 10 వేల కోట్ల దాకా అవుతుంది. అయితే ఇక్కడ వరకు అయితే పరవాలేదు. కాని, ఈ రెండు నెలల్లో అనేక కొత్త సంక్షేమ పధకాల కోసం ప్రభుత్వం ఆలోచిస్తుంది. పెట్టుబడి రాయితీ, తిత్లీ సాయం, వైఎస్‌ఆర్‌ బీమా, ట్యాక్సీ డ్రైవర్లకు సాయం, రైతు భరోసా, ఇలా అనేక పధకాలు మొదలు పెడుతున్నాం అని జగన్ చెప్తున్నారు. ఇవన్నీ లెక్కేస్తే, రెండు నెలలకు అయ్యే అధిక ఖర్చు, 15,220 కోట్లు. ఇప్పటికే సామర్ధ్యానికి మించిన అప్పులు తీసుకున్నారు. కొత్త అప్పులు వచ్చే అవకాసం లేదు. కేంద్రం సాయం చేసినా ఎంతో కొంత చేస్తారు కాని, 15 వేల కోట్లు అంటే మామూలు విషయం కాదు. మరి, ఈ డబ్బులు ఎక్కడ నుంచి సర్దుబాటు చేస్తారో చూడాలి.

పారదర్శకానికి ప్రభుత్వాలు పెద్ద పీట వేస్తున్న రోజులు ఇవి. దేశం మొత్తం ప్రభుత్వాలు, పారదర్శక పాలనకు పెద్ద పీట వేస్తున్నాయి. అటు కేంద్ర ప్రభుత్వం కూడా అన్నీ ఆన్లైన్ లో పెడుతూ ప్రజలకు అందుబాటులో పెడుతుంది. ఆంధ్రప్రదేశ్ లో పారదర్శకతకు పెద్ద పీట వేస్తారనే పేరు ఉండేది. ప్రతిదీ డాష్ బోర్డు కు అనుసంధానం అయి ఉంటాయి. రియల్ టైంలో, డేటా అంతా అప్డేట్ అవుతూ ఉంటుంది. దేశ వ్యాప్తంగా ఆంధ్రప్రదేశ్ రాష్ట్రానికి మంచి పేరు వచ్చింది. అయితే ప్రభుత్వాలు కొన్ని మాత్రం రహస్యంగా ఉంచుతూ ఉంటాయి. అవి అందరూ అర్ధం చేసుకోవాల్సిందే. అందుకే రహస్య జీవోలు వదులుతూ ఉంటారు. ఈ క్రమంలోనే గతంలో చంద్రబాబు ఎంత రియల్ టైం పాలన చేసినా, పరిపాలనలో భాగంగా కొన్ని రహస్య జీవోలు విడుదల చేసే వారు. అయితే అప్పట్లో ప్రతిపక్షంలో ఉన్న వైసీపీ ఇది ఆక్షేపించేది.

రియల్ టైం పాలన అంటూనే, రహస్య జీవోలు ఇస్తున్నారని, చంద్రబాబు ప్రభుత్వం ప్రజలకు ఎదో దాస్తుంది అంటూ, తమ సొంత మీడియాలో విపరీతమైన ప్రచారం చేసి, ప్రజలకు ఎదో జరిగిపోతుంది అనే భ్రమ కల్పించే వారు. అప్పటి ప్రతిపక్ష నాయకుడిగా ఉన్న జగన్ మోహన్ రెడ్డి కూడా, ఇదే విషయం పై తన పాదయాత్రలో ప్రస్తావిస్తూ, చంద్రబాబు రహస్య జీవోలు విడుదల చేస్తున్నారని, పరిపాలనలో రహస్యం అంటూ ఏమి ఉండదని, అన్ని విషయాలు ప్రజలకు చెప్పాలని, ఇది ప్రజలు ఎన్నుకున్న ప్రభుత్వం కాబట్టి, ప్రజలకు ఆ రహస్య జీవోల్లో ఉన్నది ఏమిటో చెప్పాలి అంటూ రాజకీయ అంశంగా మార్చి, ప్రచారం చేసే వాళ్ళు. ఇదే విషయన్ని ప్రశాంత్ కిషోర్ టీం కూడా, సోషల్ మీడియాలో తిప్పేది.

అయితే ఇప్పుడు చంద్రబాబు అధికారం కోల్పోయి, జగన్ మోహన్ రెడ్డి అధికారంలోకి వచ్చారు. మేము పారదర్శక పాలన అందిస్తామని చెప్పారు. అయితే అప్పట్లో ప్రభుత్వం చేసిన విధంగానే, ఇప్పుడు కూడా రహస్య జీవోలు విడుదల అవుతున్నాయి. అయితే పరిపాలనలో కొన్ని రహస్య జీవోలు సహజం. కాని, ఇక్కడ మాత్రం, అధికారంలోకి వచ్చిన 90 రోజుల్లోనే, 47 రహస్య జీవోలు జగన్ ప్రభుత్వం విడుదల చేసింది. ఇంత తక్కువ కాలంలో, ఇన్ని రహస్య జీవోలు విడుదల చెయ్యటం పై మాత్రం, కొన్ని అభ్యంతరాలు వ్యక్తం అవుతున్నాయి. ప్రతిపక్ష పార్టీలు కూడా, అన్ని రహస్య జీవోలు ఎందుకు వాదులుతున్నారో చెప్పాలని, అసలు ఆ జీవోల్లో ఏముందో ప్రజలకు చెప్పాలని కోరుతున్నారు. పోర్ట్ లపై వచ్చిన ఒక రహస్య జీవో, పెద్ద రాద్ధాంతం అయ్యింది. బందర్ పోర్ట్, తెలంగాణాకు ఇస్తూ, రహస్య జీవో విడుదల చేసారని టిడిపి గోల చెయ్యటంతో, కొన్ని రోజులకు ఆ జీవో అసలు ఇష్యూ చెయ్యనట్టు, ప్రభుత్వ వెబ్సైటు లో పెట్టటంతో, మరిన్ని అనుమానాలకు తావిచ్చింది.a

ఎన్నికల ముందు, జరిగిన జగన్ బాబాయ్, మాజీ మంత్రి వైఎస్ వివేకానందరెడ్డి హత్య, రాష్ట్రంలో ఎలాంటి సంచలనం సృష్టించిందో అందరికీ తెలుసిందే. అప్పట్లో జగన్ కూడా ఆయన బాబాయ్ హత్య పై సిబిఐ విచారణ జరపాలని ఆందోళన కూడా చేసారు. వివేక కూతురు కూడా, తన తండ్రిని చంపిన వారు ఎవరో తెలియాలి అంటూ ఆందోళన చేసారు. అయితే జగన్ ఇప్పుడు అధికారంలోకి వచ్చారు. ఆయన తలుచుకుంటే, నిమిషాల మీద సిబిఐ ఎంక్వయిరీ కోరవచ్చు. ఎందుకో కాని జగన్ ఆ విషయం మర్చిపోయారు. వివేక కూతురు కూడా, ఈ విషయం పై ఎక్కడా స్పందించలేదు. అయితే పోలీస్ విచారణ మాత్రం ఇంకా కొనసాగుతూనే ఉంది. ఈ నేపధ్యంలో, నిన్న అర్ధరాత్రి ఒక సంచలన వార్తా బయటకు వచ్చింది. వివేకా హత్యకేసులో, ఒక నిందితుడుగా ఉన్న వ్యక్తి రాత్ర ఆత్మహత్య చేసుకున్నాడు.

సింహాద్రిపురం మండలం కసునూరులో నిద్రమాత్రలు మింగిన శ్రీనివాసులరెడ్డి, కడప ఆసుపత్రిలో చికిత్సపొందుతూ మృతి చెందాడు. శ్రీనివాసులరెడ్డి వైఎస్ వివేక కేసులో ఒక నిందితుడుగా ఉన్నారు. ఆయన పోలీసులు పెట్టే వేధింపుల తట్టుకోలేక ఆత్మహత్య చేసుకున్నట్లు శ్రీనివాసులరెడ్డి సూసైడ్‌నోట్‌లో పేర్కొన్నాడు. వివేకా హత్య సుతో తనకు సంబంధం లేదని, అయినా తనను టార్చర్ పెడుతున్నారని లేఖలో పెర్కున్నారు. శ్రీనివాసులరెడ్డి రెండు సూసైడ్ నోట్ లు రాసారు. ఒకటి సీఎం జగన్‌, వైఎస్‌ భాస్కర్‌రెడ్డికి శ్రీనివాసులరెడ్డి వేరు వేరుగా లేఖ రాశాడు. సూసైడ్‌ నోట్‌ను గమనించిన డాక్టర్లు, వాటిని కుటుంబ సభ్యులకు అందచేసారు. సీఐ రాములు, శ్రీనివాసులరెడ్డిని తీవ్రంగా వేధించినట్లు కుటుంబ సభ్యులు ఆరోపిస్తున్నారు.

శ్రీనివాసులు రెడ్డి ఆత్మహత్యపై ఆయన కుమారుడు స్పందిస్తూ. ‘‘రెండ్రోజుల క్రితం పోలీసులు విచారణకు పిలిచారు. వివేకానందరెడ్డి హత్య కేసుతో సంబంధం లేకపోయినా విచారణ ఎదుర్కోవడంతో అవమానంతో ఆత్మహత్యకు పాల్పడ్డాడు. వైఎస్‌ కుటుంబం అంటే మా నాన్నకు చాలా అభిమానం’’ అని శ్రీనివాసులు రెడ్డి కుమారుడు పేర్కొన్నాడు. తన బావ అయిన శ్రీనివాసులరెడ్డిని, గత నెల రోజులుగా పోలీసులు వేధిస్తున్నారని, ఈ కేసులో అనుమానితుడిగా ఉన్న మరో నిందితుడు పరమేశ్వర్‌రెడ్డి వాపోయాడు. వైఎస్‌ కుటుంబానికి 30 ఏళ్లుగా మేము సేవ చేస్తున్నామని, ఈ కేసుతో మాకు సంబంధం లేకపోయినా, నార్కో పరీక్షల కోసం తనను గుజరాత్‌ తీసుకెళ్లారని కన్నీటి ఆవేదన వ్యక్తం చేసారు. అయితే, ఈ ఆత్మహత్య పై పలు అనుమానాలు కూడా ఉన్నాయని, అవి పోలీసులు విచారణలో బయట పెట్టాలని, పలువురు వాపోతున్నారు.